بہاولپور میں تھانہ صدر کے ایس ایچ او اعظم کلو نے ڈی پی او بہاولپور کی ہدایت پر جرائم پیشہ عناصر کے خلاف کریک ڈاوَن کرتے ہوئے اے کیٹیگری کے اشتہاری سمیت 5 ملزمان کو گرفتار کر لیا ۔ اشتہاری ملزمان عرصہ دراز سے سے چوری رہزنی اور ڈکیتی کی وارداتیں کرکے دوسرے شہریوں میں روپوش ہوجاتے تھے ۔ ملزمان بہاولپور پولیس کو ملزمان چوری، ڈکیتی، اور رہزنی کی ورادتوں میں مطلوب تھے ۔ ڈی پی او کی بہاولپور کی ہدایت پر عمل کرتے ہوئے ایس ایچ او تھانہ صدر اعظم کلو نے جدید ٹیکنالوجی استعمال کرتے ہوئے پولیس ٹیم کے ہمراہ اشتہاری مجرمان سمیت 5 ملزمان کو گرفتارکر کرکے پابند سلاسل کردیا ۔ ایس ایچ او اعظم کلو نے کہا کہ ڈی پی او کی ہدایت پر ایسی طرح ملزمان کے خلاف کریک ڈاوَن جاری رہے گا
Author: Regional News
مظفرگڑھ، پولیس اور ڈاکوؤں میں تصادم
مظفرگڑھ. پولیس مقابلے میں مسلح ڈاکووں کی فائرنگ سے اے ایس آئی شہید جبکہ ایک ڈاکو ہلاک ہوگیا۔ اب تک کی اطلاعات کے مطابق مظفرگڑھ کے نواح میں تھانہ رنگپور کے موضع امیر پور کنکا میں واقع پولیس چوکی کے انچارج اے ایس آئی ملازم حسین ڈاکووں سے مقابلہ کرتے ہوئے گولی لگنے سے شہید ہو گئے۔ ایک ڈاکو جس کی شناخت غلام شبیر کے نام سے ہوئی ہے بھی ہلاک ہو گیا۔ گزشتہ شب امیر پور کنکا میں راھزنی کی واردات میں ملوث ڈاکووں کی گرفتاری کیلئے پولیس نے چھاپہ مارا تو ملزمان نے فائرنگ کر دی جس سے پولیس چوکی کے انچارج اے ایس آئی ملازم حسین ڈاکووں کی فائرنگ سے شدید زخمی ہو گئے جبکہ ایک ڈاکو غلام شبیر بھی زخمی ہو گیا انھیں تشویشناک حالت کے پیش نظر نشتر ہسپتال ملتان فوری طور پر منتقل کیا گیا جہاں اے ایس آئی زخموں کی تاب نہ لاتے ہوئے شہید ہو گئے اور ڈاکو ہلاک ہو گیا۔ اطلاع ملنے پر تھانہ رنگپور اور مظفرگڑھ سے بھی پولیس کی بھاری نفری نے موقع پر پہنچ کر سارے علاقے کو گھیرے میں لے لیا، ڈاکووں کی تلاش جاری ہے
اساتذہ سے جبری طور پر واش رومز کی صفائی کروائی گئی
گوجرہ گورنمنٹ ماڈل پرائمری سکول چکنمبر 96 ج ب میں اے ای او سحرش لطیف کا نازیبا سلوک
تفصیلات کے مطابق گوجرہ کے نواحی علاقے چکنمبر 96 ج ب کے سرکاری سکول میں خاتون اے ای او سحرش لطیف نے خواتین ٹیچرز کو گلیاں دی اور اپنے اختیارات کا ناجائز استعمال کرتے ہوئے ان سے صفائی کروائی گئی۔ متاثرہ ٹیچرز کا کہنا ہے ان سے واش رومز تک کی صفائی کروائی گئی اور ان کی تصاویر سوشل میڈیا پر وائرل کروائی گئیں.
