چیئرمین تحریک انصاف عمران خان نے کہا ہے کہ سپریم کورٹ کا فیصلہ نہ ماننے کا مطلب ہو گا کہ ملک میں آئین اور قانون ختم ہو گیا-

باغی ٹی وی : ایک انٹرویو میں عمران خان کا کہنا تھا کہ حکومت سے مذاکرات صرف الیکشن پر ہی ہو سکتے ہیں اور ان مذاکرات کا بھی وہ خود حصہ نہیں بنیں گے میں نے ان کے ساتھ نہیں بیٹھنا، ہماری ٹیم بیٹھے گی لیکن بات صرف الیکشن کی ہے گرینڈ نیشنل ڈائیلاگ کی بڑی بڑی باتیں چھوڑیں، پہلے تو آئیں الیکشن کے اوپر اگر آپ الیکشن ہی نہیں کروا سکتے تو کون سا ڈائیلاگ کرنا ہے کسی سے۔

جسٹس فائز عیسی حکمنامے کے بعد از خود نوٹس کیس کی سماعت نہیں ہو سکتی. امان اللہ کنرانی

چئیرمین تحریک انصاف نے کہا کہ اس وقت ملک کا سب سے بڑا مسئلہ 90 دن میں الیکشن کا ہونا ہے اگر انتخابات 90 دن میں نہیں ہوتے تو پھر اکتوبر میں کیوں ہوں؟ پھر کہیں گے اگلے سال بھی کیوں ہوں؟ پھر تو جو طاقت ور فیصلہ کرے گا وہی ہو گا۔

پی ڈی ایم کی جانب سے سپریم کورٹ کے تین رکنی بینچ پر عدم اطمینان کے اظہار پر ردعمل دیتے ہوئے عمران خان کا کہنا تھا کہ سپریم کورٹ کا فیصلہ نہ ماننے کا مطلب ہو گا کہ ملک میں آئین اور قانون ختم ہو گیا-

انٹرویو میں عمران خان نے کہا کہ سابق آرمی چیف جنرل (ر) قمر جاوید باجوہ کو توسیع نہ دے کر نوازشریف نے اچھا کام کیا تاہم ساتھ ہی عمران خان نے ساتھ ہی قمر جاوید باجوہ کو تاحیات ایکسٹینشن کی آفر دینے کی تردید کر دی۔

عمران خان نے کہا کہ ہمیں پتا چلاتھا کہ شہبازشریف نے قمر جاوید باجوہ کو توسیع کی پیشکش کر دی ہے تو میں نے کہا اگر وہ توسیع دے رہے ہیں تو ہم بھی آپ کو دے دیتے ہیں، جنرل باجوہ کو توسیع نہ دے کر نوازشریف نے اچھا کام کیا، ہر انسان غلطیاں کرتا ہے مجھ سے بھی غلطیاں ہوئیں یہ جھوٹ ہے کہ ہم نے جنرل باجوہ کو تاحیات توسیع کی پیشکش کی –

جسٹس فائز عیسی حکمنامے کے بعد از خود نوٹس کیس کی سماعت نہیں ہو سکتی. …

انہوں نے بتایا کہ اقتدار کے بعد میری ان سے دو میٹنگ ہوئیں جس کا مقصد الیکشن کرانا تھا، میں نے ان کو کہا کہ ملک نیچے جا رہا ہے سوائے الیکشن کے کوئی راستہ نہیں، جب انہوں نے ہمارے اتحادیوں کو لوٹے بنا کر دوسری طرف بھیجا تو میں نے الیکشن کا اعلان کر دیا سوموٹو ایکشن لیا گیا، 12 بجے عدالتیں کھلیں، ہمارے الیکشن کے اعلان کو رد کر دیا گیا۔

ان کا کہنا تھا کہ شروع میں جنرل باجوہ اور ہم خارجہ پالیسی سمیت دیگر ایشوز پر ایک صفحے پر تھے، آخری 6 ماہ میں چینج آیا، خارجہ پالیسی میں بھی ایک دم تبدیل ہوگئے، ہم چاہتے تھے کہ یوکرین جنگ میں ہم نیوٹرل رہیں، ایک دم ان کو یہ ہوا کہ ہمیں روس کی مذمت کرنی چاہیے یہ ساری گیم اپنی توسیع کیلئے ہوئی تھی، شہباز شریف سے انڈراسٹیڈنگ ہوئی تھی کہ قمر جاوید باجوہ کو توسیع مل جائے گی۔

