Author: News Editor

راولپنڈی:آرمی چیف جنرل سید عاصم منیر نے دہشت گردی کو جڑ سے اکھاڑ پھینکنے کا عزم ظاہر کرتے ہوئے کہا ہے کہ ہم بحیثیت قوم پائیدارامن حاصل کریں گے۔

پاک فوج کے شعبہ تعلقات (آئی ایس پی آر) کے مطابق چیف آف آرمی اسٹاف جنرل سید عاصم منیر نے پشاور پولیس لائنز دھماکے کی جگہ کا دورہ کیا۔ آرمی چیف نے پولیس افسران اور جوانوں سے ملاقات کی اور دہشت گردی کے خلاف جنگ میں کے پی پولیس اور قانون نافذ کرنے والے اداروں کی بہادری اور شراکت کو سراہا۔

آرمی چیف نے کہا کہ کے پی پولیس سب سے بہادروں میں سے ایک ہے اور اس نے دہشت گردی کے خلاف فرنٹ لائن فورس کے طور پر جنگ لڑی ہے۔انہوں نے کے پی پولیس کے بلند حوصلے کو بھی سراہا اور مادر وطن کے دفاع کے لیے اپنی جانوں کا نذرانہ پیش کرنے والے پولیس کے شہداء کو زبردست خراج تحسین پیش کیا۔

آرمی چیف نے کہا کہ ہم بحیثیت قوم مل کر پائیدار امن تک دہشت گردی کی اس لعنت کو جڑ سے اکھاڑ پھینکیں گے اور انشا اللہ ہم اسے حاصل کریں گے۔

وزیرا‏عظم شہبازشریف کی زیر صدارت اپیکس کمیٹی کا اجلاس ختم ہوگیا، پانچ گھنٹے سے زائد جاری رہنے والے اجلاس میں آرمی چیف، وفاقی وزرا، چاروں صوبوں کے وزرائے اعلیٰ نے شرکت کی۔ وزیراعظم شہباز شریف کی صدارت میں اپیکس کمیٹی کا اہم اجلاس جمعہ کو گورنر ہاؤس خیبر پختو نخوا، پشاورمیں منعقد ہوا۔

اجلاس میں وزیر اعظم آزاد کشمیر، وزیراعلیٰ گلگت بلتستان بھی شریک ہوئے۔ اجلاس سے خطاب میں شہباز شریف نے کہاکہ دہشت گردی کے مکمل خاتمے تک چین سے نہیں بیٹھیں گے ۔اجلاس میں پشاور پولیس لائنز خود کش دھماکے کے شہدا کے لواحقین کو 20، 20 لاکھ روپے دینے کا اعلان کیا گیا جبکہ زخمیوں کو 5،5 لاکھ روپے دیے جائیں گے۔

اجلاس نے دہشت گردی کے واقعات خاص طورپر 30 جنوری 2023 کو پشاورپولیس لائنز کی مسجد میں ہونے والے خود کش حملے اور اس کے بعد کی صورتحال کا تفصیل سے جائزہ لیا۔ حساس اداروں کے نمائندوں نے سکیورٹی کی مجموعی صورتحال، دہشت گردوں کے خلاف کارروائیوں پر اجلاس کو بریفنگ دی جبکہ خیبرپختونخوا پولیس کے انسپکٹر جنرل معظم جاہ انصاری نے پولیس لائنز کی مسجد میں خود کش حملے کی اب تک کی تحقیقات اور ہونے والی پیش رفت سے اجلاس کو آگاہ کیا۔انہوں نے اجلاس کو بتایا کیا کہ حملہ آور کی آمدکے طریقہ کار اور جس راستے سے وہ آیا اس کی ویڈیوز کے ذریعے نشاندہی کرلی گئی ہے۔

اجلاس میں پشاور پولیس لائنز کے شہدا کے درجات کی بلندی، اہل خانہ کیلئے صبر جمیل اور زخمیوں کی جلد صحت یابی کی دعا کی گئی۔ اجلاس نے متاثرہ خاندانوں سے ہمدردی کا اظہارکرتے ہوئے انہیں یقین دلایا کہ اُن کے پیاروں کا لہو رائیگاں نہیں جائے گا، حکومت اور قوم شہدا کے لواحقین کے ساتھ ہیں۔

اجلاس نے قوم کو یقین دلایا کہ پاکستانیوں کا خون بہانے والے دہشت گردوں کو عبرت کا نشان بنائیں گے، معصوم پاکستانیوں پر حملہ کرنے والے ہر صورت سزا پائیں گے۔ اجلاس پختہ عزم ظاہر کرتا ہے کہ ہر قیمت پر قوم کے جان ومال کا تحفظ یقینی بنائیں گے۔

اپیکس کمیٹی نے دہشت گردی کے خلاف بے مثال شجاعت اور بہادری کا مظاہرہ کرنے پر افواج پاکستان، رینجرز، ایف سی، سی ٹی ڈی، پولیس سمیت تمام قانون نافذ کرنے والے اداروں کو سلام پیش کیا اور اس دوران جام شہادت نوش کرنے والے افسران اور جوانوں کو خراج عقیدت پیش کیا۔ اس عزم کو دہرایا گیا کہ شہدا کی قربانیوں اور دہشت گردی کے خلاف اب تک حاصل ہونے والی کامیابیوں کو رائیگاں نہیں جانے دیا جائے گا۔

