Author: Ayesha Rehmani

تل ابیب: اسرائیل کے مشیر قومی سلامتی نے کہا ہےکہ ایران کے پاس اب بھی ہزاروں بیلسٹک میزائل موجود ہیں۔

اسرائیلی میڈیا کے مطابق اسرائیل کے مشیر قومی سلامتی زاچی ہنیبی نے کہا کہ ایران کے ساتھ موجودہ لڑائی کوئی ایسی جنگ نہیں جو طویل مدت کے لیے ایرانی خطرے کو ختم کردے،ایران کے پاس اب بھی ہزاروں کی تعداد میں بیلسٹک میزائل موجود ہیں۔

واضح رہے کہ چند دن قبل بھی زاچی ہنیبی نے اپنے ایک بیان میں کہا تھا کہ ایران کے ایٹمی پروگرام کو فوجی مہم سے مکمل طور پر تباہ نہیں کیا جا سکتا، اسرائیلی میڈیا کی رپورٹ کے مطابق اسرائیلی فوجی تجزیہ کاروں کا اندازہ ہے کہ سیکڑوں میزائل فائر کرنے کے باوجود اب بھی ایران کے پاس 1500 سے 2000 میز ائل موجود ہیں۔

برطانوی تاریخ میں پہلی بار خاتون خفیہ ایجنسی ایم آئی 6 کی سربراہ مقرر

اسرائیل ایران کشیدگی : عالمی مارکیٹ میں تیل مہنگا ہوگیا

ایرانی حملے، تل ابیب میں خوف، ہنگامہ، بے چینی کے مناظر ،18 اسرائیلی ہلاک

امریکی صدر ڈونلڈ ٹرمپ کی انتظامیہ نے امریکا میں داخلے پر عائد سفری پابندیوں کا دائرہ مزید 36 ممالک تک بڑھانے پر غور شروع کر دیا ہے۔

غیر ملکی خبر رساں ادارے رائٹرز کے مطابق امریکی محکمہ خارجہ کی ایک خفیہ کیبل کے ذریعے بتایا گیا ہے کہ یہ ممکنہ اقدام صدر ٹرمپ کی غیر قانونی امیگریشن کے خلاف مہم کا اگلا مرحلہ ہو گا اس نئی پالیسی کے تحت جن ممالک کو پابندیوں کا سامنا ہو سکتا ہے ان میں 25 افریقی ممالک شامل ہیں، جن میں امریکا کے قریبی اتحادی مصر اور جیبوتی بھی شامل ہیں اس کے علاوہ کیریبین، وسطی ایشیا اور بحرالکاہل کے جزائر بھی ممکنہ طور پر متاثر ہوں گے۔

ٹرمپ انتظامیہ کی جانب سے جاری کی گئی یادداشت میں کہا گیا ہے کہ متعدد ممالک کے شہریوں کی بڑی تعداد ایسی ہے جو ویزے کی مدت ختم ہونے کے باوجود امریکا میں مقیم ہے جبکہ بعض شہریوں کے بارے میں خدشہ ہے کہ وہ امریکا مخالف سرگرمیوں میں ملوث رہے ہیں۔

اسرائیل ایران کشیدگی : عالمی مارکیٹ میں تیل مہنگا ہوگیا

محکمہ خارجہ کی جانب سے یادداشت، جس پر وزیر خارجہ مارکو روبیو کے دستخط ہیں، میں واضح کیا گیا ہے کہ پابندی کی زد میں آنے والے ممالک کو 60 دن کی مہلت دی گئی ہے تاکہ وہ امریکی شرائط کو پورا کریں اور غیر قانونی امیگریشن پر قابو پائیں، یادداشت میں یہ بھی ذکر کیا گیا ہے کہ اگر کوئی ملک تیسرے ملک کے شہریوں کو واپس قبول کرنے پر رضامند ہو جاتا ہے تو امریکا اس پر عائد ویزا پابندیاں نرم کر سکتا ہے۔

واضح رہے کہ چند روز قبل صدر ٹرمپ نے ایک ایگزیکٹو آرڈر پر دستخط کیے تھے، جس کے تحت 12 ممالک کے شہریوں کے امریکا داخلے پر پابندی عائد کی گئی تھی اس موقع پر صدر کا کہنا تھا کہ یہ اقدام امریکی شہریوں کو غیر ملکی دہشت گردوں اور قومی سلامتی کے دیگر خطرات سے محفوظ رکھنے کے لیے ناگزیر ہے۔

