لاہور: مسلم لیگ ن کی سیکرٹری اطلاعات مریم اورنگزیب کا کہنا ہے کہ ہم نے الزامات لگنے پر عدالتوں کا سامنا کیا لیکن نو مئی جیسے واقعات کا نہیں سوچا، چیئرمین نیب اور ڈی جی نیب ہمیں دھمکیاں دیتے تھے، چیئرمین نیب کو طیبہ گل کے ذریعے بلیک میل کیا گیا-

باغی ٹی وی : لاہور میں پریس کانفرنس کرتے ہوئے مسلم لیگ ن کی سیکرٹری اطلاعات مریم اورنگزیب کا کہنا تھا کہ گزشتہ پانچ برس نظام کے ساتھ جو کھلواڑ کیا گیا اسے پورے ملک نے دیکھا، نواز شریف کو بیٹے سے تنخواہ نہ لینے پر اقتدار سے الگ کیا گیا اور شہباز شریف کو سیاسی بنیادوں پر جیل میں ڈالا گیا ، جب انہیں یہاں کچھ نہیں ملا تو اپنے ملک کی تضحیک کرنے کیلیے تو یہ "این سی اے” جا پہنچے اور انویسٹیگیشن کے دوران غیرقانونی دستاویزات وہاں بھیجی گئیں , لیکن وہاں کی عدالت ” این سی اے” سے بھی انکو منہ پر چپیڑ پڑی این سی اے نے بھی کہا کوئی کرپشن، منی لانڈرنگ نہیں ہوئی۔

سیکرٹری اطلاعات مسلم لیگ ن نے کہا کہ پچھلے 5 , 6 سال اس ملک کے نظام انصاف کیساتھ , پاکستان کے عوام کیساتھ اور پاکستان کے اندر اس وقت کی اپوزیشن کے ساتھ جو کھلواڑ ہوتا رہا وہ نہ صرف پورے پاکستان نے دیکھا بلکہ وہ تماشہ جان بوجھ کر ملک کی تضحیک کرنے کیلیے بین الاقوامی عدالتوں تک بھی لے جایا گیا-

9 مئی واقعات: ایک اور روپوش پی ٹی آئی رہنما گرفتار

ان کا کہنا تھا کہ ن لیگ کی قیادت کو سیاسی انتقام کا نشانہ بنایاگیا، شہباز شریف کو صاف پانی میں بلایا گیا، اور آشیانہ کے جھوٹے کیس میں گرفتار کیا گیا، گزشتہ روز شہبازشریف ایک بار پھرعدالتوں میں سرخروہوئے، پچھلے 6،5 سال ملک کے نظام انصاف کے ساتھ کہلواڑ کیا گیا، لیکن اب نظام انصاف اپنے اوپر لگے دھبے دھورہا ہے تاثر دیا جا رہا ہے لاڈلے ہیں فیصلے حق میں آ رہے ہیں 7,7 سال کی پیشیاں , 2 ,2 سال کی قیدیں , سزائیں موت کی چکیاں , کال کوٹھڑیاں بھگت کر , جھوٹے مقدمات میں الزامات کا جواب دے کر اگر آج سرخرو ہورہے ہیں تو کیا یہ لاڈلہ پن ہے؟-

انہوں نے کہا کہ احد چیمہ صاحب جنہوں نے جس طرح پنجاب میں شہبازشریف صاحب کے وژن پہ عملدرآمد کیا چاہے وہ انرجی کے پروجیکٹس ہوں , چاہے وہ میٹر کے پروجیکٹس ہوں , چاہے وہ اورنج ٹرین کے پروجیکٹس ہوں , چاہے وہ ڈویلپمنٹ کے پروجیکٹس ہوں ان کی پنجاب میں مثال نہیں ملتی شہبازشریف کا ساتھ دینے پر احد چیمہ صاحب کو بھی گرفتار کیا گیا کل انکو بھی اللہ تعالیٰ نے سرخرو کیا۔

فلسطین کا مسئلہ حل کیے بغیر امن قائم نہیں ہو سکتا،رہنما جماعت اسلامی لیاقت بلوچ

مریم اورنگزیب کا کہنا تھا کہ کہاں ہیں وہ چہرے جو وزیر اعظم ہاؤس میں بیٹھ کر گمراہ کرتے تھے، اگر کرپشن کی گئی ہو تو نو مئی جیسے معاملات ہوتے ہیں، سلمان شہباز پر کیس بنائے گئے کہ آف شورکمپنیاں بنائی ہیں، حمزہ شہباز، احدچیمہ کو 2،2 سال قید میں رکھا گیا، شہزاداکبر مریم نواز کے کمرے میں کیمرے لگا کر دیکھتا تھا، شہزاد اکبر کا نام لینے کو بھی اپنی بےعزتی سمجھتی ہوں، ان کو شرم نہیں آتی، آج یہ لوگوں کا سامنا نہیں کرسکتے۔

