ایبٹ آباد : تحریک ِ صوبہ ہزارہ نے بلدیاتی انتخابات میں بھرپور حصہ لینے کا اعلان کر دیا،ویلج کونسل سے لیکرتحصیل نظامت تک اپنے پارٹی اُمیدوار کھڑے کریں گے،شہداءِ تحریک ہزارہ کی قربانیوں کو مٹنے نہہیں دیں گے باباحیدرزمان ہزارہ کی شناخت تھا ان خیالات کا اظہارچیئرمین تحریک صوبہ ہزارہ سردارگوہرزمان خان،سرپرستِ اعلیٰ سلطان العارفین خان جدون،صوبائی صدرصابرخان جدون،ڈپٹی سیکریٹری جنرل گل زیب خان،فنانس سیکریٹری غلام محمد،سردارخالد گوہرخان،سردارکلیم،سردارواجدخان،سردارنیامت خان اور دیگر نے ہزارہ ہاؤس دیوال میں مشاورتی اجلاس سے خطاب کرتے ہوئے کیا سردار گوہرزمان خان نے کہا کہ تحریک صوبہ ہزارہ کسی بڑی پارٹی کا حصہ بننے کی بجائے اپنی شناخت اور صوبہ ہزارہ کی تکمیل کے لئے سیاست کا کوئی میدان خالی نہیں چھوڑے گی انہوں نے کہا کہ شہداءِ ہزارہ کے خون کا سودا کرنے والوں کو قوم کبھی معاف نہیں کرے گی جب بابا حیدرزمان نے عمران خان کے ایبٹ آباد جلسہ کے خلاف دھرنا دینے کا اعلان کیا تھا تو تحریک انصاف کے قائدین نے موجودہ سپیکر قومی اسمبلی اسدقیصر کی قیادت میں تحریری معاہدہ کیا تھا کہ شہداءِ ہزارہ کا مقدمہ درج کیا جائے گا اور ان کے خاندان کو مالی امداد بھی دی جائے گی لیکن ہزارہ کے تحریک انصاف کے رہنما ؤں نے آج تک اس پر عمل نہیں کیا سردارگوہرزمان خان نے کہا کہ صوبہ ہزارہ کا قیام ایک اٹل حقیقت ہے اور صوبہ ہزارہ سے پہلے پاکستان میں کوئی صوبہ نہیں بننے دیں گے انہون نے کہا کہ تحریک صوبہ ہزارہ کویونین کونسل کی سطح تک منظم کریں گے اور آنے والے بلدیاتی انتخابات میں ویلج کونسل سے لے کر تحصیل چیئرمین شپ تک حصہ لیں کر صوبہ ہزارہ کے مشن کو آگے بڑھائے گے سرپرست اعلیٰ تحریک صوبہ ہزارہ سلطان العارفین خان نے کہا کہ صوبہ ہزارہ سے منحرف ہونے والے عوام اور دھرتی کے دشمن ہیں جن لوگوں نے صوبہ ہزارہ کے نام پر سیاست کر کے مفادات حاصل کئے ان کے کردار سے ہزارہ کے عوام آگاہ ہیں انہوں نے کہا کہ تحریک صوبہ ہزارہ کسی بڑی سیاسی پارٹی کا دم چھلہ نہیں بنے گی بلکہ اپنے پلیٹ فارم سے صوبہ ہزارہ سمیت ہزارہ کے حقوق کی جنگ لڑیں گے انہوں نے کہا کہ بابا حیدرزمان خان مرحوم کے مشن کے لئے کسی قربانی سے دریغ نہیں کریں گے اور ہر موقع پر ہزارے وال قوم کر ترجمانی کریں گے مشاورتی اجلاس میں ایبٹ آباد،حویلیاں،گلیات اور لورہ سرکل کے نمائدوں اور کارکنوں نے شرکت کی۔
Author: Regional News
ڈی پی او ہری پور کی ہدایت پرپولیس سرچ اینڈ سٹرائیک آپریشن غیر قانونی اسلحہ کے خلاف کاروائیاں
ڈی پی او ہری پور ڈاکٹر زاہد اللہ(پی ایس پی) کی ہدایت پر ڈی ایس پی ہیڈ کوارٹر افتخار احمد کی نگرانی میں ایس ایچ او تھانہ سرائے صالح منیر خان کا ہمراہ ایڈیشنل ایس ایچ او تھانہ سرائے صالح غضنفر شاہ، اے ایس آئی صدیق احمد اور دیگر نفری پولیس و لیڈی پولیس کے حدود تھانہ میں سرچ اینڈ سٹرائیک آپریشن دوران سرچ اینڈ سٹرائیک آپریشن کل 80/90 گھروں چیکنگ کی گئی۔ غیر قانونی اسلحہ کے خلاف کاروائیاں کرتے ہوئے 2 عدد رپیٹر 12 بور، 1 عدد بندوق 12 بور، رائفل 3 عدد، 01 عدد پستول 30 بور اور مختلف بور کے 110 عدد کارتوس برآمد کرکے اسلحہ آرڈیننس کے تحت مقدمات درج۔ دیگر کاروائی 2 مجرمان اشتہاری اور 1 منشیات فروش کے گھر پر چھاپہ زنئی کی گئی۔ دوران سرچ کل 20 عدد موٹر سائیکل کی چیکنگ کے دوران 1 عدد موٹر سائیکل قبضہ پولیس کیا گیا۔ 54/109 کے تحت 20 افراد کے خلاف انسدادی کاروائی کی گئی
