Baaghi TV

Author: Ayesha Rehmani

  • رویت ہلال کی تشکیل نو کا بل منظور، جھوٹی شہادت دینے پر 3 سال قید اور 50 ہزار تک کا جرمانے کا فیصلہ

    رویت ہلال کی تشکیل نو کا بل منظور، جھوٹی شہادت دینے پر 3 سال قید اور 50 ہزار تک کا جرمانے کا فیصلہ

    اسلام آباد: حکومت کی طرف سے رویت ہلال کمیٹی کی تشکیل نو کے حوالے سے پاکستان رویت ہلال بل 2023 قومی اسمبلی میں منظور کرلیا گیا-

    باغی ٹی وی:قومی اسمبلی میں منظور کردہ بل کے مطابق 15 رکنی وفاقی کمیٹی کا قیام عمل میں لایا جائے گا جو وفاقی رویت ہلال کمیٹی کے طور پر کام کرے گی،وفاقی رویت ہلال کمیٹی میں چاروں صوبوں سے 2,2 علمائے کرام جبکہ اسلام آباد، گلگت بلتستان اور آزاد کشمیر سے ایک ایک علماء شامل ہوں گے جب کہ ہر صوبہ ضلعی رویت ہلال کمیٹی تشکیل دے گا جو 6 ارکان پر مشتمل ہوگئی-

    پٹرولیم مصنوعات کے بعد آٹے اور ایل پی جی کی قیمت میں بھی بڑی کمی

    وفاقی کمیٹی کے چیئرمین اور ارکان کیلئے ایم اے اسلامیات اور 15 سال تجربہ لازمی قرار دیا گیا ہے اسلام آباد کی کمیٹی 7 ارکان پر مشتمل ہوگی جس میں چیئرپرسن بھی شامل ہوگا وفاقی کمیٹی میں محکمہ موسمیات، وزارت مذہبی امور، سائنس اینڈ ٹیکنالوجی اور سپارکو کی بھی نمائندگی ہوگی جبکہ کمیٹی کی معیاد 3 سال رکھی گئی ہے۔

    رویت ہلال بل کے مطابق چاند دیکھنے کی جھوٹی شہادت دینے پر 3 سال قید اور 50 ہزار تک کا جرمانے کا فیصلہ کیا گیا ہےاسی طرح عید کے موقع پر چاند دیکھنے کیلئے غیر سرکاری کمیٹیوں پر بھی پابندی ہوگی احکامات کی خلاف ورزی پر 5 لاکھ تک کا جرمانہ کیا جائے گا۔

    فیڈرل شریعت کورٹ کے نئے چیف جسٹس اقبال حمید الرحمان نے عہدے کا حلف اٹھا …

    بل کے مطابق سرکاری اعلان سے پہلے الیکٹرانک میڈیا پربھی چاند نظر آنے کی خبر دینے پرپابندی عائد ہوگئی، خلاف ورزی پر پیمرا مذکورہ چینل کو 10 لاکھ روپے جرمانہ کرے گا۔

  • فیڈرل شریعت کورٹ کے نئے چیف جسٹس اقبال حمید الرحمان نے عہدے کا حلف اٹھا لیا

    فیڈرل شریعت کورٹ کے نئے چیف جسٹس اقبال حمید الرحمان نے عہدے کا حلف اٹھا لیا

    اسلام آباد: فیڈرل شریعت کورٹ کے نئے چیف جسٹس اقبال حمید الرحمان نے عہدے کا حلف اٹھا لیا انہیں 3 سال کے لئے چیف جسٹس فیڈرل شریعت کورٹ تعینات کیا گیا ہے۔

    باغی ٹی وی: چیف جسٹس فیڈرل شریعت کورٹ اقبال حمید الرحمان کی تقریب حلف برداری سپریم کورٹ اسلام آباد میں ہوئی، چیف جسٹس پاکستان عمر عطا بندیال نے ان سے حلف لیا تقریب میں سپریم کورٹ کے ججز اور اٹارنی جنرل شریک ہوئے۔

