Author: نوید شیخ

مائنس عمران خان اور مائنس عثمان بزدار کی ہوا چل پڑی ہے اور اس بار لگتا ہے کہ جتنے مرضی کالے بکروں کی بلی چڑھا دی جائے معاملات حل نہ ہوں گے۔ کیونکہ اپوزیشن بڑی ہی پراعتماد ہے ۔ نمبر گیم کے حوالے سے جو اطلاعات آرہی ہیں وہ حکومتی کیمپوں کے لیے بہت ہی خوفناک اور درد ناک دیکھائی دیتی ہے ۔۔ آج پریس کانفرنس کے دوران اپوزیشن کے تین بڑوں آصف علی زرادری ، شہباز شریف اور مولانا فضل الرحمان نے جہاں حکومت کو خوب رگڑا لگایا وہاں یہ بھی دعوی کیا کہ ہم ارکان کو ایوان میں لائیں گے اور 172 سے زائد ووٹ لیں گے۔

۔ اس وقت عمران خان اپنی حکومت کو بچانے کی خاطر مسلسل ہاتھ پاوں مار رہے ہیں ۔ ملاقاتوں ، ٹیلی فونز ، نئے وعدوں اور آفرز کا نہ تھمنے والا سلسلہ شروع ہوچکا ہے ۔ حالت یہ ہے کہ کپتان کو وکٹ کے دونوں جانب کھیلنا پڑ رہا ہے کیونکہ بیک وقت پنجاب اور وفاق پر حملہ ہوچکا ہے ۔ اسی لیے بہت سوں کے خیال میں پاکستان تبدیلی کی جانب گامزن ہوگیا ہے ۔۔ فی الحال آج جو نئی صورتحال بننے کے بعد پہلا قدم کپتان نے اٹھایا وہ یہ تھا کہ اپنے حامی یوٹیوبرز کو بلا کر عالمی سازش والا بیانیہ تشکیل دینا شروع کردیا ہے ۔ پھر شہباز گل نے پوری کی پوری پریس کانفرنس ہی اسی ایک پوائنٹ پر داغ دی ہے ۔ ۔ مگر اس سازشی تھیوری کا جواب دیتے ہوئے شہباز شریف نے بھی تابڑ توڑ حملے کردیے ہیں انکا کہنا تھا کہ حکومت نے اپوزیشن کو دیوار کے ساتھ چن دیا ، کیا یہ غیر ملکی سازش ہے ۔ حکومت کی چینی ،ادویات ، مالم جبکہ ،پشاور میٹرو اور بلین ٹری منصوبہ میں کرپشن کیا بین الاقوامی سازش ہے ، اس سے زیادہ احمقانہ بات نہیں ہو سکتی ۔ خارجہ محاذ پر جنہوں نے پاکستان کا ساتھ دیا انہیں ناراض کردیا گیا ۔ عمران خان نے سی پیک میں کرپشن کے بے جا الزامات لگا کر چین کو ناراض کیا ۔ یورپی یونین کے خلاف بیان دیا ۔ ۔ اس وقت عمران خان کے حامی خاص طور پر ٹویٹر پر اس سازشی تھیوری پر یقین کرتے ہوئے دیکھائی دیتے ہیں ۔ مگر بہت سے لوگ اس پوائنٹ سے متفق نہیں یہاں تک کہ بہت سے حکومت کے حامی صحافیوں کی رائے بھی آج کچھ تبدیل دیکھائی دے رہی ہے ۔ ۔ سب سے پہلے پنجاب کی بات کی جائے تو ایک کیچڑی پکی دیکھائی دیتی ہے ۔ بلکہ یوں کہا جائے کہ کنفوژین ہی کنفوژین ہے تو غلط نہ ہوگا ۔ علیم خان اور جہانگیر ترین گروپ عثمان بزدار کے نام پر راضی نہیں ۔ ق لیگ اور عثمان بزدار علیم خان کو قبول نہیں کرناچاہتے ۔ تحریک انصاف کے اپنے سینئر وزراء کو بھی بزدار قبول نہیں ۔ یوں جس کو بھی عمران خان ناراض کریں گے وہ اپوزیشن کے دروازہ کھڑا سکتا ہے ۔

۔ فی الحال عثمان بزدار کی جانب سے دیا گیا استعفی وزیراعظم عمران خان نے قبول نہیں کیا ہے اور کام جاری رکھنے کی ہدایت کردی ہے۔ اس پر عثمان بزدار کا کہنا تھاکہ استعفے سے معاملات حل ہوتےہیں تو وزارت اعلیٰ چھوڑ دیتا ہوں۔ عمران خان اور پارٹی کے ساتھ ہوں اور رہوں گا۔ ۔ جبکہ بزدار کے حوالے سے کپتان نے پھر یہ بات دہرائی ہے کہ عثمان بزدار ایک آسان ٹارگٹ ہیں، جو وزیراعلی کے امیدوار ہیں صرف انہیں عثمان بزدار برا لگتا ہے۔۔ اس پر جہانگیر ترین گروپ نے اجلاس کے بعد اعلان کیا ہے کہ ہمارا ایک ایک رکن متفق ہے کہ مائنس عثمان بزدار سے آگے بات چلے گی۔ یعنی پہلے عثمان بزدار کو گھر بھیجیں پھر بات کریں گے ۔ اس حوالے سے نعمان لنگڑیال نے اعلان کیا ہے کہ ترین گروپ متحد ہے۔ ہم نےعبدالعلیم خان کوبھی بتادیاکہ وہ جہانگیرترین کےفیصلوں کےپابندہوں گے، تمام اختیارات جہانگیرترین کے پاس ہیں، ان کے فیصلے سے کسی کواختلاف نہیں ہوگا۔ انہوں نے کہا کہ ایوان میں دو بڑی جماعتوں کے بعد ترین گروپ کی تیسری بڑی اکثریت ہے۔۔ اس حوالے سے یہ بھی خبریں ہیں کہ علیم خان لندن جا رہے ہیں ۔ دنیا نیوز کی دعوے کے مطابق جہاں ان کی جہانگیرترین کے علاوہ نواز شریف سے بھی ملاقات متوقع ہے ۔۔ وفاق کی بات کی جائے تو حکومت کا دعوی ہے کہ اس نے اپوزیشن کے آٹھ لوگ توڑ لیے ہیں ۔ اورانھوں نے وزیروں سے ملاقاتیں کرکے معاملات طے بھی کر لیے ہیں ۔ ۔ بہرحال اپوزیشن نے اپنے لوگوں کو تین ہفتے کے لیے اسلام آباد سے نہ جانے کی ہدایت کردی ہے ۔ بلکہ تنبیہ کردی ہے کہ غیرحاضری کسی صورت برداشت نہیں کی جائے گی۔

۔ ساتھ ہی حکومت کی جانب سے پکڑ دھکڑ کی صورتحال سے بچنے کے لیے مختلف سینیر لوگوں کی سربراہی میں گروپس بنا دیے گئے ہیں جس کے بعد وہ اپنے اپنے گروپ کے ایم این ایز کے ذمہ دار ہوں گے کہ وہ غائب نہ کیے جاسکیں ۔ ساتھ ہی اپوزیشن نے اپنے لوگوں کو زیادہ وقت پارلیمنٹ لاجز میں رہنے کی ہدایت بھی کر دی ہے ۔ واٹس ایپ گروپس بھی تشکیل کروادیے گئے ہیں ۔ جس کے بعد اب سے روزانہ کی بنیاد پر ان کی حاضری بھی لگوائی جائے گی ۔ ۔ اپوزیشن کے دعووں کے مطابق ان کے پاس 28سے زائد پی ٹی آئی کے ایم این ایز کے ساتھ ایک اتحادی بھی ہے ۔ ذرائع کا کہناہےکہ آئی بی کے توسط سے تحریک انصاف کے 28 ممبران کے نام وزیراعظم کے علم میں ہیں۔ پھر چڑیل کی یہ بھی مخبریاں ہیں کہ اپوزیشن نے 197 سے 202 ارکان قومی اسمبلی کی حمایت کا دعویٰ کیا ہے۔۔ دوسری جانب وزیر اعظم عمران خان کل کراچی کا ایک روزہ دورہ کررہے ہیں جہاں وہ ایم کیوایم سے ملیں گے ۔ لگتا یہ ہی ہے کہ ہر حال میں ایم کیو ایم کو راضی کیا جائے گا ۔ ۔ پھر عمران خان کی اٹارنی جنرل آف پاکستان سے اہم ملاقات ہوئی ہے۔ اٹارنی جنرل نے وزیراعظم عمران خان کو تحریک عدم اعتماد سے متعلق قانونی نکات پر بریفنگ دی ہے ۔ اس حوالے اڑتی اڑتی خبر ہے کہ اسمبلیاں توڑنے کی بات بھی کارڈز پر موجود ہے ۔ ۔ اس وقت وزیروں اور عمران خان کی باتوں سے لگ رہا ہے کہ پریشانی کچھ زیادہ ہی ہے کیونکہ جہاں عمران خان کہتے ہیں کہ حکومت کہیں نہیں جارہی بلکہ مزید تگڑی ہو کر آئے گی۔ تو دوسری جانب فرماتے ہیں اپوزیشن کے پیچھے ایک نہیں کئی بیرونی ہاتھ ہیں، ارکان کو 18، 18 کروڑ کی آفرز کی جارہی ہیں میں نے ارکان سے کہا ان سے پیسے لیں اور غریبوں میں بانٹ دیں، جواب میں ہماری بھی حکمت عملی تیار ہے، کپتان ایک دم اپنی حکمت عملی نہیں بتاتا، نومبر بہت دور ہے، جب وقت آئے گا تو فیصلہ کریں گے۔

