Author: News Editor

راولپنڈی:عوامی مسلم لیگ کے سربراہ شیخ رشید احمد کیخلاف تھانہ مری میں کار سرکار میں مداخلت، پولیس اہلکار کی وردی پھاڑنے اور سنگین نتائج کی دھمکیاں دینے پر مقدمہ درج کرلیا گیا۔سابق وفاقی وزیر شیخ رشید احمد کیخلاف ایک اور مقدمہ درج کرلیا گیا، جس میں کار سرکار میں مداخلت، پولیس اہلکار سے ہاتھا پائی اور سنگین نتائج کی دھمکیاں دینے کی دفعات شامل کی گئی ہیں۔

تھانہ مری میں درج مقدمے میں کہا گیا ہے کہ سربراہ عوامی مسلم لیگ کی گرفتاری کیلئے ان کے گھر پر چھاپہ مارا، وہ اپنے ملازمین کے ہمراہ باہر آئے، انہیں مقدمہ اور گرفتاری سے متعلق آگاہ کیا گیا۔

متن میں مزید کہا گیا ہے کہ شیخ رشید احمد نے پولیس اہلکاروں سے مزاحمت کی اور سنگین نتائج کی دھمکیاں دیں۔رپورٹ کے مطابق شیخ رشید احمد اور ان کے ملازمین نے پولیس اہلکار عثمان ظہور سے ہاتھاں پائی کی، جس کی وجہ سے اس کی سرکاری یونیفارم پھٹ گئی۔

یاد رہے کہ اس سے پہلے ڈسٹرکٹ اینڈ سیشن کورٹ اسلام آباد نے شیخ رشید کو دو روزہ جسمانی ریمانڈ پر پولیس کے حوالے کرنے کا تفصیلی فیصلہ جاری کر دیا۔

5 صفحات پر مشتمل تفصیلی فیصلہ جوڈیشل مجسٹریٹ عمر شبیر نے جاری کیا، پولیس کے مطابق شیخ رشید نے کہا کہ آصف زرداری کی عمران خان کو قتل کرنے کی سازش کے ثبوت ہیں، شیخ رشید کا فوٹوگرامیٹرک ٹیسٹ لاہور سے کرانا ہے، شیخ رشید کا وائس میچنگ ٹیسٹ ایف آئی اے سے کرانا ہے۔

پراسیکیوٹر کے مطابق شیخ رشید نے دو سیاسی جماعتوں کے درمیان نفرت پیدا کرنے کی کوشش کی، شیخ رشید کے مطابق انہوں نے صرف عمران خان کے بیان کی حمایت کی، شیخ رشید کے مطابق ان سے مقدمہ کے ذریعے سیاسی انتقام لیا جا رہا ہے، شیخ رشید کے وکیل کے مطابق پولیس نے نوٹس کے حوالے سے ہائیکورٹ کے فیصلے کی خلاف ورزی کی۔

شیخ رشید کے وکلاء نے ہائیکورٹ کا تصدیق شدہ آرڈر عدالت کو مہیا نہیں کیا، شیخ رشید نے ہائیکورٹ میں مقدمہ کی عدم موجودگی میں پولیس کے نوٹس ملنے پر درخواست دائر کی، شیخ رشید کے خلاف اب مقدمہ درج ہو چکا، پولیس شیخ رشید کو گرفتار کر سکتی ہے۔

مقدمہ انٹرویو پر مبنی ہے، پولیس نے فرانزک کی استدعا کی، شیخ رشید کا دو روزہ جسمانی ریمانڈ منظور کیا جاتا ہے، 4 فروری کو عدالت پیش کیا جائے، فیصلے میں کہا گیا ہے کہ شیخ رشید کی جانب سے پولیس کے خلاف فیصلہ دینے کا اختیار اس عدالت کے پاس نہیں۔

ہوسکتا ہے کہ حملہ آور پہلے سے ہی پولیس لائنز میں موجود ہو 

نیشنل ایکشن پلین پر سختی سے عمل کرنے کی ضرورت ہے،

ہ پشاور کا سانحہ دہشت گردوں کی مزاحمت کا تقاضا کر رہا ہے،

اسلام آباد:وزیرداخلہ رانا ثناء اللہ کا کہنا ہے کہ سیکیورٹی صورتحال انتخابات کے انعقاد کو متاثر کرسکتی ہے۔نجی ٹی وی میں گفتگو کرتے ہوئے ان کا کہنا تھا کہ 2007 میں بینظیر بھٹو کی شہادت کے باعث انتخابات وقت پر نہیں ہوسکے تھے۔رانا ثناء اللہ نے کہا کہ الیکشن کا فیصلہ چیف الیکشن کمشنر نے کرنا ہے۔کل ایپکس کمیٹی اجلاس میں تمام معاملات پربات ہوگی۔