لاہور :آج جماعت اسلامی کی جانب سے غزہ مارچ کا انعقاد کیا جا رہا ہے جس سے فلسطینی مزاحمتی تنظیم حماس کے سیاسی ونگ کے سربراہ اسماعیل ہنیہ بھی ویڈیو لنک کے ذریعے خطاب کریں گے۔

باغی ٹی وی:امیر جماعت اسلامی پاکستان سراج الحق کا غزہ مارچ لاہور کے حوالے سے منصورہ میں پریس کانفرنس سے خطاب میں کہنا تھا کہ زندہ دلان لاہور کا 19 نومبر کو غزہ مارچ عالم اسلام کے تمام پروگرامات میں ان شاءاللہ سب سے بڑا پروگرام ثابت ہوگا، اس سے پاکستان کو دنیا میں عزت اور لاہور کو نیا نام ملے گا،19 نومبر کو لاہور کے نوجوانوں، بزرگوں، ماؤں بہنوں بیٹیوں کا غزہ مارچ میں شرکت کے لیے منتظر ہوں، آپ کا استقبال کروں گا۔

سراج الحق کا کہنا تھا کہ غزہ پر بمباری کو 43 روز گزر گئے، اسرائیلی افواج نے چارہزار بچے شہید کر دیے،ملک میں جماعت اسلامی فلسطین کے لیے بھرپور آواز اٹھا رہی ہے،ہم اتوار (کل) کو لاہور میں تاریخی اور فقید المثال غزہ مارچ کا انعقاد کریں گے،لاہور غزہ مارچ اہل فلسطین کے لیے پیغام ہو گا، پاکستانی ان کے ساتھ ہیں،لاہور غزہ مارچ پاکستان اور دیگر اسلامی ممالک کے حکمرانوں کو جگانے کے لیے ہے،اہلیان لاہور سے اپیل ہے کہ فیملیز سمیت غزہ مارچ میں شرکت کریں۔

فلسطینیوں کے حق میں پوسٹ شیئر کرنےپر ایکس اکاؤنٹ معطل کر دیا جائے گا،ایلون …

ترجمان جماعت اسلامی کا اس حوالے سے کہنا ہے کہ اسرائیل امریکا کی پشت پناہی سے غزہ کے مسلمانوں پر مسلسل بمباری کر رہا ہے، غزہ مارچ کا پیغام ہے کہ ہم فلسطینیوں کو تنہا نہیں چھوڑیں گے۔

لاہور میں میڈیا سے گفتگو کرتے ہوئے جماعت اسلامی کے مرکزی رہنما لیاقت بلوچ نے کہا کہ غزہ کی سرزمین پر 6 ہزار بچے شہید ہو گئے، فلسطینیوں کی نسل کشی کی جا رہی ہے، انسانیت سے ہمدردی رکھنے والے آج سراپا احتجاج ہیں، دنیا بھر میں مسلمانوں اور غیر مسلموں نے فلسطینیوں سے بے مثال محبت کا اظہار کیا، فلسطین کا مسئلہ حل کیے بغیر امن قائم نہیں ہو سکتا، پوری دنیا بدامنی سے دو چار ہو رہی ہے، دنیا پر تیسری عالمی جنگ کے خطرات منڈلا رہے ہیں، یہ صورتحال ایک ایٹمی جنگ کی طرف جا سکتی ہے۔

غزہ:اقوام متحدہ کے زیرانتظام اسکول پر اسرائیل کی بمباری، 200 فلسطینی شہید

انہوں نے کہا کہ او آئی سی کے سربراہوں نے مایوس کیا ہے، غزہ میں خوراک، پانی اور ادویات کی قلت ہے، امریکا، برطانیہ اور یورپی ممالک اپنے خلاف نفرت بڑھا رہے ہیں، مستحکم اسلامی پاکستان عالم اسلام میں اپنی عزت کا مقام بنا سکتا ہے حماس اور فلسطینیوں کو یقین دلاتے ہیں کہ 25 کروڑ پاکستانی آپ کے ساتھ ہیں، آج کا غزہ مارچ عظیم الشان ہو گا۔