عارف والا۔ (اے پی پی) تیزرفتار موٹرسائیکل اور ریڑھی میں ٹکر22 سالہ نوجوان جاں بحق۔ تفصیلات کے مطابق اڈا فرید کوٹ کے نزدیک تیزرفتار موٹرسائیکل سوار امجد سٹرک کنارے ریڑھی سے ٹکر اگیا جس کے نتیجہ میں وہ زخموں کی تاب نہ لاتے ہوئے موقع پر زندگی کی بازی ہارگیا۔ریسکیواہلکاروں نے جاں بحق نوجوان کو ہسپتال پہنچادیا پولیس مصروف تفتیش ہے۔
Author: Regional News
کرنٹ لگنے سے 38سالہ ڈرائیور جاں بحق
عارف والا۔ (اے پی پی) کرنٹ لگنے سے 38سالہ ڈرائیور جاں بحق ہوگیا۔ تفصیلات کے مطابق نواحی گاؤں باہمنی کے نزدیک بھٹہ خشت پر ساتھی ہیلپرڈمپرکا جیک اوپر کرتے گیارہ ہزار کے وی کی تار سے چھوجانے پر ڈمپر کے ساتھ کھڑا ڈرائیور نوید علی کرنٹ لگنے سے موقعہ پر جاں بحق ہوگیا پولیس مصروف تفتیش ہے۔
دن دہاڑے ڈاکوؤں نے کی گن پوائنٹ پر ڈکیتی
عارف والا۔(اے پی پی) دن دہاڑے ڈاکوؤں نے گن پوائنٹ پر غلہ منڈی کے ملازم سے موٹرسائیکل اور موبائل فون چھین لیا۔تفصیلات کے مطابق غلہ منڈی میں الوہاب ٹریڈرز کا ملازم حسنین سکنہ محلہ اقبالنگر موٹرسائیکل پر سوار گلشن اقبال کالونی گیا کہ تین نامعلوم ڈاکوؤں نے اسلحہ کی نوک پر زبردستی روک لیا موٹرسائیکل اور موبائل فون کل مالیت تقریباََ130000روپے چھین کرفرار ہوگئے تھانہ سٹی پولیس مصروف تفتیش ہے۔
پولیس کی کامیاب کارروائی،بھاری مقدار میں منشیات برآمد
جیکب آباد۔ (اے پی پی) جیکب آباد پولیس کی کامیاب کارروائی،بھاری مقدار میں منشیات برآمد،اسمگلنگ میں ملوث 03 اسمگلر/ ملزمان گرفتار۔تفصیلات کے مطابق جیکب آبادپولیس نے خفیہ اطلاع پر کارروائی کرتے ہوئے تھانہ صدر کی حدود شمبے شاہ چوک پوسٹ سے بلوچستان سے براستہ بائے پاس جیکب آباد میں داخل ہونے والی ایک کارBCH-687 میں چیکنگ کے دوران کار کے خفیہ حصوں میں فٹ کیا ہوا 260 کلو گرام چرس برآمدکرلیا، جبکہ 03 ملزماں عابد احمد بنگلزئی، محمد یونس کاکڑ مسمات ندا بنت بھٹی کو گرفتار کرلیا گیا، تھانہ صدر پہ مقدمہ درج کردیا گیاہے۔
ریٹ لسٹ آویزاں نہ کرنے اور من مانی قیمت لگانے والے دکانداروں کے خلاف ہوا بڑا اقدام
چیچہ وطنی۔ (اے پی پی) پنجاب حکومت کا شہریوں کیلئے بڑا ریلیف،ریٹ لسٹ آویزاں نہ کرنے اور من مانی کرنے والے دکانداروں کے خلاف حکومت کا احسن اقدام۔پنجاب حکومت کی طرف سے صوبہ بھر میں پرائس کنٹرول کے لئے اشیائے خوردونوش کی لسٹ ہر دوکان اور ہر ٹھیلے پر آویزاں کی جاتی ہیں لیکن کچھ دکاندار اس پر عمل کرنے سے گریزاں ہیں جس کی وجہ سے عوام کو شدید مشکلات کا سامنا ہے۔ حکومت پنجاب نے من مانی کرتے دکانداروں اور ناجائز منافع خوری کرتے عناصر کے خلاف ایکشن لیتے ہوئے ایک ٹول فری نمبر متعارف کروایا ہے، جس کے تحت ایسے دکانداروں کے خلاف عوام اپنی شکایات درج کروا سکتے ہیں۔ شکایت درج کروانے کے دو گھنٹے کے اندر اس دوکاندار کے خلاف سخت ایکشن لیا جائے گا۔شہری شکایات کیلئے اس ٹول فری نمبر 0800-02345 پر رابطہ کریں۔