وزیرداخلہ کا کہنا تھا کہ پشاور پولیس لائنزدھما کے میں بڑا نقصان ہواہے، ملک بھرمیں ٹارگٹڈ آپریشنز ہورہے ہیں، آپریشنزمیں دہشت گردوں کوگرفتار بھی کیاجارہاہے۔ آپریشنز میں مزیدب ہتری لانے کے اقدامات پرغور کیا جائے گا۔

دوسری طرف پی ٹی آئی کے سینئر نائب صدر فواد چوہدری نے کہا ہے کہ نگران وزرائے اعلی نے 90 روز کے اندرانتخابات نہ کروائے تو ان پر آرٹیکل 6 لگے گا، جیل میں کوئی تشدد نہیں ہوا بلکہ چار سینئر وزراء نے کہا اس تمام معاملے میں ہم اس کے پیچھے نہیں۔

اسلام آباد میں پی ٹی آئی رہنما فواد چوہدری، شہباز گل اورحماد اظہر نے پریس کانفرنس کی۔ فواد چوہدری نے بتایا کہ دوران حراست مجھ پر کوئی تشدد نہیں ہوا، چار سینئر وزراء نے کہا کہ اس تمام معاملے میں ہم اس کے پیچھے نہیں، اگر پنجاب اور خیبر پختونخوا کے نگران وزراء اعلی نے 90 روز کے اندر انتخابات نہ کروائے تو ان پر آرٹیکل 6 لگے گا۔

تحریک انصاف کے رہنما فواد چوہدری نے کہا کہ پاکستان اس وقت تقسیم کا متحمل نہیں ہوسکتا، اگر جہلم، میانوالی کا ایم این اے غدار ہے تو بتایا جائے پھر وفادار کون ہے؟ ابھی تک ان سے ملک اور عمران خان منیج نہیں ہو رہا، ہمارا اداروں سے کوئی جھگڑا نہیں نہ جھگڑا ہو سکتا ہے، اداروں سے کہتا ہوں کہ ان کا اتنا بوجھ نہ اٹھائیں۔

فواد چوہدری نے کہا کہ میں ڈرا نہیں جھکا نہیں کیوں کہ ہم گرفتاریوں سے ڈرنے والے نہیں ہیں، رات کی تاریکی میں گرفتاریاں ہورہی ہیں اور اب شیخ رشید اور عمران ریاض کو گرفتار کیا گیا ہے لیکن ہم جھکیں گے نہیں۔انہوں نے کہا کہ خیبرپختونخوا کے زخموں پر مرہم رکھنے کی بجائے شاندانہ گلزار پر مقدمہ درج کیا گیا، ایسے اقدامات سے ملک کو کمزور کیا جارہا ہے۔

فواد چوہدری کہا کہ تحریک انصاف دور حکومت میں دہشت گردی سے نمٹا گیا، پاکستان نے افغانستان اور امریکا کے ساتھ معاملات کو ٹھیک کیا، 3 لاکھ افراد براستہ پاکستان افغانستان سے نکلے، پاکستان نے غیر ملکی میڈیا کے انخلاء میں مدد کی، سویت یونین کے خلاف لڑنے کا فیصلہ جنرل ضیاء نہیں ریاست نے کیا تھا۔انہوں نے کہا کہ عمران خان افغانستان کو بہتر سمجھتے ہیں، افغانستان کی سیاسی لیڈر شپ عمران خان کی قدر کرتی ہے، طاقت کے استعمال سے قبرستان بناکر معاملات ٹھیک نہیں ہوتے۔

شہبازگل کا کہنا تھا رجیم چینج نے اتنا بڑا جھٹکا دیا کہ اب پاکستان میں کوئی سرمایہ کاری کرنے کو تیار نہیں، مریم نواز کی آمد کے ساتھ ہی شاہد خاقان عباسی نے عہدے سے استعفی دے دیا جبکہ مفتاح اسماعیل بھی استعفی کے درپے ہیں۔حماد اظہر نے کہا کہ پاکستان میں معیشت کا بحران سیاسی بحران کے ساتھ ساتھ چل رہا ہے جس کا واحد حل فوری انتخابات ہیں۔

ہوسکتا ہے کہ حملہ آور پہلے سے ہی پولیس لائنز میں موجود ہو 

نیشنل ایکشن پلین پر سختی سے عمل کرنے کی ضرورت ہے،

ہ پشاور کا سانحہ دہشت گردوں کی مزاحمت کا تقاضا کر رہا ہے،

اسلام آباد:وزیراعظم شہبازشریف نے جواد سہراب ملک کو معاون خصوصی مقرر کردیا۔

کابینہ ڈویژن کی جانب سے جاری نوٹی فکیشن کے مطابق جواد سہراب ملک کی تقرری کی منظوری وزیراعظم نے دی۔ جواد سہراب ملک کا عہدہ وزیرمملکت کے برابر ہوگا۔