اجلاس نے تمام طبقات خاص طور پر میڈیا سے اپیل کی کہ دہشت گردی کے واقعات سے متعلق جس طرح پہلے قومی ذمہ داری کا رویہ اپنایا اسی ذمے داری کے ساتھ بے بنیاد قیاس آرائیاں خاص طورپر سوشل میڈیا پر پھیلانے کا حصہ نہ بنیں۔ یہ طرزعمل قومی سلامتی کے تقاضوں، قومی یکجہتی اور اتحاد کیلئے نقصان دہ ہے۔

وزیراعظم شہباز شریف کی زیرصدارت پشاور ایپکس کمیٹی اجلاس ہوا

اجلاس سے خطاب کرتے ہوئے وزیراعظم شہباز شریف کا کہنا تھا کہ پشاور ایپکس کمیٹی اجلاس میں شرکت پر شرکا کا مشکور ہوں،30جنوری کو پشاور دھماکے میں شہادتیں ہوئیں پشاور میں اجلاس بلانے کا مقصد ہی لواحقین کے ساتھ اظہار ہمدردی کرناہے ،پشاور دھماکے کا حملہ آور چیک پوسٹ سے گزر کر مسجد داخل ہوا پوری قوم پشاور دھماکے پر اشک بار ہے ،قوم سوال کررہی ہے ،دہشت گردی کے خاتمے کے بعد یہ واقعہ کیسے رونما ہوا؟پشاورواقعے کے بعد بے جا تنقید اورالزامات کی مذمت کرتے ہیں،الزامات اور تنقید پشاور واقعے کے بعد مناسب نہیں تھے یہ کہنا کہ شاور واقعہ ڈرون حملے سے ہو ا یہ نامناسب تھا،دہشت گردی سے نمٹنے کے لیے اقدامات وقت کی اہم ضرورت ہےقوم دہشت گردی جیسے ناسور سے نمٹنے کے طریقے پر سوچ رہی ہے ،حکومت دہشت گردی کے خلاف تمام وسائل بروئے کا رلائے گی ہمیں تنقید برائے تنقید سے پرہیز کرنا ہوگا،وفاق ،صوبے ،سیاسی جماعتیں اور سب مل کردہشت گردوں کامقابلہ کریں وقت کی ضرورت ہے کہ وفاق اور صوبے ملکراس کی اونر شپ لیں پشاور واقعے کی تحقیقات ہونی چاہیے کہ کمزوری کہاں تھی ،دہشت گردی کے واقعے کے بعد ہربار طعنہ ملتاہے کہ وفاق ساتھ نہیں دے رہا،

وزیراعظبم شہباز شریف کا کہنا تھا کہ کسی پر تنقید نہیں کررہا ،آج ہمیں حق کی بات کہنا پڑ ے گی ،2010 سے اب تک خیبرپختونخوا حکومت کو 417 ارب روپے دیئے جا چکے ہیں،ہمارا سوال ہے کہ خیبرپختونخوا حکومت کو دیئے گئے وہ 417ارب روپے کہاں ہیں؟ خیبر پختونخوا کودی گئی 417ارب کی رقم کی ایک چوتھائی بھی خرچ ہوتی تو یہ حالات نہ ہوتے،دہشت گردی کےخاتمے تک آرام سے نہیں بیٹھیں گے ،خیبرپختونخوا میں اگر کوئی شہید ہوتا ہے تووہ پاکستانی پاسپورٹ ہے چیلنجز کے باوجود دہشت گردی پر قابو پانے کی کوشش کریں گے ،صوبوں میں سی ٹی ڈی کو مضبوط کریں گے ،ہم نے اس وقت سی ٹی ڈی پنجاب بنائی،ہم نے پنجاب میں سیف سٹی منصوبہ 14ارب روپے میں بنایا،ہم نے اپنے دور میں فرانزک لیب بنایا،آئی ایم ایف کا وفد وزیر خزانہ اور اس کی ٹیم کو ٹف ٹائم دے رہا ہے، آئی ایم ایف کے شرائط جو پورے کرنے ہیں وہ سوچ سے بھی زیادہ ہیں ،موجودہ حالات میں ہمیں وہ شرائط پورے کرنے ہیں چاروں صوبے ملک کی اہم اکائیاں ہیں دہشت گردوں کا نہ کوئی دین ہے نہ ایمان ہے،ہمیں ہر طرح کے اختلافات کو ایک طرف رکھنا چاہیے،اختلافات بھلا کر ہم نے مل کر قوم کو یکجا کرنا ہے اور آگے بڑھنا ہوگاآل پارٹیز کانفرنس کے لیے تمام سیاسی جماعتوں کو مدعوکیا،جو میرے ساتھ ہاتھ ملانا گوارہ نہیں کرتے ہم نے ان کو بھی دعوت دی ،مجھے امید ہے جواب نفی میں نہیں آئے گا،ملک کی تقدیر بہترکرنے کے لیے آپ اپنوں سے ہاتھ ملانے کو تیار نہیں آج پھر اتفاق اور یکجہتی کی ضرورت ہے اس کے بغیر کامیابی نہیں ملے گی،دہشت گردوں کو خیبرپختونخوا میں سیٹل کرنے کے لیے لایا گیا تھا،اس وقت دہشت گردوں کے قبضے میں ایک انچ بھی جگہ نہیں ہے، ان لوگوں کو کون یہاں لے کر آیا ؟قوم اس سوال کا جواب چاہتی ہے،