آئی سی سی ویمن ورلڈ کپ کا شیڈول جاری

اسرائیل اور ایران کے درمیان جاری کشیدگی سے پیر کے روز خام تیل کی قیمتوں میں نمایاں اضافہ ریکارڈ کیا گیا ہے۔

بین الاقوامی مارکیٹ میں برینٹ خام تیل کی قیمت 2.8 فیصد اضافے کے ساتھ 76.37 ڈالر فی بیرل تک جا پہنچی، جب کہ امریکی خام تیل کی قیمت بھی تقریباً دو ڈالر بڑھ کر 75.01 ڈالر فی بیرل ہو گئی، یہ اضافہ جمعہ کو تیل کی قیمت میں سات فیصد اضافے کے بعد سامنے آیا ہے ماہرین کا کہنا ہے کہ اسرائیل اور ایران کی ممکنہ جنگ کی صورت میں مشرقِ وسطیٰ سے تیل کی سپلائی متاثر ہو سکتی ہے، جس کے عالمی معیشت پر اثرات مرتب ہوں گے۔

لکھنو ایئر پورٹ پر سعودی ایئر لائن کے طیارے کے پہیے میں آگ

دوسری جانب پاکستان میں بھی تیل کی قیمتوں میں اضافہ کر دیا گیا ہے اوگرا کی جانب سے جاری نوٹیفکیشن کے مطابق، پٹرول کی قیمت میں 4 روپے 80 پیسے فی لیٹر اور ہائی اسپیڈ ڈیزل کی قیمت میں 7 روپے 95 پیسے فی لیٹر اضافہ کیا گیا ہے، نئی قیمتوں کا اطلاق آئندہ 15 دنوں کے لیے ہوگا۔

واضح رہے کہ تیل کی قیمت بڑھنے سے ٹرانسپورٹ، اشیائے خور و نوش اور دیگر بنیادی ضروریات کی قیمتیں بھی متاثر ہوتی ہیں، جس کا بوجھ براہ راست عوام پر پڑتا ہے۔

آئی سی سی ویمن ورلڈ کپ کا شیڈول جاری

ایران کے دارالحکومت تہران میں پولیس نے دو الگ الگ کارروائیوں میں موساد کے مزید 2 ایجنٹوں کو گرفتار کرکے ان کے قبضے سے 200 کلو بارود اور 23 ڈرونز کا سامان اور دیگر آلات برآمد کرلیے۔

سرکاری خبر رساں ادارے ’ارنا‘ کی رپورٹ کے مطابق پولیس کے ترجمان سعید منتظر المہدی نے اتوار کے روز بتایا کہ ان دو افراد کی شناخت کر کے انہیں صوبہ تہران کے شہرِ رے کے ضلع فشافویہ سے گرفتار کیا گیا ان کے قبضے سے 200 کلوگرام سے زائد دھماکا خیز مواد، 23 ڈرونز کا سامان، لانچرز اور دیگر آلات برآمد کیے گئے ہیں جبکہ ایک نسان پک اپ گاڑی بھی قبضے میں لی گئی ہے۔

نیم سرکاری خبر رساں ادارے تسنیم نیوز کے مطابق 3 منزلہ عمارت اسرائیلی ایجنٹوں کی جانب سے ڈرونز کی تیاری اور انہیں دہشت گرد کارروائیوں کے لیے ذخیرہ کرنے کے لیے استعمال کی جا رہی تھی حکام کے مطابق وہاں سے دیسی ساختہ بم اور 200 کلوگرام سے زائد دھماکہ خیز مواد بھی برآمد ہوا ہے اتوار کے روز ہی صوبہ البرز کی ساوجبلاغ کاؤنٹی میں موساد کے 2 دیگر ایجنٹوں کو بھی گرفتار کیا گیا تھا، جو صوبہ تہران کے ساتھ واقع ہے۔

https://x.com/Tasnimnews_EN/status/1934378342037287155

اسرائیل کے ساحلی شہر حائفہ پر ایرانی میزائل آئے ہیں۔

سوشل میڈیا پر پوسٹ کی گئی فوٹیج میں حائفہ کے علاقے پر ایران کا بیلسٹک میزائل حملہ دکھایا گیا ہے حائفہ ور پورے شمالی اسرائیل میں سائرن بج گئے،حائفہ بندرگاہ پر ایران کے حملے بھارت کے لیے بہت بڑے معنے رکھتے ہیں کیونکہ حائفہ بندر گاہ پر بھارتی بزنس مین گوتم اڈانی کی بہت بڑے حصہ داری ہے اور اس وقت گوتم ایڈانی کا بلڈ پریشر بہت زیادہ بڑھ رہا ہو گا-