۔ دوسری جانب پاکستان پیپلز پارٹی کے عوامی مارچ کے قافلے کو اسلام آباد پولیس نے ٹی چوک پر روک لیا جس کے بعد بلاول بھٹو بھی راستے میں رک گئے۔۔ اطلاعات کے مطابق جس کنٹینر پر بلاول بھٹو سوار ہیں اس سے پیچھے موجود گاڑیوں کو مختلف مقامات پر رکاوٹیں لگا کر روکا گیا جس کے بعد بلاول نے بھی آگے بڑھنے سے انکار کردیا ہے ۔۔ اس حوالے سے چیئرمین پی پی بلاول بھٹو کا کہنا ہے کہ ہمارے کارکنوں کو جگہ جگہ رکاوٹیں لگا کر روکا گیا ہے، فیض آباد بلاک کریں گے، ڈی چوک بھی جائیں گے۔۔ سوال یہ ہے کہ اس صورت حال میں عمران خان کر کیا سکتے ہیں ۔ تو اس جواب یہ ہے کہ وہ ملک کے وزیر اعظم ہیں۔ بے انتہا اختیارات سمیت فنڈز، وزارتیں اور دینے کو بہت کچھ ہے ۔ کیونکہ تحریک عدم اعتماد پیش ہونے میں کافی دن ہیں تو کرنے کو تو وہ بہت کچھ سکتے ہیں ۔ جیسے نیب کا استعمال ، ایف آئی اے کا استعمال ، پولیس کا استعمال وغیرہ وغیرہ ۔ پھر حکومت کے پاس ابھی بھی بہت سی ای ٹی ایمز ایسی ہیں جو آج مارکیٹ میں نکل آئیں تو روپے تو دور کی بات ڈالرز کی ریل پیل ہوسکتی ہے ۔ اس سے پھانسا پلٹ سکتا ہے ۔ خاص طور پر جو بلوچستان سے سینیٹرز پی ٹی آئی نے الیکٹ کروائے ہیں وہ میدان میں نکل آئے تو بہت سے لوگوں کی زندگی بھر کی دیہاڑیاں بھی لگ سکتی ہیں ۔ اس لیے ممکن ہے کہاگر بات چیت سے معاملات نہ حل ہوئے ۔ تو آنے والوں دنوں میں گرفتاریاں بھی ہوں ۔ اغواء بھی ہوں ۔ بندے بھی غائب ہوں ۔ کیونکہ بلاول کے لانگ مارچ کو روک کر کپتان نے سنگنل دے دیا ہے کہ وہ confrontationکے موڈ میں ہیں ۔

۔ میرے حساب سے کپتان کے پاس safe exit کا ایک ہی آپشن ہے کہ وہ اسمبلیاں توڑ دیں ۔ اور قبل ازوقت الیکشن کروا دیں کیونکہ دونوں صورتوں میں حکومت جاتی دیکھائی دیتی ہ۔ اس میں ہی کپتان کی عزت ہے ۔ ورنہ جتنا یہ زور لگائیں گے یا زبردستی کریں گے تو اتنا ہی کام خراب بھی ہوگا ۔ ۔ یاد رکھیں ماحول کی کشیدگی ہمیشہ اپوزیشن کے حق میں جاتی ہے جبکہ ٹھہراؤ ہمیشہ حکومت کے لئے ساز گار ثابت ہوتا ہے۔ یہ تاثر دینے سے کہ وزیر اعظم عمران خان کے ساتھ بھی ہزاروں لاکھوں افراد موجود ہیں۔ تو یاد رکھنا چاہیے اتنے ہی لوگ اپوزیشن کے پاس بھی ہیں ۔ ۔ یاد رکھیں جو کچھ ہو رہا ہے یہ سب کپتان کے اپنے کرم ہیں ۔ کیونکہ جب آپ پارٹی سمیت حکومت کو ڈکیٹر شپ کی طرز پر چلائیں گے جب آپ اپنے اردگرد صرف خوشامدی رکھیں گے ۔ جب آپکو صرف ہاں میں ہاں ملانا پسند ہو۔ جب آپکو میڈیا سمیت کسی قسم کی تنقید گوارا نہ ہو۔ اوپر سے آپ کی کارکردگی صفر ہو ۔ تو پھر یہ سب کچھ جمہوریت میں نہیں چل سکتا ۔ پھر جب آپ جتنے مرضی طاقتور ہوں اخلاقی جواز کے بغیر حکومت نہیں چلتی ۔

ن میں سے شین اور شین میں سے میم نکالنے والوں کی اپنی جماعت میں سے جیم اور عین نکل گیا !!!

۔ اس وقت پی ٹی آئی والوں کو سمجھ نہیں آرہا ہے کہ
۔ چل کیا رہا ہے ۔
۔ ہو کیا رہا ہے ۔
۔ اور ان کا بنے گا کیا ؟؟؟

۔ کیونکہ ایک جانب پنجاب میں اپنوں اور مخالفوں دونوں نے مل کر سیاسی محاذ مزید گرم کر دیا ہے ۔ تو اسلام آباد میں بھی تمام اپوزیشن جماعتوں کے بڑے حملے کرنے کے لیے تیار بیٹھے ہیں ۔ تیسرا بلاول کا لانگ مارچ اسلام آباد پر دھاوا بولنے کو پہنچنے والا ہے ۔ یوں جو بھان متی کا کنبہ جوڑا گیا تھا، وہ لگتا ہے کہ بکھر رہا ہے ۔ پنجاب میں کھپ کچھ زیادہ دیکھائی دے رہی ہے اور ق لیگ نے شاید ٹرین مس کردی ہے ۔ اب معاملات کسی اور طرف جاتے دیکھائی دیتے ہیں ۔ اسی حوالے پرویز الٰہی نے مشورہ دیا ہے کہ حالات تیزی سے حکومت کے ہاتھ سے نکل رہے ہیں، جو پہلے فیصلہ لیتا ہے سیاست میں اس کوبرتری حاصل ہوجاتی ہے۔ کیونکہ علیم خان اور جہانگیر ترین گروپ کا اہم اجلاس ہوگیا ہے ۔ جس میں علیم خان نے جہاں جہانگیر ترین گروپ میں شمولیت اختیار کی وہاں بڑے اہم فیصلے بھی کیے گئے ہیں ۔ اہم سوال یہ ہے کہ کیا جہانگیر ترین اور علیم خان کا ہدف صرف پنجاب کی وزارت اعلیٰ ہوگی؟
یا
پھر پی ٹی آئی کا بڑا حصہ اب جہانگیر ترین اور علیم خان مل کر چلائیں گے ۔ یعنی عمران خان کی جانب سے جس ڈر سے ان دونوں کو سائیڈ لائن کیا گیا تھا کہ یہ پارٹی کو قابو کرنے کی صلاحیت رکھتے ہیں ۔ ویسا ہوتا دیکھائی دے رہا ہے ۔ خبریں یہ بھی ہیں کہ وزیر اعظم کے رابطہ کار بھی ایکٹو ہوگئے ہیں ۔ کیونکہ وزیراعلیٰ پنجاب عثمان بزدار کو ہٹانےکیلئے جدوجہد شروع ہوگئی ہے ۔ چڑیل کے مطابق پرویز الٰہی یا ق لیگ کے امیدوار کی حمایت نہیں کی جائے گی۔ حتمی نتیجہ ایک دوروزمیں سامنےآجائے گا۔

۔ عبد العلیم خان نے بھی نئی پرانی ساری باتیں کردی ہیں کہ اگر حکومت کے خلاف عدم اعتماد کی تحریک آتی ہے تو ہم سب مل کر فیصلہ کریں گے کہ کس کا ساتھ دینا ہے ۔ پنجاب میں جیسی حکومت ہے اس پر تشویش ہے۔۔ پھر لندن سے خبر یہ ہے کہ ڈاکٹرز نے جہانگیرترین کو سفر کی اجازت دے دی ہے ۔ جلد وہ پاکستان پہنچ جائیں گے ۔ ۔ کپتان کے لیے مشکل صورتحال یہ بھی ہے کہ وہ ابھی تک جہانگیر ترین گروپ کو ہی نہیں منا پائے تھے کہ ان کے سابق بااعتماد ساتھی اور جہانگیر ترین کے ہم پلہ فنانسر علیم خان نے گروپ شکیل دیدیا ہے ۔ ۔ یوں خیال کیا جا رہا ہے کہ وہ دن دور نہیں جب علیم خان اور جہانگیر ترین گروپ مرکزو پنجاب میں پی ٹی آئی کی حکومت کا تختہ الٹنے میں اپوزیشن تحریک کا باقاعدہ حصہ بن جائیں ۔۔ یہ ثابت ہوچکا ہے کہ عمران حکومت کا اصل بحران اندرونی ہے۔ تحریکِ انصاف کے الیکٹ ایبلز حکومت کی خراب کارکردگی پہ بہت ناراض ہیں اور اُنہیں اپنے سیاسی مستقبل کی فکر لاحق ہے۔ کچھ تو پنجاب میں مسلم لیگ نواز کے ٹکٹ کے خواہش مند ہیں۔ لیکن جتنی درخواستیں ہیں اتنی اسامیاں خالی نہیں۔ جہانگیر ترین اورعلیم خان کے ہم خیالوں کے گروپ کے سامنے آنے کی اہم وجہ بھی یہ ہی معلوم ہوتی ہے ۔۔ اب اس مشکل صورتحال میں حکومت کی پلاننگ ذرا چیک کریں ۔ سپیکرقومی اسمبلی کا پلان یہ ہے کہ حکومتی خرچے پر اپوزیشن کے ایم این ایز کو یورپ اور امریکہ کے دورے کروائے جائیں۔ خود حساب لگالیں کہ جہاں اپوزیشن پارٹیوں نے اپنے لوگوں کو اسلام آباد سے باہر جانے سے روک دیا ہے تو یہ ملک سے باہر بھیجنے کی پلاننگ کر رہے ہیں ۔ ویسے میرے حساب سے جس بڑے پیمانے پر پی ٹی آئی کے اپنے اندر اکھاڑ پچھاڑ دیکھائی دے رہی ہے ۔ ان کو چاہیے کہ اپنے ایم این ایز کو یورپ اور امریکہ کے ٹور کروائیں ۔ ۔ دوسری جانب پرویز خٹک اور شبلی فراز اپوزیشن کے پندرہ سے زیادہ ارکان سے رابطوں کا دعویٰ کررہے ہیں ۔ فرض کریں یہ ٹھیک بھی کہہ رہے ہوں تو نمبر گیم اس وقت پندرہ سے اوپر جا چکی ہے ۔ ۔ اسی حوالے سے خواجہ آصف کا کہنا ہے کہ حکومت کو چیلنج ہے کہ تم لوگ کہتے ہوکہ ہمارے پندرہ لوگ تمہاری طرف چلے گئے ہیں، ایک نام بتاؤ میں تمہیں سولہ لوگوں کے نام بتاتا ہوں۔ پھر ان کا دعوی ہے کہ حکومت کے قریبی وزرا بھی ہمارے رابطے میں ہیں۔

۔ آپ دیکھیں کل آصف زرداری سے پی ٹی آئی بلوچستان کے سابق صدر سرداریارمحمد رند نے ملاقات کی ہے ۔ اس سے پہلے ندیم افضل چن پھر سے جیالا بن گئے ہیں ۔۔ اس اہم سیاسی موڑ پر اگر کوئی پارٹی مستعدی سے کھیلی ہے تو وہ پیپلزپارٹی ہے۔ جس کے ایک co chairmanآصف علی زرداری اسلام آباد میں بیٹھے تمام تر سیاسی جوڑ توڑ میں مرکزی کردار ادا کررہے ہیں، تو پارٹی چیئرمین بلاول بھٹو ایک زبردست لانگ مارچ کی قیادت کرتے ہوئے اسلام آباد پر حملہ کر رہے ہیں۔ ۔ جبکہ پاکستان تحریک انصاف کا سندھ حقوق مارچ بری طرح فلاپ ہوتا دیکھائی دے رہا ہے ۔ پی ٹی آئی کے حیدرآباد میں جلسے میں شاہ محمود قریشی نے شرکت نہیں کی۔ پھر وفاقی وزیر اسد عمر بھی جلسے میں شرکت کے لیے اسلام آباد سے حیدرآباد پہنچے لیکن وہ بھی اسٹیج پر آئے، ہاتھ ہلایا اور چلے گئے۔ جانا بنتا ہی تھا کیونکہ خالی کرسیوں سے توبندہ خطاب نہیں کر سکتا ۔ جبکہ ارباب غلام رحیم بھی کارکنوں سے ناامید نظر آئے اور حیدرآباد والوں کو بے مروت کہا۔

