اینکر پرسن و صحافی مبشر لقمان کا کہنا ہے کہ معروف بھارتی ’کپل شرما شو‘ نسیم وکی کے بغیر چل ہی نہیں سکتا –

باغی ٹی وی : اینکر پرسن و صحافی مبشر لقمان کے آفیشل یوٹیوب چینل شو نیور مائنڈ شو میں شرکت کی جہاں انہوں نے دلچسپ سوالات کے جوابات دیئے اور بھارت میں کام کرنے کے تجربے کی بارے اور اپنی فلم کے بارے میں بھی بات کی-

شو کے دوران شو کے تجزیہ کار مبشر لقمان نے انکشاف کیا کہ بھارتی مقبول ترین شو کپل شرما شو کو مکمل طور پر لے کر آگے بڑھنے والے اس شو کے مصنف اور شو کو ڈیزائن کرنے والے نسیم وکی ہی ہیں-

جس کے بعد شو کی میزبان کائنات کاظمی نے نسیم وکی سے سوال پوچھا کہ آپ نے جب کپل شرما شو کے لئے اتنی محنت کی تو پھر آپ نے شو کو کیوں چھوڑ دیا تھا-

جس پر نسیم وکی کا کہنا تھا کہ دیکھئے وہ ان کا ملک ہے ہمارا ملک پاکستان ہے اور ہمارا بھارت میں آنا جانا اتنا ہی ہے جتنا برداشت ہو سکتا ہے اس میں جوہماری حد ہے اس میں کچھ حد تک تو اس ملک میں جایا جا سکتا ہے-

جس طرح راحت اندوری کا شعر ہے سرحدوں پر بہت تناؤ ہے ،چیک تو کرو کوئی چناؤ ہے- تو جب چناؤ کی بات آتی ہے تو اس طرح کی ہی حرکتیں ہوتی ہیں-

مبشر لقمان کا کہنا تھا کہ کپل شرما شو بند ہو گیا ہے نسیم وکی کے بغیر نہیں چل سکتا وہ شو جو ان کا نمبر ون کامیڈین اور سٹار بنا ہوا تھا اس کے(کپل شرما) پاس ورائٹی ہی نہیں ہے کوئی-

ایک سوال کے جواب میں نسیم وکی نے کہا کہ ہر شہر کی اپنی ایک پہچان ہوتی ہے جیسے ملتان کا سوہن حلوہ ؛سرگودھا کا ٹوٹا ہے ، کراچی کی لیاری ہے اس طرح فیصل آباد کی جگت بازی مشہور ہے-

نسیم وکی نے بتایا کہ انہوں نے سوری بابا کے نام سے ایک فلم لکھی تھی اس کے پروڈیوسر چوہدری کامران صاحب ہیں اور ہو سکتا ہے اس میں ایک اور بہت بڑی سلیبرٹی بھی نظر آئے جبکہ فلم میں میوزک راحت فتح علی خان ترتیب دیں دے-

اس دوران مبشر لقمان نے انکشاف کیا کہ نسیم وکی کی فلم میں ان کا بھی کردار ہے ان کا مزید کہنا تھا کہ انہوں نے بھارتی فلم منا بھا ئی ایم بی بی ایس کے بعد اگرکوئی اسکرین پلے اچھا دیکھا ہے تو وہ نسیم وکی کا ہے-

نسیم وکی کے مطابق مبشر لقمان کا کہنا تھا اگر آپ کی فلم میں انہیں بھی انویسٹمنٹ کرنی پڑی وہ بھی کریں گے-

پاکستان شوبز انڈسٹری کی ناموراداکارہ اور مارننگ شو کی میزبان صنم جنگ کو اپنی طلاق سے متعلق خبروں پر وضاحت کیوں دینی پڑی اداکارہ نے بتا دیا-