وزیراعظم نےشہدائے پشاور کے لواحقین کے لیےفی کس 20لاکھ اورزخمیوں کو 5لاکھ روپے دینے کا اعلان کرتے ہوئے کہا کہ مجھے کسی نے کہا تھا کہ شہباز شریف خیبر پختونخوا کا خیال رکھو،خیبر پختونخوا میں بھتے لیے جارہے ہیں ،دیر نہیں ہوئی ،ہم مل کر مقابلہ کریں گے ،دہشت گردوں کو شکست دیں گے،

نیشنل ایکشن پلین پر سختی سے عمل کرنے کی ضرورت ہے،

ہ پشاور کا سانحہ دہشت گردوں کی مزاحمت کا تقاضا کر رہا ہے،

وزیراعظم شہباز شریف پشاور پہنچ گئے،

ہوسکتا ہے کہ حملہ آور پہلے سے ہی پولیس لائنز میں موجود ہو 

واضح رہے کہ پولیس لائن کی مسجد میں دھماکے سے سو اموت ہوئی ہیں اور ڈیڑھ سو کے قریب افراد زخمی ہوئے ہیں، پولیس لائن میں ہونیوالے حملے پر بہت سارے سوالات اٹھائے جا رہے ہیں،کہ ایک ایسا علاقہ جہاں سرکاری دفاتر ہیں اور ریڈ زون ہے وہاں تک حملہ آور کیسے پہنچا؟ پولیس حکام نے سیکورٹی کی کوتاہی تسلیم کی ہے اور کہا ہے کہ اسکی تحقیقات ہوں گی کہ حملہ آور کیسے پہنچا، یہ سیکورٹی کی ناکامی ہی ہے کہ حملہ آور اپنے ہدف تک پہنچنے میں کامیاب ہوا

واشنگٹن:وزیرخارجہ بلاول بھٹو زرداری سے امریکی وزارت خارجہ کے سینئر عہدیدار ڈیرک شولے نے ملاقات کی۔واشنگٹن میں قائم پاکستانی سفارتخانے میں ہونے والی ملاقات میں ڈیرک شولے نے پشاور کی مسجد میں خودکش حملے سے ہونے والے جانی و مالی نقصان پر افسوس کا اظہار کیا۔

اس موقع پر ڈیرک شولے نے کہا کہ انسداد دہشت گردی کے لیے امریکا پاکستان کے ساتھ کھڑا ہے۔ملاقات کے دوران دونوں رہنماؤں نے پاکستان کے معاشی استحکام اور سیلاب سے متاثرہ افراد کی بحالی کی جانب پیش رفت پر بھی تبادلہ خیال کیا۔

اس سے پہلے امریکی وزیر خارجہ انٹونی بلنکن نے پشاور میں پولیس لائنز کی مسجد پر دہشتگرد حملے کی مذمت کرتے ہوئے سانحے میں جاں بحق افراد کے لواحقین سے اظہار تعزیت کیا ہے۔اپنے بیان میں امریکی وزیر خارجہ انٹونی بلنکن نے کہا کہ بے حس دہشتگرد حملے کے نتیجے میں اپنے پیاروں سے بچھڑنے والے خاندانوں کے ساتھ تعزیت کا اظہار کرتے ہیں۔

The U.S. stands with Pakistan in combating terrorism for the safety of all. Expressed my deep condolences to Foreign Minister @BBhuttoZardari about the recent bombing in Peshawar & discussed progress towards Pakistan’s economic stability and flood recovery. pic.twitter.com/KkzT0wmwUU

— Counselor Michael Needham (@CounselorDOS) February 2, 2023

انہوں نے کہا کہ سانحے کے متاثرین سکیورٹی کے لوگ تھے جنہوں نے اپنی زندگیاں داؤ پر لگائیں۔اپنے بیان میں انہوں نے کہا کہ شہریوں پرہرقسم کے تشدد کے خلاف امریکا پاکستان کے ساتھ کھڑا ہے، دہشتگردی سے نمٹنے کی کوششوں پر پاکستانی حکومت کے ساتھ ہیں۔

امریکی وزارت خارجہ کے نائب ترجمان ویدانت پٹیل نے کہا ہے کہ پاکستانی حکام کے ساتھ باقاعدہ رابطے میں ہیں، افغانستان میں جاری صورتحال پر بات کیلئے خصوصی ایلچی اسلام آباد گئے تھے۔