لیک ہونے والی حساس امریکی دستاویزات میں مصر کی جانب سے روس کو 40 ہزار راکٹس خفیہ طور پر دینے کے منصوبے کے بعد اب یہ انکشاف بھی سامنے آیا ہے کہ دستاویزات میں چین سے روس کو مہلک ہتھیار فراہم کرنےکے ارادےکا بھی ذکر ہے۔

باغی ٹی وی : غیرملکی میڈیا رپورٹس کے مطابق لیک ہونے والےبہت ساری دستاویزات یوکرین کے میدان جنگ اور روسی جنگی کوششوں سے متعلق ہیں، جن میں سے کچھ اس حد تک دکھاتے ہیں کہ امریکہ نے روسی وزارت دفاع اور روسی تنظیم ویگنر گروپ میں کس حد تک کردار ادا کیا ہے-

مصر کا روس کو 40 ہزار راکٹس خفیہ طور پر دینے کا منصوبہ

دستاویزات میں چین کے ہائپرسونک ہتھیاروں، جنگی جہاز اور راکٹ لانچر تجربات کی تفصیل ہے دستاویزات کے مطابق نیٹو ہتھیاروں کے ساتھ یوکرین کا روس پر حملہ چین کو جنگ میں لاسکتاہے-

لیک ہونے والی خفیہ امریکی دستاویزات میں انکشاف کیا گیا کہ امریکا نے جنوبی کوریا پر یوکرین جنگ میں ہتھیار بھیجنے کیلئے دباؤ ڈالا تاہم وہ جنگ زدہ ممالک کو ہتھیار فراہم نہ کرنے کی پالیسی کے تحت امریکا کے ساتھ مزاحم رہاجنوبی کوریا نے گزشتہ سال امریکا کو گولہ بارود فروخت کرنے پر رضامندی ظاہر کی اور امریکا پر زور دیا کہ گولہ بارود یوکرین جنگ میں استعمال نہ ہوں۔

علاوہ ازیں دستاویزات میں یوکرین جنگ میں مغربی فورسز کی محدود تعداد شامل ہونے کا بھی ذکر ہےدستاویزات میں روسی حمایت یافتہ ہیکروں کا کینیڈین انرجی انفرااسٹرکچرکو نشانہ بنانےکاانکشاف کیا گیا ہے جبکہ کینیڈین وزیراعظم جسٹن ٹروڈو نے واضح کیا کہ کینیڈین انرجی انفرااسٹرکچرکو سائبرحملوں میں کوئی نقصان نہیں پہنچا۔

پینٹاگون نے حساس دستاویزات کا افشا ہونا قومی سلامتی کیلئےانتہائی سنگین خطرہ قرار دے دیا

ادھر برطانوی وزارت دفاع نے کہا کہ امریکی انٹیلی جنس لیک میں سنگین سطح کی غلطی ہے۔

برطانوی میڈیا نے امریکی دستاویزات کے حوالے سے رپورٹ میں کہا کہ جنوبی کوریا پر یوکرین جنگ میں ہتھیار بھیجنے کیلئے دباؤ ڈالا گیا، جنوبی کوریا امریکا کو گولہ بارود بیچنے پر رضامند ہوا تاہم اسے خدشہ رہا کہ یہ گولہ بارود امریکا یوکرین بھیج سکتا ہے اعلیٰ سطحی بات چیت کے دوران قومی سلامتی مشیر نے گولہ بارود امریکا کے بجائے پولینڈ کو فروخت کرنے کا مشورہ دیا تھا۔

برطانوی ادرے کی خبر میں دعویٰ کیا گیا ہے کہ دستاویزات افشا ہونے سے جنوبی کوریا کے امریکا، روس سے تعلقات اپ سیٹ ہو سکتے ہیں امریکی دستاویزات سے ظاہر ہوتا ہے کہ امریکا پرانے اتحادی جنوبی کوریا کی دہائیوں سے جاسوسی کر رہا ہے۔

اسرائیلی جاسوسی کمپنی نے کتنے ملکوں کو ٹارگٹ کیا،رپورٹ میں تہلکہ خیز انکشافات

جبکہ جنوبی کوریا نےافشا ہونے والی امریکی خفیہ دستاویزات کوجعلی قرار دیتے ہوئے معاملے کی تحقیقات کا آغاز کردیا ہے جنوبی کورین حکام کا کہنا ہےکہ امریکی خفیہ دستاویزات میں جنوبی کوریا کےاعلیٰ حکام سےمتعلق معلومات درست نہیں ہےجبکہ امریکا کےجنوبی کوریا کی جاسوسی کرنے کے شبہات بھی غلط ہیں جنوبی کوریا کے صدر اور قومی سلامتی مشیروں کی اعلیٰ سطحی بات چیت میں خدشہ ظاہر کیا گیا کہ امریکا گولہ بارود کا آخری صارف نہیں ہو گا۔

