Baaghi TV

Author: Ayesha Rehmani

  • خیبر میں ایف سی چیک پوسٹ پر دستی بم حملے میں ایک اہلکار زخمی

    خیبر میں ایف سی چیک پوسٹ پر دستی بم حملے میں ایک اہلکار زخمی

    پشاور: خیبر کے تھانہ باڑہ علاقہ نالہ میں ایف سی چیک پوسٹ پر دستی بم حملے میں ایک اہلکار زخمی ہوگیا۔

    باغی ٹی وی: ایف سی ذرائع کے مطابق زخمی اہلکار کو قریبی طبی مرکز منتقل کر دیا گیا جبکہ جوابی کارروائی کے بعد دہشت گرد فرار ہوگئے۔

    گوادر:پاکستان کوسٹ گارڈزکی بڑی کاروائی، 50 ملین سے زائد مالیت کی منشیات پکڑ لی

    قبل ازیں گزشتہ شب لکی مروت میں تھانہ برگی میں دہشت گردوں کے حملے میں 4 پولیس اہلکار شہید اور 4 زخمی ہوگئے۔ دہشت گردوں نے ہینڈ گرینڈ اور راکٹ سے تھانے پر حملہ کیا۔

    وزیر اعلیٰ خیبر پختونخوا محمود خان نے لکی مروت میں دہشت گرد حملے کی شدید مذمت کرتے ہوئے آئی جی پولیس سے رپورٹ طلب کی ہے وزیر اعلیٰ کے پی نے زخمی پولیس اہلکاروں کو بہترین طبی امداد فراہم کرنے کی ہدایت کر دی۔

    محمود خان نے شہید ہونے والے اہلکاروں کی درجات بلندی اور لواحقین کے لیے صبر و تحمل کی دعا کی۔ انکا کہنا تھا کہ واقعہ انتہائی افسوس ناک ہے، شہداء کی قربانیاں رائیگاں نہیں جائے گی۔

    لکی مروت: دہشت گردوں کے حملے میں 4 پولیس اہلکار شہید اور چار زخمی

  • ناسا کی جیمز ویب اسپیس ٹیلی اسکوپ نےزندگی کیلئے موافق سیاروں کا ایک جتھہ دریافت کر لیا

    ناسا کی جیمز ویب اسپیس ٹیلی اسکوپ نےزندگی کیلئے موافق سیاروں کا ایک جتھہ دریافت کر لیا

    واشنگٹن: ناسا کی جیمز ویب اسپیس ٹیلی اسکوپ نے سیاروں کا ایک جتھہ دریافت کیا ہے جو ممکنہ طور پر زندگی کے لیے موافق ہوسکتے ہیں۔

    باغی ٹی وی : ماہرینِ فلکیات نے سات سیاروں پر مشتملTRAPPIST-1 نامی ایک نظام کا مشاہدہ کیا ہے جس میں یہ سیارے ایک سورج جیسے ستارے کے گرد گھوم رہے ہیں۔

    قدیم ترین ڈی این اے سے سائنسدانوں نے 20 لاکھ سال پرانی دنیا دریافت کر لی

    ناسا کی جیمز ویب اسپیس ٹیلی اسکوپ نے زمین سے 39 نوری سال کے فاصلے پر موجود اس نظام کی نشان دہی کی اور اس کے متعلق اہم تفصلات حاصل کیں۔

    ان تفصیلات میں سب سے اہم بات یہ ہے کہ یہ سیارے اپنے مرکزی ستارے کے ایک ایسے خطے میں موجود ہیں جو قابلِ سکونت ہے۔ قابلِ سکونت خطہ وہ علاقہ ہوتا ہے جہاں پانی مائع صورت میں موجود رہ سکتا ہے اور ماہرین فلکیات انہیں اس مطالعہ کے لیے سب سے مشہور تجربہ گاہ سمجھتے ہیں کہ نظام شمسی سے باہر کے سیاروں کو زندگی کے لیے کیا موزوں بنا سکتا ہے۔

    یہ ایک ایسی خصوصیت ہوتی ہے جو کسی سیارے پر زندگی کی نشو نما کے لیے انتہائی ضروری ہوتی ہے سائنس دانوں کو امید ہے اس سسٹم سے مستقبل میں کاربن ڈائی آکسائیڈ یا میتھین پر مشتمل دیگر آثار بھی ہاتھ لگیں گے۔