تلہ گنگ: شارٹ سرکٹ سے گھر کا سازوسامان جل کر راکھ ہو گیا
تلہ گنگ میں شارٹ سرکٹ سے گھر کا سازوسامان جل کر راکھ ہو گیا۔تفصیلات کے مطابق گزشتہ روزانسپکٹر (ر) چونگی ٹی ایم اے تلہ گنگ سید مجاہد حسین شاہ کے گھر میں شارٹ سرکٹ کی وجہ سے آگ نےلپیٹ میں لے لیا، اطلاح ملتے ہی فائر برگیڈ کی گاڑی موقع پر پہنچ گئی لیکن گلی تنگ پونے کی وجہ سے فائر برگیڈ کی گاڑی گھر تک نہ پہنچ سکی اہل محلہ اور فائر برگیڈ کے عملہ نے آگ بجھانے کی بھر پور کوشش کی دو گھنٹوں کی مسلسل کوشش کے بعد آگ پر قابو پا گیا لیکن تب تک گھر کا سب سامان جل گیا۔ سید امجد حسین شاہ نے وزیر اعظم پاکستان ، وزیر اعلیٰ پنجاب اور دیگر ارکان اسمبلی سے اپیل کی ہے کہ شارٹ سرکٹ سے میری جمع پونجی اور بچی کا جہیز کا سامان جل گیا ہے اور جس مکان میں رہائش پذیر ہوں یہ بھی کرایہ کا ہے۔ لہذا میرے ہونے والے نقصان کو پورا کرنے میں ہر ممکن مدد کی جائے تاکہ میں اپنی اولا د کا پیٹ پا ل سکوں۔
چکوال میں پنجاب فوڈ اتھارٹی نے چھ دکانیں سیل کر دیں
چکوال میں پنجاب فوڈ اتھارٹی نے بڑی کاروائی عمل میں لائی، جس میں شہر میں موجود مختلف دکانوں پر چھاپے مارے گئے اور اس دوران گٹے کی کثیر تعداد پائی جانے والی چھ دکانوں کو سیل کردیا گیا۔ پنجاب فوڈ تھارٹی نے بتایا کہ گٹکے و دیگر مضر ایشاء کی فروخت کسی صورت برداشت نہیں کی جائے گی اور اس حوالےسے ضلع چکوال کے ہر علاقے میں فوڈ اتھارٹی نے کاروائیاں مزید تیز کردیں کیونکہ نوجوانوں کی بڑی تعداد اس طرح کی مضر اور نشہ آور اشیاء کے استعمال سے ذہنی اور جسمانی طور پر خراب ہورہی ہے۔
تھانہ سمبڑیال کے علاقہ ڈھلم بلگن میں طلاق کے تنازعہ پر خاوند نے فائرنگ کرکے بیوی کو قتل کردیا
سیالکوٹ (نمائندہ باغی ٹی وی )تھانہ سمبڑیال کے علاقہ ڈھلم بلگن میں طلاق کے تنازعہ پر خاوند نے فائرنگ کر دی بیوی جانبحق ہو گئی جبکہ مقتولہ صدف کی بہن مقدس اور اسکا منگیتر عباس شدید زخمی ہو گئے ہیں زرائع کے مطابق ملزم عدنان فائرنگ کرتے ہی موقع سے فرار ہو گیا ہے تھانہ سمبڑیال میں مقدمہ درج ہونے کے بعد پولیس نے ملزم کی تلاش شروع کردی ہے مگر پولیس ملزم کو گرفتار میں تاحال کامیاب نہیں ہوسکی ہے
سیالکوٹ کی معروف لیدر فیکٹری کے سینکڑوں ورکرز کو تنخواہ نہ ملنے پر فیکٹری مالکان کے خلاف روڈ بلاک کر کے شدید احتجاج
سیالکوٹ (نمائندہ باغی ٹی وی) سیالکوٹ کی معروف لیدر فیکٹری کے سینکڑوں ورکرز کا فیکٹری مالکان کے خلاف روڈ بلاک کر شدید احتجاج مظاہرین کا کہنا ہے کہ کئی ماہ سے انکو تنخواہیں نہیں دی گئی فیکٹری میں کام کرنے والے سینکڑوں ورکرز نے کہا کہ گزشتہ 3 سے 4 ماہ سے تنخواہوں کا سلسلہ بند کردیا گیا ہے لیکن کام کروانے میں کسی بھی صورت کمی واقع نہیں ہوئی ہے ہم حکومت سے مطالبہ کرتے ہیں ہمارے مسئلے پر نظرثانی کی جائے وگرنہ جب تک ہمارا مسئلہ حل نہیں ہوگا ہم یہ روڈ بلاک رکھیں گے زرائع کے مطابق
فیکٹری مالکان کا تعلق پاکستان تحریک رہنما سے ہے
ساہووالہ روڈ پر ٹریفک کی آمد و رفت بند ہو گئی
سیلاب سے نمٹنے کے لیے تیاری شروع کر دی گئی
جھنگ(نمائندہ باغیtv)ڈپٹی کمشنر جھنگ محمد طاہر وٹو نے متوقع سیلابی صورتحال کے پیش نظر نشیبی علاقوں میں انتظامات مکمل کرنے کی ہدایات جاری کر دیں۔متعلقہ محکموں کو فوری طور پر فلڈ ریلیف پلان رپورٹ کرنے کی ہدایت دریائے جہلم میں پانی کا بہاﺅ اور اخراج باقاعدگی سے مانیٹر کیا جا رہا ہے فی الحال دریاﺅں میں پانی معمول کے مطابق بہہ رہا ہے.