    بغیر اطلاع غیر حاضر،درخواست گزار کے وکیل اظہر صدیق کوجرمانہ

    علاوہ ازیں حلف برداری تقریب میں شرکت کرنیوالوں میں جسٹس قاضی فائز عیسیٰ، جسٹس سردار طارق، جسٹس اعجاز الاحسن، جسٹس منصور، جسٹس منیب اختر، جسٹس یحییٰ آفریدی، جسٹس امین الدین، جسٹس مظاہر نقوی، جسٹس جمال خان مندوخیل، جسٹس محمد علی مظہر، جسٹس شاہد وحید اور جسٹس حسن اظہر رضوی سمیت دیگر شامل تھے۔

    پٹرولیم مصنوعات کے بعد آٹے اور ایل پی جی کی قیمت میں بھی بڑی کمی

    یاد رہے کہ جوڈیشل کمیشن نے 15 مئی کو اقبال حمیدالرحمان کو چیف جسٹس وفاقی شریعت کورٹ بنانے کی منظوری دی تھی، بعد ازاں صدر مملکت عارف علوی نے بھی ان کی تعیناتی کی منظوری دے دی تھی صدر مملکت نے اقبال حمیدالرحمان کی بظور چیف جسٹس فیڈرل شریعت کورٹ تعیناتی کی منظوری آئین کے آرٹیکل 175 اے 13 کے تحت دی ہے اس حوالے سے وزارت قانون وانصاف نے باضابطہ نوٹی فکیشن بھی جاری کیا تھا-

    بھارتی فضائیہ کا تربیتی طیارہ دوران پرواز گرکرتباہ

    واضح رہے کہ جسٹس اقبال حمید الرحمان اس سے قبل سپریم کورٹ آف پاکستان میں بھی ججز کے فرائض انجام دے چکے ہیں۔

  • پٹرولیم مصنوعات کے بعد آٹے اور ایل پی جی کی قیمت میں بھی بڑی کمی

    پٹرولیم مصنوعات کے بعد آٹے اور ایل پی جی کی قیمت میں بھی بڑی کمی

    اسلام آباد،لاہور: پیٹرولیم مصنوعات کی قیمتوں میں کمی کے بعد اوگرا نے بھی ایل پی جی کی قیمت میں 37 روپے کی بڑی کمی کردی۔

    باغی ٹی وی : اوگرا نے ایل پی جی کی قیمت میں 37 روپے فی کلو کمی کرتے ہوئے نوٹیفکیشن جاری کر دیانوٹیفکیشن کے مطابق ملک بھر میں امپورٹ اور لوکل ایل پی جی کی قیمت 197 روپے فی کلو مقرر کی گئی ہے۔ گھریلو سلنڈر کی قیمت میں 438 روپے اور کمرشل سلنڈر کی قیمت میں 1686 روپے کمی کی گئی ہے۔

    اوپن مارکیٹ میں ڈالر کی قیمت میں بڑی کمی

    ایل پی جی انڈسٹریز ایسوسی ایشن پاکستان کے چیئرمین عرفان کھوکھر نے کہا ہے کہ گھریلو سلنڈر 2322 روپے اور کمرشل سلنڈر 8933 روپے میں فروخت ہوگا، ہمارے فارمولے پر عمل کیا جائے تو قیمت میں مزید کمی کی جاسکتی ہے۔

    دوسری جانب پیٹرولیم مصنوعات کی قیمتوں میں کمی کے بعد لاہور میں چکی آٹا کی فی کلو قیمت میں 20روپے تک کمی کر دی گئی چکی آٹے کی فی کلو قیمت 150 روپے مقررکی گئی ہے، اوپن مارکیٹ میں گندم کی فی من قیمت میں بھی کمی واقع ہوئی ہے۔

    اوپن مارکیٹ میں گندم کی فی من قیمت 4300 روپے مقررکی گئی ہے، چکی اونرز ایسوسی ایشن کا کہنا ہے کہ گندم کی قیمت کم ہوگی تو آٹے کا ریٹ بھی کم ہوگا۔

    پاکستان کرکٹ ٹیم ایشیاکپ 2023 میں شرکت نہیں کرے گی،بھارتی میڈیا

    واضح رہے کہ گزشتہ روز حکومت نے آئندہ پندرہ روز کے لیے پیٹرول کی فی لیٹر قیمت میں 8 روپے کمی کا اعلان کیا وزیر خزانہ اسحاق ڈار نے پریس کانفرنس کرتے ہوئے کہا تھا کہ عالمی سطح پر پیٹرول کی قیمت میں کوئی ردوبدل نہیں ہوا اور نہ ہی روپے کی قدر میں بہتری آئی مگر کوشش کر کے عوام کو ریلیف دینے کی کوشش کی ہے۔

