Author: News Editor

ترکیہ اور شام میں رواں ماہ کے آغاز میں آنے والے ہولناک زلزلے کے بعد تباہ شدہ عمارتوں کا ملبہ دس کروڑ ٹن سے زائد ہو چکا ہے۔تفصیلات کے مطابق اقوام متحدہ کی ایک ایجنسی کا اندازہ ہے کہترکیہ میں اس ماہ کے اوائل میں آنے والے زلزلوں کی وجہ سے تباہ شدہ عمارتوں کا گیارہ کروڑ ساٹھ لاکھ ٹن سے اکیس کروڑ ٹن تک کا ملبہ صاف کرنا پڑے گا۔

اقوام متحدہ کے ترقیاتی پروگرام کے ترجمان نے کہا کہ اس مرتبہ ملبے کی مقدار 1999 کے مغربی ترکیہ میں آنے والے زلزلے کے بعد بچ جانے والے ایک کروڑ تیس لاکھ ٹن سے زیادہ ہے، مذکورہ زلزلے میں 17 ہزار سے زیادہ افراد ہلاک ہوئے تھے۔

یہ تخمینہ ترکیہ حکومت کے سروے اور سیٹلائٹ تصاویر کی بنیاد پر لگایا گیا ہے، سروے سے پتا چلا ہے کہ کم از کم ایک لاکھ اٹھارہ ہزار عمارتیں یا تو منہدم ہو چکی ہیں یا ان کے گرنے کا خطرہ ہے۔یو این ڈی پی کیترکیہ میں ریذیڈنٹ نمائندہ لوئیسا ونٹن نے کہا ہے کہ 15 لاکھ افراد بے گھر ہو چکے ہیں اور کم از کم پانچ لاکھ نئے گھر تعمیر کرنے کی ضرورت ہو گی۔

لوئیسا ونٹن نے مزید کہا کہ ملبے کو ہٹانا اور فوری طور پر ٹھکانے لگانا ضروری ہے، تاکہ کمیونٹیز اور معیشت کو دوبارہ تعمیر کیا جا سکے۔

ادھر تاجکستان کے مختلف علاقوں میں 6.8 شدت زلزلے کے جھٹکے محسوس کیے گئے ہیں۔امریکی جیولوجیکل سروے کے مطابق تاجکستان میں آنے والے زلزلے کی ریکٹر اسکیل پر شدت 6.8 ریکارڈ کی گئی جبکہ گہرائی 20 کلو میٹر زیر زمین تھی۔ زلزلے کا مرکز تاجکستان کے علاقے علیچر سے 47 کلو میٹر دور ہے۔

دوسری جانب اسلام آباد، کے پی اور پنجاب کے کئی شہروں میں بھی زلزلے کے جھٹکے محسوس کیے گئے جس کے باعث لوگوں میں خوف و ہراس پھیل گیا تاہم کسی جانی نقصان کی اطلاع موصول نہیں ہوئی۔ اس کے علاوہ ازبکستان، چین، بھارت، افغانستان اور کرغزستان میں بھی زلزلے کے جھٹکے محسوس کیے گئے۔

واضح رہے کہ کچھ دن قبل ہی محکمہ موسمیات نے پیش گوئی کی تھی کہ پاکستان اور پڑوسی ممالک میں بھی بڑے زلزلے کے امکانات موجود ہیں جب کہ ترکیہ اور شام میں 6 فروری 2023 کو آنے والے خوفناک زلزلے کی پیش گوئی بھی صحیح ثابت ہوئی جس میں جاں بحق افراد کی تعداد 44 ہزار سے تجاوز کرچکی۔

امریکی صدر جوبائیڈن ایک بار پھر جہاز کی سیڑھیوں پر لڑکھڑا گئے۔غیر ملکی میڈیا رپورٹس کے مطابق جوبائیڈن پولینڈ کا دورہ مکمل کر کے جوانوں کی طرح تیزی سے جہاز کی سیڑھیاں چڑھنے کی کوشش میں تھے کہ ان کا پیر پھسل گیا۔

سوشل میڈیا پر وائرل ہونے والی ویڈیوز میں دیکھا جاسکتا ہے کہ جوبائیڈن جہاز کی سیڑھیاں چڑھتے ہوئے پہلے لڑکھڑائے اور پھر گرے لیکن فوراً ہی اٹھ کھڑے ہوئے اور جہاز پر چڑھے۔

یہ پہلا موقع نہیں کہ امریکی صدر سیڑھیوں پر گرے ہوں ،اس سے قبل عہدہ سنبھالنے کے دوسرے مہینے ہی جو بائیڈن ائیرفورس ون کی سیڑھیوں پر لڑ کھڑا گئے تھے۔اس کے علاوہ امریکی صدر جون 2021 میں بائی سائیکل سے بھی گر پڑے تھے۔

دوسری جانب بائیڈن کا باربار گرنا ان کےدوبارہ صدارتی امیدوار بننے پرسوالیہ نشان کھڑا کر رہا ہے۔