Author: News Editor

لاہور:پاکستان میں نئے آرمی چیف کی تقرری ایسا ایشو بن گیا ہے کہ ہرکوئی کہتا ہے کہ میری مرضی کا آرمی چیف لگے،کوئی کہتا ہے کہ سمری بھی آگئی ہے تو ن لیگ کہتی ہے کہ سمری نہیں آئی ،ان سوالات کا جواب دیتے ہوئے سینیئرصحافی مبشرلقمان کہتےہیں کہ اس ملک میں تو ہرکوئی اپنی مرضی کا آرمی چیف لگوانا چاہتے ہیں اور جہاں تک تعلق ہے کہ سمری کا تو وہ تو کوئی ایشو نہیں سمری بھی آجائے گی اور پھردو گھنٹوں میں نئے آرمی چیف کا تقرر بھی ہوجائے گا ، وزیراعظم نے تو فیصلہ کررکھا ہے بس اپروول کے لیے بھیجیں گے اور دستخط ہوجائیں گے اور نیا آرمی چیف مقرر ہوجائے گا

ایک اور سوال کے جواب میں مبشرلقمان کا کہنا تھا کہ صدر عارف علوی سمری نہیں‌ روک سکتے وہ تو ربڑ سٹیمپ کی حیثیت رکھتے ہیں اور ان کو قانون کے مطابق وزیراعظم کی طرف سے بھیجی جانے والی سمری پردستخط کرنے ہوںگے، ہاں یہ ضرور ہے کہ وہ دانت کے کیڑے نکال سکتے ہیں ، کیوں‌ کہ وہ ایک ڈینٹسٹ ہیں‌،اس کے علاوہ کچھ نہیں کرسکتے

ایک اور سوال کے جواب میں مبشرلقمان کا کہنا تھا کہ عمران‌ خان کوئی سپرپرائز نہیں دے سکیں گے ، ان کا یہ بھی کہنا تھا کہ 25 مئی کو کون سا سرپرائز دیا ،ان کا یہ بھی کہنا تھا کہ عمران خان کچھ نہیں کرسکتے ،وہ تو اب اتنے اہم سمجھتے ہیں کہ میں بڑی چیز ہوں اور اسی وجہ سے اس نے پریڈ گراونڈ میں ہیلی کاپٹراتارنے کی اجازت مانگی ہے ، ان کا کہنا تھا کہ 26 تاریخ کو کچھ نہیں ہونے والا ، ویسے بھی عمران خان کے چاہنے والوں کا خیال ہے کہ آرمی چیف عمران خان کے مطالبے پرتعینات کیا گیا اوروہ آنے والے چیف کی اس طرح تعریف کریں گے کہ شاید آرمی چیف ان کی خواہش پرلگایا گیا ہے،

ایک سوال کے جواب میں ان کا کہنا تھا کہ جب تک عمران خان کو گرفتار نہیں کیا جاتا ،ملک میں ستحکام نہیں آئے گا، ان کا یہ بھی کہنا تھا کہ عمران‌ خان اس وقت اہم ایشو بن گیا ہے اس کو گرفتار کرنے کے سوا حکومت کو کوئی کامیابی نہیں مل سکتی

ایک سوال کے جواب میں مبشرلقمان کا کہنا تھا کہ راولپنڈی انتظآمیہ نے عمران‌ خان سے فیض آباد پر پڑاوڈالنے کی بجائے کسی دوسری جگہ پڑاو کی درخواست کی ہے ، لیکن خان یہ نہیں‌ کرے گا ، اس کو ملک کی پرواہ ہی نہیں انگلینڈ ٹیم نے راولپنڈی کھیلنے کے لیے اسی راستے سے آنا ہے اور عمران خان نہیں آنے دے گا ، ان کا یہ بھی کہنا تھا کہ عمران خان اور پی ٹی آئی والے پاکستان کے دشمن ہیں ان کو پاکستان کی فکر نہیں

مبشرلقمان نے علی امین گنڈا پور کے حوالے سے کہا کہ اس شخص کی کئی آڈیوز لیک ہوچکی ہیں اور اس ویڈیوز میں وہ جس شخص نے پاک فوج کے حق میں ریلی نکالی اس کے فنڈز روکنے کی دھمکی دی ہے ، ان کا کہنا تھا کہ یہ ملک دشمن نہیں تو اور کون ہیں ، سب جانتے ہیں‌