    انہوں نے کہا تھا کہ ڈیزل کی قیمت میں پانچ روپے، پیٹرول کی فی لیٹر قیمت میں 8 روپے جبکہ لائٹ ڈیزل کی قیمت میں 5 روپے فی لیٹر کمی کی جارہی ہے جبکہ مٹی کے تیل کی قیمت میں کوئی ردو بدل نہیں کیا گیا حالیہ کمی کے بعد ڈیزل پانچ روپے کمی سے 253 روپے، فی لیٹر پیٹرول کی قیمت 262 روپے جبکہ لائٹ ڈیزل کی قیمت 147 روپے 68 پیسے اور مٹی کے تیل کی قیمت 164.07 روپے پر برقرار رہے گی نئی قیمتوں کا اطلاق آج یعنی یکم جون کی رات 12 بجے سے 15 جون کی رات 12 بجے تک کیا گیا ہے-

    عشق عمرانی میں جلنے والے پروانوں،دیوانوں کی اب تسلی ہوگئی ہوگی،مریم اورنگزیب

    قبل ازیں گزشتہ روز حکومت نے یوٹیلیٹی اسٹورزپرمختلف برانڈکےبناسپتی گھی اورکوکنگ آئل کی قیمتوں میں کمی کی جاری نوٹیفکیشن کے مطابق یوٹیلیٹی اسٹورزپرمختلف برانڈ کےبناسپتی گھی کی قیمت585روپے سےکم ہوکر517روپےفی کلوہوگئی،بناسپتی گھی کی فی کلوقیمت میں بھی68روپے تک کمی کی گئی ہے۔

    اسی طرح ایک لیٹرکوکنگ آئل کی قیمت610روپےسےکم ہوکر517روپےہوگئی،یوٹیلٹی اسٹورزپرکوکنگ آئل93روپےفی لیٹرتک سستا ہوگیا ہے کوکنگ آئل اوربناسپتی گھی کی قیمتوں میں کمی کااطلاق فوری کیا گیا-

    گھر میں دھماکہ،تین خواتین سمیت پانچ افراد کی موت، وزیراعلیٰ کا نوٹس

  • بھارتی فضائیہ کا تربیتی طیارہ دوران پرواز گرکرتباہ

    بھارتی فضائیہ کا تربیتی طیارہ دوران پرواز گرکرتباہ

    بھارتی فضائیہ کا تربیتی طیارہ دوران پرواز گرکرتباہ ہوگیا تاہم طیارے میں موجود خاتون پائلٹ سمیت دو افراد محفوظ رہے-

    باغی ٹی وی : بھارتی میڈیا کے مطابق تربیتی طیارہ جمعرات کے روز ریاست کرناٹکا کے علاقے سورتی میں گرکرتباہ ہوا جس دوران حادثہ پیش آیا اس وقت طیارہ معمول کی تربیتی پروازپر تھا، یہ حادثہ بنگلورو شہر سے 136 کلو میٹر دور چمراج نگر ضلع میں پیش آیا۔

    پاکستان کرکٹ ٹیم ایشیاکپ 2023 میں شرکت نہیں کرے گی،بھارتی میڈیا


    بھارتی فضائیہ کے مطابق حادثے کی وجوہات جاننے کے لیے کورٹ آف انکوائری کا حکم دے دیا گیا ہے اور طیارہ گرنے کی وجوہات کا فوری طور پرپتا نہیں چل سکا ہے۔


    گزشتہ ماہ راجستھان کے ہنومان گڑھ میں ہندوستانی فضائیہ (IAF) کا ایک MiG-21 لڑاکا طیارہ گر کر تباہ ہونے سے تین افراد ہلاک ہو گئے تھےلڑاکا طیارہ معمول کی ٹریننگ کر رہا تھا جب گر کر تباہ ہوا۔ پائلٹ کو معمولی چوٹیں آئیں۔ حادثے کی وجوہات جاننے کے لیے انکوائری شروع کر دی گئی۔

