Author: Regional News

بالاکوٹ کے علاقہ جگن سے بالاکوٹ آنے والی جیپ حادثہ کا شکار ھو گئی۔جیپ میں سوار4 خواتین سمیت 13 افراد زخمی زخمی ہونے والوں میں 5 کی حالت نازک بالاکوٹ شدید زخمیوں کو مانسہرہ ریفر کر دیا گیا۔

حویلیاں، پاکستان تحریک انصاف خواتین ونگ ہزارہ ڈویژن کی صدر اور ممبر صوبائی اسمبلی مومنہ باسط نے کہا کہ پاک فوج کی قربانیاں پوری قوم کے لئے قابل فخر ہیں، شمالی وزیرستان کے علاقے تربت میں دہشت گردی کے حملے میں شہید ہونے والے نوجوان قوم کا اثاثہ ہیں ان خیالات کا اظہار انہوں حویلیاں کے گاؤں کالومیرا کے رہائشی پاک فوج کے جوان نوید خان کی شہادت پر اس والدین سے اظہار تعزیت کرتے ہوئے کیا اس موقع پر انہوں نے شہید نوید خان آف کالومیرا کی قبر پر پھولوں کی چادر چڑھائی اور فاتحہ خوانی کی میڈیا سے گفتگو کرتے ہوئے مومنہ باسط نے کہا کہ شمالی وزیرستان میں دہشت گردی کا شکار ہونے والے پاک فوج کے جوان پوری قوم کے لئے قابل فخر ہیں پاک فوج 22 کروڑ عوام کی جان مال اور سرحدوں کی حفاظت میں لازوال قربانیاں پیش کر رہی ہے جس پر پوری قوم ان کو خراج تحسین پیش کرتی ہے انہوں نے شہید نوید خان کے ورثاء کو صوبائی حکومت کی طرف سے مکمل تعاون کا یقین دلایا ممبر صوبائی اسمبلی مومنہ باسط کے ہمراہ تحریک انصاف کے مقامی رہنما افتخار احمد خان،سردار احمد زیب، خواجہ فصیح الرحمن لون، خواجہ یاسرمحمود،سفیرخان جدون اور ملک نعیم اعوان بھی موجود تھے ۔رپورٹ، خاکسار نثار احمد حویلیاں

ایبٹ آباد۔ 30 جولائی (اے پی پی) ایبٹ آباد کی ضلعی انتظامیہ کی جانب سے عوامی مسائل کے حل کیلئے کھلی کچہری یکم اگست کو گورنمنٹ ہائی سکول چمہٹی میں منعقد ہو گی، تمام محکموں کے سربراہان کھلی کچہری میں شرکت کریں گے۔ تفصیلات کے مطابق ضلعی انتظامیہ کے زیراہتمام یکم اگست کو گورنمنٹ ہائی سکول چمہٹی میں کھلی کچہری کا انعقاد کیا جائے گا جس میں تمام ڈپٹی کمشنر ایبٹ آباد عامر آفاق اور تمام محکموں کے سربراہان خصوصی شرکت کریں جس کیلئے تمام تر تیاریاں مکمل کر لی گئی ہیں۔ عوام سے اپیل کی گئی ہے کہ وہ کھلی کچہری میں شرکت کر کے مسائل کی نشاندہی کریں تاکہ انہیں فوری طور پر حل کیا جا سکے

ایبٹ آباد۔ 30 جولائی (اے پی پی) اسسٹنٹ کمشنر نے تحصیل بلڈنگ میں قائم مختلف پٹوار خانوں کا دورہ کر کے حاضری رجسٹر، نوٹس بورڈ اور ریونیو چارٹ سمیت ریکارڈ کا معائنہ کیا۔ تفصیلات کے مطابق محکمہ مال سے متعلق لوگوں کے مسائل کے حل کیلئے ڈپٹی کمشنر ایبٹ آباد عامر آفاق کی ہدایات پر اسسٹنٹ کمشنر عثمان اشرف نے پرانی تحصیل بلڈنگ میں موجود مختلف حلقوں کے پٹوار خانوں کا دورہ کیا جن میں پٹوار حلقہ قصبہ، تاجوال، دوبتھر، دلولہ، دھمتوڑ-1، باغ، ریالہ، چمہڈ اور سیری شیر شاہ شامل ہیں۔ دورہ کے دوران اسسٹنٹ کمشنر نے ریکارڈ کا معائنہ کرنے کے علاوہ، ریونیو سٹاف کی حاضری، نوٹس بورڈ، ریونیو چارٹ وغیرہ چیک کئے۔ انہوں نے تحصیل میں آئے لوگوں سے ان کے مسائل کے بارے میں دریافت کیا، ان کے مسائل سنے اور موقع پر حل کیلئے احکامات جاری کئے۔

