Author: Ayesha Rehmani

ارب پتی بزنس ٹائیکون مکیش امبانی پورے ایشیا میں سب سے امیر آدمی ہیں اور یہی وجہ ہے کہ وہ اور ان کا خاندان ہر چیز میں بہترین چیز کے سوا کچھ نہیں پسند کرتے حتیٰ کہ دودھ بھی ،مکیش امبانی کا گھرانہ 152 روپے فی کلو کا دودھ پیتا ہے،امبانی خاندان ہالینڈ سے تعلق رکھنے والی ایک خاص طور پر پالی جانے والی ڈچ گائے کی نسل کا دودھ پیتا ہے جسے ہولسٹین فریزین کہتے ہیں۔

بھارتی میڈیا رپورٹ میں انکشاف کیا گیا ہے کہ بھارت کے امیر ترین بزنس مین مکیش امبانی حتیٰ کہ ان کی اہلیہ نیتا امبانی، بیٹے آکاش امبانی، اننت امبانی، بہوئیں شلوکا اور رادھیکا مرچنٹ سب سے زیادہ دودھ دینے والی گائے کی نسل ہولسٹین فریزین سے حاصل کیا گیا دودھ استعمال کرتے ہیں جب کہ یہ دودھ بھارت کے شہر پونے سے منگوایا جاتا ہے اس ڈیری میں 3000 سے زیادہ گائیں موجود ہیں اور جو بات حیران کن ہے وہ یہ کہ اس ڈیری میں ایک لیٹر دودھ کی قیمت تقریباً بھارتی 152 روپے فی کلو ہے۔

59 سالہ ڈاکٹر ذاکر نائیک کی بنجی جمپنگ ،ویڈیووائرل

رپورٹ میں بتایا گیا ہے کہ ہولسٹین فریزین نسل کی گائیو ں کو ایک پرتعیش ماحول میں پالا جاتا ہے، ان گائیوں کی پر تعیش زندگی کی بات کریں تو انہیں ربڑ سے بنے خصوصی گدوں پر آرام کروایا جاتا ہے جب کہ انہیں پینے کیلئے آر او پانی دیا جاتا ہے۔

غذائی ماہرین کے مطابق، نتیجے کے طور پر ہولسٹین فریزین گائے انتہائی غذائیت سے بھرپور دودھ پیدا کرتی ہے جو A1 اور A2 بیٹا کیسین پروٹین دونوں سے بھرپور ہوتا ہے جو اسے صحت مندی کے لیے ایک مقبول انتخاب بناتی ہے،اس ڈچ گائے کی نسل کا دودھ میکرو نیوٹرینٹس، مائیکرو نیوٹرینٹس، ضروری چکنائی اور کاربوہائیڈریٹس سے بھی بھرپور ہوتا ہے اور یہ کیلشیم اور وٹامن ڈی کا ایک اچھا ذریعہ بھی ہے جو ہڈیوں اور دانتوں کی صحت میں مدد کرتا ہے۔

تنخواہ نہ ملنے پر شہری نےاحتجاجا دفتر کے باہر فٹ پاتھ کو ہی گھر بنا لیا

اس نسل کی گائے کی پیدائش کے وقت ایک صحت مند بچھڑے کا وزن 40 سے 50 کلو گرام یا پھر اس سے زائد ہوتا ہے جب کہ ایک ہولسٹین گائے کا وزن 680 سے 770 کلوگرام تک ہوتا ہے، اس نسل کی گائے میں روزانہ 25 سے 30 لیٹر دودھ دینے کی صلاحیت ہوتی ہے، سالانہ پیداوار 8,000 سے 12,000 لیٹر تک ہو سکتی ہے جبکہ کچھ بہترین دیکھ بھال میں یہ 15,000 لیٹر سے زیادہ بھی دودھ دے سکتی ہے۔

عالمی شہرت یافتہ اسلامی اسکالر اور مبلغ ڈاکٹر ذاکر نائیک نے59 برس کی عمر میں بنجی جمپنگ(Bungee jumping) کرنےکی ویڈیوز وائرل ہو رہی،ہیں-

ڈاکٹر ذاکر نائیک ان دنوں انڈونیشیا کے دورے پر ہیں جہاں وہ خطرناک بنجی جمپنگ، کلف جمپنگ اور واٹر سلائیڈنگ وغیرہ سے لف اندوز ہو رہے ہیں، ڈاکٹر ذاکر نائیک نے اپنے دورہ انڈونیشیا کے دوران بنجی جمپنگ کا تجربہ کیا، انہوں نے بالی کے ساحل پر 430 فٹ کی بلندی سے بنجی جمپنگ کی،انہوں نے اس تجربے کو اپنے آفیشل سوشل میڈیا اکاؤنٹس پر شیئر کیا،اس کے علاوہ ڈاکٹر ذاکر نائیک بالی میں ہی کلف جمپنگ اور واٹر سلائیڈنگ سے بھی خوب لطف اندوز ہوئے۔

https://x.com/drzakiranaik/status/1951606405288370597

اس سےقبل انہوں نے گزشتہ سال یوگنڈا کے دورے پر 165 فٹ کی بلندی سے بنجی جمپنگ کی تھی۔