پبلک سروس گاڑیوں کے ڈرائیور پر مسافروں کی جان و مال کے تحفظ کی بھاری ذمہ داری عائد ہوتی ہے ان کو ڈرائیونگ کیسے کرنی چاہیے ہدایات آگئیں
راولپنڈی۔ (اے پی پی) چیف ٹریفک آفیسر راولپنڈی محمد بن اشرف نے کہا ہے کہ پبلک سروس گاڑیوں کے ڈرائیور حضرات پر دورانِ ڈرائیونگ مسافروں کی جان و مال کے تحفظ کے حوالے سے بھاری ذمہ داری عائد ہوتی ہے، ڈرائیور کی ذراسی غلطی، لاپرواہی، غفلت اور ٹریفک قوانین و روڈسیفٹی قوانین سے لاعلمی یا خلاف ورزی خدانخواستہ کسی بڑے روڈ حادثے کا سبب بن سکتی ہے لہذاء پبلک سروس گاڑیوں کے ڈرائیورز ذمہ داری کے ساتھ ٹریفک قوانین پر عمل کرتے ہوئے گاڑی چلائیں اور ٹریفک پولیس کی طرف سے جاری کی گئیں ہدایات پر عمل کریں تاکہ مسافروں کے سفر کو محفوظ اور خوشگوار بنایا جا سکے۔ اس امر کا اظہار انہوں نے پبلک سروس گاڑیوں کے ڈرائیور حضرات کے ضابطہ اخلاق سے متعلق ”روڈ سیفٹی و ٹریفک قوانین آگاہی“ مہم کے حوالے سے اپنے ایک بیان میں کیا۔ محمد بن اشرف نے کہا کہ پی ایس وی ڈرائیورز خواتین مسافر کا احترام کریں،ا نسانیت کی قدر کریں اور اوور لوڈنگ نہ کریں، سواری بیٹھاتے یا اتارتے وقت گاڑی کواس طرح کھڑا کریں جس سے دوسری ٹریفک کسی صورت بلاک نہ ہو،غلط پارکنگ نہ کریں، تیز رفتاری اور خطرناک ڈرائیونگ پر سخت پابندی ہے اس کے نقصانات کو سمجھیں اور عمل کریں، بار بار اور بغیر سٹاپ گاڑی کو کھڑا مت کریں،صرف تربیت یافتہ اور پی ایس وی ڈرائیونگ لائسنس ہولڈر ہی ڈرائیور گاڑی کو چلائیں انہوں نے کہا کہ مسافروں سے بدتمیزی نہ کریں، زائد کرایہ وصولی یا روٹ کی خلاف ورزی بھاری جرمانے کا سبب بنتی ہے لہذاء اپنے بچوں یا خاندان کا پیٹ پالنے کے لئے ضروری ہے کہ ٹریفک وائلیشنز نہ کریں تاکہ جو دن بھر کی محنت سے کمایا ہے وہ چالان و جرمانے کی نذر نہ ہو لہذاء عقل اور دانش مندی اور سمجھ داری کا مظاہرہ کریں، کیونکہ تمام پی ایس وی ڈرائیوروں نے اپنی روزی کمانے کے لئے روٹ پرمٹ کے مطابق متعلقہ شاہراؤ ں پر دن بھر گاڑی چلانی ہوتی ہے آپ لوگوں کو ٹریفک پولیس سے زیادہ واسطہ پڑتا ہے اور ٹریفک قوانین و روڈ سیفٹی قوانین پر عمل کرنا ہوتا ہے لہذاء ٹریفک قوانین کا احترام اور ٹریفک پولیس کی طرف سے دی گئیں ہدایات پر مکمل عمل درآمد کرنا پی ایس وی ڈرائیور حضرات کی ذمہ داری ہے انہوں نے کہا کہ خلاف ورزی پر قانونی کاروائی کا عمل جاری ہے۔