ملک کے مختلف علاقوں میں تیز ہواؤں اور گرج چمک کے ساتھ مزید بارشوں کی …

عمران خان نے کہا کہ توسیع کے بعد جنرل باجوہ نے این آرو کی بات کی، پہلے کبھی نہیں کی ضمنی انتخابات میں عوام نے پی ڈی ایم اور اسٹیبلشمنٹ کو شکست دی، واضح ہوگیا کہ 2018 کے الیکشن میں ہمیں عوام نے جتوایا تھاہمارے ورکرز پر ظلم اس لیے کیا جا رہا ہے کہ کسی طرح ان چوروں کو قبول کر لیں۔

نامور عالم دین مفتی تقی عثمانی نے موجودہ ملکی سیاسی صورتحال میں سیاستدانوں اور دیگر اداروں کو مل بیٹھ کر مسائل کا حل نکالنے کا مشورہ دیا ہے۔

باغی ٹی وی : سماجی رابطے کی ویب سائٹ ٹوئٹر پر اپنی سلسلہ وار ٹوئٹس میں مفتی تقی عثمانی نے لکھا کہ اگر کسی گھر کے لوگ آپس میں لڑ رہے ہوں اور گھر میں آگ لگ جائے توکیا اس وقت یہ بحث کی جائیگی کہ آگ کس نے لگائی یا واحد راستہ یہ ہوگا کہ سب ملکر آگ بجھائیں؟ موجودہ بحران کا حل صرف یہی ہے کہ تمام جماعتیں اور ادارے منافرت اور دشمنی کے بجائے سرجوڑکرملک کوبچائیں-

اگر کسی گھر کے لوگ آپس میں لڑ رہے ہوں اور گھر میں آگ لگ جائے توکیا اس وقت یہ بحث کی جائیگی کہ آگ کس نے لگائی یا واحد راستہ یہ ہوگا کہ سب ملکر آگ بجھائیں؟ موجودہ بحران کا حل صرف یہی ہے کہ تمام جماعتیں اور ادارے منافرت اور دشمنی کے بجائے سرجوڑکرملک کوبچائیں

— Muhammad Taqi Usmani (Official) (@muftitaqiusmani) April 1, 2023

انہوں نے مزید لکھا کہ قرآن کریم فرماتاہے کہ "تمام مسلمان آپس میں بھائی ہیں اس لئے اپنے دو بھائیوں کے درمیان صلح کراو اوراللہ سے ڈرو تاکہ تمھارےساتھ رحمت کامعاملہ کیا جائے ” عوام اور بااثرحضرات کافرض ہے کہ وہ اس قرآنی حکم پرعمل کرکے رھنماوں کو ساتھ بٹھانے کی بھرپور کوشش کریں-

قرآن کریم فرماتاہے کہ "تمام مسلمان آپس میں بھائی ہیں اس لئے اپنے دو بھائیوں کے درمیان صلح کراو اوراللہ سے ڈرو تاکہ تمھارےساتھ رحمت کامعاملہ کیا جائے " عوام اور بااثرحضرات کافرض ہے کہ وہ اس قرآنی حکم پرعمل کرکے رھنماوں کو ساتھ بٹھانے کی بھرپور کوشش کریں

— Muhammad Taqi Usmani (Official) (@muftitaqiusmani) April 1, 2023

مفتی تقی نےکہا کہ فوج اور عدلیہ کو یقیناًسیاست میں دخل نہیں دینا چاہئیے لیکن ایسے سنگین حالات میں جماعتوں کو ساتھ بٹھا کر غیرجانب داری سے خالص ملک کے مفاد اور قومی سلامتی کے لئے مسئلے کاحل نکالنا انکا فرض بنتا ہے اللہ تعالی اسکی توفیق عطا فرمائے آمین-