ان کا کہنا تھا کہ عوام کے جان و مال کی حفاظت ہماری اولین ترجیحات ہیں۔سکیورٹی کے پیش نظر پولیس لائن میں ڈرائیونگ ٹیسٹ کو فی الفور ختم کیا جائے سابق صدر ڈسٹرکٹ بار ایسویس ایشن شاہد میر
سیالکوٹ (نمائندہ باغی ٹی وی) سابق صدر ڈسٹرکٹ بار ایسویس ایشن شاہد میر ایڈووکیٹ ہائی کورٹ کا کہنا ہے کہ ضلع میں پولیس لائن کو حساس ترین مقام تصور کیا جاتا ہے اور وہاں پر پولیس کی اضافی نفری سمیت سرکاری اسلحہ و دیگر قیمتی سامان ہوتا ہے شاہد میر ایڈووکیٹ ہائی کورٹ کا کہنا ہے کہ چند روز قبل پولیس لائن میں ڈرائیونگ لائسنس کے حصول کے لئے روزانہ درجنوں افراد ڈرائیونگ ٹیسٹ دینے گاڑیوں پر آتے ہیں جس سے غیر متعلقہ افراد کا پولیس لائن میں آنے سے پولیس لائن غیر محفوظ تصور کی جانے لگی ہے شاہد میر کا کہنا ہے کہ سابق ڈی پی او ڈاکٹر عابد خان نے پولیس لائن میں واقع مسجد کا پاکپورہ میں کھلنے والا گیٹ سیکورٹی وجوہات کی بنا پر بند کروا دیا تھا اور نماز کی ادائیگی کے لئے آنے والے افراد پولیس لائن کے مرکزی گیٹ سے اندر داخل ہوتے تھے اب روزانہ غیرمتعلقہ افراد کے آنے سے پولیس لائن میں کوئی بڑا حادثہ رونما ہو سکتا ہے انہوں نے مطالبہ کیا ہے کہ پولیس لائن میں ڈرائیونگ ٹیسٹ کو فی الفور ختم کیا جائے اور اسکے لئے کوئی اور جگہ مختص کی جائے
ریاستی اداروں کے خلاف مغلضات بکنے والوں کے خلاف کریک ڈاؤن جاری
بہاولپور پاک فوج اور ریاستی اداروں کے خلاف سوشل میڈیا پر مغلضات بکنے اور غلط الفاظ استعمال کرنے والے ذوالقرنین شیخ کے خلاف FIR درج کرلی گئی۔ایف آئی آر تھانہ کوتوالی میں درج کی گئی اور ملزم کو جامع مسجد الصادق بہاولپور کے قریب ایک دوکان سے گرفتار کر لیا گیا۔
پنجاب فوڈ اتھارٹی کی کاروائی دو فوڈ پوائنٹس کو جرمانے۔
حافظ آباد(نمائندہ باغی ٹی وی)پنجاب فوڈ اتھارٹی کی ٹیم نے بدبودار کوکنگ آئل استعمال کرنے پر ایک ریسٹورنٹ کا کچن سیل کردیا جبکہ ناقص اور غیر معیاری خوراک کی فراہمی پر دو فاسٹ فوڈ پوائنٹس کو ھزاروں روپے کے جرمانے کرتے ہوئے متعدد کو نوٹسز جاری کردیئے۔ فوڈ اتھارٹی کے علم میں یہ بات آئی تھی کہ حافظ آباد شہر اور اسکے گردونواح میں متعدد فوڈ ریسوٹرنٹ ناقص اور غیر معیاری اشیاء تیار کررہے ہیں جبکہ انکے ہاں صفائی ستھرائی کے انتظامات بھی نہایت ناقص ہیں۔ جس پر فوڈ اتھارٹی کی ٹیموں نے دو فوڈ پوائنٹس کو جرمانے کرنے کے ساتھ ساتھ درجنوں کو حفظان صحت کے اصولوں کی خلاف ورزی کرنے پر نوٹسز بھی جاری کردیئے۔