ایک اور سوال کے جواب میں مبشرلقمان کا کہنا تھا کہ نوازشریف کا پاکستان آنا سوالیہ نشان ہے اس وقت پاکستانیوں کے مقبول لیڈر کے طور پر عمران خان اپنےآپ کو منوا چکے ہیں اور وہ اسی لیے چاہتےہیں کہ جلد الیکشن ہوں کیوں کہ انکو پتہ ہے کہ وہ اپنے مخالفین کو باسانی شسکت دے دیں‌گے اور ان کے مخالفین یہ چاہتے ہیں کہ انتخابات جلد نہ ہوں ورنہ وہ ہار جائیں گے ،

ایک اور سوال کے جواب میں مشبرلقمان کا کہنا تھا کہ پنجاب میں عمران خان اور پرویز الٰہی کی حکومت ہے اور ایک دوسرے کے اتحادی ہیں ،اس کے جواب میں اینکرکا سوال تھا کہ اس کے باوجود ان کی ایف آئی آر نہیں کٹ سکی، اس کے جواب میں مبشرلقمان کا کہنا تھا کہ پہلے ایک دوسرے کو چورڈاکو کہتے رہے آج اکٹھے ہیں، اگرحکومت نہیں کرسکتے تو پھراسمبلیاں تحلیل کردیں اور پنجاب اور کے پی میں‌ نئے انتخابات کروا لیں

وفاقی وزیرخزانہ اسحاق ڈار سے متعلق ایک سوال جس میں اینکر کا کہنا تھا کہ احتساب عدالت نے ان کو معصوم عن الخطا قراردیا ، یہ کیا معاملہ ہے کہ جب اقتدار میں یہ لوگ اتے ہیں تو ان کے کیسز ختم ہوجاتے ہیں اور جب اپوزیشن میں‌ہوتے ہیں تو ان پر بڑے کیسز بنا دیئے جاتے ہیں ، اس کا جواب دیتے ہوئے مبشرلقمان کا کہنا تھا کہ ایسے ہی عمران خان نے کس پرمقدمات دائر کیے ، کیا خواجہ سعد رفیق ، ڈاکٹرعاصم سمیت کس پرجرم ثابت ہوا، یہ سارے معاملات ایسے ہی چل رہے ہیں‌، ان کا کہنا تھا کہ اس ملک کے ساتھ ایسے ہی کھلواڑہورہا ہے ، بس دعا کریں جو بھی منتخب ہوکرآئے وہ اپنے لیے نہیں بلکہ پاکستان اور پاکستانیوں کے لیے کچھ کرنے کا عزم لے کرآئے

لاہور:اعظم سواتی تو اپنے آپ کو بڑے نیک اور پاکباز کہتےہیں مگراس کا بیٹا امریکہ میں شراب بیچتا ہے،اس کی صرف دوکان ہی نہیں بلکہ فیکٹری ہے ،

اس حوالے سے گفتگو کرتے ہوئے سینیئرصحافی مبشرلقمان کہتے ہیں کہ ویسے تو اعظم سواتی صاحب پاکستان کوریاست مدینہ کی طرز کا ملک دیکھنا چاہتےہیں اور سب اس قافلے میں شامل ہیں جو ریاست مدینہ کی بات کرتے ہیں لیکن اعظم سواتی کا بیٹا امریکہ میں شراب کا کاروبار کرتا ہے ، اس کے باقاعدہ ثبوت ہیں ، ٹیکس ریٹرن پیپرز ہیں جس سے صاف ظاہرہوتا ہے کہ اعظم سواتی کا بیٹا شراب کا کاروبار کرتا ہے

سینیئرصحافی مبشرلقمان کہتےہیں کہ یا تو اعظم سواتی صاحب اعلان کریں کہ عثمان سواتی سے میرا کوئی تعلق نہیں یا پھرجب سے اس نے یہ کام شروع کیا ہے میں نے ملنا جلنا ختم کردیا ہے، ایسے تو افتخارچوہدری بھی کہا کرتے تھے کہ میرے بیٹے ارسلان کے پاس کون سی گاڑی ہے مجھے تو پتہ ہی نہیں حالانکہ وہ بی ایم ڈبلیو گاڑی ان کے لان میں کھڑی رہتی تھی