ایبٹ آباد۔ 30 جولائی (اے پی پی) تحریک انصاف کے مقامی رہنما مجیب الرحمن خان نے کہا ہے کہ تحریک انصاف کی انقلابی تبدیلی کے خلاف پراپیگنڈے کرنے والے عوام اور پاکستان کے دشمن ہیں، عمران خان نے 70 سالہ کرپشن زدہ پاکستان کو درست سمت لانے کا عہد کر رکھا ہے، تاریخ میں پہلی مرتبہ بڑے بڑے چور جیل کی سلاخوں کے پیچھے ہیں۔ صحافیوں سے بات چیت کرتے ہوئے انہوں نے کہا کہ پاکستان کی عوام عمران خان کی پالیسوں کے ساتھ ہے اور جو لوگ عوام کو حکومت کے خلاف گمراہ کر رہے ہیں وہ اپنی کرپشن کو تحفظ دینا چاہتے ہیں، پاکستان تحریک انصاف کا ورکر آج بھی عمران خان اور تحریک انصاف کے ساتھ ہے اور کسی چور لٹیرے کی سیاسی چال میں نہیں آئے گا۔ مجیب الرحمن جدون نے کہا کہ پاکستان کو عمران خان کی صورت میں ایک مخلص اور ایماندار قیادت ملی ہے جو پاکستان کی عوام کو غربت اور جہالت کے اندھیروں سے باہر نکالنا چاہتا ہے اور مفاد پرست اور کرپشن زدہ سیاست دان ان کے اس وژن کو ناکام بنانے کیلئے ہر حربہ استعمال کر رہے۔ انہوں نے کہا کہ آنے والے بلدیاتی انتخابات میں پارٹی قیادت کے فیصلہ کے مطابق اپنا بھرپور کردار ادا کر کے تحصیل حویلیاں کو ماڈل اور خوشحال بنانے کیلئے انقلابی اقدامات اٹھائے جائیں گے۔

حلال فوڈ اتھارٹی کے افسران نے حویلیاں میں کارروائی کے دوران ناقص صفائی پر ایک ہوٹل اور بیکری سربمہر کر دی
ایبٹ آباد۔ 30 جولائی (اے پی پی) حلال فوڈ اتھارٹی کے افسران نے حویلیاں میں کارروائی کے دوران ناقص صفائی پر ایک ہوٹل اور بیکری سربمہر کر دی، فوڈ اتھارٹی نے صفائی کے ناقص انتظامات اور زائدالمیعاد اشیاء پر متعدد دکانداروں پر جرمانے عائد کئے۔ اسسٹنٹ ڈائریکٹر حلال فوڈ اتھارٹی ایبٹ آباد ڈاکٹر مختیار خان نے بوستان ہوٹل، نیو فائن بیکری، شکیل پکوڑہ شاپ اور ریاض کباب شاپ کے مالکان پر بھاری جرمانے عائدکر کے دکانوں کو سیل کر دیا۔ اس موقع پر صحافیوں سے بات چیت کرتے ہوئے انہوں نے کہا کہ فوڈ اتھارٹی کی طرف سے متعدد بار وارننگ جاری کرنے کے باوجود صفائی اور دیگر حفاظتی اقدامات نہ کرنے والوں کے خلاف قانون کے مطابق کارروائی کی گئی ہے۔ حلال فوڈ اتھارٹی کسی بھی صورت عوام کی دی جانے والی اشیاءِ خوردونوش کی کوالٹی پر سمجھوتہ نہیں کرے گی