کوئٹہ، حادثے میں 3 افراد موقع پر جاں بحق، 2 زخمی
کوئٹہ۔ کوئٹہ کے قریب دشت کے مقام پر تیز رفتاری کے باعث کار اور ٹینکر میں تصادم میں 3 افراد موقع پر ہی جاں بحق جبکہ دو زخمی ہو گئے۔ ایدھی ایمولینس کے مطابق بدھ کوکوئٹہ دشت کے مقام پر ٹینکراور کار میں تصادم ہو ا جس کے نتیجے میں تین افراد موقع پر ہی جا ں بحق جبکہ دو افراد زخمی ہوگ?یے۔ایدھی ایمولینس نے اطلا ع ملتے ہی جائے وقوع پرپہنچ کر لا شوں اور زخمیوں کو فوری طورپرسول ہسپتال منتقل کردیا جہاں زخمیوں کو طبی امداد دی جارہی ہے۔کار بولان علاقے بھاگ ناڑی سے کوئٹہ کی طرف ا? رہی تھی کہ اچانک کوئٹہ کے قریب دشت کیمقام پر واقعہ پیش ا? یا، پولیس اس سلسلے میں تحقیقات شروع کردی ہیہیں۔
اہم شہر سے منشیات برآمد، ملزم گرفتار
مانسہرہ۔ ڈی پی او مانسہرہ صادق بلوچ کی ہدایت پر ڈی ایس پی شنکیاری سرکل کی سربراہی میں ایس ایچ او دوست محمد نے منشیات فروشوں کے خلاف آپریشن کرتے ہوئے 6 منشیات فروشوں کو گرفتار کر کے ان کے قبضہ سے 3 کلو 300 گرام سے زائد چرس اور 120 گرام ہیروئن برآمد کر لی، شہر کو منشیات سے پاک کر کے دم لیں گے۔ تفصیلات کے مطابق ایس ایچ او بفہ کی زیر نگرانی پولیس نے کارروائی کے دوران منیر عرف مسکین ولد نذیر سکنہ بفہ خورد سے 495 گرام چرس، شمس الرحمن عرف بھٹو سے 1127 گرام چرس، سعید الرحمن سے 515 گرام چرس، مشتاق ولد عبداللہ سکنہ بفہ خورد سے 1210 گرام چرس اور امین سے 120 گرام ہیروئن برآمد کر کے انہیں پابند سلاسل کر دیا۔ ایس ایچ او بفہ کا اس موقع پر کہنا تھا کہ نے کہا کہ منشیات فروش کسی رعایت کے مستحق نہیں ہیں، یہ نوجوان نسل کو تباہ کرنے پر تلے ہوئے ہیں، ان کا اس علاقہ سے صفایا کر کے دم لیں گے۔
کمشنر ہزارہ کا بااثر افراد کے خلاف مقدمات درج کرانے کا حکم
کمشنر ہزارہ کی غیر قانونی تعمیرات و تجاوزات کے خلاف کارروائی
ایبٹ آباد. کمشنر ہزارہ ریاض محسود نے کاغان ڈویلپمنٹ اتھارٹی کی حدود میں غیر قانونی تعمیرات اور تجاوزات کے خلاف بھرپور الیکشن لیتے ہوئے بااثر افراد کے خلاف مقدمات درج کرنے کا حکم دیدیا، غیر قانونی تعمیرات اور غیر قانونی قابضین کے خلاف کارروائی کرتے ہوئے 20 افراد کے خلاف ایف آئی درج کر لی گئی، تھانہ کاغان پولیس نے ایف آئی آر میں درج تمام افراد کو گرفتار کر لیا ہے، نیشنل ہائی وے اتھارٹی کے دفتر سمیت دیگر درجنوں غیر قانونی تعمیرات کرنے والے افراد اور اداروں کو نوٹسز جاری کر دیئے گئے ہیں، شاہراہ کاغان کی تعمیر و مرمت کو یقینی بنانے کیلئے این ایچ اے کو ہدایات جاری کر دی گئی ہیں، جھیل سیف الملوک میں غیر قانونی کشتی رانی پر پابندی عائد کرتے ہوئے متعدد کشتی چلانے والوں کے خلاف بھی قانونی کارروائی کا حکم دیدیا گیا ہے اور شاہراہ کاغان کے دونوں اطراف تجاوزات کو ہٹانے کیلئے این ایچ اے حکام کو احکامات جاری کر دیئے گئے ہیں، اس کے ساتھ ساتھ محکمہ ایری گیشن کو بھی دریائے کنہار کے ساتھ تجاوزات کو ہٹانے کیلئے سخت ہدایات جاری کی گئی ہیں۔ کاغان ڈویلپمنٹ اتھارٹی کو بھرپور طور پر فعال بنانے کیلئے ایک ہی دن میں دو اجلاسوں کا انعقاد کیا گیا جو ایک بٹہ کنڈی اور دوسرا ناران کے مقام پر دریا کے کنارے منعقد ہوا جس میں کاغان ڈویلپمنٹ اتھارٹی کے بورڈز کے ممبران نے شرکت کی۔ واضح رہے کہ کاغان ڈویلپمنٹ اتھارٹی کا قیام 1996ء میں عمل لایا گیا، اس وقت سے آج تک کاغان ڈویلپمنٹ اتھارٹی کے بورڈ کے صرف پانچ اجلاس منعقد ہوئے۔ موجودہ چیئرمین کمشنر ہزارہ ریاض خان محسود کی زیر صدارت اجلاس میں گذشتہ دو مہینہ کے دوران کے ڈی اے کو فعال بنانے کیلئے تین اجلاس منعقد ہوئے ہیں۔ بورڈ کے چیئرمین ریاض محسود نے بورڈ کے ممبران اور متعلقہ محکموں کے سربراہان کو سختی سے ہدایات جاری کیں کہ وہ سیاحوں کو سہولیات فراہم کرنے کیلئے کوئی کسر نہیں چھوڑیں اور کے ڈی اے کی حدود میں جن لوگوں نے بغیر نقشے کی منظوری کے عمارتیں تعمیر کی ہیں ان کے خلاف سخت ایکشن لیا جائے۔
شراب کشید کرتے ملزم رنگے ہاتھوں گرفتار، سینکڑوں لیٹر شراب برآمد
سرگودھا۔ تھانہ سلانوالی پولیس نے کارروائی کرکے چالوبھٹی سے شراب کشید کرتے ملزم رنگے ہاتھوں گرفتارکرلیے اوراْن کے قبضہ سے سینکڑوں لیٹر شراب ولہن برآمد کرلیا گیا۔ ڈسٹرکٹ پولیس آفیسرفیصل گلزار کی ہدایت پرمنشیات فروشوں کے خلاف کارروائی کرتے ہوئے ایس ایچ او تھانہ سلانوالی نوید اکرم نے سب انسپکٹر افضال احمد ساجد وغیرہ پر مشتمل ٹیم کے ہمراہ چک نمبری124جنوبی ڈیرہ مال مویشی ازان زاہد اقبال ریڈ کرکے ملزم زاہد اقبال ولد رانا تاج علی سکنہ ہائے چک نمبری124جنوبی کو بذریعہ چالوبھٹی شراب کشید کرتے ہوئے رنگے ہاتھوں گرفتارکرلیا ہے۔ گرفتارملزم کے قبضہ سے آلات چالوبھٹی گیس سلنڈر، چولہا، مٹی کا دورااور تگاری وغیرہ سمیت سینکڑوں لیٹر لہن اور100لیٹر شراب برآمدہوئی۔ گرفتارملزم کے خلاف منشیات فروشی کی دفعات کے تحت مقدمہ درج کرلیا گیا ہے مزید تفتیش جاری ہے۔
راولپنڈی، فائرنگ کا واقعہ، ایک شخص قتل دوسرا زخمی