اعلامیے کے مطابق جواد سہراب ملک وزیراعظم کے خصوصی ٹاسک پر کام کریں گے۔ جواد سہراب ملک نے بطورمعاون خصوصی مراعات لینے سے انکار کیا ہے۔

خیال رہے کہ وزیراعظم کی کابینہ کی تعداد بڑھ کر 78 پر پہنچ گئی جبکہ معاونین خصوصی کی تعداد بڑھ کر 33 ہوگئی ہے۔ موجود حکومت میں 34 وفاقی وزرا، 7 وزرائے مملکت اور 4 مشیر شامل ہیں۔

جواد سہراب ملک کو وزیراعظم کا معاون خصوصی مقرر کر دیا گیا، جس کا نوٹیفکیشن بھی جاری ہو گیا ہے۔

اسلام آباد:پاک فضائیہ کے8 افسروں کی ائیروائس مارشل کےعہدے پرترقی ہو گئی۔ترجمان پاک فضائیہ کے مطابق ترقی پانے والے افسروں میں ائیر وائس مارشل عمران قادر، ائیر وائس مارشل غضنفر لطیف، ائیر وائس مارشل شہریار خان شامل ہیں۔

پاک فضائیہ کے ترجمان کے مطابق دیگر ترقی پانے والوں میں ائیر وائس مارشل نعمان وحید، ائیر وائس مارشل مہر یار ثاقب نیازی، ائیر وائس مارشل ابوذر خان، ائیروائس مارشل محمد آصف اسلم اور ائیر وائس مارشل غلام شبیر بھی شامل ہیں۔

ترجمان پاک فضائیہ کے مطابق ائیر وائس مارشل عمران قادر ائیر ہیڈ کوارٹرز اسلام آباد میں سربراہ پاک فضائیہ کے ایڈوائزر برائے آپریشنز آڈٹ اینڈ ایویلیوایشن سیل کےعہدے پر فائز ہیں، ائیر وائس مارشل غضنفر لطیف اسسٹنٹ چیف آف دی ائیر سٹاف (آپریشنز) اور اسسٹنٹ چیف آف دی ائیر سٹاف (سیفٹی) کے عہدے پر فرائض سرانجام دے چکے ہیں۔

ایئر وائس مارشل شہریار خان، چیف آف دی ائیر سٹاف کے پرسنل سٹاف آفیسر اور ایک ریجنل ائیر کمانڈ میں سینئر سٹاف آفیسر رہ چکے ہیں، ائیر وائس مارشل نعمان وحید نے ائیر ہیڈ کوارٹرز اسلام آباد میں بطور اسسٹنٹ چیف آف دی ائیر سٹاف (پلانز) اور اسسٹنٹ چیف آف دی ائیر سٹاف (آپریشنل ریسرچ اینڈ انیلسس) اپنی خدمات سر انجام دیں۔

ائیر وائس مارشل مہر یار ثاقب نیازی، میراج ری بلڈ فیکٹری کے منیجنگ ڈائریکٹر اور پی اے ایف ایئر مین اکیڈمی کورنگی کریک میں بطور کمانڈنٹ (ٹیک) تعینات رہے، ائیر وائس مارشل ابوذر خان ائیر کرافٹ ری بلڈ فیکٹری میں بطور پراجیکٹ ڈائریکٹر اور منیجنگ ڈائریکٹر تعینات رہے۔

ترجمان پاک فضائیہ کے مطابق ائیر وائس مارشل محمد آصف اسلم، ائیر ہیڈ کوارٹرز اسلام آباد میں اسسٹنٹ چیف آف دی ائیر سٹاف (ویپنز انجینئرنگ) کے عہدے پر فائز رہے، ائیر وائس مارشل غلام شبیر، ایئر ہیڈ کوارٹرز اسلام آباد میں اسسٹنٹ چیف آف دی ایئر سٹاف (ٹریننگ ایئرمین اینڈ سویلینز) تعینات رہے۔

مقدس مقام اور عبادت کے دوران حملہ سفاکیت کی انتہاء ہے,مولانا فضل الرحمان

سیکیورٹی کے باوجود خود کش حملہ آور کیسے مسجد پہنچا انکوائری ہو گی،وزیر داخلہ

پشاور دھماکہ / شہداء فہرست

امریکہ، ایران، ترکی، سمیت دیگر ممالک نے بھی مذمت کی