    قندھار میں قطری وزیراعظم اورافغان طالبان کے سپریم لیڈر کی ملاقات

    حادثے کے دو ہفتے بعد، ہندوستانی فضائیہ نے سوویت نژاد طیاروں کے پرانے بیڑے کو گراؤنڈ کرنے کا فیصلہ کیا جو اپنی شمولیت کے بعد سے 400 سے زیادہ حادثات میں ملوث ہیں مگ 21 لڑاکا طیارے کے پورے بیڑے کو گراؤنڈ کر دیا گیا تھا کیونکہ 8 مئی کو ہونے والے حادثے کی تحقیقات ابھی جاری ہیں اور حادثے کی وجہ کی تحقیقات کی جا رہی ہیں۔

    امریکا دیوالیہ ہونے سے بچ گیا

  • اوپن مارکیٹ میں ڈالر کی قیمت میں بڑی کمی

    اوپن مارکیٹ میں ڈالر کی قیمت میں بڑی کمی

    اوپن مارکیٹ اور انٹر بینک میں ڈالر کی قیمت میں تاریخی کمی ریکارڈ کی گئی-

    باغی ٹی وی : کاروباری ہفتے کے چوتھے روز اوپن مارکیٹ میں ڈالر 25.75 روپے سستا ہو گیا اوپن مارکیٹ میں ڈالر 19 روپے کمی کے بعد 300 روپے سےنیچے آنے کے بعد اوپن مارکیٹ میں ڈالر 285.25 روپے میں فروخت ہونے لگا –

    پاک ایران سرحد ، دہشتگردوں کی فائرنگ ، 2 جوان شہید

    قبل ازیں کاروباری دن کا آغاز ہوا تو کچھ ہی دیر میں اوپن مارکیٹ میں روپے کی قدر مستحکم ہونا شروع ہوگئی اور ڈالر 11 روپے سستا ہوکر 300 روپے تک پہنچ گیا اس سے قبل اوپن مارکیٹ میں ڈالر 316 روپے پر تاریخ کی بلند ترین سطح پر فروخت ہورہا تھا۔

    دوسری طرف انٹربینک میں بھی ڈالر کی قیمت میں 17 پیسے کی کمی ریکارڈ کی گئی ہے جس کے بعد امریکی ڈالر 285 روپے 30 پیسے تک آپہنچا گزشتہ روز انٹربینک میں ڈالر 285 روپے 47 پیسے پر بند ہوا تھا۔

    پاکستان کرکٹ ٹیم ایشیاکپ 2023 میں شرکت نہیں کرے گی،بھارتی میڈیا

    پاکستان فاریکس ایکسچینج ایسوسی ایشن کے چیئرمین ملک بوستان نے بتایا کہ کمر شل بینک کافی عرصے سے اوپن مارکیٹ سے کریڈٹ کارڈ کیلئے ڈالر ہائی ریٹ پر خرید رہے تھے ،اوپن مارکیٹ میں ڈالر 315 کا ہوا تواسحاق ڈار نے پوچھا انٹر بینک اور اوپن مارکیٹ میں ڈالر کافرق اتنا کیوں ہو گیا –

    نجری کا شکار راشد خان سری لنکا کے خلاف ابتدائی دو ون ڈے میچز سے …

    ملک بوستان کے مطابق کمرشل بینک کریڈٹ کارڈ کیلئے ڈالر خرید رہے ہیں ،کمرشل بینکوں کے ڈالر خریدنے سے اوپن مارکیٹ پر اثر پڑ ا ہے ،پاکستان کی تاریخ میں آج پہلی بار ڈالر کی قیمت میں 27 روپے کمی ہوئی ہے ،بر وقت فیصلوں پر اسحاق ڈار اور گورنر سٹیٹ بینک کو مبارک باد دیتاہوں اسحاق ڈار نے بروقت فیصلہ کیا اور کل سرکلر جاری کیا۔