دوسری جانب سے پینٹاگون نے دستاویزات لیک کو قومی سلامتی کیلئے ایک خطرہ قرار دیتے ہوئے معاملے کی تحقیقات کا آغاز کر دیا ہے۔

بدنام زمانہ پیگاسس پروگرام ، جسے جاسوسی کے لیے اسرائیلی نئے آلات نے مختلف ملکوں میں اپوزیشن سیاستدانوں اور صحافیوں کو ہدف بنایا ہے۔

باغی ٹی وی : کینیڈین واچ ڈاگ نے منگل کے روز کہا کہ بدنام زمانہ پیگاسس پروگرام سےمشابہت رکھنے والے نئے اسرائیلی ساختہ اسپائی ویئر کو کئی ممالک میں صحافیوں اور حزب اختلاف کے سیاست دانوں کو نشانہ بنانے کے لیے استعمال کیا گیا ہے۔

بالاکوٹ میں بھارتی فضائیہ کا ہیلی کاپٹر مار گرانے کا واقعہ،گروپ کیپٹن کی کورٹ مارشل …

سٹیزن لیب کے مطابق، سپائی ویئر اور متعلقہ استحصال یا ہیکنگ سافٹ ویئر کو غیر معروف کمپنی QuaDream نے بنایا تھا، جسے ایک سابق اسرائیلی فوجی اہلکار اور پیگاسس تیار کرنے والے این ایس او گروپ کے سابق فوجیوں نے قائم کیا تھا-

سٹیزن لیب، جو ڈیجیٹل ٹیکنالوجیز کے غلط استعمال کا مطالعہ کرتی ہے، نے کہا کہ اس نے کم از کم پانچ افراد کی نشاندہی کی ہے جنہیں QuaDream اسپائی ویئر کے ذریعے نشانہ بنایا گیا اور شمالی امریکہ، وسطی ایشیا، جنوب مشرقی ایشیا، یورپ اورمشرق وسطیٰ میں لوگوں جو نشانہ بنایا گیا –

اسرائیل، سنگاپور، میکسیکو، بلغاریہ اور امارات سمیت دس ملکوں کے سرورزکو متاثرین کا ڈیٹا پہنچا ہےجبکہ QuaDream نےجن ملکوں کو جاسوسی کے آلات بیچےہیں ان میں سعودی عرب، مراکش،انڈونیشیا اورگھانا بھی شامل ہےمتاثرین میں صحافی، سیاسی حزب اختلاف کی شخصیات اور ایک این جی او (غیر سرکاری تنظیم) کے کارکن شامل ہیں،” اس نے کہا کہ یہ فی الحال ان کی شناخت نہیں کرے گا۔

بھارتی پنجاب میں فوجی اڈے میں فائرنگ سے 4 اہلکار ہلاک

دعویٰ کیا گیا ہےکہ جاسوسی کا نیا نظام کسی بھی شخص کو پتا لگے بغیر اس کے فون کال کی آڈیو ریکارڈ کرسکتا ہے،کیمرے سے تصاویر لے سکتا ہے اور فون میں موجود تمام مواد کھنگال سکتا ہے، اس سے کلاؤڈ اکاونٹ تک بھی اس کی رسائی ممکن ہے جب کہ ڈیٹا کھنگالنے کے بعد یہ خود کار نظام سے اپنی موجودگی کے تمام شواہد مٹاسکتا ہے۔

پیگاسس جیسے اسپائی ویئر کو حکومتوں اور دیگر اداکاروں نے مخالفین، میڈیا اور کارکنوں کی جاسوسی کے لیے بڑے پیمانے پر استعمال کیا ہے۔

پروگراموں کو کمپیوٹر اور سیل فونز پر فشنگ کمیونیکیشنز اور بیک ڈور کارناموں کے ذریعے رکھا جا سکتا ہے، اور صارف کے علم کے بغیر فون پر معلومات کا سروے اور آپریٹر کو واپس منتقل کر سکتے ہیں۔

وائٹ ہاؤس نے مارچ کے آخر میں کہا تھا کہ پیگاسس کو حکومتیں "جبر کو آسان بنانے اور انسانی حقوق کی خلاف ورزیوں کو قابل بنانے کے لیے” استعمال کرتی رہی ہیں۔

کیا دنیا بھر میں جاسوسی کرنے والے پیگاسس کی مدد واٹس ایپ نے کی اور پاک فوج کیسےمحفوظ رہی؟ پی ٹی اے حکام کے انکشافات