۔ جب ایمپائر نیوٹرل ہوتا ہے تو ٹیموں کو اپنے زور بازو پر کھیلنا پڑتا ہے۔ دکھانا پڑتا ہے کہ ان کے پاس کھیل کھیلنے کی کتنی مہارت ہے اور وہ ایک مشکل صورت حال سے کیسے نکل سکتے ہیں۔ لیکن وہ کھلاڑی کسی مشکل سے کیا نکلے گا جس نے اپنے غلط فیصلوں سے پوری ٹیم کو ایک بڑی مشکل میں دھکیل دیا ہو۔ شاید یہ حالات کی نزاکت کا ہی تقاضا ہے کہ عمران خان کا غصہ ساتویں آسمان پر پہنچ چکا ہے ۔ کیونکہ کل میلسی میں جو کچھ انھوں نے کہا وہ ایک ہارے ہوئے کھلاڑی کی تقریر تھی جس کے ہاتھ میں جب کچھ نہیں رہا تو وہ ایک جانب اپنے سیاسی مخالفین کو تو دھمکیاں دے ہی رہا تھا مگر دوسری جانب امریکہ اور یورپ کو برا بھلا کہنے کا مقاصد صرف ایک تھا کہ جب کپتان گھر جائیں تو وہ اور انکے لوگ کہہ سکیں کہ ہماری خلاف عالمی سازش ہوئی تھی حالانکہ کون نہیں جانتا کہ اگر اتنے ہی بڑے یہ انقلابی تھے تو لابنگ فرمز کے زریعے کون کوشش کرتا رہا ہے کہ جوبائیڈن ان کو صرف کال ہی کرلے ۔ ویسے فون کال والا رونا دھونا تو ہم کپتان کی ہر دوسری تقریر اور انٹرویو میں سنتے رہے ہیں ۔ یہ تو کچھ نہیں جو عوام کو دنیا میں دو کیمپوں والی سیاست کا بتا کرگمراہ کررہے تھے ۔ اس کی حقیقت یہ ہے کہ امریکی خوش نودی کے لیے جب سے یہ حکومت آئی اس نے سی پیک کو کھڈے لائن لگا دیا ۔ امریکہ پھر بھی راضی نہیں ہوا ۔

۔ اب عمران خان کی اس بلاجواز بیان بازی کا خمیازہ عوام کو بھگتنا ہوگا ۔ یاد رکھیں امریکہ یا یورپ ہم کو دھمکی نہیں لگائیں گے ۔ بس جیسے پہلے عمران خان کے روس پہنچنے پر اسٹیٹ بینک کو جرمانہ کیا ہے ویسے کسی مد میں ہم کو مزید مجبور کردے گا ۔ یہ جو خوشیاں منا رہے تھے کہ ہماری ٹیکسٹائل پھر اپنے پیروں پر کھڑی ہوگئی ہے ۔ وہ سب یورپ کی منڈیوں کے مرہون منت ہے ۔ جی ایس پی پلس اسٹیٹس کی بدولت ہے ۔ اس سلسلے میں ایک بھی پابندی لگی تو سمجھیں ہم پھر سے زیرو پر آجائیں گے ۔ مت بھولیں کہ دو دن پہلے برطانیہ نے ناگواری کا اظہار کرتے ہوئے مشیر قومی سلامتی امور معید یوسف کا دورہ منسوخ کر دیا تھا ۔ حالانکہ شیرقومی سلامتی کو برطانوی حکومت نے خود دورے کی دعوت دی تھی۔

۔ پھر گزشتہ ماہ کے آخر میں امریکی صدر کے قومی سلامتی مشیر Jack Salonنے ایک خصوصی ٹیلیفون کال میں مشیرقومی سلامتی معید یوسف کو پاکستان کے روسی جارحیت پر خاموشی کے نتائج سمجھانے کی کوشش کی ۔ لیکن عمران خان نے جواب میں امریکہ کو دوبارہ شٹ اپ کال بھجوا دی ہے ۔ امریکہ یورپ کے ساتھ پاکستانی معیشت کا چولی دامن کا ساتھ ہے ، اب کوئی معجزہ ہی پاکستان کو امریکہ اور یورپ کے جوابی رد عمل سے بچا سکتا ہے ۔ ۔ کپتان باتیں تو بہت بڑی بڑی کرتے ہیں ۔ مگر سچائی یہ ہے مانگنے والے ہاتھ مار نہیں سکتے ۔ عمران خان نے ملک کو اتنے قرضوں میں پھنسا دیا ہے کہ ماضی کے حکمرانوں کو بھی کاٹ چکے ہیں ۔ آسان الفاظ میں جب آپ کشکول لے کر در در کے چکر لگا رہے ہوں تو پھر ایسی تقریریں اس ملک کے وزیراعظم کو زیب نہیں دیتی ۔ اپنی سیاست کی خاطر یوں ملکی خارجہ پالیسی کو اپنے مفادات کے لیے استعمال کرنے کی مثال میں نے اس سے پہلے نہیں دیکھی آپ دیکھیں شہباز گل جیسے ترجمان بھی اس پر قوم کو بتا رہے ہیں کہ عدم اعتماد انٹرنیشنلی سپانسرڈ پلان ہے ۔ تحریک عدم اعتماد اپوزیشن نہیں عالمی طاقتیں لارہی ہیں اپوزیشن والے تو صرف کرائے کے بروکر ہیں ۔ پتہ نہیں حکومت کے ادارے اور ایجنسیاں کیا کر رہے ہیں اس سلسلے میں کہ حکومت کے خلاف ایک عالمی سازش ہو رہی ہے اور ان کو کچھ پتہ نہیں ۔ مگر وزیر اعظم کے ترجمان کو پتہ لگ گیا ہے ۔ ویسے میری سمجھ سے باہر ہے کہ جب اپنے پر بات آتی ہے تو ثبوت مانگتے ہیں کسی اور پر بات تو ہو بغیر کسی ثبوت کے الزام لگا دیا جاتا ہے ۔ اتنے سینئر ترجمان سے ایسی خالی خولی بیان بازی جچتی نہیں ۔ کیونکہ سوال تو پھر پی ٹی آئی پر بھی بنتا ہے کہ جب اسلام آباد میں 126دن کا دھرنا دیا تھا تو اس وقت ان کو کون سی عالمی طاقت مدد فراہم کر رہی تھی ۔ ۔ دراصل عمران خان کی حکومت آخری ہچکولے لے رہی ہے، تحریک عدم اعتماد میں ان کو اپنی شکست واضح نظرآرہی ہے ، ان کو سمجھ نہیں آرہا کہ کس طریقے سے اس بحران سے نکلیں۔

جب سے آسٹریلیا کا دورہ پاکستان کا اعلان ہوا تھا تو ہمارے دشمن تو اسی دن سے سازشیں کرنے میں مصروف ہوگئے تھے ۔ پہلے ای میلز کا سہارا لیا گیا ۔ مگر جب یہ فارمولا کامیاب نہ ہوا تو آج ایک بار پھر پاکستان کو لہو میں نہلا دیا گیا ۔ پشاور قصہ خوانی کی جامع مسجد میں نماز جمعہ کے دوران دھماکے کے نتیجے میں اب تک پچاس سے زائد افراد شہید ہوگئے ہیں ۔ جبکہ ان کی تعداد میں مزید اضافہ بتایا جارہا ہے کیونکہ بہت بڑی تعداد میں لوگ شدید زخمی بھی ہیں ۔ ۔ عینی شاہدین کے مطابق کالے لباس میں ملبوس خودکش حملہ آور نے پہلے سکیورٹی اہلکاروں پر پانچ سے چھ فائر کیے اور پھر تیزی سے مسجد کے اندر داخل ہوا ۔ اور منبر کےسامنے پہنچ کر خودکش حملہ آور نے خود کو اڑا لیا ۔ دھماکے کے بعد مسجد کے ہال میں ہر طرف انسانی اعضا پھیل گئے۔ ایک افراتفری کا عالم اور قیامت خیز منظر تھا ۔ ۔ یہ بہت ہی افسوس ناک سانحہ ہے کیونکہ مت بھولیں چوبیس سالوں کی کوشش کے بعد آسٹریلوی کرکٹ ٹیم پاکستان کے دورے پر آئی ہے اور اس نے اتنے برسوں تک سکیورٹی وجوہات کی بنا پر ہی پاکستان کا دورہ نہیں کیا تھا۔

۔ اس دھماکے کی ٹائمنگ بہت اہم ہے ۔ مسجد اور نماز جمعہ کو ہی نشانہ بننا خاص پلاننگ کا حصہ لگتا ہے ۔ اور آج ہی آسٹریلیا پاکستان ٹیسٹ میچ کا پہلا دن تھا۔ آپکو یاد ہو تو آسٹریلیا کے ٹور سے پہلے نیوزی لینڈ کا ٹور بھی میچز شروع ہونے سے پہلے ہی سیکورٹی وجوہات کی بنا پر کینسل ہوا تھا ۔ وہ پاکستان آکر واپس چلے گئے تھے ۔ جبکہ انگلینڈ نے بھی طے شدہ دورہ پاکستان ملتوی کردیا تھا۔۔ ہمارے لیے آج یہ ایک تاریخی دن تھا ۔ کیونکہ پاکستان اور آسٹریلیا کے درمیان یہ سیریز کرکٹ سے بڑھ کر تھی۔ حالیہ سیریز سے دنیا کو مثبت اور مضبوط پیغام جانا تھا۔ مگرحکومت کی کوتاہی کے سبب اب دنیا بھر کے میڈیا میں یہ ہیڈ لائنز بننے کے بجائے کہ آسٹریلیا چوبیس سال بعد پاکستان میں کھیل رہی ہے ۔ ہیڈ لائنز یہ چل رہی ہیں کہ پاکستان میں نماز جمعہ کے دوران دھماکے میں پچاس سے زائد افراد جان کی بازی ہار گئے ۔ پھر بھارتی میڈیا تو اس سانحہ کو ایسے رپورٹ کر رہا ہے کہ آسٹریلوی ٹیم فورا ٹور کینسل کرکے گھر واپس چلے جائے ۔ ۔ دراصل یہ ہمارے دشمنوں کی جانب سے آسٹریلیا سمیت دنیا بھر کو پیغام دینے کی کوشش کی گئی ہے کہ پاکستان محفوظ نہیں ۔ سوال یہ ہے کہ جو کام حکومت نے کرنے تھے وہ کیوں نہ کیے گئے ۔ جب معلوم تھا کہ یہ کرکٹ سیریز پاکستان میں بے اتنہا مشکلات اور کوششوں کے بعد شروع ہو رہی ہیں تو پورے ملک میں سیکورٹی ہائی الرٹ کیوں نہ گئ ۔ کیوں صرف آسٹریلیا کی ٹیم کو تو خوب سیکورٹی دی گئی مگر باقی ملک اللہ بھروسے چھوڑ دیا گیا ۔ کیا کسی کو معلوم نہیں تھا کہ دشمن کہیں اور بھی حملہ کرکے یہ ٹور کینسل کروانے کی سازش رچ سکتا ہے ۔ چلیں ٹور نہ بھی کینسل ہو تو کم ازکم ہم کو بدنام کروانے میں تو کامیاب ہوجائے گا ۔