    یو اے ای نے چاند پر لینڈ کرنے والا مشن روانہ کر دیا

    ماہرین کے مطابق یہ ساتوں سیارے اپنے مرکزی ستارے سے اتنے فاصلے پر موجود ہیں جتنا فاصلہ سورج اور نظامِ شمسی کے پہلے سیارے عطارد کے درمیان ہے۔

    اب تک کے نتائج ابتدائی ہیں اور ابھی تک اس بات کی نشاندہی نہیں کرتے ہیں کہ ان سیاروں میں اصل میں کس قسم کے ماحول ہو سکتے ہیں۔ لیکن اگر ان میں کاربن ڈائی آکسائیڈ یا میتھین جیسے دلچسپ مالیکیولز پر مشتمل گھنے ماحول ہیں، تو 10 بلین امریکی ڈالر کی دوربین آنے والے مہینوں اور سالوں میں ان کا پتہ لگانے کے قابل ہو جائے گی۔ کوئی اور رصد گاہ اتنی طاقتور نہیں ہے کہ ان ماحول کو دیکھ سکے۔

    TRAPPIST-1 سیاروں کا نظام، جو 2017 میں تیار کیا گیا تھا، ماہرین فلکیات کو ایک ستارے کے گرد گردش کرنے والی زمین کے سائز کی دنیاؤں کی تشکیل اور ارتقا کو سمجھنے کے متعدد مواقع فراہم کرتا ہے۔ ستارہ نسبتاً ٹھنڈا ہے، اور سات سیارے اس کے قریب مرکری سورج کے مقابلے میں واقع ہیں۔

    شہابی پتھر سے دو نئی معدنیات دریافت

  • گوادر:پاکستان کوسٹ گارڈزکی بڑی کاروائی، 50 ملین سے زائد مالیت کی منشیات پکڑ لی

    گوادر:پاکستان کوسٹ گارڈزکی بڑی کاروائی، 50 ملین سے زائد مالیت کی منشیات پکڑ لی

    گوادر: پاکستان کوسٹ گارڈز کی خفیہ اطلاع پر بڑی کاروائی ،935 کلوگرام چرس اور 80 کلوگرام کرسٹل برآمد کر لیا-

    باغی ٹی وی : ترجمان کوسٹ گارڈز کے مطابق نامعلوم اسمگلر منشیات کی بھاری کھیپ کو سمندر کے راستے سے بیرون ملک منتقل کرنا چاہتے تھے،برامد شدہ منشیات میں 935 کلوگرام چرس اور 80 کلوگرام کرسٹل شامل ہیں-


    ترجمان کوسڑ گارڈ کے مطابق پکڑی گئی منشیات کی قیمت بین الاقوامی مارکیٹ میں 50 ملین روپے سے زائد ہے.

    قبل ازیں اینٹی نارکوٹکس فورس نے لاہورمیں ادویات تیارکرنے والی فیکٹری پرچھاپا مارا ملزمان ممنوعہ کیمیکل کیٹامائن سے منشیات تیار کررہے تھے، فیکٹری سے 50 کلو کیٹا مائن اور دو گاڑیاں بھی قبضے میں لے لی،ملزمان دیگر فارما کمپنیوں سے دواسازی کی آڑ میں کیٹامائن خرید کر منشیات بناتے اور اسمگلرز کو بیچتے تھے ادویات کی آڑ میں تیار ہونے والی منشیات تعلیمی اداروں میں طلباء کو فروخت کی جاتی تھی، ملزمان کے خلاف مقدمہ درج کرلیا مزید تحقیقات کی جارہی ہیں۔

  • وزیراعظم شہباز شریف کا فردوس جمال کو فون،کینسرکےعلاج و معالجے میں ہر قسم کے تعاون کی یقین دہانی

    وزیراعظم شہباز شریف کا فردوس جمال کو فون،کینسرکےعلاج و معالجے میں ہر قسم کے تعاون کی یقین دہانی

    وزیراعظم شہباز شریف نے کینسر میں مبتلا اداکار فردوس جمال کو ٹیلیفون کرکے ان کی خیریت دریافت کی اور انہیں علاج و معالجے میں ہر قسم کے تعاون کی یقین دہانی بھی کرائی۔

