Author: Ayesha Rehmani

منیا پولس مساجد میں 5 وقت اذان والا امریکا کا پہلا شہر بن گیا۔

باغی ٹی وی: امریکی میڈیا کے مطابق منیا پولس مساجد میں 5 وقت اذان دینے والا امریکا کا پہلا شہر بن گیا جس کیلئے باقاعدہ طور پر میئرجیکب فرے نے اذان دینے سے متعلق آرڈیننس پر دستخط بھی کیے، اس سے قبل سال کے مخصوص اوقات میں صبح اور شام کی اذانوں پرپابندی تھی۔

منیاپولس میں کم از کم 1990 کی دہائی سے مشرقی افریقی تارکین وطن کی بڑھتی ہوئی آبادی ہے، اور مساجد اب عام ہیں۔ کونسل کے 13 ارکان میں سے تین کی شناخت مسلم ہے اس فیصلے نے کمیونٹی کی کوئی منظم مخالفت نہیں کی۔

تین سال پہلے، شہر کے حکام نے دار الحجرہ مسجد کے ساتھ مل کر رمضان کے دوران روزانہ پانچ بار باہراذان نشر کرنے کی اجازت دینے کے لیے کام کیا۔ نماز فجر کے وقت، ظہر کے وقت، عصر، مغرب، عشاء کے وقت پڑھی جاتی ہے مینیسوٹا میں، گرمیوں میں صبح 5:30 بجے سے پہلے طلوع ہوتی ہے، جب کہ سورج کے وقت غروب آفتاب رات 9 بجے کے بعد ہوتا ہے۔

اس قرارداد کو کمیونٹی کے متعدد عقائد کے لوگوں کی حمایت حاصل ہوئی، بشمول عیسائی اور یہودی رہنما جنہوں نے حالیہ عوامی سماعت میں اوقات کار بڑھانے کے حق میں بات کی۔

اس کوشش کو عوامی مخالفت کا سامنا نہیں کرنا پڑا، جو ایک ایسے ملک میں قابل ذکر ہے جہاں مساجد کی سرگرمیوں کو فروغ دینے کی کوششوں کو بعض اوقات اسلامو فوبیا اور مسلم مخالف بیان بازی کا نشانہ بنایا جاتا رہا ہے۔

امریکی ٹی وی فاکس نیوز نے اپنے مقبول ترین مگر انتہائی متنازعہ میزبان ٹککرکارلسن اور ان کے سینیئر ایگزیکٹو پروڈیوسر جسٹن ویلز کو فوری طورپر فارغ کر دیا۔

باغی ٹی وی: فاکس نیوز کی جانب سے ایک بیان میں کہا گیا ہے کہ انہوں نے اور کارلسن نے ’علیحدگی‘ پر اتفاق کیا ہے۔ دو پیراگراف کے مختصر بیان میں اس اچانک فیصلے کی کوئی وجہ نہیں بتائی گئی۔

کارلسن کا نام ڈومینین ووٹنگ سسٹم کیس میں بھی آیا تھا جبکہ میزبان پران کی سابقہ پروڈیوسر نے جنسی ہراسانی کا الزام بھی لگایا تھا 53 سالہ کارلسن کا آخری ٹی وی پروگرام جمعہ 21 اپریل کو ہوا تھا، امریکی میڈیا کے مطابق میزبان کے شوکو نسل پرست اورامیگرینٹ مخالف تصورکیا جاتا تھا۔

لاس اینجلس ٹائمز نے اپنی رپورٹ میں بتایا کہ کارلسن کی برطرفی کا فیصلہ’اوپر’ سے آیا ہے، جن میں فاکس کے چیئرمین روپرٹ مرڈوک اور ان کے بیٹے لاچلن بھی شامل ہیں۔

کارلسن کو ایک انتہائی بااثرشخصیت سمجھا جاتا ہے، ان کے شوزاکثر کنزرویٹوز اورریپبلکن پارٹی کے لیے ایجنڈا طے کرتے ہیں۔ کارلسن کے پروگرام میں امیگریشن، جرائم، نسل، جنس اور جنسیت جیسے معاملات اٹھائے جاتے ہیں وہ فاکس نیوز کے ٹاپ ریٹیڈ میزبان تھے۔

اگرچہ کارلسن اکثرڈونلڈ ٹرمپ سے عوامی طور پراتفاق کرتے تھے جن کی سیاست نے حالیہ برسوں میں ریپبلکن پارٹی کو تبدیل کردیا ہے ، لیکن وہ کبھی کبھار سابق صدرکے سیاسی خیالات سے اختلاف بھی کرتے دکھائی دیتے تھے۔

کارلسن کے فاکس نیوز سے جانے کا اعلان ایسے وقت میں سامنے آیا ہے جب چند روز قبل فاکس نیوز نے 2020 کے صدارتی انتخابات کی کیبل نیٹ ورک کی کوریج پر ووٹنگ مشین کمپنی ڈومینین کی جانب سے ہتک عزت کا مقدمہ نمٹا دیا تھا۔