سٹیزن لیب نے کہا کہ صارفین کے علم میں لائے بغیر ایک بار صارف کے فون یا کمپیوٹر پر رکھنے کے بعد، QuaDream کا اسپائی ویئر کسی فون کال سے آڈیو ریکارڈ کر سکتا ہے، ڈیوائس کے مائیکروفون سے بیرونی آوازیں ریکارڈ کر سکتا ہے، کیمروں سے تصاویر لے سکتا ہے، اور ڈیوائس کی فائلوں کو تلاش کر سکتا ہے-

اسپائی ویئر ڈیوائس کے مالک کے کلاؤڈ اکاؤنٹس تک مسلسل رسائی کو فعال کرنے کے لیے اپنے دو فیکٹر تصدیقی کوڈ بھی بنا سکتا ہے۔

سٹیزن لیب نے کہا کہ اسپائی ویئر میں اپنی پچھلی موجودگی کو چھپانے کے لیے خود کو تباہ کرنے والی خصوصیت شامل ہے، ایک بار جب اسے مزید استعمال نہ کیا جائے۔

اسرائیل کا جاسوس سافٹ وئیر "پیگاسس” کیا ہے اور کیسے کام کرتا ہے؟

نئی دہلی: بھارتی پنجاب میں فوجی اڈے میں فائرنگ سے 4 اہلکار ہلاک ہوگئے۔

باغی ٹی وی: بھارتی فوج کی ساؤتھ ویسٹرن کمانڈ کی جانب سے جاری بیان کے مطابق بدھ کی صبح بھارتی پنجاب کے شہر بھٹنڈہ میں پنجاب ملٹری اسٹیشن میں فائرنگ کا واقعہ پیش آیا جس کے نتیجے میں 4 اہلکار ہلاک ہوگئے۔

بالاکوٹ میں بھارتی فضائیہ کا ہیلی کاپٹر مار گرانے کا واقعہ،گروپ کیپٹن کی کورٹ مارشل …

بھارتی میڈیا کے مطابق مقامی پولیس نے بتایا ہےکہ فائرنگ کا واقعہ بھٹنڈا میں ملٹری اسٹیشن کی کینٹین میں پیش آیا فائرنگ کے بعد حملہ آور فرارہوگئےحملہ آوروں کی تلاش جاری ہےحملہ آوروں کے پاس گولہ بارود بھی موجود ہےجبکہ فائرنگ کےفوری بعد کوئیک رسپونس ٹیم نے فوجی اڈے کی ناکہ بندی کردی اور سرچ آپریشن کیا جبکہ مزید تحقیقات جاری ہیں۔

بھٹنڈہ کے سینئر سپریٹنڈنٹ پولیس نے بھارتی میڈیا کو بتایا کہ پولیس کی ٹیمز فوجی اڈے کےباہرانتظار کررہی ہیں تاہم فوجی حکام نے پولیس ٹیمز کو تحقیقات کے لیے اسٹیشن کے اندر جانے کی اجازت نہیں دی بھٹنڈا ملٹری اسٹیشن میں فائرنگ کا واقعہ دہشت گرد حملہ نہیں ہے اور حالات کنٹرول میں ہیں۔

میانمار میں فوج کی فضائی بمباری کے نتیجے میں 50 سے زائد افراد ہلاک

بھارتی میڈیا نے دعویٰ کیا ہے کہ فائرنگ کرنے والابھارتی پولیس اہل کار ہے جس نےکوارٹرگارڈ سے اسلحہ چھینا تھا۔

نئی دہلی: بھارتی فضائیہ کا گروپ کیپٹن کو اپنی ہی قیادت کی غلطی کا خمیازہ بھگتنا پڑ گیا، کورٹ مارشل کی رپورٹ میں سچائی سامنے آ گئی-

باغی ٹی وی: بھارتی موقر ادارے کی رپورٹ کے مطابق پاکستان کا آپریشن ’ سوفٹ رٹارٹ‘ کے دوران بھارت کا ہیلی کاپٹر ایم آئی 17 گرائے جانے کا دعویٰ سچ ثابت ہوا بھارتی فضائیہ کے گروپ کیپٹن سری نگر ایئر فورس اسٹیشن کے چیف آپریشنز آفیسر (سی او او) سمن رائے چوہدری کی کورٹ مارشل رپورٹ سے سچائی سامنے آگئی۔

پاکستان ائیرفورس نے فروری 2019 میں شاندار صلاحیتوں کا مظاہرہ کرتے ہوئے بھارت کا جنگی طیارہ مارگرایا تھا۔ آپریشن ’ سوفٹ رٹارٹ ‘ کے دوران پاکستان کی انٹیلیجنس ایجنسیوں نے بھارتی غلطی کا پردہ فاش کرتے ہوئے بتایا تھا کہ بھارت نے اپنا ہی ہیلی کاپٹر مار گرایا ہے۔ بھارت نے اسے مسترد کرتے ہوئے من گھڑت اور جھوٹ قرار دیا تھا۔