راولپنڈی اور گرد و نواح میں دہشت کی علامت گینگ کا سرغنہ 2ساتھیوں سمیت گرفتار
راولپنڈی۔ (اے پی پی) سپرنٹنڈنٹ پولیس صدر سرکل رائے مظہر اقبال نے کہا ہے کہ فراڈ ڈکیت گروہ کی گرفتاری کے معاملہ پر دن رات محنت کرتے ہوئے گینگ کے سرغنہ کو 2ساتھیوں سمیت گرفتار کر لیاہے۔پیر کے روز انہوں نے میڈیاکوبتایا کہ گرفتار ہونے والوں میں سرغنہ راجہ عقیل مظہر، ساتھی ارباب اور منصور جاوید شامل ہیں۔ملزمان نے گوجرانوالہ کے رہائشی واجد علی کو گاڑی فروخت کرنے اور رقم کی ادائیگی کیلئے سواں اڈہ بلایا اور اس دوران ا سلحہ کے زور پر 7لاکھ روپے نقدی چھینی اور فرار ہو گئے تھے۔انہوں نے بتایا کہ سی پی او فیصل رانا کی ہدایات پر تھانہ کلر سیداں پولیس نے تینوں ملزمان کو گرفتار اور تھانہ کلر سیداں میں ڈکیتی کا مقدمہ درج کر لیا گیا،ملزمان لوگوں کو دھوکے سے بلا کر ان سے اسلحہ کے زور پر نقدی چھین لیتے تھے۔ملزمان کے دیگرساتھیوں کی گرفتاری کے لئے چھاپے مارے جا رہے ہیں۔
مولانا فضل الرحمن کا آزادی مارچ ملک و قوم کے خلاف سازش ہے، مختلف سینیئر سیاسی رہنماؤں کا ردعمل
ملتان۔ (اے پی پی) مختلف سیاستدانوں نے مولانا فضل الرحمن کے آزادی مارچ کو ملک کے خلاف سازش قراردیتے ہوئے کہا ہے کہ اس دھرنے سے کشمیر کاز اور پاکستان کو ناقابل تلافی نقصان پہنچے گا۔ اس سلسلے میں ملتان کے مختلف سیاستدانوں نے اپنی رائے کا اظہار کیا۔ چیف وہیپ قومی اسمبلی ملک عامرڈوگر نے اے پی پی سے گفتگو کرتے ہوئے کہا کہ مولانا فضل الرحمن کا آزادی مارچ ملک و قوم کے خلاف سازش ہے۔ انہوں نے کہاکہ کشمیر کامسئلہ گزشتہ 70سال سے پس منظر میں تھا لیکن حکومتی کوششوں سے دنیا کے بڑے فورمز پر مسئلہ کشمیر پر بات ہو رہی ہے، مولانا فضل الرحمن کے دھرنے سے کشمیر کاز کونقصان پہنچے گا۔ صوبائی معاون خصوصی برائے اطلاعات ندیم قریشی نے کہا کہ قوم مولانا فضل الرحمن کے دھرنے کے مقاصد جانتی ہے، مولانا کا دھرنا نیب کیسز میں گرفتار مسلم لیگ(ن)کی قیادت اور سابق صدر آصف زرداری کو ریلیف دلانے کی کوشش ہے۔ صوبائی معاون خصوصی جاوید اختر انصاری نے کہاکہ پاکستان تحریک انصاف کی حکومت دھرنے کے لیے تیارہے، لوگوں کی جان و مال کا تحفظ حکومت کی ذمہ داری ہے، کسی بھی شخص کو یہ اجازت نہیں دی جائے گی کہ وہ لوگوں کے جان ومال سے کھیلے۔مولانا فضل الرحمن کے آزادی مارچ اور دھرنے سے متعلق بات کرتے ہوئے سینئر سیاستدان مخدوم جاوید ہاشمی نے کہاکہ وہ مولاناکے آزادی مارچ میں خود شریک ہوں گے۔ پاکستان پیپلزپارٹی کے رہنما خواجہ رضوان عالم نے کہاکہ ہماری جماعت مولانا فضل الرحمن کے آزادی مارچ کی حمایت کرتی ہے
چھاتی کے سرطان کا مکمل علاج کیسے ممکن ہے…..