    باغی ٹی وی : شہباز شریف نے فردوس جمال کو علاج معالجے میں بھرپور تعاون کی یقین دہانی کرائی ہے، وزیراعظم نے کہا اِن شاءاللّٰہ آپ کے علاج میں کوئی کسر نہیں اٹھا رکھیں گے اداکار فردوس جمال نے مزاج پرسی اور علاج سے متعلق یقین دہانی پر وزیراعظم کا شکریہ ادا کیا۔

    سلمان خان نے دیں اکشے کمار کو دعائیں

    دوسری جانب فردوس جمال کے بیٹے حمزہ فردوس نے بھی انسٹاگرام پر وزیر اعظم کا خصوصی شکریہ ادا کیا، ساتھ ہی انہوں نے وزیر اطلاعات مریم اورنگزیب کو بھی شکریہ کہا۔

    حمزہ نے اپنی پوسٹ میں لکھا کہ وفاقی حکومت نے والد کو اس مشکل وقت میں اپنے ساتھ ہونے کی یقین دہانی کرائی ہے جس کا میں مشکور ہوں۔

    واضح رہے کہ کچھ روز قبل حمزہ فردوس نے انکشاف کیا تھا کہ ان کے والد میں کینسر کی تشخیص ہوئی ہے اور وہ اسپتال میں زیر علاج ہیں والد تمام مشکلات کو زیر کرکے اداکار بنے،اب ایک اور جنگ لڑنی ہے لیکن خوش قسمتی سے چیزیں ان کے حق میں ہیں، انشاءاللہ وہ مضبوطی سے اس سے باہر نکلیں گے-

    بھارت میں بنے گی فلم جس نے لاہور نہیں‌ دیکھا

    حمزہ نے تمام مداحوں سے دعاؤں کی درخواست کی اور لکھا تھا کہ انہیں خصوصی طور پر اپنی دعاؤں میں یاد رکھیے گا-

  • بابراعظم سال میں سب سے زیادہ انٹرنیشنل نصف سینچریاں بنانے والے کھلاڑی بن گئے

    بابراعظم سال میں سب سے زیادہ انٹرنیشنل نصف سینچریاں بنانے والے کھلاڑی بن گئے

    کراچی: پاکستان کے کپتان بابر اعظم نے ایک سال میں سب سے زیادہ انٹرنیشنل نصف سینچریاں بنانے والے کھلاڑی بن گئے۔

    باغی ٹی وی : ہفتے کےروز کراچی میں انگلینڈ کے خلاف شروع ہونے والے سیریز کے تیسرے اور آخری ٹیسٹ میں بابر اعظم نے رواں سال انٹرنیشنل کرکٹ میں 23 ویں نصف سینچری اسکور کی بابر کے 23 ففٹی پلس اسکور میں سات سنچریاں اور سولہ نصف سنچریاں شامل ہیں۔

    میچ کے دوران خود سے بیلز گرنے اور اسٹمپ روشن ہونے پر پلیئرزاور کمنٹیٹرز سمیت سب دم بخود

    بابر اعظم نے اس سال ٹیسٹ میں نو، ون ڈے میں آٹھ اور ٹی ٹوئنٹی میں 10 بار پچاس سے زائد رنز اسکور کیے اس سے قبل 2013 میں مصباح الحق نے 22 انٹرنیشنل نصف سینچریاں بنائی تھیں۔ اسکور کی تھیں سری لنکا کے کھلاڑی کمار سنگاکارا نے 2014 میں25 جب کہ رکی پونٹنگ نے 2005 میں 24 ففٹی پلس اسکور کیے تھے جبکہ بھارت کے سارو گنگولی اور انگلینڈ کے جو روٹ بھی ایک کیلنڈر سال میں 23،23 ففٹی پلس اسکور کرچکے ہیں۔

    ہمیں اس سوچ سے باہر نکلنا ہو گا جو ہمیں منفی ہیڈ لائنز دیتی ہے،رمیز راجہ

    دوسری جانب قومی ٹیم کے کپتان بابر اعظم کراچی ٹیسٹ کے دوسرے روز طبیعت ناساز ہونے کے باعث فیلڈنگ کے لیے میدان میں نہ آئے۔

    پاکستان اور انگلینڈ کی ٹیموں کے درمیان کراچی کے نیشنل اسٹیڈیم میں دوسرے روز کا کھیل جاری ہے اور انگلینڈ کی ٹیم پہلی اننگز میں بیٹنگ کر رہی ہےکھیل کے دوسرے روز پاکستان کے کپتان بابر اعظم طبیعت ناساز ہونے کے باعث فیلڈنگ کے لیے میدان میں نہ آئے۔