۔ ان سوالوں کے جواب اس حکومت کو دینا ہوں گے ۔ کیونکہ سالوں کی کوششوں سے سرزمین پاکستان سے دہشتگردی کا خاتمہ ہوگیا تھا ۔ آخر کیوں عمران خان کے دور میں یہ دوبارہ سر اٹھا رہی ہے ۔ ایسا کیا ہے جو اس دور میں حکومت کر نہیں پارہی ہے ۔ ۔ یاد کروادوں آج کے سانحہ کے حوالے سے ایس ایس پی آپریشنز پشاور کا کہنا تھا کہ سکیورٹی ہائی الرٹ تھی اور سکیورٹی کے لیے مسجد کے گیٹ پر دو کانسٹیبل تعینات تھے۔ عین شاہدین کے مطابق بھی دہشتگردوں کا ان سے فائرنگ کا تبادلہ ہوا ۔ ۔ مگر شیخ رشید کا کہنا ہے کہ پشاور دھماکے کے حوالے سے کوئی تھریٹ الرٹ بھی جاری نہیں ہوا تھا۔۔ یوں ایک بار پھر حکومت ، عمران خان ، وزیر داخلہ شیخ اور وزیر اعلی محمود خان کی جانب انگلیاں اٹھ گئی ہیں ۔ نیشنل ایکشن پلان پر بھی سوالیہ نشان اٹھ گیا ہے ۔ کہ کیوں اس کو سفارشات کو لاگو نہیں کیا جاتا ۔ کیونکہ حکومت کے لیے میڈیا سے لے سیاسی مخالفین اور پیکا آرڈیننس تو بہت اہمیت کا حامل ہے ۔ مگر نیشنل ایکشن پلان پر حکومت کی کوئی توجہ نہیں ۔ سچ یہ ہے کہ ایک بار پھر پاکستان میں دہشت گردی پنپ رہی ہے ۔ ۔ میری سمجھ سے باہر ہے کہ آخر کیوں ہم معاملات کو سیریس نہیں لیتے ۔ ایسا واقعہ کسی اور ملک میں ہوا ہوتا تو اب تک سب بڑے سر جوڑ کر بیٹھے ہوتے ۔ اور دہشتگردوں کا قلع قمع کرنے کا آپریشن اسٹارٹ ہوچکا ہوتا ۔ ۔ شیخ رشید یہ سریز شروع ہونے سے پہلے تو بہت بلند وبانگ دعوے کررہے تھے ۔ مگر شاید وہ یہ بھول گئے کہ دشمن تاک میں بیٹھا تھا ۔ صرف بیانات اور باتوں سے معاملات حل ہوتے تو چاہیے کیا تھا ۔
۔ لگتا یوں ہے کہ پورا ملک سیاست میں مگن تھا ۔ حکومت کو ملکی سیکورٹی اور عالمی معاملات سے زیادہ اپنی کرسی بچانے کی فکر تھی ۔ اب بھی حکومت کوئی خاص سنجیدہ دیکھائی نہیں دیتی ۔ ہمیشہ کی طرح گنگلوؤں سے مٹی جھاڑتے ہوئے عمران خان نے پشاور دھماکے کی رپورٹ طلب کرلی ہے۔

۔ وزیر داخلہ شیخ رشید احمد نے بھی وہ ہی رٹا رٹایا بیان جاری کردیا ہے کہ پشاور دھماکا سوچی سمجھی سازش کے تحت پاکستان کو غیر مستحکم کرنے کی کوشش ہے۔ انھوں نے یہ نہیں بتایا کہ یہ سازش کون کررہا ہے ۔ دشمن ہے کون ۔ البتہ شیخ رشید نے بھی چیف سیکرٹری اور آئی جی خیبر پختونخوا سے دھماکے کی رپورٹ طلب کر لی ہے۔۔ مجھے تو آج تک سمجھ نہیں آئی کوئی بھی واقعہ ہوجائے فورا انکوئری رپورٹ طلب کرلی جاتی ہے ۔ اسکے بعد اس رپورٹ کا کیا بنتا ہے ۔ ذمہ داروں کے خلاف کاروائی ہوتی ہے کہ نہیں ۔ کبھی قوم کو کچھ معلوم نہیں ہوپاتا ۔ مگر جن کے پیارے جاتے ہیں ۔ کبھی ان سے جا کر پوچھیں ان پر کیا گزرتی ہے ۔ ۔ پھر وزیر داخلہ شیخ رشید نے وزیراعظم عمران خان کو آسٹریلوی کرکٹ ٹیم کی سکیورٹی پر بریفنگ بھی دی ہے ۔ تو وزیر اعلی کے پی کے محمود خان ، چیئرمین سینیٹ صادق سنجرانی اور دیگر نے بھی مذمت کرکے اپنا فرض ادا کر دیا ہے ۔ ۔ سوال یہ ہے کہ ہماری سیاسی اشرافیہ کیوں سر جوڑ کر نہیں بیٹھ رہی ہے ۔ آخر کیوں دہشتگردوں کو کھلی چھوٹ دی جا رہی ہے کہ وہ جب چاہیں لاہور ہو، پشاور ہو ، کوئٹہ ہو ، کراچی ہو ۔۔۔ حملہ کرکے پاکستان کو destablize کردیں ۔ ۔ پتہ نہیں اسکے بعد بھی عمران خان بضد رہیں گے یا اپنی سوچ کو بدلیں گے ۔ کہ دہشتگرد بات چیت کی زبان نہیں سمجھتے ان کو ان زبان میں جواب دینا ضروری ہے ۔ آپ نے ایک بار بات چیت کی آفر کرکے اپنا فرض ادا کردیا ہے ۔ اب ریاست پاکستان کو ان سے آہنی ہاتھوں سے ڈیل کرنا ہوگا اور جب تک اس پاک سرزمین پر ایک دہشتگرد موجود ہو چین نہیں بیٹھنا چاہیئے ۔ جن جن ہمسایہ ممالک میں انکی محفوظ پناہ گاہیں ۔ ان سے بات بھی کرنی چاہیے کہ یا تو وہ خود ان کا قلع قمع کریں یا پھر پاکستان کو خود کوئی کاروائی یا کوئی اور طریقہ نکالنا چاہیے ۔

۔ پھر اوپر سے لے کر نیچے تک جب بھی ایسا کوئی واقعہ ہوتا ہے۔ ہر کوئی بیرونی دشمن دشمن کا راگ الاپانا شروع ہوجاتا ہے ۔ مگر اس دشمن کو کبھی دنیا کے سامنے ایکسپوز کرنے کی کوشش نہیں کی جاتی ۔ کبھی ہمارا فارن آفس ، ہمارا میڈیا اس دشمن کا غلطی سے بھی نام نہیں لیتا ۔ جبکہ بھارت میں کوئی پٹاخہ بھی چل جائے تو تعین بعد میں ہوتا ہے کہ یہ کس نوعیت کا ہوا ہے مگر الزام سب سے پہلے پاکستان پر تھوپ دیا جاتا ہے ۔ ۔ وزیر اعظم عمران خان ، وزیر داخلہ شیخ رشید اور اداروں کو vigilant ہونا ہوگا کیونکہ اس وقت ملک سیاسی افراتفری کا بھی شکار ہے ۔ اور بلاول بھٹو ایک بڑا لشکر لے کر اسلام آباد جا رہے ہیں ۔ جس میں ہزاروں لاکھوں لوگ موجود ہیں ۔ اگر دہشتگرد لاہور ، بلوچستان اور پشاور میں نماز جمعہ کے دوران حملہ کر سکتے ہیں تو بلاول بھٹو اور انکے لانگ مارچ کو سیکورٹی دینا بھی حکومت کی ذمہ داری ہے ۔ مت بھولیں ایسی صورتحال میں دشمن تاک میں بیٹھا ہے اور کچھ بھی کر سکتا ہے ۔ احتجاج کرنا ، جلسے جلوس اور لانگ مارچ کرنا ہر کسی کا جمہوری حق ہے۔ سیکورٹی دینا حکومت کا کام ہے ۔ مت بھولیں یہ soft target ہیں ۔ خدانخواستہ یہاں کچھ ہوگیا تو دشمن پاکستان کو بڑانقصان اور بڑے مسائل کا شکار کرسکتا ہے ۔ اسی طرح اور بھی چیزوں اور دیگر مقامات پر فورا سیکورٹی ہائی الرٹ کردینی چاہئے جو دہشتگردوں کے لئے آسان ٹارگٹ ہو ۔ پھر یہ وقت کی ضرورت ہے کہ پاکستان کرکٹ بورڈ آسٹریلین کرکٹ بورڈ کو فوراengageکرلے ۔ ساتھ ہی ہمارے فارن آفس کو بھی چاہیے کہ وہ آسٹریلوی وزارت خارجہ کے ساتھ رابطہ کرے ۔ صورتحال سے خود آگاہ کرے ۔ ان کی کرکٹ ٹیم کو جو سیکورٹی اور سہولیات دی جارہی ہیں اس بارے پھر سے آگاہ کرے ۔ کیونکہ پشاور سانحہ کو لے کر بھارتی میڈیا نے تو پراپیگنڈہ بھی شروع کر دیا ہے ۔ اس وقت بھارت کی پوری کوشش ہے کہ کسی طرح یہ دورہ آسٹریلیا کینسل ہوجائے ۔ ۔ یاد رکھیں غلطیاں انسانوں سے ہی ہوتی ہیں ۔ جو ہوگیا اس سے آگے نکل کر سوچنا ہوگا ۔ اس وقت ہماری سب سے بڑی کامیابی صرف ایک ہی ہے کہ آسٹریلیا کا یہ ٹور خیر خیریت سے ہوجائے ۔ پورے ملک میں دوبارہ ایسا کوئی واقعہ نہ ہو ۔ اگر حکومت ، ادارے اور قوم ملک کر کام کریں تو یہ ناممکن نہیں ۔

