سابق وزیر اعظم و مسلم لیگ (ن) کے سینئر نائب صدر شاہد خاقان عباسی نے کہا کہ عدلیہ کو چاہیے کہ یہ عوام کا اعتماد بحال کریں، جس ملک میں انصاف کا نظام ختم ہوجائے وہ ملک نہیں چلتا، یہ ہم سب کے لیے لمحہ فکریہ ہے۔

باغی ٹی وی : اسلام آباد میں میڈیا سے گفتگو کرتے ہوئے چیئرمین نیب کی تعیناتی کے حوالے سے شاہد خاقان عباسی کا کہنا تھا کہ حکومت نے آرڈیننس لاکر چیئرمین نیب کی تعیناتی کا نظام بدل دیا ہے، اس میں صدر مملکت ملوث ہیں، پہلے انہوں نے آرڈیننس پر دستخط کیے پھر دندان سازی سے کچھ وقت نکال کر انہوں نے اپوزیشن کو خط لکھا، اس خط کا جواب دینے کا فیصلہ آج اپوزیشن کے مشترکہ اجلاس میں ہوگا۔

لیگی رہنماؤں کے بیانات نے ن لیگ میں تقسیم کو مزید واضح کردیا،فواد چوہدری

لیگی رہنما کا کہنا تھا کہ اگر ملک میں کوئی جمہوریت ہوتی تو وزیر اعظم آج استعفیٰ دے کر گھر چلے جاتے لیکن ملک میں ایسی کوئی روایت نہیں ہے، یہاں بس کرسیوں سے چمٹنےکی روایت ہے ہمارے ملک کے وزیر اعظم نے خوشخبری دی ہے کہ امریکا میں بھی مہنگائی بڑھ رہی ہے لیکن ہم امریکا میں نہیں پاکستان میں رہتے ہیں، وہاں اشیائے خورونوش کی قیمت میں 2 فیصد جبکہ پاکستان میں 17 فیصد اضافہ ہوا ہے، وہاں فی کس آمدنی 20 ہزار ڈالر سے زائد ہے اور پاکستان میں 2 ہزار ڈالر سے کم ہے۔

او آئی سی اجلاس کا مقصد افغانستان کی سنگین صورتحال پرغور کرنا ہے ،وزیر خارجہ

انہوں نے کہا کہ جن حکمرانوں کو عوام کی پرواہ نہیں انہیں اقتدار میں آنے کا حق ہے نہ ہی یہاں رہنے کا حق ہے، میں بار بار کہہ چکا ہوں کہ جس دن ہاتھ اٹھے گا حکومت ایک دن بھی نہیں رک پائے گی حکومت بے ساکھیوں پر ہے اور اب یہ بے ساکھیاں ہٹانے کی ضرورت ہے، ملک میں ایک سے بڑھ کر ایک اسکینڈل سامنے آرہا ہے، براڈشیٹ تو چیف جسٹس کا بیان لیکن وہ اعلیٰ عدالتیں جو اقامے کی فیس نہ لینے پر حکومت توڑ دیا کرتی تھی آج خاموش بیٹھی ہیں، کیا یہ انصاف کا دوہرا نظام نہیں ہے؟عدلیہ کو چاہیے کہ یہ عوام کا اعتماد بحال کریں، جس ملک میں انصاف کا نظام ختم ہوجائے وہ ملک نہیں چلتا، یہ ہم سب کے لیے لمحہ فکریہ ہے۔

ای وی ایم پر شفاف انتخابات کو یقینی بنائیں گے،وزیر بلدیات پنجاب

پنجاب میں شہباز شریف کی جانب سے کروائے جانے والے پولیس مقابلوں سے متعلق سوال پر مسلم لیگ (ن) کےرہنما نے کہا کہ جو شخص خود کام نہیں کرتا اس کا یہی طریقہ ہوتا ہے کہ دوسروں پر الزام لگائے، اس حکومت سے گزارش ہے کہ ایک کام بتادیں جو انہوں نے کیا ہو ان کا کام صرف گالیاں دینا ہے، جو بھی پولیس مقابلے ہوئے ہیں ان کا ریکارڈ موجود ہے، دیکھ سکتے ہیں اور عدالتوں میں چیلنج کر سکتے ہیں یہ دوسروں کے کاموں کا سہرا اپنے سر سجانے کی کوشش کرتے ہیں، کوئی ایسا منصوبہ نہیں جو انہوں نے شروع کیا ہو، انہوں نے بس منصوبے ختم کیے ہیں کچھ روز میں وزیر اعظم اسکردو تشریف لے جارہے ہیں اور وہاں مسلم لیگ (ن) کے منصوبے کا افتتاح کریں گے۔

