Author: News Editor

اسلام آباد:پراجیکٹ سٹے سیف اور انٹرن شپ مکمل کرنے والی طا لبات کے لیے سرٹیفکیٹ تقسیم کرنے کی تقریب پاکستان گرل گائیڈز ایسوسی ایشن نیشنل ہیڈ کوارٹرز نے 19 اگست 2022 کو پروجیکٹ سٹے سیف اور انٹرن شپ مکمل کرنے کےوالی طالبات کے لیے سرٹیفکیٹ تقسیم کرنے کی تقریب کا اہتمام کیا ۔ بین الاقوامی اسلامی یونیورسٹی ، نیشنل یونیورسٹی آف ماڈرن لینگویجز اورکیپٹل یونیورسٹی آف سائنس اینڈ ٹیکنالوجی کی 65 طالبات نے تقریب میں شرکت کی اور سرٹیفکیٹ حاصل کیے۔

وزیر اعظم کی معاون خصوصی برائے امور نوجوانان محترمہ شزہ فاطمہ خواجہ تقریب کی مہمان خصوصی تھیں۔ مسز ماریہ مود صابری، نیشنل کمشنر پاکستان گرل گائیڈز ایسوسی ایشن نے مہمان خصوصی کا خیرمقدم کیا اور مہمانوں کو یونیورسٹی کے طلباء کے لیے پروجیکٹ سٹے سیف اور انٹرن شپ پروگرام کے بارے میں آگاہ کیا۔ انہوں نے بتایا کہ پاکستان گرل گائیڈز ایسوسی ایشن نے آج کی لڑکیوں اور نوجوان خواتین کو درپیش چیلنجوں سے نمٹنے کے لیے ملک گیر مہم شروع کی ہے۔ تنظیم نے قومی یونیورسٹیوں کے ساتھ پارٹنر شپ کی ہے تاکہ وہ اپنی طالبات کو اپنے پروجیکٹ اسٹے سیف کے ذریعے منظم طریقے سے اس مقصد کے لیے رضاکارانہ طور پر کام کرنے کا موقع فراہم کریں۔

کمیونٹی سروس کے ساتھ انٹرن شپ پروگرام مختلف یونیورسٹیوں بشمول اسلامک انٹرنیشنل یونیورسٹی اسلام آباد، نیشنل یونیورسٹی آف ماڈرن لینگویجز اور کیپٹل یونیورسٹی آف سائنس اینڈٹیکنالوجی کی طالبات کو آفر کیا گیا تھا۔

اسلامک انٹرنیشنل یونیورسٹی کی طالبات نے کامیابی کے ساتھ اپنی ایک ماہ کی انٹرن شپ مکمل کر لی ہے۔ جبکہ نیشنل یونیورسٹی آف ماڈرن لینگویجز اور کیپٹل یونیورسٹی آف سائنس اینڈٹیکنالوجی کی طالبات مختلف سرکاری سکولوں میں کمیونٹی سروس انجام دے رہی ہیں۔

مہمان خصوصی محترمہ شزہ فاطمہ خواجہ نے لڑکیوں کو بااختیار بنانے اورعالمی مسائل کے حل کے لیے پاکستان گرل گائیڈز ایسوسی ایشن کی کوششوں کو سراہا اورامید ظاہر کی کہ مستقبل میں بھی ایسوسی ایشن اپنا اچھا کام جاری رکھے گی۔ انہوں نے شرکاء کو وزیراعظم کے یوتھ پروگرام کے بارے میں بھی بتایا اور نوجوانوں کے لیے حکومت کے اقدامات سے آگاہ کیا۔ انہوں نے شرکاٗ پر زور دیا کہ وہ اپنے ملک کی بہتری کے لیے کمیونٹی سروس میں حصہ لیں اوراپنی سماجی ذمہ داریاں نبھائیں

اسلام آباد:ضلعی انتظامیہ کا کہنا ہے کہ اسلام آباد میں ہر قسم کے پبلک ہجوم، جلسے،جلوس اور ریلیوں پر پابندی عائد ہے۔حکام کے مطابق اسلام آباد میں 5 سے زائد افراد ایک جگہ جمع ہونے پر پابندی ہے اور ہر قسم کے ہجوم ،جلسے،جلوس اور ریلیاں ممنوع ہیں۔

بیان میں عوام کو مطلع کیا گیا ہے کہ کسی بھی جگہ پر 5 سے زائد جمع نہ ہوں، کسی بھی قسم خلاف ورزی پرقانون کے مطابق ایکشن لیا جائے گا۔اعلامیے میں کہا گیا ہے کہ اسلام آباد انتظامیہ کی جانب سے شہر میں جلسے، جلوس پر پابندی 23 جولائی 2022 سے عائد ہے۔

واضح رہے کہ پاکستان تحریک انصاف نے بغاوت پر اکسانے کے کیس میں گرفتار شہباز گل سے اظہار یکجہتی کے لیے کل اسلام آباد میں ریلی کا اعلان کردیا ہے۔

سابق وزیراعظم عمران خان نے کہا ہے کہ پی ٹی آئی رہنما شہباز گل پر تشدد میں جنسی زیادتی بھی شامل ہے۔ دوسری طرف پی ٹی آئی چیئر مین پمز ہسپتال ملاقات کے لیے پارٹی رہنما کے پاس پہنچے تو یہ ملاقات ہو سکی، جس کے بعد انہوں نےکل ملک گیر ریلی کا اعلان کر دیا۔