    قومی ٹیم کے کپتان بابر اعظم نے بابر بیٹھ کر تھوڑا آرام کیا اور 14 اوورز کے کھیل کے بعد فیلڈنگ کے لیے میدان میں واپس آئے۔

    کراچی ٹیسٹ؛ پاکستان 304 رنز پر آؤٹ:انگلینڈ کا آغازاچھا نہ ہوسکا

  • ہمیں اس سوچ سے باہر نکلنا ہو گا جو ہمیں منفی ہیڈ لائنز دیتی ہے،رمیز راجہ

    ہمیں اس سوچ سے باہر نکلنا ہو گا جو ہمیں منفی ہیڈ لائنز دیتی ہے،رمیز راجہ

    پاکستان کرکٹ بورڈ (پی سی بی ) کے چیئرمین رمیز راجا نے صحافیوں کو آڑے ہاتھوں لیتے ہوئے انہیں منفی باتیں نہ کرنے پر زور دیا ہے۔

    باغی ٹی وی : نیشنل اسٹیڈیم میں صحافیوں سے گفتگو کرتے ہوئے رمیز راجا کا کہنا تھا کہ ہمیں اس سوچ سے باہر نکلنا ہو گا جو ہمیں منفی ہیڈ لائنز دیتی ہے، پچز دیکھیں تو دونوں میچز نتیجہ خیز تھے، ہماری کرکٹ ایک برانڈ بن چکی ہے، اگر ہم اس برانڈ کا خیال نہیں رکھیں گے منفی باتیں پھیلانے کے لیے 10 ہزار چیزیں موجود ہیں مثلاً پانی ٹھیک نہیں یا پھر کرسیاں ٹھیک نہیں ہر ایک پر کام ہونا ہے لہٰذا صبر سے کام لیں۔

    فیفا ورلڈ کپ؛ تیسری پوزیشن کے میچ میں کروشیا نےمراکش کو ہرادیا


    کھلاڑیوں کی انجریز سے متعلق کیے گئے سوال پر رمیز راجا کا کہنا تھا کہ دنیا میں اتنی کرکٹ ہو رہی ہے، ہر جگہ کھلاڑی انجرڈ ہوتے ہیں، ہر پلیئر ٹیسٹ کرکٹ سے ون ڈے اور ٹی ٹوئنٹی میں آتا ہے لیکن ہم ون ڈے اور ٹی ٹوئنٹی سے پلیئرز کو ٹیسٹ میں لا رہے ہیں اور اس حوالے سے فاسٹ بولرز سے بات کی جا رہی ہے کہ پہلے فائیو ڈے کرکٹ کی فٹنس حاصل کریں تاکہ ان کے لیے ون ڈے اور ٹی ٹوئنٹی کرکٹ آسان ہو جائے۔

    چیئرمین پی سی بی کا کہنا تھا کہ فٹنس کے مسائل ہیں اسی لئے فٹنس کے مسائل کی وجہ سے ہم ایبٹ آباد اور لاہور میں دنیا کے بہترین ری ہیب سینٹر بنا رہے ہیں، کرکٹ کے علاوہ ہاکی اور فٹبال کے تمام کھلاڑی فٹنس کے لیے اس ری ہیب سینٹر میں آسکیں گے۔

    پی ٹی آئی صوبائی وزیر کامران بنگش اپنے لگائے گئے رمیز راجہ پر برس پڑے

    گزشتہ دو ٹیسٹ میچز میں پاکستان کی شکست پر بات کرتے ہوئے رمیز راجا کا کہنا تھا کہ شکست کے باوجود اس ٹیم کے ڈریسنگ روم ماحول ابھی تک خراب نہیں ہوا جس کا کریڈٹ اس ٹیم کو جاتا ہے اور اس ٹیم کی خاص بات یہی ہے کہ یہ ٹیم فائٹ کرتی ہے، اگر پچھلے دو میچز میں ہماری آخری کی پانچ وکٹیں نہ گرتیں تو نتائج بہت مختلف ہوتے-