پیسوں کی وجہ سے پی ایس ایل 7 سے دستبردار نہیں ہوا، کامران اکمل

مانیٹری پالیسی کے حوالے سے کیے گئے ایک سوال کے جواب میں خاقان عباسی کا کہنا تھا کہ اسٹیٹ بینک آزاد ہے، حکومت اس کا کچھ نہیں کر سکتی ہے اسٹاک مارکیٹ گر گئی ہے، اور ملک کی سرمایہ کاری آدھی رہ گئی ہے، ڈالر 75 فیصد بڑھ چکا ہے، اسٹیٹ بینک کو جو کرنا ہے کرے تحریک عدم اعتماد وہاں آتی ہے جہاں ملک میں کوئی نظام ہوتا ہے، یہاں کوئی نظام نہیں ہے۔

بلوچستان:پاک ایران سرحد چوکی پردہشت گردوں کا حملہ، لانس نائیک شہید

وزیر بلدیات پنجاب میاں محمود الرشید کا کہنا ہے کہ ہماری کوشش ہے کہ بلدیاتی انتخابات ای وی ایم سے ہوں۔

باغی ٹی وی : ترجمان پنجاب حکومت حسان خاور کے ہمراہ میڈیا سے گفتگو کرتے ہوئے صوبائی وزیر بلدیات میاں محمود الرشید نے کہا ہے کہ پنجاب میں بلدیاتی انتخابات الیکٹرانک ووٹنگ مشینوں کے ذریعے کرانے کے لیے الیکشن کمیشن سے مذاکرات جاری ہیں۔

او آئی سی اجلاس کا مقصد افغانستان کی سنگین صورتحال پرغور کرنا ہے ،وزیر خارجہ

انہوں نے کہا کہ اسلام آباد میں بلدیاتی انتخابات ای وی ایم سے ہوں گے ہماری بھی کوشش ہے کہ پنجاب میں ای وی ایم کے ذریعے شفاف انتخابات ہوں پنجاب میں تاریخی بلدیاتی نظام ہم لا رہے ہیں جبکہ پنجاب کی تاریخ میں پہلی دفعہ عوام اپنے نمائندے براہ راست منتخب کرنے جارہے ہیں۔

ان کا کہنا تھا کہ ہر ڈسٹرکٹ کے اندر گیارہ شہروں کے مئیرز براہ راست عوام منتخب کریں گے تین ہزار چار سو چونسٹھ دیہاتوں میں ویلج کونسلز قائم ہوں گی میٹرو پولیٹن کونسل میں واسا، پارکنگ، ایل ڈبلیو ایم سی مئیر کے ماتحت ہوں گے ضلع کی سطح پر پانچ اتھارٹیز بھی ڈسٹرکٹ سربراہ کے ماتحت ہوں گی، ضلعی کابینہ میں خواتین اور ٹیکنوکریٹس بھی ہوں گے

وزیر بلدیات پنجاب میاں محمود الرشید نے کہا کہ لارڈ میئر کے لئے پارٹی نے کسی کا نام طے نہیں کیا، نام کے لیے غور جاری ہے ای وی ایم پر شفاف انتخابات کو یقینی بنائیں گے، ہمارا ایکٹ اور آرڈیننس ماضی سے مختلف ہے۔

اس موقع پر ترجمان پنجاب حکومت حسان خاور کا کہنا ہے کہ پنجاب میں بلدیاتی قوانین کے حوالے سے قانون سازی ہورہی ہے، یہ صوبے پنجاب کے لئے ایک تاریخی قانون ثابت ہوگا۔

انہوں نے کہا کہ بلدیاتی ادارے خود عوام کے مسائل حل کریں گے، لوکل گورنمنٹ میں تاجر طبقے کو بھی خصوصی جگہ دے رہے ہیں، لوکل گورنمنٹ میں معاشرے کے ہر طبقے کا نمائندہ لیا گیا ہے۔

کیٹیگری سی ممالک میں پھنسے پاکستانیوں کو 31 دسمبر تک وطن واپسی کی اجازت