مقدمے میں ڈومینین کا موقف تھا کہ فاکس نیوز کی جانب سے ٹرمپ کے خلاف دھاندلی کے جھوٹے دعوے سے ان کے کاروبار کو نقصان پہنچا ہے۔اس کیس نے ٹیکسٹ پیغامات سے متعلق انکشافات کو جنم دیا جو کارلسن کے نجی خیالات کو ظاہرکرتے تھے۔

ڈومینین کے وکیلوں نے عدالتی دستاویزات میں حوالہ دیتے ہوئے دعویٰ کیا تھا کہ کارلسن کے شو کا کچھ حصہ ہتک آمیز تھا۔ کارلسن کا ٹرمپ کے ساتھ تازہ ترین انٹرویو دو ہفتے قبل سامنے آیا تھا۔ ڈومینین کیس میں انکشافات سے ظاہر ہوتا ہے کہ میزبان نے نجی طور پرسابق صدر کے بارے میں کہا تھا کہ ، ’میں ان سے شدید نفرت کرتا ہوں‘۔

ٹکرکالسن کے فاکس نیوزسے جانے لے اعلان کے بعد نیویارک میں مرڈوک کے زیر کنٹرول کمپنی فوکس کارپوریشن کے حصص کی قیمتوں میں 3 فیصد سے زائد کی کمی دیکھی گئی۔ کمپنی نے اعلان کیا تھا کہ وہ ڈومینین کی جانب سے دائر ہتک عزت کا مقدمہ نمٹانے کے لیے 78 کروڑ 70 لاکھ ڈالر (63 کروڑ 10 لاکھ پاؤنڈ) ادا کرے گی۔

سوچا تمہیں تو درد کی صدیاں پگھل گئیں
دیکھا تمہیں تو وقت کے دریا ٹھہر گئے

اردو زبان کے شاعرعشرت رومانی کا اصل نام سید محمد عشرت ہے بھارت میں سید محمد عقیل کے گھر 01 جنوری 1936ء کو پیدا ہوئے
شاعری کی ابتدا 1950ء میں کی پہلی نظم 1958ءمیں ماہنامہ شمع میں شائع ہوئی ،پہلی غزل کی اشاعت 1960 میں ادبِ لطیف، لاہور میں ہوئی 25 اپریل 2021ء کو خلاق حقیقی سے جا ملے-

تصنیفات
۔۔۔۔۔۔
۔ (1)چند ہم عصر افسانہ نگار ،2004ء-2004
۔ (2)شعور عصر-2002
۔ (3)صبح آنے کو ہے-2000
مستقل پتا:بی۔ 14بلاک سی، رابعہ ڈپلیکس اسکیم 33
گلزار ہجری مین یونیورسٹی روڈ
ڈاکخانہ کراچی یونیورسٹی کراچی

غزل
۔۔۔۔۔
بچھڑ کے ہم سے ملنا چاہتی ہے
محبت اور کیا کیا چاہتی ہے
کسی صحرائے وحشت میں اتر کر
محبت خود سمٹنا چاہتی ہے
جسے سورج نے جھلسایا ہے برسوں
وہی کونپل پنپنا چاہتی ہے
کوئی موج بلا ہے اور تنہا
سمندر کو نگلنا چاہتی ہے
جھلستے سورجوں کی بھٹیوں میں
ہر اک ساعت پگھلنا چاہتی ہے
کوئی زخمی پرندہ مر رہا ہے
بصارت منہ چھپانا چاہتی ہے
سمندر شب اترنے کو ہے عشرتؔ
یہ بستی ڈوب جانا چاہتی ہے

غزل
۔۔۔۔۔
بارش ہوئی تو شہر کے تالاب بھر گئے
کچھ لوگ ڈوبتے ہوئے دھل کر نکھر گئے
سورج چمک اٹھا تو نگاہیں بھٹک گئیں
آئی جو صبح نو تو بصارت سے ڈر گئے
دریا بپھر گئے تو سمندر سے جا ملے
ڈوبے جو ان کے ساتھ کنارے کدھر گئے
دلہن کی سرخ مانگ سے افشاں جو گر گئی
لمحوں کی شوخ جھیل میں تارے بکھر گئے
پھر دشت انتظار میں کھلنے لگے کنول
پلکوں سے جھانکتے ہوئے لمحے سنور گئے
بجھتے ہوئے چراغ ہتھیلی پہ جل گئے
جھونکے تمہاری یاد کے دل میں اتر گئے
سوچا تمہیں تو درد کی صدیاں پگھل گئیں
دیکھا تمہیں تو وقت کے دریا ٹھہر گئے
تم تو بھری بہار میں کھلتے رہے مگر
ہم زخم کائنات تھے کانٹوں سے بھر گئے
عشرتؔ شب نشاط کے جگنو لئے ہوئے
ہم جشن زر نگاہ میں پریوں کے گھر گئے