آخر کار وہ خبر آگئی ہے جس کے بعد کپتان ، حکومت ، وزیروں اور مشیروں کے دل کی دھڑکن تیزی سے مزید تیز ہوتی جارہی ہے ۔ اس وقت اپوزیشن اپنی کاری ضرب لگانے کو مکمل تیار ہے ۔ کیونکہ اپوزیشن نے حکومت کے خلاف تحریک عدم اعتماد کا مسودہ تیار کرلیا ہے ۔ ذرائع کے مطابق تحریک عدم اعتماد پر 80 سے زائد اپوزیشن اراکین کے دستخط ہیں جس میں پیپلزپارٹی، ن لیگ، جے یو آئی، اے این پی، بی این پی مینگل اور دیگر جماعتوں کے ارکان نے دستخط کیے ہیں۔ اپوزیشن نے اسمبلی اجلاس بلانے کی ریکوزیشن بھی تیارکر رکھی ہے۔ یوں تحریک عدم اعتماد اور اجلاس کے لیے ریکوزیشن کسی بھی وقت جمع کروائی جا سکتی ہے جس کے لیے اپوزیشن لیڈر شہبازشریف کے چیمبر کو بھی الرٹ کردیا گیا ہے۔

۔ اپوزیشن کے اس تیار کیے گئے مسودے میں کہا گیاہے کہ ملک میں سیاسی عدم استحکام اورغیریقینی صورتحال ہے۔ خارجہ پالیسی مکمل طور پر ناکام ہوچکی ہے جب کہ قائد ایوان اس ایوان کی اکثریت کا اعتماد کھوچکے ہیں۔ اس صورتحال کے تناظر میں قائد ایوان کے خلاف عدم اعتماد کی تحریک پیش کی جاتی ہے۔۔ رانا ثنااللہ توبڑےconfidence سے تحریک عدم اعتماد کی کامیابی کا دعویٰ کررہے ہیں ۔ کیونکہ چوہا رپورٹس ہیں کہ اپوزیشن نے حکمران جماعت کے 24 ارکان کی حمایت حاصل کرلی ہے۔ اس سلسلے میں مسلم لیگ ن کو 16 پیپلز پارٹی کو 6 اور جے یو آئی کو 2 حکومتی ارکان نے ہاں کہہ دی ہے۔ یقینی طور پر انھوں نے آئندہ جنرل الیکشن میں ٹکٹ کے بدلے ووٹ اپوزیشن کو دینے کے لیے حامی بھری ہوگی اب اگر یہ چوبیس لوگ اپوزیشن کے ساتھ چلتے ہیں تو عمران خان کا گھر جانا یقینی ہے کیونکہ نمبر گیم میں حکومت کو 17
ووٹوں کی برتری ہے ۔ پر ان چوبیس لوگوں کی بدولت نمبر گیم میں اپوزیشن اوپر آجائے گی اور ساتھ اگر حکومتی اتحادی اپوزیشن کا ساتھ نہ بھی دیں تو تحریک عدم اعتماد کامیاب ہونا ناممکن نہیں ۔ ۔ اپوزیشن نے مسلم لیگ ق، ایم کیو ایم اور بلوچستان عوامی پارٹی سے دوبارہ بھی رابطے کیے ہیں۔ ان تینوں جماعتوں کے کل 17 ارکان ایوان میں موجود ہیں صرف ان تینوں جماعتوں کا ساتھ بھی مل گیا تو اپوزیشن کو ایوان میں سادہ اکثریت سے زیادہ ووٹ مل جائیں گے۔

۔ اس حوالے سے بلاول بھٹو تو بہت ہی زیادہ پراعتماد دیکھائی دیتے ہیں انھوں نے تو آج وزیراعظم عمران خان کو مستعفی ہونے کے لیے پانچ دن کی مہلت تک دے دی ہے ۔ کیونکہ ان کا ماننا ہے کہ ہمارے نمبر پورے ہو چکے ، ایوان میں ہر ایم این اے عدم اعتماد میں ہمارے ساتھ ہے۔۔ یوں اس نئی پیش رفت کے سبب سیاست کے میدان میں خوب تیزی چل رہی ہے ۔ عون چوہدری نے بھی اعلان کر دیا کہ جلد جہانگیر ترین وطن واپس پہنچ رہے ہیں۔ ۔ پھر طارق بشیر چیمہ کے بعد آج پرویز الہٰی نے کہا دیا ہے کہ وزیراعظم عمران خان سے ملاقات میں تحریک عدم اعتماد پر کوئی بات نہیں ہوئی۔ پرویز الہٰی کا کہنا تھاکہ ہانڈی میں سامان چلا گیا دھواں اٹھنے کے بعد پہلا ابالا آتا ہے۔ پہلا ابالا آ جائے پھر آپ کو بتائیں گے۔ اتنی بڑی ہانڈی چڑھی ہے کچھ تو نکلے گا۔۔ صحافیوں کی جانب سے جب پرویز الٰہی سے سوال کیا گیا کہ کیا آپ کا جانب سے بھی وزیراعظم کو گھبرانا نہیں ہے کا پیغام ہے؟ اس پر اسپیکر پنجاب اسمبلی نے قہقہہ لگایا اور کہا عمران خان بالکل بھی گھبرائے ہوئے نہیں ہیں۔ ۔ جبکہ مولانا ہوں یا بلاول یا ن لیگی رہنما سب اس چیز پر بھی متفق دیکھائی دیتے ہیں کہ اسٹیبلشمنٹ مکمل طور پر نیوٹرل ہے ۔ کسی کو کوئی فون کال نہیں آرہی ہے ۔ ۔ مگر اسٹیبلشمنٹ کے نیوٹرل ہونے کا دکھ لگتا ہے سب سے زیادہ حکومت کو ہے ۔ اس بات کا اندازہ وزیروں کے بیانات سے باآسانی لگایا جاسکتا ہے ۔ جہاں گیٹ نمبر چار کے پرانے کھلاڑی شیخ رشید احمد کوئی سگنل نہ ملنے پر گھبرائے گھبرائے دیکھائی دے رہے ہیں ۔ تو فواد چوہدری اپنے لوگوں کو جھوٹی تسلیاں دیتے ہوئے فرماتے ہیں کہ ادارے حکومت کے ساتھ ہوتے ہیں ،نیوٹرل نہیں ہوتے۔ اسی لیے خبریں یہ ہیں کہ حکومت نے اپنی تمام ترامیدیں آئی بی سے وابستہ کر لی ہیں ۔ عین ممکن ہے کہ جو ناراض لوگ راضی نہیں ہونگے شاید وہ تحریک عدم اعتماد کے روزغائب کردئیے جائیں کیونکہ اس روز ایوان میں اکثریت ثابت کرنا حکومت کی نہیں بلکہ اپوزیشن کی ذمہ داری ہوگی۔ اس سلسلے میں باخبر زرائع کے حوالے سے مصدقہ اطلاعات ہیں کہ پی ٹی آئی کے ناراض ارکان کی فہرستیں بن چکی ہیں اور ان پرکڑی نظربھی رکھی جارہی ہے۔ پھر جیسا کہ میں نے آپکو اپنے گزشتہ روز بتایا تھا کہ لندن میں نواز شریف کی دولوگوں سے اہم ملاقات میں اہم معاملات طے ہوگئے ہیں تو ایک روز بعد ہی نواز شریف نے تحریک عدم اعتماد کے معاملے پرگرین سگنل دے دیا ۔

۔ پھر جو دوسری بڑی اور اہم خبر ہے کہ اپوزیشن کے تینوں بڑوں کا تحریک عدم اعتماد کی کامیابی کے بعد فوری انتخابات پر اتفاق ہو گیا ہے۔ اس حوالے سے کہا جا رہا ہے کہ پیپلز پارٹی فوری انتخابات کی بجائے آئینی مدت پوری کرنے پر بضد تھی اور حکومت کی اتحادی جماعتوں نے بھی آئینی مدت پوری ہونے کا چارٹر آف ڈیمانڈ دیا تھا۔ ایم کیو ایم اور ق لیگ فوری انتخابات پر راضی نہیں تھیں اور پیپلز پارٹی حکومتی اتحادی جماعتوں کے مؤقف کی حامی تھی۔ تاہم اب اس سلسلے میں معاملہ افہام وتفہیم سے طے ہوگیا ہے اور اپوزیشن جماعتوں میں ڈیڈ لاک ختم ہو گیا ہے کیونکہ پیپلز پارٹی کو فوری انتخابات پر قائل کر لیا گیا ہے۔۔ اس بات کی تصدیق گزشتہ روز بلاول بھٹو نے جیو ٹی وی کو اپنے انٹرویو میں بھی کردی ہے جس میں انھوں نے کہا کہ آنے والا سیٹ اپ مختصر مدت کا ہوگا، نئے آنے والے سیٹ اپ کا واحد مینڈیٹ شفاف انتخابات ہو گا۔۔ یعنی ملک میں قبل ازوقت الیکشن کا چاند کسی بھی وقت نمودار ہوسکتا ہے ۔ ۔ ویسے عمران خان کی بھاگ دوڑ سے بھی اندازہ ہوگیا ہے کہ الٹی گنتی شروع ہوچکی ہے ۔ اسی لیے وزیرِ اعظم عمران خان سے مسلم لیگ ق کی قیادت کی آج ایک اور ملاقات ہو گی۔ کہا جا رہا ہے کہ عمران خان ق لیگ کے رہنما وفاقی وزیر مونس الٰہی سے ون آن ون ملیں گے ۔ چڑیل کے مطابق شاید کوئی ڈپٹی پرائم منسٹر کی کہانی ہے ۔ کل تو یہ بھی چڑیل نے بتایا تھا کہ عین ممکن ہے کہ اپوزیشن کے پے در پے حملوں کے سبب ایک دو دن میں ہی حکومت پنجاب میں تبدیلی کی نوید سنا دی جائے اور صوبے کی چابیاں ق لیگ کو تھما دی جائیں گے ۔ ۔ دیکھا جائے تو اس وقت عمران خان حکومت بچانے کے لیے کچھ بھی کرنے کو تیار دیکھائی دیتے ہیں ۔ آپ دیکھیں یک دم حکومت اب پیکا آرڈیننس سے بھی پیچھے ہٹ گئی ہے ۔ ۔ یہ سیاسی منظر اس لئے ابھرا ہے کہ حکومت نے پونے چار برسوں میں وہ وعدے پورے نہیں کئے جو اس نے اقتدار میں آنے سے پہلے کیے تھے کہ اب خوشحالی آئے گی برس ہا برس سے درپیش مسائل سے نجات ملے گی بنیادی انسانی حقوق کے لیے اپنی تمام تر توانائیاں صرف کی جائیں گی۔
۔۔۔ سٹیٹس کو ۔۔۔ کو ختم کر دیا جائے گا وغیرہ وغیرہ۔