    عدالت کا گرفتار پی ٹی آئی کارکنوں کو فوری رہاکرنے کا حکم

  • پاکستان کرکٹ ٹیم ایشیاکپ 2023 میں شرکت نہیں کرے گی،بھارتی میڈیا

    پاکستان کرکٹ ٹیم ایشیاکپ 2023 میں شرکت نہیں کرے گی،بھارتی میڈیا

    بھارتی میڈیا نے دعویٰ کیا ہے کہ پاکستان کرکٹ ٹیم رواں سال ایشیاکپ میں شرکت نہیں کرے گی، پی سی بی اپنی تجویز کی حمایت حاصل کرنے میں ناکام رہا ہے اور اس کے پاس سری لنکا میں ٹورنامنٹ کے انعقاد یا میزبانی کے حقوق واپس لینے کے فیصلے پر عمل کرنے کے علاوہ کوئی چارہ نہیں بچا ہے۔

    باغی ٹی وی : بھارتی میڈیا کے مطابق ایشین کرکٹ کونسل (اے سی سی) کے سربراہ اور بھارتی کرکٹ بورڈ (بی سی سی آئی) کے سیکریٹری جے شاہ کی موجودگی اور ہائبرڈ ماڈل مسترد ہونے پر پاکستان کے رواں سال ایشیاکپ نہ کھیلنے کے امکانات ہیں اسی رپورٹ میں یہ بھی دعویٰ کیا گیا ہے کہ بی سی سی آئی نے سال کے اس وقت مشرق وسطیٰ میں بہت زیادہ گرمی کا حوالہ دیتے ہوئےدبئی میں میچز کرانے کے ہائبرڈ ماڈل سے انکار کر دیا ہے۔

    سیف سٹی لاہور کا انفراسٹرکچر دنیا کے بہترین سسٹمز میں سے ہے،چئیرمین آئی سی سی

    رپورٹ میں کہا گیا ہے کہ پاکستان کو ایشین کرکٹ کونسل ( اے سی سی) کے اگلے ایگزیکٹو بورڈ اجلاس کے دوران بتایا جائے گا کہ دیگر تمام شریک ممالک سری لنکا میں کھیلنے پر رضامند ہو گئے ہیں ٹورنامنٹ کے اس ایڈیشن کے لیے میزبان نامزد کیے جانے کے باوجود، پی سی بی اپنی تجویز کی حمایت حاصل کرنے میں ناکام رہا ہے اور اس کے پاس سری لنکا میں ٹورنامنٹ کے انعقاد کے فیصلے پر عمل کرنے یا اس کی میزبانی سے مکمل طور پر دستبردار ہونے کے علاوہ کوئی چارہ نہیں بچا ہے۔

    انجری کا شکار راشد خان سری لنکا کے خلاف ابتدائی دو ون ڈے میچز سے …

    اگر پاکستان کرکٹ ٹیم ایونٹ میں شرکت نہیں کرتی ہے تو ایشیا کپ 2023 میں بھارت، سری لنکا، بنگلہ دیش اور افغانستان چار ٹیمیں ہوں گی جو ٹورنامنٹ میں حصہ لے سکیں گی جبکہ نیپال کو پانچویں ٹیم کے طور پر کھیلایا جائے گا تاہم، بھارت کا پاکستان کا سفر کرنے سے انکار اور ہائبرڈ ماڈل سے اتفاق نہ کرنا یا تو پی سی بی کی جانب سے بھارت میں ہونے والے ون ڈے ورلڈ کپ کا بائیکاٹ کرنے سمیت انتہائی اقدامات کی دعوت دےسکتا ہےپی سی بی نے مبینہ طور پر آئی سی سی حکام کو آگاہ کیا ہےکہ ورلڈ کپ میں ان کی شرکت کا انحصار حکومتی منظوری اور ہائبرڈ ماڈل پر ہوگا۔

    بابر اعظم اور محمد رضوان ہارورڈ یونیورسٹی پروگرام کے لیے امریکا روانہ

    بھارتی میڈیا کے مطابق اگر حالیہ رپورٹس پر یقین کیا جائے تو اے سی سی پاکستان کے بغیر ایشیا کپ 2023 کی تیاری کر رہی ہے۔ اگر اس میڈیا رپورٹ میں کوئی صداقت ہے اور پاکستان براعظمی ٹورنامنٹ میں شرکت نہیں کرتا ہے تو یقیناً اس سے پاکستان کی بھارت میں کھیلے جانے والے ون ڈے ورلڈ کپ کے سیٹ میں شرکت بھی مشکوک ہو جائے گی-