    رمیز راجہ نے کہا کہ ہماری ٹیسٹ کرکٹ ٹیم کا پول لمیٹڈ ہے اگر آپ ڈیبیو کروائیں گے تو گھر میں ہی کروائیں گے آپ نت دیکھا سعود شکیل نے بہت اچھی پرفارمنس دی چیئرمین پی سی بی نے شکوہ کیا کہ ملتان ٹیسٹ میں سعود شکیل کا متنازع آؤٹ نہ دیا جاتا تو ہم جیت جاتے، اظہر علی کو ریٹائرمنٹ لینے کیلیے کوئی دباؤ نہیں ڈالا گیا۔

    چیئرمین پی سی بی رمیز راجا نے کہا ہے کہ انگلیںڈ کے آنے سے ہم نے بھی مثبت کرکٹ کھیلنا شروع کردی ہے، ہم اپنی صلاحیت کے مطابق کھیل رہے ہیں، قومی کرکٹ ٹیم آخری لمحے تک مقابلہ کرنا جانتی ہے۔ میڈیا منفی سوچ والی ہیڈلائنز بند کرے۔

    رمیز راجا کو ہٹا کر نجم سیھٹی کودوبارہ چیئرمین پی سی بی بنانے کا عندیہ

  • لانس نائیک محمد محفوظ شہید نشانِ حیدر کا 51 واں یوم شہادت

    لانس نائیک محمد محفوظ شہید نشانِ حیدر کا 51 واں یوم شہادت

    راولپنڈی: لانس نائیک محمد محفوظ شہید، نشان حیدر کی 51 ویں برسی آج محفوظ آباد، پرانے پنڈ ملکان میں منائی گئی۔

    باغی ٹی وی : آئی ایس پی آر کے مطابق میجر جنرل شعیب بن اکرم نے لانس نائیک محمد محفوظ شہید کے مزار پر پھولوں کی چادر چڑھائی۔ پاک فوج کے چاق و چوبند دستے نے گارڈ آف آنر پیش کیا۔


    آئی ایس پی آر کے مطابق پھولوں کی چادر چڑھانے کی تقریب میں مختلف شعبہ ہائے زندگی سے تعلق رکھنے والے افراد، سول و عسکری حکام اور شہدا کے لواحقین نے شرکت کی۔

    لانس نائیک محمد محفوظ 25اکتوبر1944 کو ضلع راولپنڈی کے علاقہ پنڈ ملکاں (محفوظ آباد)میں پیدا ہوئے انہوں نے1962ء میں پاک فوج میں شمولیت اختیار کی،71ء کی پاک بھارت جنگ کے دوران لانس نائیک محمد محفوظ 10پنجاب رجمنٹ کے ساتھ منسلک تھے اور واہگہ اٹاری سیکٹر پر تعینات تھے۔

    انہوں نے بڑی شجاعت اور دلیری کے ساتھ دشمن کا مقابلہ کرتے ہوئے18دسمبر1971ء کو جام شہادت نوش کیا انہیں بہادری کے اعتراف میں پاک فوج نے اعلیٰ ترین اعزازنشان حیدر سے نوازا۔

  • پنجاب میں تحریک عدم اعتماد آسکتی ہے نہ گورنر راج لگ سکتا ہے،شیخ رشید

    پنجاب میں تحریک عدم اعتماد آسکتی ہے نہ گورنر راج لگ سکتا ہے،شیخ رشید

    راولپنڈی: عوامی مسلم لیگ کے سربراہ شیخ رشید احمد کا کہنا ہے کہ پنجاب میں سپریم کورٹ کا فیصلہ موجود ہے اس لیے تحریک عدم اعتماد آسکتی ہے نہ گورنر راج لگ سکتا ہے، قوم الیکشن کی تیاری کرے۔

    باغی ٹی وی : سماجی رابطے کی ویب سائٹ ٹویٹر پر شیخ رشید احمد نے کہا کہ 560 سےزائدسیٹوں پرانتخابات ملک کی سیاست کی درو د یوارہلادیں گےجوکہتےتھےوہ اسمبلیاں نہیں توڑے گااُن کومنہ کی کھانی پڑی اکیلےعمران خان نےسارےسیاست دانوں کوچت کردیا

    لکی مروت: دہشت گردوں کے حملے میں 4 پولیس اہلکار شہید اور چار زخمی


    شیخ رشید نے کہا کہ جو اپنے آپ کو گرو سمجھتے تھے اور جو عمران خان کو دیوار کے ساتھ لگانا چاہتے تھے وه ہی دیوار اُن پر گر گئی ہے، الیکشن میں ہر رکاوٹ حکومت کے گلے پڑے گی۔