دوست کے شوہر سے شادی رچانے والی اداکارہ کی طلاق کی خبریں زیرگردش

بنجی جمپنگ ایک ایڈوینچر ہے جس میں ایک شخص مضبوط اور لچکدار رسی کے ساتھ بندھ کر کسی بلند مقام سے نیچے چھلانگ لگاتا ہےیہ مقام عام طور پر کسی پل، عمارت، یا پہاڑ کی چوٹی پر ہوتا ہے۔ جیسے ہی شخص نیچے گرتا ہے، رسی کھنچ کر اس کی رفتار کو روکتی ہے اور اسے واپس اوپر کی جانب اچھال دیتی ہے، جس سے ایک جھولے جیسا اثر پیدا ہوتا ہے۔

تنخواہ نہ ملنے پر شہری نےاحتجاجا دفتر کے باہر فٹ پاتھ کو ہی گھر بنا لیا

پونا بھارتی کمپنی ٹاٹا کنسلٹنسی سروسز (ٹی سی ایس) کے ایک ملازم نے تنخواہ نہ ملنے پر بوراحتجاج،دفتر کے باہر سڑک پرڈیرا ڈال دیا جس کی تصویر سوشل میڈیا پر وائرل ہوگئی۔

بھارتی میڈیا کا کہنا ہے کہ مذکورہ ملازم کا نام سوربھ مور ہے، جو دعویٰ کرتا ہے کہ کئی ماہ سے اس کی تنخواہ جاری نہیں کی گئی، تصویر میں سوربھ مور کے ساتھ ہی ایک ہاتھ سے لکھی گئی تحریر بھی نظر آتی ہے جس میں لکھا ہے کہ میں نے ایچ آر کو اطلاع دے دی ہے کہ میرے پاس پیسے نہیں ہیں، اس لیے مجھے فٹ پاتھ پر کمپنی کے باہر رہنا اور سونا پڑے گا۔‘

سوربھ مور نے بتایا کہ وہ 29 جولائی 2025 کو ڈیوٹی پر واپس آیا تو اسے اطلاع ملی کہ اس کا ایمپلائی آئی ڈی اور کمپنی کے سسٹمز میں رسائی معطل کر دی گئی ہے، ایچ آر کی جانب سے تنخواہ جلد جاری کرنے کا وعدہ کیا گیا تھا، مگر اب تک کوئی ادائیگی نہیں کی گئی۔

ایران میں 5.7 شدت کا زلزلہ

اس معاملے پر کمپنی نے بھارتی میڈیا سے بات کرتے ہوئے کہا کہ وہ ملازم سے رابطے میں ہیں اور مسئلے کو حل کرنے کے لیے اقدامات کیے جا رہے ہیں کمپنی کے ترجمان کا کہنا تھا کہ مذکورہ ملازم کی تنخواہ غیر حاضری کی بنیاد پر معطل کی گئی تھی، جو کمپنی کی اندرونی پالیسی کے مطابق ہے، فی الوقت ملازم کے لیے رہائش کا بندوبست کر دیا گیا ہے اور یقین دہانی کرائی کہ وہ معاملے کو منصفانہ اور تعمیری طریقے سے حل کرنے کے لیے پرعزم ہیں۔

مقبوضہ کشمیر کی خصوصی حیثیت ختم کرنے کے 6 سال، آج یوم استحصال منایا جارہا ہے

ایران کے جنوبی صوبے کرمان میں منگل کے روز 5.7 شدت کا زلزلہ آیا جس کے باعث کئی شہر لرز اٹھے۔

جرمن ریسرچ سینٹر برائے جیوسائنسز (GFZ) کے مطابق زلزلے کی شدت 5.73 ریکارڈ کی گئی، جب کہ اس کا مرکز زمین کے 10 کلومیٹر نیچے تھازلزلہ جنوبی اور جنوب مشرقی ایران کے مختلف علاقوں میں محسوس کیا گیا۔

ایرانی میڈیا کے مطابق لوگ خوف کے مارے گھروں سے باہر نکل آئے اور کچھ علاقوں میں موبائل نیٹ ورک بھی متاثر ہوا،ابھی تک کسی جانی یا مالی نقصان کی اطلاع موصول نہیں ہوئی ہے، تاہم مقامی حکام صورتحال کا جائزہ لے رہے ہیں،زلزلے کے بعد آفٹر شاکس کا خدشہ بھی ظاہر کیا گیا ہے۔