    ایشیاکپ: میزبان ملک سمیت شیڈول کو حتمی شکل دے دی گئی،فیصلہ کب کیا جائے گا؟

    بھارتی میڈیا نے رپورٹ کیا کہ پاکستان کو چھوڑ کراے سی سی کے تمام ممبران، جو ٹورنامنٹ کے باضابطہ میزبان ہیں، براعظمی ٹورنامنٹ کھیلنے پر رضامند ہو گئے ہیں۔ تاہم، پاکستان کرکٹ بورڈ (پی سی بی) اب بھی ‘ہائبرڈ ماڈل’ پربضد ہے جس میں تجویزکیا گیا ہےکہ انڈیا گیمز سمیت چند میچز متحدہ عرب امارات جیسے غیر جانبدار مقام پر منعقد کیے جائیں جب کہ باقی میچز پاکستان میں ہوں۔

    بھارتی کرکٹ بورڈ کی پاکستان کےہائبرڈ ماڈل کو ماننے والی خبروں کی تردید

  • انجری کا شکار راشد خان سری لنکا کے خلاف ابتدائی دو ون ڈے میچز سے باہر

    انجری کا شکار راشد خان سری لنکا کے خلاف ابتدائی دو ون ڈے میچز سے باہر

    انڈین پریمئیر لیگ (آئی پی ایل) کے بعد افغان اسپنر راشد خان انجری کا شکار ہوکر سری لنکا کے خلاف ابتدائی دو ون ڈے میچز سے باہر ہوگئے۔

    باغی ٹی وی: افغان کرکٹ بورڈ کے مطابق لیگ اسپنر راشد خان کمر کے نچلے حصے میں تکلیف کے باعث سری لنکا کے خلاف ابتدائی 2 ون ڈے انٹرنیشنل میچز سے باہر ہوگئے ہیں تاہم توقع ہے کہ وہ 7 جون کو سری لنکا کے خلاف آخری ون ڈے کے لیے دستیاب ہوں گےجبکہ راشد خان کی انجری کے باعث محمد نبی اور نوراحمد اسپین ڈیپارٹمنٹ کو لیڈ کریں گےٹیم فزیو کی رپورٹ کے مطابق لیگ اسپنر مکمل آرام کریں گے

    سیف سٹی لاہور کا انفراسٹرکچر دنیا کے بہترین سسٹمز میں سے ہے،چئیرمین آئی سی سی

    راشد خان نے آئی پی ایل کے 16ویں ایڈیشن میں گجرات ٹائٹنز کی نمائندگی کرتے ہوئے 27 وکٹیں اپنے نام کی تھیں اور ٹورنامنٹ میں سب سے زیادہ وکٹیں لینے والی کھلاڑی بنے تھے۔

    واضح رہے کہ سری لنکا اور افغانستان کے درمیان ون ڈے سیریز ہمبنٹوٹا میں کھیلی جائے گی سیریز کا پہلا میچ 2 جون سے کھیلا جائے گا جبکہ آخری میچ 7 جون کو ہوگا، جس کے بعد افغان ٹیم واحد ٹیسٹ میچ کیلئے بنگلہ دیش کا دورہ کرے گی۔

    چیئرمین آئی سی سی دو روزہ دورہ لاہور پہنچ گئے

  • عدالت کا گرفتار پی ٹی آئی کارکنوں کو فوری رہاکرنے کا حکم

    عدالت کا گرفتار پی ٹی آئی کارکنوں کو فوری رہاکرنے کا حکم

    لاہور ہائیکورٹ نے لاہور سمیت پنجاب کے 11 اضلاع میں پاکستان تحریک انصاف (پی ٹی آئی) کےکارکنوں فوری طور پر رہا کرنےکا حکم دے دیا۔

    باغی ٹی وی: جسٹس صفدر سلیم شاہد نے درخواستوں پر 9 صفحات پر مشتمل تحریری فیصلہ جاری کر دیا فیصلہ میں کہا گیا ہےکہ 9 مئی کے حیران کن واقعے نے پرامن اور جمہوری ملک کی مسخ شدہ تصویر پیش کی، امن و امان قائم رکھنا حکومت کی ذمہ داری تھی۔