۔ اب جب صورتحال خراب ہوئی ہے۔ عوام بلبلا اٹھے ہیں۔ آمرانہ طرز عمل سے پورے ملک میں ایک کہرام کی سی کیفیت ہے۔ پہلے حکومت نا نا کرتی رہی ہے ۔ اب ان کو احساس ہوا ہے کہ ان کے پیروں سے تو زمین سرکنے والی ہے ۔ ۔ میں آپکو بتاوں خان صاحب کی آنکھ دیر بعد کھلتی ہے یہ سلسلہ انہیں بہت پہلے شروع کرنا چاہیے تھا کہ وہ اپنے اتحادیوں اور ساتھیوں کے ساتھ سیاسی تعلقات کو مضبوط بناتے کچھ ان کی مانتے اور کچھ اپنی منواتے مگر انہوں نے خوشامدیوں کو نوازا باقی ہرکسی کو نظر انداز کیا۔ جب کبھی وہ ناراض ہوئے اور انہوں نے گلے شکوے کیے تو ہمیشہ رعونت سے دیکھا گیا۔ اب جب اپوزیشن والے حکومت کے گلے تک پہنچ گئے ہیں تو حکومت کے ذہن میں یہ بات آئی کہ اپنے آپ کو بدلہ جائے ۔ ۔ کہنے والے تو کہتے ہیں کہ عمران خان اب بھی ان کے پاس نہیں جانا چاہتے تھے مگر انہیں سمجھایا گیا کہ وہ سیاست کریں۔ وقت کا تقاضا ہے کہ صورتحال کو غور سے دیکھا جائے اور اس کے مطابق فیصلہ کیا جائے لہذا وزیراعظم کو اپنا رخ ادھر ادھر موڑنا پڑا ہے۔ جھکنا پڑا ۔ اپنے آپ کو بدلنا پڑا ۔ ۔ ورنہ انا اتنی بڑھ چکی تھی کہ اتحادی تو دور کی بات اپنے جماعت کے ناراض لوگوں کو کپتان منہ نہیں لگانا چاہتے تھے ۔ الٹا ان کو بھی سبق سیکھنا چاہتے تھے یہاں تک کہ ایک شخص بارے تو ان کی خواہش تھی کہ یہ بھی جیل میں جائے ساتھ اس کا فرزند بھی جیل کی ہوا کھائے ۔ مگر ایسا ہونہ سکا ۔ ۔ مجھے ویسے بہت حیرت ہے کہ صرف چار سالوں میں عمران خان کو اپنی کرسی سے بڑی محبت ہو گئی ہے۔ وگرنہ وہ تو خود جانتے ہیں کہ اب عوام کی خدمت کا وقت گزر چکا ہے۔ ۔ یاد رکھیں جب عوام کے ذہنوں میں کسی حکمران سے متعلق یہ خیال بیٹھ جائے کہ وہ ان سے مخلص نہیں تو پھر اس کے ریلیف کسی کام کے نہیں ہوتے۔ باقی ان کے اردگرد لوگ چاہے اپنی جماعت کے ہوں یا پھر اتحادی وہ ان کا کردار اور اخلاق باخوبی دیکھ چکے ہیں ۔ ۔ یقینی طور پر جب ایمپائر کی جانب سے کوئی پریشر نہیں ہوگا تو یہ سب کپتان کے بارے اپنے تجربات کو سامنے رکھ کر فیصلہ کریں گے ۔ فی الحال یہ تو یقین سے نہیں کہا جاسکتا کہ تحریک عدم اعتماد کامیاب ہو گی یا ناکام ۔ مگر حکومت کی ضرور ہوائیاں اُڑی ہوئی ہیں ۔

وزیر اعظم پاکستان عمران خان کا دورہ روس اس وقت دنیا بھر میں talk of town بن چکا ہے ۔ وجہ اس کی یہ نہیں کہ پاکستان اس تنازعہ میں کوئی اہم کردار ادا کر سکتا ہے ۔ وجہ اس کی صرف یہ ہے کہ دورہ شروع ہونے سے صرف ایک دن پہلے ہی حالات اس تیزی سے بدلے ہیں ۔ کہ اب مشرق اور مغرب کی نظریں ہم پر لگ گئی ہیں کہ ہم اس تنازعہ میں کیا موقف اپناتے ہیں۔ کیونکہ اپنی کمزرویوں کے باوجود بہرحال ہم ہیں تو ایک ایٹمی طاقت اور مسلمان دنیا کا ایک اہم ملک ۔

۔ اس وقت جہاں روسی صدر پیوٹن نے اپنے پتے شو کروادیے ہیں تو دوسری جانب یوکراین کے وزیر دفاع نے اعلان کردیا ہے کہ جنگ کے لیے تیار رہیں جس میں سختیاں بھی ہوں گی نقصان بھی ہوگا لیکن ہمیں درد کو برداشت کرتے ہوئے خوف اور مایوسی پر قابو پانا ہے۔ دراصل انھوں نے طبل جنگ بجا دیا ہے ۔ کیونکہ ان کی انتہائی جذباتی پوسٹ نے سیکیورٹی اہلکاروں کے لہو کو گرما دیا ہے ۔۔ یوں یہ کہنا ہے کہ یوکرائن کے بحران نے ایک نیا رخ اِختیار کرلیا ہے تو غلط نہ ہوگا ۔۔ اب یوکرائنی وزیر دفاع کے بیان کے بعد عین ممکن ہے کہ عمران خان کے دورہ روس کے دوران ہی روس اور یوکرائن کی جنگ چھڑ جائے ۔ اس لیے پاکستان کے ساتھ ساتھ عمران خان کی سفارت کاری اور statesmanship کا بھی امتحان ہے ۔ کہ حالات کو مدنظر رکھتے ہوئے پاکستان کے مفادات میں فیصلہ کیا جائے ۔ کیونکہ پاکستان خود سفارتی محاذ پر بہت سے اہم مسائل کا شکار ہے ۔ جہاں ایک جانب ایف اے ٹی ایف کا معاملہ ہے تو بھارت کی مسلسل جارحیت کا بھی سامنا ہے ۔ مسئلہ کشمیر کا معاملہ بھی آپکے سامنے ہے ۔ پھر ایک جانب امریکہ ہے تو چین کی صورت میں امریکہ کے سامنے خطے میں ایک اور طاقت موجود ہے۔ سی پیک کی شکل میں چین گوادر تک رسائی حاصل کر چکا ہے۔ اس کے ساتھ ساتھ افغانستان کی بدحالی کا بھی براہ راست اثر ہم پر ہے ۔ پھر نیٹو کی شکل میں پورا یورپ اس تنازعہ کا اہم فریق ہے اور سب جانتے ہیں کہ ہماری زیادہ تر ایکسپورٹس کا دارومدار یورپ اور امریکہ کی منڈیاں ہیں ۔ اسکے علاوہ ہم آئی ایم ایف کے چنگل میں ایسے پھنسے ہوئے ہیں کہ مستقبل قریب میں اس سے آزاد ہونا ممکن نہیں دیکھائی دیتا۔ یوں وقت کا تقاضا ہے کہ عمران خان اور ریاست پاکستان کوئی بھی فیصلہ کرتے وقت صرف اور صرف اپنے مفادات کا سوچے ۔

۔ اب دیکھنا ہے عمران خان روس سے کیا لے کر آتے ہیں۔ اور کیا دے کر آتے ہیں ۔ ۔ دوسری جانب تجزیہ کیا جائے تو یوکرائن روس کے مقابلے میں ایک کمزور بچہ دیکھائی دیتا ہے ۔ پر یہ نہیں بھولنا چاہئے کہ اس کمزور بچے کی پشت پر بہت بڑے بڑے پہلوان کھڑے ہیں ۔ جو نہ اس بچے کو پیچھے ہٹتے دیکھنا چاہتے ہیں اور نہ ہی گرنے دینا چاہتے ہیں ۔ ۔ مگر اس کے ساتھ یہ بھی ذہن میں رکھنا ضروری ہے کہ دنیا میں سب سے زیادہ قدرتی گیس فروخت کرنے والا ملک روس ہے۔ اس کے بعد قطر اور ناروے کا نمبر ہے۔ پھر سب سے زیادہ تیل فروخت کرنے والا ملک امریکا ہے۔اس کے بعد روس اور سعودی عرب کا نمبر ہے۔۔ روس یورپ کی پینتیس فیصد گیس ضروریات پوری کرتا ہے۔سب سے بڑا خریدار جرمنی ہے۔اس کے بعد اٹلی ، ترکی ، آسٹریا ، فرانس ، پولینڈ ، ہنگری اور سلواکیہ کا درجہ ہے۔ روسی گیس کے خریداروں میں بلجیئم ، ڈنمارک ، فن لینڈ ، ہالینڈ ، برطانیہ ، یونان ، سوئٹزر لینڈ ، بوسنیا ، کروشیا ، بلغاریہ ، چیک جمہوریہ ، سلووینیا ، سربیا اور رومانیہ بھی شامل ہیں۔یوں صرف گزشتہ سال روس نے چار سو نوے بلین ڈالر کی اشیا دنیا کو فروخت کیں۔ جس میں بڑا حصہ تیل اور گیس کا تھا ۔ ۔ یہ بتانے کا مقصد یہ ہے کہ روس یوکرین جنگ شروع ہوجاتی ہے۔ تو ان دونوں کا تو نقصان جو ہوگا سو ہو گا۔ مگر اس جنگ کے بدلے اگر یورپ اور امریکا روس کا معاشی بائیکاٹ کر دیتے ہیں۔ جس کے واضح اشارے مل رہے ہیں تو پھر روسی تیل، گیس اور غلہ بھی باقی دنیا تک نہیں پہنچتا۔ اور پابندیوں کے بعد جب خام تیل کی قیمیتں مزید اوپر جائیں گی تو سوچئے کہ ہم جیسے ترقی پذیر ممالک کا کیا ہوگا جو پہلے ہی تیل ، گیس اور اناج کی بڑھتی قیمتوں کے سبب معاشی طور پر دیوالیہ ہوا پڑا ہے ۔