باغی ٹی وی : گزشتہ ماہ اداکارہ صنم جنگ کی شوہر قسام سے علیحدگی کی خبریں سوشل میڈیا پر گردش کررہی تھیں جس پر صنم جنگ نے کہا تھا کہ وہ اپنے شوہرکے ساتھ خوشگوار زندگی گزاررہی ہیں اور اگر ہماری کبھی طلاق ہوئی بھی تو لوگوں کی وجہ سے ہوگی لہذا اس طرح کی افواہیں پھیلانے سے گریزکیا جائے توبہترہے۔

اداکارہ نے حال ہی میں نجی ٹی وی چینل پراھسن خان کے شو ’ٹائم آؤٹ ود احسن خان‘ میں شرکت کی جہاں انہوں نے میزبان کی جانب سے پوچھے گئے سوال پر کہ آپ کو پہلی بار کسی افواہ کا سامنا کرنا نہیں پڑا لیکن آپ ایسی افواہوں پر ردعمل نہیں دیتی تو اس بار آپ کو اپنی طلاق سے متعلق خبروں پر وضاحت کیوں دینی پڑی۔

جس پر صنم جنگ نے جواب دیا کہ میں نے اپنی طلاق سے متعلق وضاحت اس لیے کی کیوںکہ ہمارے گھر میں ان جھوٹی خبروں کی وجہ سے مسائل پیدا ہورہے تھے اور میری ساس کو کالز موصول ہونا شروع ہوگئی تھیں کیا قسام نے دوسری شادی کرلی؟

صنم جنگ نے بتایا کہ امریکا میں موجود میرے شوہر کو بھی اس طرح کی کالز گئیں جس سے وہ پریشان ہوگئے اور مجھے کہا کہ یہ سب کیا ہورہا ہے یہی نہیں دور دراز سے لوگ اور خاص طور پر خاندان والے مسلسل فون کررہے تھے جس پر مجھے وضاحت دینی پڑی کیوںکہ معاملہ بہت سنجیدہ ہورہا تھا۔

اداکارہ نے کہا کہ سب کو یہ پریشانی ہے کہ میں اور قسام ساتھ کیوں نہیں رہتے تو اس کی پیچھے بہت لمبی کہانی ہے کہ ہم ساتھ کیوں نہیں رہتے اور وہ میں بتانہیں سکتی تاہم مختصراً کہ وہ اپنی جاب کے سلسلے میں وہاں رہتا ہے اور ہم کچھ وقت کےلیے یہاں پر ہیں اورلہذا جلد وہاں شفٹ ہوجائیں گے-

خیال رہے کہ صنم جنگ نے چند سال قبل سید عبدل قسام جعفری سے شادی کی تھی جن کا شوبز سے کوئی تعلق نہیں صنم جنگ کو شوہر سے پہلی بیٹی 2016 کے اختتام پر ہی ہوئی تھی –

صنم جنگ کی طلاق کی خبروں پر وضاحت

اداکارہ و میزبان صنم جنگ کی طلاق کی خبریں وائرل

سوشل میڈیا پر طلاق کی افواہیں صنم جنگ کا بیان سامنے آ گیا

پاکستان فلم انڈسٹری کے سینئر اداکار اورملکہ ترنم میڈم نور جہاں کے شوہر اعجاز درانی طویل علالت کے بعد 86 برس کی عمر میں چل بسے-

باغی ٹی وی :اہل خانہ کے مطابق اعجاز درانی کی عمر 86برس تھی، وہ طویل عرصے سے بیمار تھے اعجاز درانی کی نماز جنازہ بعد نماز ظہر گارڈن ٹاؤن میں ادا کی جائے گی۔

اعجاز درانی نے فلم ’ہیر رانجھا ‘ میں رانجھا کا کردار ادا کیا تھا جس نے انہیں شہرت کی بلندیوں تک پہنچا دیا-

اعجاز درانی کی پیدائش جلال پور جٹاں کے نواحی گاؤں میں 1935ء میں ہوئی۔ ہدایت کار منشی دل کی 1956ء میں ریلیز ہونے والی فلم ’حمیدہ‘ میں وہ بہ طور ساتھی اداکار متعارف ہوئے-