لاہور۔ (اے پی پی) وزیرصحت پنجاب ڈاکٹریاسمین راشدنے فاطمہ جناح میڈیکل یونیورسٹی میں چھاتی کے سرطان کی مناسبت سے منعقدہ آگاہی سمپوزیم میں بطورمہمان خصوصی شرکت کی۔ اس موقع پروائس چانسلرفاطمہ جناح میڈیکل یونیورسٹی پروفیسرڈاکٹرعامرزمان خان، بریسٹ کینسرپروگرام کی انچارج پروفیسرڈاکٹرعندلیب، رجسٹرارپروفیسرمنیزہ قیوم، پرووائس چانسلرپروفیسر ڈاکٹرشیریں، ایم ایس گنگارام ہسپتال ڈاکٹرفیاض بٹ، دیگرفیکلٹی ممبران اورطلباء وطالبات کی کثیرتعدادنے شرکت کی۔چھاتی کے سرطان سے بچاؤکی آگاہی کیلئے غبارے بھی اڑائے گئے اورآگاہی واک بھی منعقدکی گئی۔ وزیرصحت ڈاکٹریاسمین راشدنے حاضرین سے خطاب کرتے ہوئے کہاکہ2018 کے اعدادوشمارکے مطابق پوری دنیامیں بیس لاکھ خواتین چھاتی کے سرطان میں مبتلاہوئیں۔پاکستان میں ہرسال ہزاروں خواتین اس مرض کی وجہ سے جان کی بازی ہارجاتی ہیں۔ لوگوں کو کسی بیماری کے بارے میں آگاہی دینابڑی نیکی ہے۔ چھاتی کے سرطان کی ابتدائی مرحلے میں تشخیص سے مکمل علاج ممکن ہوجاتا ہے۔ صوبائی وزیر صحت نے انتہائی اہم موضوع پرسمپوزیم منعقدکروانے پروائس چانسلراورانتظامیہ کومبارکباد دی۔وزیر صحت پنجاب نے مزیدکہاکہ چھاتی کے سرطان کی آگاہی سے خواتین کواس مرض سے بچایاجاسکتاہے۔ چھاتی کے سرطان کی ابتدائی مرحلے مں تشخیص علاج کی ضمانت ہوتی ہے۔انہوں نے کہاکہ فاطمہ جناح میڈیکل یونیورسٹی کے طلباء وطالبات کیلئے ہرقسم کی علمی سہولت فراہم کی جائے گی۔ چھاتی کے سرطان سے متاثرہ خواتین کی ذاتی زندگی بری طرح متاثرہوتی ہے۔ معاشرہ میں چھاتی کے سرطان بارے شعورپیداکرنے کیلئے آگاہی سیمینارمنعقدکروائے جائیں۔پروفیسرڈاکٹرعامرزمان خان نے بھی حاضرین سے خطاب کیا اور وزیرصحت کی آگاہی سمپوزیم میں آمدپران کاشکریہ اداکیا۔ پروفیسرڈاکٹرعامرزمان خان نے کہاکہ معاشرے میں چھاتی کے سرطان بارے آگاہی پیداکرنابہت ضروری ہے۔ پروفیسرڈاکٹرعندلیب نے چھاتی کے سرطان کی وجوہات، علامات اورسدباب بارے تفصیلات سے آگاہ کیا۔
lh/shk/tmb 1536
لانگ مارچ ملکی مفاد میں نہیں ہے. ایسا کس نے کہہ دیا
سرگودھا۔ (اے پی پی) قومی امن کمیٹی برائے بین المذاہب ہم آہنگی ملک میں قیام ِامن اور وطن ِعزیز کیلئے ہر سطح پر اقدام کررہی ہے۔ملک بین الاقوامی تناظر میں کسی بھی قسم کی فرقہ واریت یا جلسے‘ جلوسوں کا متحمل نہیں ہوسکتا،ہمیں آپس میں ملکر قیام امن کیلئے جدوجہد کرنا ہوگی۔ ان خیالات کا اظہار قومی امن کمیٹی برائے بین المذاہب ہم آہنگی کے ضلعی چیئرمین سلیم نواز ملک نے اپنے ایک بیان میں کیا۔انہوں نے کہا کہ بھارت نے جس طرح خطے کا امن خطرے میں ڈال رکھا ہے اور دونوں ایٹمی قوتیں آمنے سامنے ہیں ان حالات میں کسی قسم کا لانگ مارچ یا دھرنا ملکی مفاد میں نہیں ہے۔انہوں نے کہاکہ ہم سب کو ملکی مفاد کیلئے کام کرنا ہوگا تاکہ پاکستان حقیقی معنوں میں ترقی کی راہ پر گامزن ہوسکے سلیم نواز ملک نے کہا کہ اس وقت ہم سب کو محبت‘ اتحاد‘ بھائی چارے کی فضاء کو فروغ دینا ہوگا۔