۔ اس سے اندازہ لگا لیں کہ ابھی جنگ شروع نہیں ہوئی صرف خبروں کی بنیاد پر ہی عالمی منڈی میں خام تیل کی قیمت
97 ڈالر فی بیرل سے تجاوز کرگئی۔ عالمی ادارے Fidelity انٹرنیشنل کے مطابق تیل کی قیمت 100 ڈالر فی بیرل سے بھی بڑھ سکتی ہے۔ پھر لندن اور ایشیائی اسٹاک مارکیٹس میں مندی دیکھنے میں آئی ہے اور خدشہ ہے کہ امریکا میں بھی یہ رجحان جاری رہے گا۔۔ آسٹریلیا نے حالات کے پیشِ نظر یوکرائن میں اپنے سفارتی عملے کو رومانیہ اور پولینڈ منتقل کرنے کا فیصلہ کیا ہے جہاں سے اُنہیں وطن واپس بھیجا جائے گا۔ تو بھارت نے بھی اپنے 20 ہزار سے زائد شہریوں کو یوکرائن سے نکالنے کے لیے آج صبح خصوصی پرواز روانہ کر دی ہے۔۔ فی الحال روس کے گزشتہ روز کے اعلانات کے درعمل میں برطانیہ نے روس کو خبردار کیا ہے اور روس کے پانچ بینکوں پر پابندی لگانے کا اعلان کر دیا ہے۔ ۔ توکہا جا رہا ہے کہ امریکا بھی آج کسی وقت روس پر نئی پابندیاں عائد کرنے کا اعلان کرسکتا ہے۔۔ پھر امریکا مغربی میڈیا اور خبر رساں ایجنسیوں کے ذریعے روس کو جارح ثابت کرنے پر تلا ہوا ہے۔ ۔ تنازعہ کی جڑ یہ ہے کہ امریکا یوکرین کو نیٹو ممالک کی تنظیم میں شامل کرنا چاہتا ہے تا کہ وہ اپنے دور مار ایٹمی میزائل یوکرائن کی سر زمین پر نصب کر کے روسی سلامتی کو براہ راست خطرے میں ڈال دے جس کی روس کبھی بھی اجازت نہیں دے گا۔۔ اصل بات یہ ہے کہ امریکا کی عالمی بالا دستی خطرے میں ہے۔ یاد کریں 15 اگست 2021 کو کابل سے امریکی فوج کے انخلاء پر تبصرہ کرتے ہوئے برطانوی وزیر دفاع نے کہا تھا کہ امریکا اب عالمی طاقت نہیں رہا۔ روس ، چین اسٹرٹیجک اتحاد بڑی تیزی سے آگے بڑھ رہا ہے۔ ۔ ایک وقت تھا کہ امریکی سازشوں نے سویت یونین اور چین میں دشمنی پیدا کر دی تھی ۔ اگر ایسا نہ ہوتا تو امریکا کبھی دنیا کی واحد سپر پاور نہ بن سکتا۔ اس طرح چین کو سوویت یونین سے دور کر کے امریکا نے سوویت یونین کو افغانستان کے پہاڑوں میں گھیر کر آسانی سے شکست دے دی۔

۔ اب تو صورتحال بالکل مختلف ہے کہ امریکی اتحادی بھی اسے عالمی طاقت ماننے کے لیے تیار نہیں تو دوسری طرف چین امریکی ماہرین کے مطابق اگلے چند سالوں میں امریکا کی جگہ لیتے ہوئے دنیا کی نمبر ون معاشی طاقت بننے والا ہے۔ دوسری طرف روس ہے جو جنگی میدان میں امریکا کے لیے بڑا خطرہ بننے والا ہے۔ امریکی جریدے scientific american کی رپورٹ کے مطابق مستقبل کی لڑائی میں روس کی نئی صلاحیتوں کو روبوٹک ہتھیاروں اور طویل فاصلے تک مار کرنیوالے حملوں کے ساتھ جوڑا جا سکتا ہے۔ جس میں فضائی اور خلائی حملوں سمیت میزائل شامل ہیں۔ رپورٹ میں کہا گیا ہے کہ روس کئی اہم جنگی شعبوں میں امریکا کو پیچھے چھوڑ دے گا۔ ۔ بات یہ ہے کہ روس اور چین نے یہ سبق سیکھ لیا ہے کہ کس طرح امریکا نے ماضی میں دونوں ملکوں میں اختلافات اور دشمنی پیدا کر کے دنیا پر غلبہ پایا۔۔ بات سمجھنے کی یہ ہے کہ امریکا ہر اس ملک کا دشمن ہے جو اس کی عالمی بالا دستی کو چیلنج کر سکتا ہو۔ چاہے وہ سائنس و ٹیکنالوجی میں ہو یا عسکری معاشی معاملات میں۔ مگر دیوار پہ لکھا سچ یہ ہے کہ امریکا کی اس طویل بالا دستی کا خاتمہ ہونے جا رہا ہے۔ ۔ اسی طرح حالیہ سفارتی کوششوں کا جائزہ لیا جائے تو معلوم ہوتا ہے کہ جرمنی کا رویہ امریکہ کے رویے سے مختلف ہے اور جرمنی کے اَہم معاشی مفادات کارفرما ہیں۔ اَمریکہ کے نزدیک روسی صدر پیوٹن کے سیاسی اور معاشی عزائم کو روکنا اولین ترجیح ہے جِس کے لیے مغرب کے سامنے روس کے عزائم کو ایک بڑھتے ہوئے خطرہ کے طور پر پیش کرنا ہے جِس کا اِس وقت سدِباب ناگزیر ہے جبکہ یورپ خاص طور پر جرمنی کو گیس کی ضروریات پوری کرنے کے لیے روس سے گیس درکار ہے۔

۔ پھر جرمنی اور روس کے مابین بڑھتے ہوئے تعاون سے بھی امریکہ، یوکرائن سمیت چند یورپی ممالک ماضی کے تلخ تجربات کی وجہ سے خائف ہیں۔ ۔ اسی لیے امریکہ اپنے سٹریٹجک مفادات پر ضرب لگنے کے خطرات کے پیشِ نظر روس اور جرمنی کے مابین ہونے والے گیس منصوبے کو آپریشنل ہوتا ہوا نہیں دیکھنا چاہتا کیونکہ یوکرائن کے موجودہ بحران کے جنم لینے سے بھی پہلے امریکہ نے اس منصوبے پر پابندیاں لگا دی تھیں۔ یہ علیحدہ بات ہے کہ صدر بائیڈن کی اِنتظامیہ نے مئی 2021 میں دو اَہم پابندیاں ختم کردی تھیں ۔ ۔ اپنی بات میں اس پوائنٹ پر ختم کروں گا کہ چین اور روس کا اسٹرٹیجک اتحاد امریکی عالمی بالا دستی کے لیے موت کا پیامبر ہے۔

کیا آپکو معلوم ہے کہ امریکہ کیسے اپنے سے چھوٹے ملکوں اور کمزور قوموں کو سرنگوں رکھنے کے لیے اپنے مالیاتی اداروں کا استعمال کرتا ہے ۔ اور اس مقصد کے لیے وہ تمام قانونی اور اخلاقی جواز بالائے طاق رکھتے ہوئے صرف اپنی
supermacy بارے ہی سوچتا ہے ۔ اس سلسلے میں انسانی کیا ہر قسم کے حقوق کو بھی بھول جاتا ہے ۔

۔ ایسی ہی واردات امریکہ نے افغانستان کے حوالے سے ڈالی ہے جس پر افغانی تو امریکہ کو کوس ہی رہے ہیں پر اب دنیا کے بڑے بڑے ممالک امریکہ کو اس بھونڈی حرکت پر خوب لعن طعن بھی کررہے ہیں اور اس کو اسکی اصلیت بھی دیکھا رہے ہیں ۔ آج کا یہ وی لاگ اس ہی بارے میں ہے ۔ ۔ اس وقت دیکھائی یوں دیتا ہے کہ امریکہ سمیت مغربی ممالک چاہتے ہیں کہ افغانستان مسلسل ایک Caosکا شکار رہے ہیں حالانکہ پورے افغانستان میں امن آگیا ہے۔ گارنٹی مل چکی ہے کہ ان کی سرزمین کسی کےاور ملک کے خلاف استعمال نہیں ہوگا ۔ عورتوں سمیت جتنے بھی حقوق کا انھوں نے مطالبہ کیا وہ مان لیے گئے ہیں ۔ مگر پھر بھی ان کے اپنے ہی پیسے ان کو نہیں دیے جا رہے ہیں ۔ جبکہ اس وقت افغانستان کی پچاس فیصد سے زائد آبادی بھوک وننگ کا شکار ہوچکی ہے ۔ اقوام متحدہ بھی اس خدشہ کا اظہار کرچکا ہے کہ 2022 کے وسط تک ملک میں غربت کی شرح 97 فیصد تک پہنچ سکتی ہے۔ مگر انسانی حقوق کے champions کو باقی سب کچھ تو دیکھائی دیتا ہے مگر افغانیوں کی یہ حالت زار دیکھائی نہیں دیتی ۔ لگتا یوں ہے کہ وہ چاہتے ہیں کہ افغانستان کے حالات کبھی ٹھیک نہ ہوں ۔

۔ اسی حوالے سے چین نے بڑا ہی تگڑا بیان دیا ہے اور وہ کھل افغان عوام کی حمایت میں بول اٹھا ہے ۔ یہاں تک کہ اس سلسلے میں چین نے امریکہ کو ڈاکو قرار دے دیا ہے ۔ اور شاید کچھ غلط بھی نہیں کہا ہے ۔ ۔ دراصل چند روز قبل امریکی صدر جوبائیڈن نے افغانستان کے منجمد سات ارب ڈالر کے فنڈز کو دو حصوں میں تقسیم کرنے کے صدارتی حکمنامے پر دستخط کر دیے ہیں جس کے بعد نصف رقم ۔۔۔ ساڑھے تین ارب ڈالر۔۔۔ افغانستان کے عوام کی انسانی مدد جبکہ بقیہ ساڑھے تین ارب ڈالر گیارہ ستمبر کے حملوں کے متاثرین میں تقسیم کرنے کے لیے راہ ہموار ہو گئی ہے۔ صدارتی حکمنامے کے مطابق امریکی انتظامیہ نیویارک کے فیڈرل ریزور میں منجمد افغان اثاثوں تک رسائی حاصل کر سکے گی اور ان اثاثوں میں ساڑھے تین ارب ڈالر افغان عوام کی فلاح اور افغانستان کے مستقبل پر خرچ کیے جا سکیں گے۔ مگر یہ باقی ماندہ پیسے خرچ کیے جانے ہیں اس حوالے سے بھی اسٹوری میں twist ہے جو آگے چل کر آپکو بتاتا ہوں ۔ ۔ فی الحال امریکی پستی کی اس سطح پر آ گئے ہیں کہ کمزوروں کی امانتیں بھی ہڑپ کرنے پر اتر آئے ہیں۔۔ کیونکہ یہ جو پیسہ منجمد ہے وہ بنیادی طور پر ان پیسوں پر مشتمل ہے جو گزشتہ دو دہائیوں کے دوران بین الاقوامی سطح پر افغان عوام کی مدد کے لیے عطیہ کی گئی تھی۔

