Author: News Editor

اسلام آباد: پاکستان انٹرنیشنل ائیرلائن( پی آئی اے)اور نیشنل بینک آف پاکستان (این بی پی) کے مابین پی آئی اے ملازمین کیلئے سستا قرض فراہم کرنے کیلئے معائدہ طے پاگیا۔ پیر کو جاری کردہ اعلامیہ کے مطابق معاہدے پر دستخط پی آئی اے ہیڈ آفس کراچی میں کئے گئے۔ معاہدے کے تحت، پی آئی اے کے ملازمین کو نیشنل بینک آف پاکستان ترجیحی بنیادوں پر خدمات فراہم کرے گا جس کے ذریعے سے رعایتی شرح پر قرضوں کا حصول ممکن ہوگا۔

معاہدے پر نیشنل بینک آف پاکستان کے سینئر ایگزیکٹو وائیس پریذیڈنٹ اور گروپ چیف ریٹیل بینکنگ توقیر مظہر اور پی آئی اے کے چیف فنانشل آفیسر ایمس ندیم نے دستخط کیے جبکہ سی ای او پی آئی اے ایئر وائس مارشل عامر حیات سمیت پی آئی اے اور نیشنل بینک آف پاکستان کے سینئر عہدیداران بھی تقریب میں موجود تھے۔

پی آئی اے کے چیف فنانس آفیسر ایمس ندیم نے اپنے خیالات کا اظہار کرتے ہوئے کہا کہ پی آئی اے ملازمین کو اپنا اثاثہ سمجھتی ہے جو قومی ایئر لائن کو مزید بہتر بنانے کے لئے کوشاں ہیں اور اس سلسلے میں یہ سہولت ان کی معاشی خوشحالی اور حوصلہ افزائی میں مددگار ثابت ہوگی۔

اس موقع پر گفتگو کرتے ہوئے نیشنل بینک آف پاکستان کے سینئر ایگزیکٹو وائیس پریذیڈنٹ اور گروپ چیف ریٹیل بینکنگ توقیر مظہرنے اس معاہدے کو دونوں اداروں کے لیے باہمی طور پر فائدہ مند قرار دیا۔ انہوں نے مزید کہا کہ نیشنل بینک آف پاکستان، پی آئی اے کے ساتھ کاروباری شراکت داری کو مزید مضبوط کرے گا۔ نیشنل بینک مزید براں بہتر کسٹمر سروس کے لیے پی آئی اے ملازمین کو ان کی کام کی جگہوں پر بینکنگ سہولیات فراہم کریں گے۔ نیشنل بینک آف پاکستان صارفین کی فنانسنگ پروڈکٹس کی ایک وسیع رینج پیش کر رہا ہے جن میں پرسنل لونز، سونے کے عوض فنانسنگ،مکان کی تعمیر کےلئے قرضے اور آٹو لونز شامل ہیں۔

اسلام آباد:عمران خان کو گرفتارکریں گے،احتجاج ہوا تو 25 مئی سے زیادہ سختی سے پیش آئیں گے:اطلاعات کے مطابق وفاقی وزیر داخلہ رانا ثناء اللہ کا دعویٰ ہے کہ شہباز گل نے اعتراف کرلیا کہ نجی ٹی وی پر دیا گیا بیان پارٹی پالیسی تھا۔ ان کا کہنا ہے کہ عمران خان کی گرفتاری ہونی چاہئے، اتحادیوں کی مشاورت سے گرفتار کريں گے، ان کیخلاف تین کیسز ثابت شدہ ہیں، ریلیف ملنا مشکل ہے، احتجاج کی صورت میں 25 مئی سے بہتر علاج کرینگے۔

نجی ٹی وی ميں گفتگو کرتے ہوئے وزیر داخلہ رانا ثناء اللہ نے کہا کہ عمران خان کی چیف الیکشن کمشنر کیخلاف بات توہین عدالت ہے، عمران خان کیخلاف توشہ خانہ کیس بھی بہت سنجیدہ ہے، پی ٹی آئی چیئرمین نے مجسٹریٹ کیخلاف ایکشن لینے کا کہا، ان کیخلاف تین کیسز ثابت شدہ ہیں جن میں ریلیف ملنا ممکن نہیں، ہائیکورٹ نے عمران خان کو کیس کا جائزہ لینے کے بعد نوٹس جاری کیا۔

ان کا کہنا ہے کہ عمران خان کی گرفتاری ہونی چاہئے، اتحادیوں کی مشاورت سے انہیں گرفتار کیا جائے گا، عمران کی ضمانت منسوخ ہوئی تو پھر گرفتاری کا مسئلہ ہی نہیں، انہیون گرفتار کرکے دکھائیں گے، احتجاج کیا گیا تو 25 مئی سے بہتر ان کا علاج کریں گے۔

