Author: News Editor

افسوس صد افسوس موجودہ حکمرانوں پر عین ایسے وقت کرکٹ کے میچ کا انعقاد کروا رہے ہیں جب برادر اسلامی ممالک ترکیہ میں اور شام میں ایک حشر بپا ہے۔ دنیا بھر میں ہر خاص و عام کی آنکھیں وحشت ناک مناظر کو دیکھ کر اشک بار ہیں۔ کیا ہی اچھا ہوتا تھوڑا صبر کر لیتے اپنے برادر ممالک کے دکھوں میں شامل ہو جاتے۔ دنیا اس تباہی سے لرز اٹھی ہے۔ ہنستے بستے شہر چند سیکنڈوں میں خاک و خون میں تبدیل ہو گئے ۔ بچے یتیم اور عورتیں بیوہ ہو گئیں۔ معصوم بچوں کی آہ و بکا اور ان کے چھلنی اجسام کو دیکھ کر پتھر دل بھی پگھل گئے۔ ایسے نازک وقت میں انسانیت کا تقاضا تھا کہ ہم اس طرح کے کھیل تماشے ڈھول کی تھاپ پر ناچ گانے تھوڑے وقت کے لئے روک لیتے ترکیہ اور شام کے گردش زدہ لوگوں کے دکھوں میں شامل ہوتے۔

دوسری طرف بلاول بھٹو زرداری نے 1973ء کے آئین کے آئین کی گولڈن جوبلی جشن کی افتتاحی تقریب سے خطاب کیا انہوں نے کہا کہ اگر کوئی غیر جمہوری قدم اٹھایا گیا تو ہم خاموش نہیں رہیں گے اگر لگا کہ آئین کو خطرہ ہے تو اس کا مقابلہ کریں گے۔ انہوں نے یہ بھی کہا کہ پیپلزپارٹی ہمیشہ غیر آئینی اقدامات کیخلاف رہی ہے۔ بلاول بھٹو کا کہنا درست ہے مگر آج کل پنجاب اور کے پی کے میں الیکشن کو لے کر آئین پارلیمنٹ ہائوس، صوبوں کے گورنرز، الیکشن کمیشن اور سیاسی جماعتوں کو پکار رہا ہے آئین کی چیخ و پکار بلاول بھٹو کو سنائی کیوں نہیں دیتی؟ آئین کو لے کر ہنگامہ طوالت اختیار کرتا جا رہا ہے اب تو معاملہ عدالتوں تک جا پہنچا ہے۔

سچ تو یہ ہے کہ آج کی سیاست اور جمہوریت آئین کو دھکیل رہی ہے سیاست میں قربانی کا جذبہ نظریات سے حاصل ہوتا ہے سیاسی جماعتوں نے نظریات کو دفن کردیا ہے انسان فنا ہو سکتے ہیں نظریات فنا نہیں ہوتے آج بھی عوام کی اکثریت بھٹو اور ان کی باقی کی ٹیم جنہوں نے 1973ء کے آئین میں اپنا کردار ادا کیا اور جن سیاستدانوں نے آئین پر دستخط کئے تھے بھٹو سمیت آج بھی عوام کے دلوں پر راج کرتے ہیں اس دنیا میں نہیں پھر بھی ان کے نظریات زندہ ہیں وہ نظریاتی شخصیات تھیں اج سیاسی جماعتوں نے مفاداتی لوگوں کی اکثریت ہے نظریاتی کی کم نظر آتی ہے۔ ملک کی تازہ ترین صورتحال کو دیکھا جائے تو آئین کو لے کر پنجاب اور کے پی کے میں انتخابات کا جائزہ لیا جائے تو آئینی بحران اور جمہوریت سنگین بحران میں مبتلا نظر آتی ہے ان حالات میں جمہوریت اور سیاست کا مستقبل کیا ہوگا؟ جب آئین ہی بے یار و مددگار ہو رہا ہے یا کر دیا گیا ہے یا کیا جا رہا ہے۔

لاہور ہائی کورٹ نے ایڈوکیٹ جنرل پنجاب احمد اویس کی برطرفی درست قرار دے دی۔لاہور ہائیکورٹ کے جسٹس علی باقر نجفی کی سربراہی میں لارجر بینچ نے ایڈووکیٹ جنرل پنجاب احمد اویس سمیت 97 لا افسروں کی برطرفی کے خلاف دائر درخواستوں پر سماعت کی.

عدالت نے ایڈووکیٹ جنرل پنجاب احمد اویس اور97 لا افسروں کی برطرفی کو درست قرار دے دیا۔ پانچ رکنی بینچ کے فاضل رکن جسٹس عاصم حفیظ نے چار ججوں کے فیصلے سے اختلاف کیا جبکہ چار ججز نے درخواستوں کو جزوی منظور کرلیا۔عدالت نے فریقین کے دلائل سننے کے بعد فیصلہ محفوظ کیا تھا۔

یاد رہے کہ چند دن پہلےپاکستان تحریک انصاف (پی ٹی آئی) دور کے ایڈووکیٹ جنرل پنجاب احمد اویس سمیت ایڈووکیٹ جنرل آفس کے 97 لاء افسران کو عہدوں سے فارغ کر دیا گیا تھا۔محکمہ قانون و پارلیمانی امور پنجاب کی جانب سے 55 وکلا کا بطور ایڈیشنل اور اسسٹنٹ ایڈووکیٹ جنرل تقرر کا نوٹیفکیشن جاری کر دیا گیاتھا۔