غزل
۔۔۔۔۔
موسم زرنگاہ آوارہ
کاروان بہار آوارہ
شاخ در شاخ پھول شرمائے
ہو گئی ہے بہار آوارہ
شہر در شہر یوں بھٹکتا ہوں
جیسے ہو تیرا پیار آوارہ
یوں سر راہ ایک پھول کھلا
جیسے اک شاہکار آوارہ
اس طرح دیس دیس پھرتے ہیں
جیسے ابر بہار آوارہ

پھر نئے سر سے جنون قیس کی بنیاد رکھ
پھر نئی لیلی بنا ناقہ بنامحمل بنا

معروف شاعر الطاف احمد انصاری المعروف آزاد انصاری 2؍اکتوبر 1871ء کو ناگپور میں پیدا ہوئے جہاں ان کے والد اور سیری کے عہدے پر فائز تھے۔ وطن سہارن پور۔ اٹھارہ انیس سال کی عمر تک مختلف درس گاہوں میں فارسی وعربی کی تعلیم حاصل کی۔ طب مختلف اساتذہ فن سے پڑھی۔ دہرہ دون، کانپور، انبالہ چھاؤنی اور علی گڑھ میں علاج معالجہ کا کام کرتے رہے۔ جب ان کا کاروبار مطب نہ چلا تو وہ دہلی چلے آئے اور اواخر 1923ء تک دہلی میں بسر اوقات کرتے رہے۔ 14؍اکتوبر 1923ء کو حیدرآباد (دکن) پہنچ گئے اور کاروبار مطب چھوڑ کر عینک کی تجارت اختیار کرلی۔ انھیں مولانا حالیؔ سے تلمذ حاصل تھا۔

آزادؔ انصاری 25؍اپریل 1942ء کو حیدرآباد دکن میں انتقال کرگئے۔ ان کا دیوان ’’معارف جمیل‘‘ کے نام سے چھپ گیا ہے۔ تکرار الفاظ سے شعر میں حسن پیدا کرنا ان کا خاص فن ہے۔

ریختہ ڈاٹ کام سے ماخوذ

آزادؔ انصاری کے منتخب کلام

حق بنا باطل بنا ناقص بنا کامل بنا
جو بنانا ہو بنا لیکن کسی قابل بنا

شوق کے لائق بنا ارمان کے قابل بنا
اہل دل بننے کی حسرت ہے تو دل کو دل بنا

عقدہ تو بے شک کھلا لیکن بہ صد دقت کھلا
کام تو بے شک بنا لیکن بہ صد مشکل بنا

جب ابھارا ہے تو اپنے قرب کی حد تک ابھار
جب بنایا ہے تو اپنے لطف کے قابل بنا

سب جہانوں سے جدا اپنا جہاں تخلیق کر
سب مکانوں سے جدا اپنا مکان دل بنا

پھر نئے سر سے جنون قیس کی بنیاد رکھ
پھر نئی لیلیٰ بنا ناقہ بنا محمل بنا

یہ تو سمجھے آج آزادؔ ایک کامل فرد ہے
یہ نہ سمجھے ایک ناقص کس طرح کامل بنا

۔۔۔۔۔۔۔۔۔۔۔۔۔۔۔۔۔۔۔

نہ پوچھو کون ہیں کیوں راہ میں ناچار بیٹھے ہیں
مسافر ہیں سفر کرنے کی ہمت ہار بیٹھے ہیں

ادھر پہلو سے وہ اٹھے ادھر دنیا سے ہم اٹھے
چلو ہم بھی تمہارے ساتھ ہی بیکار بیٹھے ہیں

کسے فرصت کہ فرض خدمت الفت بجا لائے
نہ تم بیکار بیٹھے ہو نہ ہم بیکار بیٹھے ہیں

جو اٹھے ہیں تو گرم جستجوئے دوست اٹھے ہیں
جو بیٹھے ہیں تو محو آرزوئے یار بیٹھے ہیں

مقام دستگیری ہے کہ تیرے رہرو الفت
ہزاروں جستجوئیں کر کے ہمت ہار بیٹھے ہیں

نہ پوچھو کون ہیں کیا مدعا ہے کچھ نہیں بابا
گدا ہیں اور زیر سایۂ دیوار بیٹھے ہیں

یہ ہو سکتا نہیں آزادؔ سے مے خانہ خالی ہو
وہ دیکھو کون بیٹھا ہے وہی سرکار بیٹھے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ستم دوست فکر عداوت کہاں تک
کہاں تک وفا سے بغاوت کہاں تک

خلاف سلوک محبت کے خوگر
خلاف سلوک محبت کہاں تک

مسلسل ستم کی حکومت کے بانی
مسلسل ستم کی حکومت کہاں تک

اٹھو درد کی جستجو کر کے دیکھیں
تلاش سکون طبیعت کہاں تک

کبھی حکم پیر مغاں بھی بجا لا
فقط اتباع شریعت کہاں تک

کبھی کچھ نتیجہ نکالو تو جانیں
فقط خبط معلوم و علت کہاں تک