فلم ساز داؤد چاند کی اردو فلم ’مرزا صاحباں‘ میں بھی وہ سائیڈ ہیرو تھے تاہم 1957 میں ڈائریکٹر ہمایوں مرزا کی فلم ’بڑا آدمی‘ میں بطور ہیرو پہلی مرتبہ جلوہ گر ہوئے-

کامیاب اداکار ہونے کے ساتھ ساتھ اعجاز درانی نہایت کامیاب ڈسٹری بیوٹر اور نہایت منتظم منصوبہ بندی کے ساتھ فلم سازی کے فن میں بہترین صلاحیتوں کا شعور رکھتے تھے-

’دوستی‘، ’ہیر رانجھا‘، ’شعلے‘ جیسی باکس آفس پر تہلکہ مچا دینے والی فلمیں بحیثیت فلم ساز ان کی صلاحیتوں کا منہ بولتا ثبوت ہیں-

انہوں نے پہلی شادی ملکہ ترنم نور جہاں سے اور دوسری شادی فردوس سے کی لیکن دونوں شادیاں طلاق پر ختم ہوئیں۔

بالی ووڈ کے معروف فلمساز مہیش بھٹ کی بیٹی اور ہدایتکارہ پوجا بھٹ کی بہن اداکارہ عالیہ بھٹ نے بھی پروڈکشن ہاؤس کھول لیا۔

باغی ٹی وی : بالی ووڈ میں اپنی بے مثال اداکاری سے فلموں میں جلد ہی اپنی پہچان بنانے والی اداکارہ نے اب اداکاری کے ساتھ ساتھ کرئیرمیں ایک بڑا موڑلے لیا۔

بالی ووڈ اداکارہ نے انسٹا گرام پرمداحوں کو بتایا کہ انہوں نے اپنا پروڈکشن ہاؤس کھول لیا، جس پر وہ بہت خوش ہیں۔ ان کے پروڈکشن ہاؤس کا نام ’اٹرنل سن شائن‘ ہے۔

اداکارہ نے مداحوں سے مخاطب ہوتے ہوئے کہا کہ آئیے آپ کوکہانیاں سناتے ہیں، خوشگوار کہانیاں، مبہم کہانیاں، حقیقی کہانیاں اور لازوال کہانیاں۔

عالیہ بھٹ نے انسٹاگرام پر ایک پروجیکٹ ’ڈارلنگز ‘ کا پرومو جس کا عنوان ’عورتوں کا اپمان کرنا آپکی صحت کے لئے بہت ہانیکارک ہو سکتا ہے‘ شئیر کرتے ہوئے بتایا کہ اسے گوری خان کے پروڈکشن ریڈ چلی انٹرٹینمنٹ اوراٹرنل سن شائن کے بینر تلے بنایا جائے گا-

اس کے عنوان سے اندازہ لگایا جا سکتا ہے کہ اس مختصر پروجیکٹ معاشرے میں عورتوں کے ساتھ کئے جانے والے ناروا سلوک کو اجاگر کیا جائے گا-

اس میں خود عالیہ بھٹ، شیفالی شاہ ، وجے ورما، اور روشن مہتا اداکاری کے جوہر دکھائیں گے جبکہ است پروڈیوس شاہ رخ خان کی اہلیہ گوری خان ، عالیہ بھٹ اور گوروورما کریں گے جبکہ اس کو ڈائریکٹ جسمیت کے رین کریں گی-

اداکارہ نے پرومو شئیر کرتے ہوئے فلم کے بارے میں صرف اتنا بتایا کہ یہ کامیڈی ہے لیکن تھوڑی ڈارک ہے-

عالیہ بھٹ کی فلم گنگو بائی کاٹھیاواری کی ریلیز کی تاریخ سامنے آ گئی