پمز ہسپتال کے باہر میڈیا سے گفتگو کرتے ہوئے پی ٹی آئی چیئر مین کا کہنا تھا کہ عدالت کے حکم کے باوجود پولیس نے ہمارا راستہ روکا، پولیس نے مجھے شہباز گل سے ملاقات نہیں کرنے دی، پولیس بتائے وہ کس سے آرڈرلے رہی ہے، بتایا جائے ملک میں قانون یا ڈنڈے کی حکمرانی ہے۔

انہوں نے کہا کہ کل شہبازگل کے لیے ملک گیر ریلی نکالیں گے، اسلام آباد کے لوگوں کو ریلی میں شرکت کی دعوت دیتا ہوں، شہبازگل پر اگر ٹارچر ہو سکتا ہے تو کسی پر بھی ہوسکتا ہے، کل مغرب کے وقت ریلی نکالی جائے گی۔ میڈیا کا منہ بند کرکے چوروں کومسلط کیا جارہا ہے، ہم ان چوروں کی غلامی کبھی قبول نہیں کریں گے۔

پی ٹی آئی ترجمان کے مطابق شہباز گل سے اظہار یکجہتی کیلئے کل عمران خان کی قیادت میں ریلی نکالی جائے گی۔ تحریک انصاف کے قائدین اور جڑواں شہروں کے کارکن شریک ہوں گے۔ ریلی چائنہ چوک سے شروع ہوکر ایف نائن پارک اسلام آباد میں اختتام پذیر ہوگی۔

لندن :ڈپٹی اسپیکر قومی اسمبلی کی لندن میں سابق وزیراعظم میاں محمد نواز شریف سے ملاقات ،اطلاعات کے مطابق ڈپٹی اسپیکر قومی اسمبلی زاہد درانی نے لندن میں سابق وزیراعظم میاں محمد نواز شریف سے ملاقات کی۔اس ملاقات میں ان کے ساتھ اور بھی شخصیات شامل تھیں

یہ بھی معلوم ہوا ہے کہ زاہد درانی کی سابق وزیراعظم نوازشریف سے ملاقات میں سابق وزیر خزانہ اسحاق ڈار بھی موجود تھے۔ ملاقات میں پاکستان کی مجموعی سیاسی اور معاشی صورتحال پر تبادلہ خیال کیا گیا۔

ڈپٹی اسپیکر قومی اسمبلی @ZahidDuraniMNA نے لندن میں سابق وزیراعظم میاں محمد نواز شریف سے ملاقات کی۔ ملاقات میں سابق وزیر خزانہ اسحاق ڈار بھی موجود تھے۔ ملاقات میں پاکستان کی مجموعی سیاسی اور معاشی صورتحال پر تبادلہ خیال کیا گیا۔
@PTVNewsOfficial @MoIB_Official @appcsocialmedia https://t.co/ZNncKmJowx

— National Assembly 🇵🇰 (@NAofPakistan) August 19, 2022

اس موقع پر سابق وزیراعظم نوازشریف سے گفتگو کرتے ہوئے ڈپٹی اسپیکر قومی اسمبلی زاہد درانی نے کہا کہ پاکستان کو سیاسی و معاشی استحکام کی ضرورت ہے۔ موجودہ حکومت نے وزیراعظم شہباز شریف کی قیادت میں ملک کو درپیش چیلیجز سے نمٹنے کا عزم کیا ہے۔پاکستان مشکل دور سے گزررہا ہے۔ وزیراعظم شہباز شریف ملک کو ترقی کی راہ پر گامزن کرنے کے لیے دن رات محنت کررہے ہیں۔

لندن میں سابق وزیراعظم نوازشریف سے ملاقات کے دوران زاہد درانی نے کہا کہ پاکستان کو معاشی طور پر مضبوط بنانے کے لیے تمام سیاسی جماعتوں کو سیاست بالاتر ہو کر سوچنا ہوگا۔ان کا کہنا تھا کہ وہ ملک میں جمہوریت کے تسلسل کے لیے کوشاں اوراپنا آئینی کردار ادا کرتے رہیں گے

اسلام آباد:لیکشن کمیشن نے ادارے کی توہین پر پاکستان تحریک انصاف کے چیئرمین و سابق وزیراعظم عمران خان، پارٹی جنرل سیکرٹری اسد عمر اور فواد چوہدری کو طلب کرلیا۔ترجمان کے مطابق عمران خان، اسد عمر اور فوادچوہدری کو توہین الیکشن کمیشن کےنوٹسز جاری کرتے ہوئے 30 اگست کو طلب کیا گیا ہے۔

الیکشن کمیشن کا کہنا ہے کہ عمران خان کو30 اگست 2022 کو ذاتی حیثیت یا بذریعہ وکیل پیش ہونے کی ہدایت کی گئی ہے۔اس کے علاوہ اسدعمراورفواد چوہدری کوبھی ذاتی حیثیت یا بذریعہ وکیل پیش ہونےکی ہدایت کی گئی ہے۔

عمران خان کو توہین الیکشن کمیشن کا نوٹس چیف الیکشن کمشنر پر الزامات پر بھجوایا گیا جس میں کہا گیا ہے کہ عمران خان نے 12جولائی کو بھکر جلسے میں چیف الیکشن کمشنر کے خلاف توہین آمیز ریمارکس دیے اور الیکشن کمیشن پر بے بنیاد الزامات لگائے۔

نوٹس کے متن کے مطابق عمران خان نے 18 جولائی کو عوام سے خطاب میں بھی توہین آمیز ریمارکس اور الزامات لگائے، اس کے علاوہ انہوں نے 21 اور 27جولائی کو بھی چیف الیکشن کمشنر کےخلاف توہین آمیز ریمارکس دیے۔