    ڈیجیٹل میڈیا انفلوئنسرز اورماہرین صحت کاحکومت سے سگریٹ پر ہیلتھ لیوی ٹیکس فوری عائد کرنے کا مطالبہ

    سابق وزیر داخلہ کا کہنا تھا کہ حکومت عوام کی حالت پر رحم کرے، رکاوٹیں مت کھڑی کرے اور نوازشریف کو بلائے، نواز شریف نیو ایئر لندن میں منائیں، بیماری کا بہانہ ختم کریں اور پاکستان آئیں۔


    شیخ رشید نے کہا کہ کے پی کے میں دوتہائی اکثریت ہےپنجاب میں سپریم کورٹ کافیصلہ موجودہےاس لیےتحریک عدم اعتماد نہیں آسکتی نہ ہی گورنرراج لگ سکتاہےقوم الیکشن کی تیاری کرے-

    سارے بیک ڈور چینل ناکام ہوگئے:عمران خان نے زبردست فیصلہ کیا::شیخ رشید

  • میچ کے دوران خود سے بیلز گرنے اور اسٹمپ روشن ہونے پر پلیئرزاور کمنٹیٹرز سمیت سب دم بخود

    میچ کے دوران خود سے بیلز گرنے اور اسٹمپ روشن ہونے پر پلیئرزاور کمنٹیٹرز سمیت سب دم بخود

    میلبورن: بگ بیش میچ کے دوران خود سے بیلز گرنے اور اسٹمپ روشن ہونے پر سب دم بخود رہ گئے۔

    باغی ٹی وی : برسبین ہیٹ سے میچ میں میلبورن رینیگیڈز کے نک میڈنسن نے نویں اوور کے دوران مارک اسکیٹی کی گیند کو پل کرنا چاہا مگر اس میں وہ ناکام رہے، یہ واقعہ نویں اوور میں پیش آیا، میڈنسن نے 25 گیندوں پر 42 اسکورز کئے-

    رمیز راجا کو ہٹا کر نجم سیھٹی کودوبارہ چیئرمین پی سی بی بنانے کا عندیہ

    جب برسبین ہیٹ کے مارک سٹیکیٹی نے ایک شارٹ گیند پھینکی جیسے ہی انھوں نے مڑ کر دیکھا تو حیران رہ گئے کیونکہ نہ صرف ایک بیل گری ہوئی تھی بلکہ اسٹمپ بھی روشن تھی، وہ سمجھے کہ ہٹ وکٹ کا شکار ہوئے ہیں، اس لیے میدان سے رخصت ہونے لگے –

    فیفا ورلڈ کپ؛ تیسری پوزیشن کیلئے مراکش اور کروشیا مدمقابل

    تاہم، امپائرز کی طرف سے اسے ریویو ہونے کے بعد انتظار کرنے کو کہا گیا، اور یہ واضح طور پر میڈنسن کو اسٹمپ سے کچھ فاصلے پر دکھائی دے رہے تھے ری پلیز میں واضح ہوا کہ میڈنسن کے بیٹ یا پاؤں نے اسٹمپس کو بالکل نہیں چھوا جبکہ گیند بھی کافی دوری سے گزری، اس مسٹری نے تمام پلیئرز، کمنٹیٹرز اور شائقین کو دم بخود کردیا جبکہ سوشل میڈیا پر اسے کسی بھوت کی کارروائی قرار دیا جانے لگا-


    بعد ازاں نک میڈنسن نے 33 گیندوں پر باؤنڈری کے ساتھ اپنی نصف سنچری مکمل کی، 12 گیندوں میں 38 رنز کا سلسلہ شروع کیا۔ وہ بالآخر 87 رنز بنا کر آؤٹ ہو گئے، جس سے میلبورن رینیگیڈز کا مجموعی اسکور 166-7 تھا۔

    ہماری وکٹیں جارہی ہیں تو مجھے مسٸلہ نہیں، ثقلین مشتاق نے ایسا کیوں کہا؟

  • ڈیجیٹل میڈیا انفلوئنسرز اورماہرین صحت کاحکومت سے سگریٹ پر ہیلتھ لیوی ٹیکس فوری عائد کرنے کا مطالبہ

    ڈیجیٹل میڈیا انفلوئنسرز اورماہرین صحت کاحکومت سے سگریٹ پر ہیلتھ لیوی ٹیکس فوری عائد کرنے کا مطالبہ