مبشرلقمان کا کہنا تھا کہ ایسے ہی عمران خان کے بچے ہیں پتہ نہیں کہ وہ حرام کھاتے ہیں یا حلال،پھرعمران‌خان نے اپنے بچوں کو لانگ مارچ میں شامل بھی نہیں کیا،ایسے ہی شیریں مزاری کہ اس کی بیٹی جو جو اپنی ماں کو باتیں کرتی ہے ، وہ تو بڑی تکلیف دہ ہیں،ایسے سب پی ٹی آئی والوں کا حال ہے ،

مبشرلقمان کا کہنا تھا کہ شیخ رشید بھی کہہ رہے ہیں کہ اگلے 5 دن بڑے اہم ہیں توانکی بات بالکل درست ہے ، کیوں کہ عمران خان 26 کو راولپنڈی لانگ مارچ اور پھر دھرنا دے رہے ہیں‌اور 28 کونئے آرمی چیف کی تقرری کی تقریب ہونی ہے تو اس دن عمران خان دو باتیں کریں گے ، ان کا یہ بھی کہنا تھا کہ یہ بھی اطلاعات ہیں کہ بہت جلد سمری وزیراعظم ہاوس کو مل جائے گی ، پھر جو بھی آرمی چیف آئے گا عمران خان اس کی ہی تعریف کرے گا ، اور عمران خان کی یہ فتح ہوگی اور پھر یہ دباو ڈالے گا کہ اس حکومت کو گرا دو اور نئے انتخابات کرا دو اورپھراس وقت تک ایک طرف کیسز کے فیصلے ابھی باقی ہوں‌گے اورعمران خان وزیراعظم بن جائیں گے

ان کا کہنا تھا کہ اسد عمر کا کہنا تھا کہ ہم خیمہ بسی بنانے جارہےہیں ، ان کا کہنا تھا کہ بلوچستان ،سندھ ، پنجاب اور کے پی سے بھی لوگ آئیں گے اور اسد عمر یہ بتائیں کہ اسلام آباد سے کتنے لوگ آئیں گے ، ان کا کہ بھی کہنا تھا کہ عمران خان اور فواد چوہدری نے بہانہ بنا لیا ہے عمران خان اپنی بیماری اور فواد چوہدری نے ڈینگی کا بہانہ بنا لیا ہے ،

ان کا یہ بھی کہنا تھا کہ عمران خان نے پریڈ گراونڈ میں ہیلی اتارنے کی درخواست دے رکھی ہے کہ مجھے خطرہ ، تسنیم حیدر نے نئی کہانی سنادی ہے کہ کینیا میں مقیم خرم اور وقار ناصر بٹ کے لوگ ہیں اور ورہ ارشد شریف کے قتل میں سہولت کار ہیں ، ان کا یہ بھی کہنا تھا کہ عمران خان کہتے ہیں کہ مجھے ان عدالتوں پراعتبار ہی نہیں ، اگرفیصلہ حق میں آجائے تو سب اچھا اور اگرفیصلہ خلاف آجائے تو یہ عدالتیں‌ٹھیک نہیں ہیں

وزیراعظم شہبازشریف چند دنوں تک ترکی جارہے ہیں ، ان کا کوئی کنسرن نہیں ہے ، عمران خان کو رانا ثناللہ ہی کافی ہے ،دوسرا ان کا کہا تھا کہ میرا خیال ہے کہ آرمی چیف کی تقرری شہبازشریف کے جانے سے پہلے کرکے جائیں گے تاکہ عمران خان کا لانگ مارچ کوئی بہانہ یا گڑبڑ پیدا نہ کرے ، مبشرلقمان کا کہنا تھا کہ اعظم سواتی بتائیں کہ عثمان سواتی کا کاروبار ٹھیک ہے اور کیا وہ اس کو جائز سمجھتے ہیں‌

راولپنڈی :‏جی ایچ کیو نے آرمی چیف اور چیئرمین جوائنٹ چیفس آف اسٹاف کی تعیناتی کی سمری بھجوا دی، آئی ایس پی آر کے مطابق یہ سمری وزارت دفاع کو بھیجی گئی ہے،

GHQ has forwarded the summary for Selection of CJCSC and COAS, containing names of 6 senior most Lt Gens to MoD.