حائفہ بندر گاہ پر میں اڈانی نے70 فیصد حصہ خریدا تھا جس کی قیمت 1.2 بلین ڈالر یعنی دس ہزار کروڑ ادا گئی تھی جبکہ تیس فیصد حصہ اسرائیلی کمپنی گیڈوت گروپ نے خریدا تھا حائفہ پورٹ اسرائیل کا دوسرا بڑا پورٹ ہے اور ایشیا میں ایڈانی کا اسٹریٹیجک اثاثہ ہے-

حائفہ بندرگاہ اسرائیل کی ایک اہم بندرگاہ ہے جو بحیرہ روم کے ساحل پر واقع ہے یہ اسرائیل کی دوسری بڑی بندرگاہ ہے اور اسے ملک کی سب سے اہم تجارتی بندرگاہوں میں شمار کیا جاتا ہے حائفہ بندرگاہ ایک مصروف تجارتی مرکز ہے اور مختلف قسم کے سامان کی نقل و حمل کے لیے استعمال ہوتی ہے حائفہ بندرگاہ اسرائیل کی معیشت میں ایک اہم کردار ادا کرتی ہے اور اسے خطے میں ایک اہم بین الاقوامی تجارتی مرکز سمجھا جاتا ہے۔

بھارتی صحافی کرن تھاپر نے پاکستان کی کامیاب سفارتکاری کا اعتراف کیا ہے-

وزیراعظم شہبازشریف اور فیلڈ مارشل سید عاصم منیر کی زیرقیادت پاکستان کی کامیاب سفارتکاری! بھارتی صحافی کرن تھاپر کا اعتراف کیا ہے،انہوں نے کہا کہ
بھارت لابنگ کرتا رہا، ششی تھرور ملاقاتیں کرتے رہے، ششی تھرور واشنگٹن اور برطانیہ میں ملاقاتیں کرتے رہے پارٹیاں کرنے میں مشغول رہے جبکہ پاکستان نے اپنا موقف پیش کر کے کامیاب سفارتکاری سے دنیا بھر میں اپنا لوہا منوایااقوام متحدہ میں انسدادِ دہشتگردی کی کلیدی ذمہ داری پاکستان کو مل گئی،اگر ہماری سنی جاتی، تو پاکستان کو کسی اور کمیٹی میں رکھا جاتا-

واضح ہے کہ پاکستان کو 2025 کے لیے اقوام متحدہ کی سلامتی کونسل کی انسداد دہشت گردی کمیٹی (سی ٹی سی) کا نائب صدر منتخب کیا گیا اقوام متحدہ کی سلامتی کونسل کی یہ کمیٹی دہشت گردی سے نمٹنے کے لیے بین الاقوامی کوششوں کی نگرانی اور رہنمائی کی ذمہ دار ہے۔

پنجاب کا بجٹ کل پیش کیا جائے گا

پاکستان نے اقوام مثحدہ کی سیکیورٹی کونسل کی 1988 کی پابندیوں کی کمیٹی کی سربراہی بھی سنبھال لی ہے، جو طالبان کے خلاف پابندیوں کی نگرانی کرتی ہے یہ کمیٹی طالبان سے منسلک افراد اور اداروں پر اثاثے منجمد کرنے، سفری پابندیوں اور ہتھیاروں کی پابندی جیسے اقدامات کا نفاذ کرتی ہے جو افغانستان میں امن و سلامتی کے لیے خطرہ ہیں، پاکستان اس کے علاوہ دو غیر رسمی ورکنگ گروپس کی مشترکہ سربراہی بھی کرے گا، ایک دستاویزی اور طریقہ کار کے معاملات پر اور دوسری عام پابندیوں کے معاملات پر ہے۔

پیکا ایکٹ کے تحت 10 سے 15 وکلا کے خلاف مقدمہ درج