فوج اور عدلیہ کو یقیناً سیاست میں دخل نہیں دینا چاھئے لیکن ایسے سنگین حالات میں جماعتوں کو ساتھ بٹھا کر غیرجانب داری سے خالص ملک کے مفاد اور قومی سلامتی کے لئے مسئلے کاحل نکالنا انکا فرض بنتا ہے اللہ تعالی اسکی توفیق عطا فرمائے آمین

— Muhammad Taqi Usmani (Official) (@muftitaqiusmani) April 1, 2023

لاہور:صحت کی دیکھ بھال کیلئے قائم خیراتی ادارہ رحمت علی میموریل ٹرسٹ لگن اور دلجمعی سے پسماندہ عوام کی خدمت میں مامور ہے-

باغی ٹی وی: رحمت علی میموریل ٹرسٹ (CRAMT)، ٹاؤن شپ، لاہور، ایک خیراتی ادارہ جو 1976 میں پسماندہ عوام کے لیے صحت کی دیکھ بھال اور تعلیم کی خدمات انجام دینے کے لیے قائم کیا گیا تھا۔

خدمت انسانیت کا اجر دنیا میں نہیں بلکہ رب آخرت میں دیں گے، موجودہ حالات میں جہاں وطن عزیز پاکستان میں مہنگائی ، بے روزگاری ، غربت نے ڈیرے ڈال رکھے ہیں، گھروں میں فاقے تو علاج کے لیے بھی کچھ نہیں، زندہ رہنے کے لئے بھی انسانی ضروریات کو پورا کرنا مشکل دکھائی دے رہا ہو تو ایسے میں وہ ادارے ، افراد جو غریب عوام کی بے لوث خدمت کرتے ہیں کسی نعمت سے کم نہیں، انہی اداروں میں سے ایک چودھری رحمت علی میموریل ٹرسٹ ہے جس کی خدمات کسی سے ڈھکی چھپی نہیں-

لاہور میں موجود اس ادارے نے عوامی خدمت میں وہ مثال قائم کی ہے جو شاید حکومتیں بھی نہیں کر سکتیں، خدمت انسانیت کا یہ کام پاکستانی قوم کے تعاون سے ہی ممکن ہو رہا ہے ، رمضان برکتوں والا مہینہ چل رہا ہے ضرورت اس امر کی ہے کہ ماہ مبارک میں چودھری رحمت علی میموریل ٹرسٹ کی ہر ممکن مدد کریں تاکہ انکی خدمت انسانیت کہ شمع جلتی رہے-

ڈاکٹر ایس ایم کے واسطی جو لاہور کے مشہور چائلڈ اسپیشلسٹ تھے ،انہوں نے چند دوستوں کے ساتھ مل کر 70کی دہائی میں چوہدری رحمت علی کے نام پر ٹرسٹ بنانےکی ٹھانی۔ڈاکٹر رشید چوہدری اوردیگر احباب کےساتھ مل کرجو پودا انہوں نے لگایا آج اس شجرسایہ دار کےتحت ایک ہسپتال ، ایک گرلز کالج،ایک گرلز اسکول، ایک بوائز اسکول ،ایک مسجد اور اس سے ملحق ایک مدرسہ قائم ہیں-

رحمت علی میموریل ٹرسٹ کے سماجی خدمت کے شعبے درج ذیل ہیں۔

چودھری رحمت علی میموریل ٹرسٹ ہسپتال سے سالانہ ڈیڑھ لاکھ کے لگ بھگ لوگ مستفید ہو تے ہیں ، غریب اور مستحق افراد کا علاج مفت کیا جاتا ہے۔ٹرسٹ کے زیر اہتمام بوائز ہائی اسکول،گرلز اسکول،گرلز ڈگری کالج میں طلباء طالبات کی تعداد 2000سے زائد ہے۔

ماہانہ فیس انتہائی کم،تاہم ذہین و مستحق طلباء طالبات کو فیس میں خصوصی رعایت جبکہ انتہائی ضرورت مند طلباء کومفت تعلیم کی سہولت میسر ہے۔جامعہ مسجد رحمت و دارالعلوم میں بچوں کو حفظ قرآن،ناظرہ تجوید و درس نظامی کی مفت تعلیم جبکہ ان بچوں کے کھانے پینے ،علاج اور رہائش کے اخراجات بھی ادارہ کے ذمہ ہیں۔