    اسلام آباد: تمباکو نوشی کے خلاف کام کرنے والی غیر سرکاری تنظیم کرومیٹک ٹرسٹ کے زیر اہتمام مری میں کانفرنس کا انعقاد، پاکستان بھر سے ڈیجیٹل میڈیا انفلوئنسرز کی شرکت کی مقررین نے کہا کہ میڈیا انفلوئنسرز تمباکو نوشی کے خاتمے کے لئے معاشرےڈیجیٹل میں شعور اجاگر کرنے میں کردار ادا کریں-

    باغی ٹی وی : سگریٹ کے متبادل کے طور پر مارکیٹ میں دستیاب دیگر پراڈکٹس کے نقصانات اور سگریٹ پر ہیلتھ لیوی کی ضرورت اور اہمیت کو اجاگر کرنے کے لئے تمباکو نوشی کے خلاف کام کرنے والی غیرسرکاری تنظیم کرومیٹک ٹرسٹ کے زیراہتمام مری کے مقامی ہوٹل میں کانفرنس کا اہتمام کیا گیا۔

    جولائی تا نومبر:پاکستان میں‌ غیرملکی سرمایہ کاری نصف رہ گئی

    کانفرنس میں پاکستان بھر سے ڈیجیٹل میڈیا انفلوئنسرز اور ماہرین صحت شریک ہوئے۔اس موقع پر کرومیٹک ٹرسٹ کے سی ای او شارق محمود خان نے خطاب کرتے ہوئے کہا کہ دیگر ممالک کے مقابلے میں پاکستان میں تمباکو مصنوعات سستی اور آسانی سے دستیاب ہونے کی وجہ سے بچوں اور نوجوانوں میں تمباکو نوشی کا استعمال خطرناک حد تک بڑھ چکا ہے، حکومت فوری طور پر سگریٹ پر ہیلتھ لیوی ٹیکس عائد کرے جس کے نفاذ سے قومی خزانے کو 60 ارب روپے کا فائدہ حاصل ہوسکتا ہے تمباکو پر ہیلتھ لیوی ٹیکس سے حاصل ہونے والی رقم کو ملک بھر میں طبی سہولیات پر خرچ کرکے تمباکو کی صنعت کی جانب سے صحت کو پہنچنے والے نقصان کو کم کرنے میں مدد مل سکتی ہے۔

    شارق محمود خان نے مزید کہا کہ پاکستان میں روزانہ 1200 سے زائد بچے تمباکو نوشی شروع کرتے ہیں اور ہر سال 1لاکھ 70ہزار سے زائد افراد تمباکو سے پیدا ہونے والی بیماریوں کی وجہ سے موت کے منہ میں چلے جاتے ہیں اوران اعداو شمار میں ہر سال اضافہ دیکھنے کو مل رہا ہے جو انتہائی تشویش ناک ہے۔

    مسلم لیگ ن کا وزیراعلی پنجاب اوراسپیکر کیخلاف تحریک عدم اعتماد کا فیصلہ

    شارق محمود خان کا کہنا تھا کہ پاکستان تمباکو پر ٹیکس لگانے کے لحاظ سے دنیا کے سب سے نیچے درجے کے ممالک میں سے ایک ہے ۔ تمباکو کی مصنوعات ہماری صحت اور مالی نقصان کا باعث بن رہی ہیں۔ انہوں نے کہا کہ ہیلتھ لیوی کا نفاذ تمباکو کے استعمال کو کم کرنے اور صحت عامہ کے بنیادی ڈھانچے کو بہتر بنانے کے لئے ایک ضروری و دیرپا حل ہے۔

    شارق محمود خان نے کہا کہ دور حاضر میں ڈیجیٹیل میڈیا انفلوئنسرز تمباکو نوشی کے خلاف شعور اجاگر کرنے کے ساتھ تمباکو کی جدید اقسام کے استعمال سے صحت کو پہنچنے والے نقصانات کے حوالے سے عام لوگوں کی بہتر رہنمائی کرسکتے ہیں

    کانفرنس کے شرکاء سے خطاب کرتے ہوئے (سی ٹی ایف کے) کے پاکستان میں نمائندے ملک عمران احمد نے کہا کہ پاکستان میں تمباکو نوشی کے باعث صحت پر اخراجات کی لاگت تقریبا 615 ارب روپے ہے جو کہ پاکستان کی جی ڈی پی کے 1.6 فیصد کے برابر ہے جبکہ تمباکو کی صنعت سے حاصل ہونے والی آمدنی کل لاگت کا صرف 20 فیصد ہے۔