    غیرقانونی طورپرریکارڈ کی گئی کالزکوریلیزکرنےکی ذمہ داری کس پرعائد ہوگی؟ ،اسلام آباد ہائیکورٹ

    عدالت نے لاہور، وزیرآباد، جھنگ، شیخوپورہ ، حافظ آباد، سیالکوٹ، منڈی بہاءالدین، گجرات، ننکانہ صاحب،گوجرانوالا اور نارووال میں پی ٹی آئی کارکنوں کی نظربندی کو کالعدم قرار دیا ہے۔

    فیصلے میں کہا گیا ہےکہ حکومت نے 9 مئی کے واقعے پر بغیر سوچے سمجھے لاتعداد نظربندی کے احکامات جاری کیے، حکومت کے پاس شواہد موجود تھے تو فوجداری مقدمات میں گرفتاری کے لیے بہت وقت تھا گرفتار افرادکو الزامات کا پتہ تو ہو تاکہ وہ اپنا دفاع کرسکیں-

    چئیرمین نیب کے اختیارات میں اضافہ،نوٹیفیکیشن جاری

    عدالتی فیصلے کی کہا گیا کہ ڈپٹی کمشنرز کی جانب سے ڈسٹرکٹ پولیس آفیسر کی رپورٹ پر شہریوں کو جیلوں میں ڈال دیا گیا، ڈپٹی کمشنرز کا نظر بندی کا فیصلہ خود پبلک مینٹیننس آرڈیننس (ایم پی او) 1960 کے سیکشن3کی خلاف ورزی ہے، تمام نظر بند افرادکو فوری طور رہا کیا جائے۔

    دوسری جانب پشاور ہائیکورٹ نے بھی تھری ایم پی او کے خلاف درخواستوں پر محفوظ فیصلہ سناتے ہوئے ہوئے ڈپٹی کمشنرز کی جانب سے جاری تھری ایم پی او کے احکامات کو کالعدم قرار دے دیا۔

    عدالتی فیصلے میں کہا گیا ہے کہ ڈپٹی کمشنرز کی جانب سے جاری تھری ایم پی او کے احکامات کو کالعدم قرار دیا جاتا ہے، تفصیلی اور تحریری فیصلہ بعد میں جاری کیا جائے گا۔

    قندھار میں قطری وزیراعظم اورافغان طالبان کے سپریم لیڈر کی ملاقات

    واضح رہے کہ عمران خان کی گرفتاری کے خلاف 9 اور 10مئی کو احتجاج کے دوران توڑپھوڑ اور جلاؤ گھیراؤ کے تناظر میں صوبے بھر کی ضلعی انتظامیہ نے تھری ایم پی او کا نفاذ اور سیکڑوں افراد کو حراست میں لیا تھا۔

  • قندھار میں قطری وزیراعظم اورافغان طالبان کے سپریم لیڈر کی ملاقات

    قندھار میں قطری وزیراعظم اورافغان طالبان کے سپریم لیڈر کی ملاقات

    کابل: قطری وزیر اعظم محمد بن عبدالرحمان الثانی نے افغانستان میں طالبان کے سپریم لیڈر ہیبت اللہ اخون زادہ کے ساتھ اہم ملاقات کی ہے۔

    باغی ٹی وی : عالمی میڈیا رپورٹس نے بریفنگ دینے والے ذرائع کے حوالے سے بتایا کہ طالبان نے اپنی سفارتی تنہائی کے خاتمے پر بات چیت کے لیے نئی آمادگی کا اشارہ دیا ہے ملاقات میں باہمی دلچسپی کے امور سمیت عالمی برادری کے ساتھ تناؤ میں کمی لانے سے متعلق بات چیت کی گئی۔

    82 سالہ اداکار کی 29 سالہ ساتھی کے ہاں بچے کی ولادت متوقع


    قطری وزیر اعظم محمد بن عبدالرحمان الثانی اور افغان طالبان کے سربراہ ہیبت اللہ اخونزادہ کے درمیان خفیہ ملاقات 12 مئی کو افغانستان کے شہر قندھار میں ہوئی ذرائع کا کہنا ہے کہ طالبان کے سربراہ نے پہلی بار کسی غیر ملکی رہنما کے ساتھ ملاقات کی ہے۔