۔ گذشتہ سال اگست کے مہینے میں افغانستان پر طالبان کے قبضے کے بعد بہت سی غیر ملکی حکومتوں اور بین الاقوامی اداروں نے افغانستان کے مرکزی بینک کے بیرون ملک اثاثوں کو منجمد کر دیا تھا جن کی مجموعی مالیات دس ارب ڈالر بنتی ہے اور ان میں سے سات ارب ڈالر صرف امریکی شہر نیویارک میں موجود ہیں۔ جبکہ دو ارب ڈالر یورپ اور باقی متحدہ عرب امارت میں بھی منجمد ہیں۔ طالبان نے بارہا امریکہ اور غیر ملکی حکومتوں اور اداروں سے مطالبہ کیا ہے کہ یہ فنڈ جلد از جلد جاری کیے جائیں تاکہ وہ افغانستان کی بدحال معیشت کو سہارا دے سکیں اور انسانی بحران سے بچ سکیں۔۔ حقیقت میں یہ جو افغانستان کی امانت چرائی گئی ہے اس کا کوئی بھی شہری ہائی جیکرز میں شامل نہیں تھا۔ پھر افغانستان کی آدھی آبادی نو ستمر کے بعد پیدا ہوئی۔ جن میں سے بہت سے دو وقت کی روٹی کے لیے گردے بیچنے پر مجبور ہیں۔ حالت یہ ہے کہ پورے پورے خاندان زندہ رہنے کے لیے اپنے گردے بیچ رہے ہیں اور یہ امریکی ٹی وی voice of america کی اپنی رپورٹس میں دیکھا جا رہا ہے ۔ مگر کسی امریکی کے کان پر جوں نہیں رینگ رہی ۔ ۔ امدادی گروپس اور بین الاقوامی ایجنسیوں کا اندازہ ہے کہ قریب 23 ملین افراد کو۔ جو افغانستان کی نصف آبادی بنتی ہے۔ سخت بھوک کا سامنا ہے جبکہ نو ملین یا 90 لاکھ افراد قحط سالی کے کنارے تک پہنچ چکے ہیں۔ حالت یہ ہو گئی ہے کہ لوگ خوراک خریدنے کے لیے ذاتی اشیا بیچنے، گھر کو گرم رکھنے کے لیے فرنیچر تک جلانے اور یہاں تک کہ پیسوں کے لیے اپنے بچے تک فروخت کرنے پر مجبور ہو رہے ہیں۔

۔ پھر طالبان کے اقتدار سنبھالنے سے قبل ہی زیادہ تر افغان حکومتی اہلکاروں کو دو ماہ سے ان کی تنخواہ نہیں ملی تھی۔ اس کے بعد سے قریب نصف ملین افغان اپنی نوکریاں کھو چکے ہیں، جن میں خواتین بھی شامل ہیں ۔ دوسری طرف ملک سے باہر موجود افغانوں کو وطن میں اپنے رشتہ داروں کو رقوم بھیجنے میں مشکلات کا سامنا ہے اور اس کی ایک وجہ بینکوں کی طرف سے افغانستان کے ساتھ کاروبار میں ہچکچاہٹ ہے اور ان کو ڈر ہے کہ امریکی پابندیوں کی زد میں نہ آجائیں ۔۔ سچ یہ ہے کہ نو گیارہ کے سب سے زیادہ متاثرین افغانستان میں رہتے ہیں۔ اگر وہ ہرجانہ وصول کرنے کے قابل ہوتے تو آج ہر امریکی اپنے بچے بیچ رہا ہوتا۔ حقائق یہ ہیں کہ نو ستمبر ہائی جیکنگ میں جن افراد نے براہ راست حصہ لیا یا بلاواسطہ مدد کی۔ ان میں سے پندرہ کا تعلق سعودی عرب سے ہے۔۔ اس پر سوال تو بنتا ہے کہ اگر متاثرین کو ہرجانا دلوانا ہی تھا تو سب سے موزوں ملک سعودی عرب ہی تھا کہ جس نے امریکہ میں بھی اربوں ڈالر کی سرمایہ کاری کر رکھی ہے۔ ۔ اس سلسلے میں چینی وزارت خارجہ نے مظلوموں کے حق میں آواز بلند کرتے ہوئے بالکل ٹھیک کہا ہے کہ افغان عوام کی رضا کے بغیر امریکا نے افغان اثاثوں پر فیصلہ کیا۔ ۔ ترجمان چینی وزارت خارجہ ترجمان Wang Wen Bin نے کہا کہ امریکی فیصلے سے پھر ثابت ہوا کہ امریکا اپنے دعوؤں کے برعکس کمزوروں کا دفاع نہیں کرتا۔۔ ثابت ہوا امریکا اپنے فیصلے صرف اپنی بالادستی کے لیے کرتا ہے۔ ۔ افغان عوام کے مجرم امریکا کو افغان عوام کی مشکلات بڑھانی نہیں چاہئیں۔ ۔ امریکا کا یہ عمل ڈاکوؤں کے طرز عمل سے مختلف نہیں ہے۔۔ پھر چین نے مطالبہ کیا ہے کہ امریکا کو افغان عوام کے تمام اثاثے غیر منجمد کرنے چاہئیں اور افغانستان سے یک طرفہ پابندیاں جلد ہٹانی چاہئیں۔ امریکا کو افغانستان میں انسانی بحران کم کرنے کے لیے اپنی ذمہ داری قبول کرنی چاہیے۔ ۔ افغانستان کے اثاثوں سے متعلق امریکی فیصلے پر پاکستان بھی اپنے تحفظات کا اظہار کر چکا ہے ۔ کہ اس سے افغان عوام مزید مشکلات کا شکار ہوں گی ۔ مگر شاید امریکہ کو اس سے فرق نہیں پڑتا یا پھر ان کی خواہش ہی یہ ہے کہ افغانی بحران کا شکار رہیں ۔ ۔ اس حوالے سے طالبان حکومت نے بھی اس امریکی فیصلہ کو چوری اور اخلاقی انحطاط کی نشانی قرار دیا ہے۔

۔ افغانستان کے سابق سیاستدانوں ، عوام ، اکیڈمکس اور دیگر نے بھی اس پر شدید برہمی کا اظہار کیا ہے۔سوشل میڈیا پر بھی بہت سے افغانوں نے لکھا کہ امریکی صدر جو بائیڈن مشکلات میں گھرے افغان شہریوں کا پیسہ چُرا رہے ہیں اور یہ کہ اس عمل کا امریکا میں دہشت گردی سے کسی طرح کا کوئی تعلق نہیں ہے۔ ماہرین کا دعویٰ ہے کہ ہے منجمد شدہ اثاثوں کی اس طرح تقسیم افغان معیشت کے لیے ایک ناقابل تلافی نقصان ہو گا۔۔ افغان پالیسی کے تجزیہ کار اور محقق محسن امین کا کہنا ہے کہ یہ افغان شہریوں کو ان کی اپنی ہی رقم انسانی مدد کے نام پر دی جانا ہے جبکہ ان کی معیشت کا گلا گھونٹا جا رہا ہے۔۔ افغان طالبان نے اس حوالے سے واضح کر دیا ہے کہ اگر افغانستان کےسات ارب ڈالر کے اثاثے بحال نہ کیے تو امریکا سے متعلق پالیسی پر نظرثانی کریں گے۔۔ ماضی میں بھی طالبان نے تنبیہ کی تھی کہ افغانستان کے منجمد فنڈز کو واپس نہ کرنا مسائل کا باعث بن سکتا ہے جس کے باعث نہ صرف اقتصادی طور پر افغانستان مزید متاثر ہوگا بلکہ بڑی تعداد میں لوگ پناہ لینے کے لیے ملک چھوڑنے کی کوشش کریں گے۔۔ تاہم امریکی حکومت نے نہ تو اب تک طالبان کی حکومت کو تسلیم کیا ہے اور نہ ہی طالبان اور ان کے سینیئر رہنماؤں پر لگی پابندیوں کا خاتمہ کیا ہے، جو القاعدہ کو محفوظ پناہ گاہ فراہم کرنے کے تناظر میں لگائی گئی تھیں۔ انہی پابندیوں کے سبب یہ احساس پیدا ہوا ہے کہ افغانستان میں رقوم منتقل کرنا یا اس کے سے ساتھ کاروبار کرنے سے مشکل پیش آ سکتی ہے۔۔ امدادی گروپ اور دیگر ادارے بھی امریکی حکومت اور محکمہ خزانہ سے مطالبہ کر چکے ہیں کہ وہ کاروباری افراد اور حکومتوں کو یقین دہانی کے خطوط لکھے کہ اگر وہ افغانستان میں کاروبار کرتے ہیں تو انہیں کسی طرح کے نتائج کا سامنا نہیں کرنا پڑے گا۔ کیونکہ ایک جانب اثاثے منجمند ہیں تو دوسری جانب کوئی بھی افغانستان میں investmentکرتے ہوئے ڈر رہا ہے کہ پابندی نہ لگ جائے ۔

۔ پھر یہ بھی بہت بڑی دونمبری ہے امریکہ کی جانب سے ۔ کیونکہ نو ستمبر کے متاثرین کو پیسے دینے کے باوجود بھی وہ یہ آدھا پیسہ ہڑپ کرنے کے چکر میں ہے ۔ کیونکہ متوقع عدالتی فیصلہ میں اگر ساڑھے تین ارب ڈالر افغان عوام کو دینے کی منظوری دی جاتی ہے تو بھی ساڑھے تین ارب ڈالر امریکہ ہی میں رہیں گے اور دہشت گردی کے متاثرہ امریکی شہریوں کی طرف سے دعوؤں سے مشروط رہیں گے۔ اس حوالے سے امریکہ نے کہا ہےکہ اس حکمنامے سے افغان عوام تک یہ پیسہ پہنچانے کی راہ ہموار کی گئی ہے اور اس بات کو یقینی بنانے کی کوشش کی گئی ہے کہ یہ طالبان کے ہاتھ نہ لگے۔ یعنی یہ تمام پیسہ بھی امریکہ کمپنیوں یا این جی اوز کے ذریعے ہی افغان عوام کو دیا جاسکے گا ۔ اب یہ افغانیوں تک پہنچتا ہے کہ نہیں اسکی کوئی گارنٹی نہیں ۔ دیکھا جائے تو جو چین نے امریکہ کے لیے ڈکیٹ کا لفظ استعمال کیا یہ کچھ غلط بھی نہیں ہے کیونکہ جس ملک پر آپ نے مسلسل بیس سال جنگ مسلط کیے رکھی ۔ ہزاروں لاکھوں لوگوں کی جان لی ۔ ہر طرح کا اسلحہ وبارود ان پر آزمایا۔ یہاں تک کہ پورے ملک کو کھنڈر میں تبدیل کردیا ۔ اب اگر آپ اس کو ملنی والی امداد کے پیسے بھی کھا جائیں تو ڈاکو کہنا بھی انتہائی چھوٹا لفظ ہی دیکھائی دیتا ہے ۔