واقعہ کی منظر عام پر آنے والی رپورٹ میں بھانڈا پھوٹ گیا کہ بھارتی فضائیہ کے گروپ کیپٹن سمن رائے چوہدری اور ونگ کمانڈر شیام نیتھانی نے پاک فضائیہ کی جوابی کاروائی کے دوران “گھبراہٹ” میں اپنا ہی ہیلی کاپٹر مار گرایا تھا۔

بھارتی فضائیہ کی طرف سے گروپ کیپٹن سمن رائے چوہدری کو”کورٹ مارشل” اور ونگ کمانڈرشیام نیتھانی کو severe reprimand کی سزا سنا دی گئی۔ ہیلی کاپٹر گرائے جانے کے نتیجے میں بھارتی ائیرفورس کے 6 اہلکاروں سمیت 7 افراد ہلاک ہوئے تھے

گروپ کیپٹن سمن رائے چوہدری کا حکم عدولی اور بد حواسی میں اپنا ہی ہیلی کاپٹر مار گرانے پر کورٹ مارشل کیا گیاگھبراہٹ اور پریشانی کے عالم میں دئیے گئے احکامات سے بھارتی فضائیہ کو 133.3 کروڑ کا نقصان پہنچا۔

اخبار کی رپورٹ کے مطابق، فضائیہ کے حکام نے، تاہم، کہا کہ جی سی ایم کے نتائج اور سزا ایئر اسٹاف کے سربراہ کی تصدیق سے مشروط ہے۔ 20 مارچ کو، پنجاب اور ہریانہ ہائی کورٹ نے جی سی ایم کو گروپ کیپٹن چودھری کے خلاف نتائج سنانے کی اجازت دی تھی لیکن حکم دیا تھا کہ اس کے سامنے کیس کے نمٹانے تک ان کو اثر انداز نہیں ہونا چاہیے۔

دی ٹریبیون کی خبر کے مطابق، ہائی کورٹ نے ابھی تک کیس کو نمٹانا ہے۔

ہیلی کاپٹر کے حادثاتی طور پر مار گرائے جانے کے بارے میں تنازعہ پیدا ہوا جب آنے والے لوک سبھا انتخابات کی وجہ سے آئی اے ایف نے اس کے بارے میں معلومات کو پوشیدہ رکھا،ایک رپورٹ میں کہا گیا ہے کہ کورٹ آف انکوائری نے "اختیاری طور پر طے کیا” کہ Mi-17 V5 ہیلی کاپٹر کو اپنے ہی فائر کے ذریعے گرایا گیا تھا آئی اے ایف سے کہا گیا ہے کہ وہ انتخابات کے بعد تک نتائج کو "چھپائے” رکھیں۔

مرنے والوں میں پائلٹ سکواڈرن لیڈر ایس وششت اور سکواڈرن لیڈر ننند ایم، سارجنٹ وی کے، پانڈے، سارجنٹ وکرانت سہراوت، کارپورل پنکج کمار، کارپورل ڈی پانڈے اور کفایت حسین گنی،اور بڈگام ضلع سے تعلق رکھنے والا ایک شہری شامل ہیں-

گروپ کیپٹن چودھری نے جی سی ایم پر زور دیا تھا کہ جب تک کیس ہائی کورٹ میں نہ ہو سزا کے اعلان کو آگے نہ بڑھائے۔ ان کے وکیل کیپٹن سندیپ بنسل (ریٹائرڈ) نے اخبار کو بتایا کہ "گروپ کیپٹن نے 5 اپریل کو پنجاب اور ہریانہ ہائی کورٹ کی طرف سے اس معاملے کو نمٹانے تک سزا کے اعلان پر کارروائی نہ کرنے کے لیے درخواست دائر کی تھی۔ لیکن جج ایڈووکیٹ کے مشورے پر، جی سی ایم آگے بڑھا۔ ہم اسے ہائی کورٹ میں چیلنج کریں گے۔‘‘

گروپ کیپٹن سمن رائے چوہدری اور ونگ کمانڈر شایام نتھانی کی سزا نے پاکستانی دعوے کی تصدیق کر دی۔ نت نئے اسکینڈلز نے بھارتی افواج کی ساکھ اور عزت خاک میں ملا دی ہے۔ آپریشن سوفٹ رٹارٹ کی ہزیمت کو چھپانے کیلئے ونگ کمانڈر ابھی نندن کو ویر چکرا کا اعزاز بھی دیا گیا تھا۔

بھارتی عوام سوال کررہے ہیں کہ کیا اسکینڈلز زدہ بھارتی فوج ایک پیشہ ورانہ فوج کہلانے کی مستحق ہے جو مسلسل آنکھوں میں دھول جھونکتی رہی ہے۔