    عرب میڈیا کے مطابق نام ظاہر نہ کرنے کی شرط پر ذرائع نے بتایا کہ شیخ محمد کی جانب سے اخونزادہ سے خواتین کی تعلیم اور نوکریوں پر پابندی ہٹانے سمیت سفارتی تنہائی کے خاتمے سے متعلق بھی بات چیت کی گئی۔

    امریکا دیوالیہ ہونے سے بچ گیا

    عرب میڈیا کے مطابق ذرائع کا کہنا تھا کہ امریکی صدر جو بائیڈن کو دونوں رہنماؤں کی ملاقات اور تمام معاملات پر ہونے والی بات چیت کے بارے میں بتایا گیا جبکہ مستقبل میں افغان طالبان کے ساتھ ہونے والے ڈائیلاگ سے بھی آگاہی دی گئی، وائٹ ہاؤس، محکمہ خارجہ اور واشنگٹن میں قطری سفارت خانے کی جانب سے دونوں رہنماؤں کی ملاقات پر تبصرہ کرنے سے گریز کیا گیا ہے جب کہ طالبان نے بھی ملاقات کے حوالے سے کوئی جواب نہیں دیا۔

    اگلی نسل آسمان پر ستارے نہیں دیکھ سکے گی،ماہرین نے خبردار کر دیا

  • غیرقانونی طورپرریکارڈ کی گئی کالزکوریلیزکرنےکی ذمہ داری کس پرعائد ہوگی؟ ،اسلام آباد ہائیکورٹ

    اسلام آباد ہائیکورٹ نے سابق چیف جسٹس ثاقب نثار کے بیٹےکی طلبی کا سمن معطل کرنے کا تحریری حکم نامہ جاری کردیا۔

    باغی ٹی وی : اسلام آباد ہائیکورٹ کےجسٹس بابر ستار نے7 صفحات پرمشتمل تحریری حکمنامےمیں کہا ہےکہ بتایا جائےکیا آئین اور قانون شہریوں کی کالز کی سرویلنس اور خفیہ ریکارڈنگ کی اجازت دیتا ہے؟ اگرفون ریکارڈنگ کی اجازت ہے تو کون سی اتھارٹی یا ایجنسی کس میکنزم سے یہ کام کرسکتی ہے؟ اگر اجازت نہیں تو شہریوں کی پرائیویسی کی خلاف ورزی پرکون سی اتھارٹی ذمہ دار ہے؟-

    چئیرمین نیب کے اختیارات میں اضافہ،نوٹیفیکیشن جاری

    عدالت نے سوال کیا ہےکہ غیر قانونی طور پرریکارڈ کی گئی کالز کوریلیزکرنےکی ذمہ داری کس پرعائد ہوگی؟ کیا پارلیمنٹ کسی پرائیویٹ شخص کے معاملے پرانکوائری کرسکتی ہے؟ کیا رولز اجازت دیتے ہیں کہ اسپیکرعام افراد کی گفتگو لیک ہونےپرخصوصی کمیٹی بنائیں؟ پارلیمنٹ کے احترام اور تحمل کرتے ہوئے خصوصی کمیٹی کا نوٹیفکیشن معطل نہیں کر رہے۔

    82 سالہ اداکار کی 29 سالہ ساتھی کے ہاں بچے کی ولادت متوقع

    تحریری حکمنامے میں عدالت نے عام افراد کی ٹیلیفونک گفتگو کی ریکارڈنگز اور آڈیولیکس پر اٹارنی جنرل سے معاونت طلب کی ہے عدالت نے وفاق، وزارت داخلہ، وزارت دفاع اورپی ٹی اے کو بھی پٹیشن میں فریق بنانےکی ہدایت کی ہےسیکرٹری قومی اسمبلی سمیت تمام فریقین کو نوٹس جاری کرتےہوئے شق وار جواب دینےکی ہدایت کی گئی ہےجبکہ عدالت نےاعتزاز احسن، مخدوم علی خان، رضا ربانی اور محسن شاہنواز رانجھا کو عدالتی معاونین مقرر کیا ہے۔

    امریکا کا یوکرین کیلئے30 کروڑ ڈالر کے نئے اسلحہ پیکج کا اعلان