48 بستروں والا ہسپتال ہے جس کی او پی ڈی میں مختلف بیماریوں میں مبتلا مریضوں کو چیک کیا جاتا ہےسپتال نے پچھلے سال 160,000 سے زیادہ مریضوں کی علاج معالجہ کیا او پی ڈی کے مریضوں سے انتہائی کمزور افراد کو اعلیٰ معیار کی مشاورت اور مفت ادویات کی فراہمی کے لیے 50 روپے کی معمولی فیس لی جاتی ہے۔

ایک مسجد اور ایک رہائشی سہولت کا انتظام ہے جس میں حفظ اور قرآن سیکھنے کی تعلیم دی جاتی ہے۔

چوہدری رحمت علی میموریل ٹرسٹ ٹاؤن شپ، لاہور کے صدرڈاکٹر عثمان واسطی کا کہنا ہےکہ جاری خدمات کو برقراررکھنے اور خدمات کے دائرہ کار کو بڑھانے کے لیے، کمیونٹی کی مالی مدد ٹرسٹ کے لیے ایک ضروری لائف لائن ہے بورڈ آف ٹرسٹ کیجانب سے شہریوں سے درخواست کی کہ آپ زکوٰۃ اور عطیات کے ذریعے اس سماجی بہبود کے منصوبے کو تقویت دیں ہم آپ کی ہمدردی اور حمایت کے لیے پیشگی شکریہ ادا کرتے ہیں آپ کے قیمتی تعاون کا انتظار رہے گا۔

ٹرسٹ کے ماہانہ کل اخراجات ایک کروڑ سے زائد ہیں جبکہ توسیع اور مزید سہولیات کے لئے عطیات اور مالی معاونت کا تخمینہ الگ جو احباب اس شجر سایہ دار کا سایہ پھیلانے میں زکوۃ، عطیات و صدقات کے ذریعے سےشامل ہو سکیں۔اس میں انکی دنیا اور آخرت کی بھلائی بھی ہے اور معاشرے کا حق داروں کا حق بھی ادا ہونے کی صورت بھی ہےچوہدری رحمت علی میموریل ٹرسٹ کے لیے اپنی زکوٰۃ، صدقات اور عطیات فراہم کرنے کے لیے تفصیلات درج ذیل ہیں۔

آن لائن ڈپازٹ کے لیے؛

1-نیشنل بینک آف پاکستان (ٹاؤن شپ لاہور)
اکاؤنٹ کا عنوان: Ch. رحمت علی میموریل ٹرسٹ ہسپتال
بینک اکاؤنٹ: 1669003035978601 (برانچ کوڈ 1669)
IBAN نمبر: PK70NBPA1669003035978601

2- بینک اسلامی پاکستان لمیٹڈ (اکبر چوک، پیکو روڈ لاہور)
اکاؤنٹ کا عنوان: Ch. رحمت علی میموریل ٹرسٹ
بینک اکاؤنٹ: 201139351240201 (برانچ کوڈ 2011)
IBAN نمبر: PK84BKIP0201139351240201

3- علاوہ ازیں عطیات جمع کرنے کے لیےاس نمبر پر رابطہ کر سکتے ہیں :
042-35154812، 0309-3330125

چودھری. رحمت علی میموریل ٹرسٹ 45-سوک سینٹر، ڈاکٹر واسطی چوک،ٹاؤن شپ، لاہور میں واقعہ ہے چودھری. رحمت علی میموریل ٹرسٹ پنجاب چیریٹی کمیشن (پی سی سی)پاکستان سینٹر فار فلانتھراپی (PCP کی جانب سے رجسٹرڈ ہے، تمام عطیات انکم ٹیکس آرڈیننس 2001 کے سیکشن 2 (36) کے تحت ٹیکس سے مستثنیٰ ہیں ٹرسٹ عطیات/فنڈز کا انتظام ایک اچھی طرح سے طے شدہ نظام کے ذریعے کرتا ہے۔

ویب سائٹ:
www.chaudhryrahmatalitrust.com