راولپنڈی۔ تھانہ گوجر خان کے علاقہ سروس روڈ پر نامعلوم افراد کی فائرنگ سے ایک شخض قتل اور دوسرا زخمی ہوگیا،واقعہ کی اطلاع ملتے ہوئے پولیس افسران بھاری نفری کے ہمراہ موقع پر پہچنے اور امدادی ٹیموں نے جاں بحق و زخمی افراد کو ڈی ایچ کیو ہسپتال منتقل کیا۔ایس پی صدر ضیاء الدین نے میڈیا کو بتایا ہے کہ فائرنگ واقعہ میں قتل ہونے والے شخض کی شناخت اسماعیل خان کے نام سے ہوئی جبکہ عثمان علی زخمی ہے جہنیں ڈسٹرکٹ ہیڈ کوارٹر ہسپتال منتقل کیا گیا ہے۔ایس پی نے بتایا کہ فرانزک ٹیموں اور تفتیشی افسران نے موقع پر پہنچ کر شواہد اکھٹے کئے ہیں۔ابتدائی تحقیقات کے مطابق واقعہ سابقہ رنجش کی بناء پر پیش آیا تاہم ہر پہلو سے تفتیش کی جا رہی ہے جبکہ ملزمان کی گرفتاری کے لئے علاقہ میں چھاپے بھی مارے جا رہے ہیں۔ایس پی نے کہا کہ کسی کو قانون ہاتھ میں لینے کی اجازت نہیں اور ملزمان کو ٹریس کر کے قانون کے کٹہرے میں لایا جائیگا۔
حویلیاں،خونی دشمنی دوستی میں بدل گئی
حویلیاں ڈی آر سی حویلیاں کی کوششوں کی بدولت دو فریقین میں دشمنی دوستی میں تبدیل ہو گئی، لنگرہ میں ہونے والے قتل کیس کا راضی نامہ کروا کر علاقہ سے کشیدگی کا خاتمہ کر دیا گیا ہے۔ حویلیاں کے گاؤں لنگرہ میں پانچ ماہ قبل اعظم خان ولد موسیٰ خان کے بیٹے قاسم خان کو فائرنگ کر کے قتل کر دیا گیا تھا جس کی دعویداری مجاہد خان ولد سلیم خان پر عائد کی گئی، پولیس نے ملزم پر 302 کا مقدمہ درج کیا، کیس ڈی آر سی حویلیاں کے پاس پہنچا جس پر ڈی آر سی حویلیاں کے چیئرمین سلیم خان جدون، ڈپٹی کنوینئر وقار احمد خان جدون سمیت پوری تنظیم نے اپنا کردار ادا کیا اور دونوں فریقین کو ایک پلیٹ فارم پر اکٹھا کیا۔ گذشتہ روز ایک بڑے جرگہ جس میں عثمان خان، حنیف خان، خان بہادر خان، جمعہ خان، عدالت خان، مجتبیٰ خان سمیت چیئرمین سلیم خان، وقار احمد خان، علی اصغر خان علاقہ کی معتبر شخصیات شریک تھیں، نے دونوں فریقین کے درمیان راضی نامہ کروا دیا۔ اس موقع پر اعظم خان نے اپنے بیٹے کا خون اللہ کی رضا کیلئے جرگہ کے روبرو معاف کر دیا۔
دیامر میں اشتہاریوں کے خلاف پولیس کا کامبنگ آپریشن جاری
گلگت۔ ضلع دیامر کے مختلف مقامات میں اشتہاریوں کے خلاف پولیس کامبنگ آپریشن کا سلسلہ جاری ۔ایس پی دیامیر شیرخان کی قیادت میں ایس ایچ او داریل اور اس کی ٹیم نے سپیشل برانچ کی خفیہ اطلاع پر چھائے مار کر مزید چار مجرمان اشتہاریوں کو گرفتار کرلیا۔ تفصیلات کے مطابق تھانہ داریل کو مطلوب ایف آٸی آرنمبر 14/20 دفعہ /506/337f/324/341 میں ملوث مجرمان اشتہاری حکیم خان،شیربہادر ولد مصرخان عبدالمالک ولد حکیم خان امتیاز ولد بہادر ساکنان پھوگچ داریل کو گرفتار کرکے حوالات منتقل کردیا گیا ہے۔۔رواں ہفتے کامبنگ آپریشن میں درجنوں اشتہاری گرفتار ہوچکے ہیں ۔ایس پی دیامر نے کہا کہ تمام مفرور اشتہاریوں کی گرفتاری تک اپریشن کا سلسلہ جاری رہے گا۔