    عمران خان نے نجی ٹی وی پر یو اے ای میں ہتکِ عزت کا دعویٰ کردیا

    انھوں نے کہا کہ 2019 میں، وفاقی کابینہ نے تمباکو کی مصنوعات پر ہیلتھ لیوی لگانے کے بل کی منظوری دی تاکہ تمباکو نوشی کو کم کیا جا سکے اور سالانہ 60 ارب روپے حاصل کیے جا سکیں ۔ تاہم تمباکو کی صنعت کے دباؤ کی وجہ سے یہ بل پارلیمینٹ میں منظوری کیلئے پیش نہیں کیا جا سکا۔

    ڈاکٹر ضیاء الدین اسلام، کنٹری لیڈ وائٹل سٹریٹیجیز، نے ذکر کیا کہ تمباکو کی صنعت کے دعووں کے برعکس، جدید مصنوعات نقصان دہ ہیں کیونکہ ان میں نکوٹین ہوتی ہےجو کہ نشہ آوراشیا کےاستعمال کی بہت سی دوسری اقسام کےلیے پہلی سیڑھی کا کام کرتی ہےاور نو جو انوں میں جسمانی اورذہنی صحت کےسنگین مسائل کاباعث بن سکتی ہےان پراڈکٹس کوسگریٹ نوشی ختم کرنےمیں مدد دینےوالی مصنوعات ہونے کا دعویٰ کیا جاتا ہے لیکن درحقیقت یہ محظ نشے کی نئی اقسام ہیں۔

    جن تحقیقات میں دعویٰ کیا گیا ہے کہ یہ مصنوعات سگریٹ کے مقابلے میں کم نقصان دہ ہیں وہ سب تمباکو کی صنعت نے فنڈز کی ہیں۔ آزاد تحقیقات نے ان مصنوعات کے نقصانات کے بارے میں تفصیلی خبردار کیا ہے۔ انہوں نے کابینہ سے اپیل کی کہ وہ کسی بھی ایسے اقدام کی منظوری نہ دے جس میں نئی مصنوعات کو قانونی حیثیت دی جائے-

    ڈیزل پر لیوی کی شرح بڑھا دی گئی

    مسلم لیگ ن کانفرنس کے شرکاء سے خطاب کرتے ہوئے سنٹرل ورکنگ کمیٹی کی ممبر اور ماہر قانون آمنہ شیخ نے کہا کہ بچے اور کم آمدنی والے لوگ تمباکو کی صنعت کا بنیادی ہدف ہیں تمباکو کی نئی مصنوعات پرپابندی کی اہمیت پر روشنی ڈالتے ہوئےآمنہ شیخ نے کہا کہ شیشہ، ای سگریٹ اور نکوٹین پائوچز جیسی مصنوعات نوجوان نسل کے لئے تباہ کن ہیں، دنیا بھر میں تمباکو کی صنعت سے وابستہ بزنس مین ہمارے نوجوانوں کو نشے کی لت میں مبتلا کرنے کے نئے طریقے تلاش کر رہی ہے۔

    کینسر کا باعث بننے والے کیمیکل سے جڑی یہ مصنوعات نکوٹین پائوچز، اور چیونگم کے طور پر پاکستان کی مارکیٹ میں دستیاب ہیں جن کے سدباب کے لئے موثر اقدامات کی ضرورت ہے۔

    کانفرنس میں شریک ڈیجیٹل میڈیا انفلوئنسرز اور ماہرین صحت نےتمباکو نوشی کےخلاف موثر آواز اٹھانے پر کرومیٹک ٹرسٹ کی کوششوں کو سراہنے کے ساتھ اس ناسور کے خاتمہ میں اپنا کردارکرنے کےعزم کا اظہار کیا،ساتھ ہی ڈیجیٹل میڈیا انفلوئنسرز نے حکومت سے مطالبہ کیا کہ ہیلتھ لیوی بل کو فوری طور پر پارلیمنٹ میں پیش کیا جائے تاکہ یہ ایکٹ بن کر پورے ملک میں نافذ ہو سکے ۔

    پاکستان میں پہلی مرتبہ جانوروں کی ویکسین مقامی طور پر تیار کرنے کا فیصلہ