رانا ثناء اللہ کا کہنا ہے کہ اہم فیصلوں میں نواز شریف کی رائے لی جاتی ہے، 2014ء میں بھی اس بات کا حامی تھا کہ عمران خان کو گرفتار کیا جائے، عمران خان نے نواز شریف کے نااہلی والے فیصلے کی حمایت کی، آرٹیکل 62 اور 63 میں بہت سی چیزیں قابل اعتراض ہیں۔

وزیر داخلہ نے کہا کہ شہباز گل پر جنسی تشدد قابل مذمت ہے اور افسوسناک ہے، اگر یہ الزام غلط ہے تو یہ بھی قابل مذمت ہے، شہباز گل نے اپنے تحریری بیان میں جنسی تشدد کے بارے میں نہیں صرف تشدد کے بارے میں لکھا۔

رانا ثناء اللہ نے بتایا کہ تحقیقات میں شہباز گل نے تسلیم کیا کہ بیان پارٹی پالیسی تھی، شہباز گل نے تحریری بیان میں کہا ہے کہ میں نے لکھا ہوا بیان پڑھا، شہباز گل کا تحریری بیان ڈھونڈنے کی کوشش کررہے ہیں، امید ہے اس معاملے کی 2 دن میں تحقیقات مکمل ہوجائیں گی۔

وزیر داخلہ رانا ثناء اللہ نے ایک سوال پر کہا کہ اکتوبر کے آخر یا نومبر کے شروع میں آرمی چیف کی تعیناتی ہوسکتی ہے۔

اسلام آباد: پولیس نے شہباز گل سے نجی ٹی وی پر دیے جانے والے بیان کا اسکرپٹ برامد کر لیا،شہباز گل جو دوروزہ ریمانڈ پر اسلام آباد پولیس کی تحویل میں ہیں ان کو ہمراہ لے کر کل فیڈرل لاجز میں ان کے زیر استمعال رہنے والی رہائش گاہ پر چھاپہ مارا گیا تھا

ذرائع کا کہنا ہے کہ شہبازگل کے کمرے سے ملنے والی یوایس بی ڈیٹا ریکوری کیلئے فارنزک لیبارٹری بھجوا دی گئی ہے۔ذرائع کے مطابق شہباز گل کے کمرے سے ملنے والی سرخ رنگ کی ڈائری میں کوئی تحریرنہیں اور انہوں نے سرخ رنگ کی ڈائری کی ملکیت سے انکارکیا تھا۔

عمران خان کے چیف آف سٹاف اورپی ٹی آئی رہنما ڈاکٹرشہباز گل کے خلاف پولیس نے ایک اور مقدمہ درج کرلیا ہے اور اس میں اہم دفعات درج کی ہیں

اسلام آباد سے ذرائع کے مطابق اس حوالے سے معلوم ہوا ہے کہ عمران خان کے چیف آف سٹاف ڈاکٹر شہبازگل کیخلاف غیر قانونی اسلحہ رکھنے کا مقدمہ تھانہ سیکریٹریٹ میں درج کیا گیا یاد رہے کہ کل رات پارلیمنٹ لاجز میں ان کے کمرے پرچھاپے کے دوران پولیس نے غیرقانونی اسلحہ برآمد کیا تھا

شہباز گل کے خلاف درج ایف آئی آر میں‌ مقدمے کے متن کے مطابق ملزم شاہباز گل نے اسلحہ کی ملکیت اپنے ملازم کی بتائی تھی جس کے بعد انہیں اپنا ملازم بمعہ اسلحہ لائسنس پیش کرنے کا حکم دیا گیا تھا۔ڈاکٹرشہبازگل کے خلاف درج ایف آئی آر کے مطابق شہباز نہ ملازم کو پیش کرسکے اور نہ ہی اسلحہ لائسنس یا اجازت نامہ دکھا سکے۔

شہبازگل کے خلاف درج مقدمے میں کہا گیا ہے کہ پی ٹی آئی رہنما نے لائسنس کے بغیر نائن ایم ایم پستول رکھ کر ارتکاب جرم کیا ہے۔

ولیس کے مطابق شہباز گل پارلیمنٹ لاجز کے کمرے سے برآمد پستول کا لائسنس پیش نہیں کرسکے، انہیں برآمد پستول کا لائسنس پیش کرنے کیلئے 12 گھنٹوں کی مہلت دی گئی تھی۔

خیال رہے کہ گزشتہ شب اسلام آباد پولیس نے پارلیمنٹ لاجز میں شہباز گل کے کمرے پر چھاپہ مارا تھا جہاں سے سیٹیلائٹ فون اور پستول سمیت کئی اشیا برآمد کی گئیں تھیں