حکومت کا توانائی کی بچت اورتحفظ کےمنصوبےکیلئے عالمی بینک سے قرض لینے کا منصوبہ

نوٹیفکیشن کے مطابق 32 ایڈیشنل ایڈووکیٹ جنرل اور 65 اسسٹنٹ ایڈووکیٹ جنرل کو عہدوں سے ہٹایا گیا،ایڈیشنل ایڈووکیٹ جنرل چوہدری جواد یعقوب کو ایڈووکیٹ جنرل کے امور دیکھنے کی ہدایت کی گئی ہے۔ایڈووکیٹ جنرل آفس میں 20 نئے ایڈیشنل ایڈووکیٹ جنرل اور 35 اسسٹنٹ ایڈوکیٹ جنرل پنجاب کا تقرر کیا گیا ہے۔

لاہور:مسلم لیگ (ن) کی چیف آرگنائزر مریم نواز نے کہا ہے کہ اسٹیبلشمنٹ کے بعد عمران خان اب عدلیہ کے گھوڑے پر سوار ہوکر آنے کی کوشش کررہے ہیں۔لاہور میں مسلم لیگ (ن) کے کارکنوں سے خطاب کے دوران مریم نواز نے کہا کہ ن لیگ نے ای کامرس اور آئی ٹی سیکٹر میں اقدامات کیے، سستا قرض اسکیم بھی ہمارے دور میں شروع ہوئے، عمران خان نے جیل بھرو تحریک کی بات کی ، انہوں نے کیا کبھی طلبا کو کوئی اسکیم دی؟

عمران خان کو تنقد کا نشانہ بناتے ہوئے مریم نواز نے کہا کہ عمران خان نے جھوٹ کا نام بیانیہ رکھا ہے اور اس کے لئے انہوں نے سوشل میڈیا کی مدد لی، عمران خان کا بیانیہ تو بےبنیاد الزامات پر مبنی ہے، عمران خان لوگوں کے بچوں کو کہتے ہیں جیلیں بھرو، عمران خان جیبیں بھریں اور لوگوں کے بچے جیل جائیں، لوگوں کے بچے کیوں جیلیں بھریں؟۔

رہنما ن لیگ کا کہنا تھا کہ پاکستان کو اس وقت بیانیے نہیں ترقی کی ضرورت ہے، عمران خان ایک کروڑ نوکریوں کا جھانسہ دیکر فرار ہوگیا، عمران خان نےلوگوں کویوتھ کےنام پر بیوقوف بنایا، ذہنی مریضوں کی سیاست شروع کردی گئی ہے، عمران خان خود تو ذہنی مریض تھے قوم کو بھی بنارہے ہیں۔

مریم نواز نے کہا کہ عمران خان نے پاکستان کے دوسرے ممالک سے تعلقات کو خراب کردیا،سائفر کے بیانیےکی تدفین زمان پارک میں ہوچکی ہے، آپ نے بیرون ممالک میں انٹرویو دیے کہ کوئی سازش نہیں ہوئی، ایبسلوٹلی ناٹ کے اسٹیکر کیوں لگوائے تھے؟

عمران خان کو مخاطب کرتے ہوئے مریم نواز نے کہا کہ عمران خان آج کہتا ہے امریکا نے نہیں جنرل ریٹائرڈ قمر باجوہ نے سازش کی، آج قوم کو اردو میں بتاؤ کہ امریکا سے معافی مانگ لی، وہ حکومت میں تھا تو کہنا تھا کہ قمر باجوہ نےمیری حکومت کی سپورٹ کی، آپ اپنی حکومت جانے کے بعد بھی قمر باجوہ سے بات کررہے تھے۔

مریم نواز نے کہا کہ عمران خان آج بھی صدر مملکت کو کہتے ہیں کہ اسٹیبلشمنٹ سے بات کرادیں، اسٹیبلشمنٹ نے ہاتھ ہٹالیا تو عدلیہ کا سہارا لینےکی کوشش ہورہی ہے، انہیں کوئی نہ کوئی بیساکھیاں درکار ہوتی ہیں، اسٹیبلشمنٹ کے بعد اب عمران خان عدلیہ کے گھوڑے پر سوار ہوکر آنے کی کوشش کررہے ہیں۔

چیف آرگنائزر ن لیگ نے کہا کہ ایک شخص کو صادق وامین قرار دینے کے لئے سب کو گندا کیاگیا،آج میں ثاقب نثارکوڈھونڈرہی ہو، ثاقب نثار نے عمران خان کو صادق و امین کا سرٹیفکیٹ دیا اور اسے فرشتہ بناکر پیش کیا، اس کے گھر کی 2 خواتین نےکئی ارب کی چوری کی۔

مریم نواز نے کہا کہ ہم آئی ایم ایف سے معاہدہ نہ کریں تو پاکستان ڈیفالٹ کرجائے گا، یہ عمران خان کے دل کی آواز ہے کہ پاکستان سری لنکا بن جائے، اسحاق ڈار کو آئی ایم ایف سے معاہدہ نہیں کرناچاہیے ، عمران خان کو آئی ایم ایف کے سامنے لاکر بٹھانا چاہیے۔