— DG ISPR (@OfficialDGISPR) November 22, 2022

باغی ٹی وی کی رپورٹ کے مطابق ترجمان پاک فوج کا کہنا ہے کہ جی ایچ کیو نے چیئرمین جوائنٹ چیفس آف اسٹاف کمیٹی اور آرمی چیف کیلئے سمری وزارت دفاع کو بھیج دی ہے۔ ترجمان پاک فوج نے سماجی رابطے کی ویب سائٹ ٹویٹر پر ٹویٹ کرتے ہوئے یہ بات کہی

کوئٹہ : آرمی چیف جنرل قمر جاوید باجوہ نے کوئٹہ گیریژن کا دورہ کیا، آئی ایس پی آر کے مطابق سپہ سالار نے افسران اور جوانوں سے ملاقات کی۔

پاک فوج کے شعبہ تعقات عامہ آئی ایس پی آر کے مطابق کوئٹہ گیریژن کے دورے کے موقع پر آرمی چیف نے یادگارشہداء پرحاضری دی اور پھول چڑھائے۔

جنرل قمر جاوید باجوہ نے افسران اور جوانوں سے بات چیت کرتے ہوئے سیلابی صورتحال کے دوران صوبائی حکومت کی مدد اور امدادی کاموں پر ان کے کردار کو سراہا۔

اس کے علاوہ آرمی چیف نے صوبے میں امن و استحکام کیلئے کوئٹہ کور کی کوششوں کی تعریف کی، انہوں نے شیخ محمد بن زید النہیان انسٹی ٹیوٹ آف کارڈیالوجی کوئٹہ کا بھی افتتاح کیا۔

جنرل قمر جاوید باجوہ کا کہنا تھا کہ کوئٹہ میں متحدہ عرب امارات کے تعاون سے قائم120بستروں کی پہلی کارڈیک سہولت ہے، یہ کارڈیک انسٹی ٹیوٹ کوئٹہ میں بلوچستان کی آبادی کی ہر ممکن خدمت کرے گا۔

دورے کے موقع پر آرمی چیف نے صدر مملکت کی جانب سے عبداللہ خلیفہ سعیدالغافیلی کو ستارہ قائداعظم سے نوازا اور کمانڈ اینڈ اسٹاف کالج اور اسکول آف انفنٹری اینڈ ٹیکٹکس کا بھی دورہ کیا۔

آرمی چیف جنرل قمرجاوید باجوہ نے فیکلٹی اور طلباء کے افسران سے بھی تفصیلی گفتگو کی۔ قبل ازیں کوئٹہ پہنچنے پر کور کمانڈر لیفٹیننٹ جنرل آصف غفور نے آرمی چیف کا استقبال کیا۔

راولپنڈی: جنوبی وزیرستان کے علاقے سراروغہ میں دہشت گردوں کی فائرنگ سے پاک فوج کا جوان شہید ہوگیا۔

پاک فوج کے شعبۂ تعلقات عامہ (آئی ایس پی آر) کے مطابق جنوبی وزیرستان میں سیکیورٹی فورس اور اور دہشت گردوں کے درمیان فائرنگ کا تبادلہ ہوا جس میں پاک فوج کا جوان شہید ہوگیا۔

آئی ایس پی آر کے مطابق شہید حوالدارعمر حیات کی عمر 39 سال اورتعلق لاچی کوہاٹ سے تھا۔

ترجمان پاک فوج نے کہا کہ علاقے سے دہشت گردوں کا صفایا کرنے کیلئے سرچ آپریشن جاری ہے، دہشت گردی کی لعنت کو ختم کرنے کے لیے پاک فوج پرعزم ہے، ہمارے بہادر جوانوں کی ایسی قربانیاں عزم کو مزید مضبوط کرتی ہیں۔