افظ آباد(نمائندہ باغی ٹی وی)حافظ آباد میں فوڈ اتھارٹی کے اہلکاران اور افسران ناقص اور مضر صحت دودہ، دہی کی سرعام فروخت کو روکنے میں مکمل ناکام ہوگئے۔ شہر کے گردونواح میں جگہ جگہ دودھ سے کریم نکالنے والی مشینوں کی بھرمار نے رہی سہی کسر نکال دی۔ گوالے دودہ میں مضر صحت اور مختلف کیمکلز ملا کر فروخت کرنے لگے۔ تفصیلات کے مطابق حافظ آباد شہر کے گردونواح میں دودہ سے کریم نکالنے والی مشینیں جگہ جگہ لگی دیکھائی دیتی ہیں جہاں پر گوالے ہر روز منوں کی تعداد میں دودہ لاکر کریم نکلواتے ہیں اور پھر اس کریم کو فروخت کرنے کے بعد وہ کریم نکلے دودھ میں مضر صحت اشیاء اور کیمیکلز ملاکر اسے شہر بھر میں سرعام فروخت کررہے ہیں۔جس سے شہریوں میں معدے اور جگر سمیت دیگر خطرناک امراض میں تیز ی سے اضافہ ہورہاہے لیکن فوڈ اتھارٹی اور ضلعی انتظامیہ کے افسران آج تک شہر اور اسکے گردونواح میں مضر صحت دودہ دہی کی فروخت کو نہ روک سکے ہیں۔ جس پر شہریوں نے شدید احتجاج کرتے ہوئے فوڈ اتھارٹی کے اعلیٰ حکام اور صوبائی حکومت کے ارباب اختیار سے مطالبہ کیا ہے کہ حافظ آباد شہر اور اسکے گردونواح میں مضر صحت اورکیمیکل ملے دودہ کی سرعام فروخت کے خلاف فوری مہم چلا کر اس میں ملوث گوالوں، دوکانداروں کو شکنجے میں لاکر عبرت کا نشان بنایا جائے۔
Author: Regional News
معمر افراد انگوٹھے کے نشانات مٹ جانے سے بینکوں میں بائیو میٹرک پراسس نہ ہونے کے باعث پریشان ہوکر رہ گئے۔
حافظ آباد(نمائندہ باغی ٹی وی)بینکوں میں کھاتہ رکھنے والے متعدد معمر افراد اور پینشنرز انگوٹھے کے نشانات مٹ جانے سے بینکوں میں بائیو میٹرک پراسس نہ ہونے کے باعث پریشان ہوکر رہ گئے۔ متاثرہ افراد نے شدید احتجاج کرتے ہوئے کہا کہ بوڑھاپے کے باعث انکے انگوٹھے کے نشانات مٹ چکے ہیں جب وہ بینکوں میں بائیو میٹرک پراسس کے لئے جاتے ہیں تو مشین انکے نشان انگوٹھا کو قبول نہیں کرتی جس کی وجہ سے نہ تو انہیں چیک کے ذریعے پیسے دیئے جارہے ہیں اور نہ ہی اے۔ٹی۔ایم کے ذریعے انکے پیسے نکل رہے ہیں بلکہ بائیو میٹرک پراسس نہ ہونے کے باعث انکے اکاونٹ بلاک کردیئے گئے ہیں۔ 70/72برس کے ان معمر افراد نے شدید احتجاج کرتے ہوے کہا کہ بوڑھاپے میں جب انہیں بیماریوں نے گھیر رکھا ہے انہیں پینشن اور اپنے بینک میں جمع پیسیوں کی اشد ضرورت ہے چنانچہ انکا بائیو میٹرک پراسس انکے شناختی کارڈ سے کیا جائے تاکہ انکے بینکوں میں بلاک کئے گئے اکاؤنٹ بحال ہوسکیں۔
حافظ آباد محلوں اور شاہراہوں پر کوڑے کرکٹ کے ڈھیر دیکھائی دینے لگے-
حافظ آباد(نمائندہ باغی ٹی وی)میونسپل کمیٹی حافظ آباد کی صفائی ستھرائی کی مشینری اور رکشہ جات ناکارہ ہونے کی وجہ سے گلی، محلوں اور شاہراؤں پر کوڑے کرکٹ کے ڈھیر دیکھائی دینے لگے۔ جس سے شہری پریشان ہوکر رہ گئے۔ تفصیلات کے مطابق حافظ آباد شہر کی بڑھتی ہوئی لاکھوں کی آبادی کے لئے جہاں خاکروب کم ہوکر رہ گئے ہیں وہاں کمیٹی کی جانب سے عرصہ دراز سے کوڑے کرکٹ کو اٹھانے کے لئے نہ تو نئی مشینری خریدی جارہی ہے اور نہ ہی رکشہ جات۔ اس وقت شہر میں کوڑا کرکٹ اٹھانے کے لئے صرف پانچ رکشہ جات موجودہیں جو چھکڑہ بنے دیکھائی دیتے ہیں۔ علاوہ ازیں گندگی و غلاظت کے ڈھیروں کو اٹھانے کے لئے چلنے والے ٹریکٹر اور لوڈر بھی ناکارہ ہوچکے ہیں۔ ان حالات میں شہریوں نے ڈپٹی کمشنر اور دیگر ارباب اختیار سے مطالبہ کیا ہے کہ میونسپل کمیٹی جو شہریوں کے ہے ایک سفید ہاتھی بن چکی ہے۔ یہاں پر شہر کی صفائی ستھرائی کے لئے کم ازکم 400خاکروب اور سینٹری ورکرز کو بھرتی کیا جائے اور خراب پڑی مشینری کی مرمت کروانے کے ساتھ ساتھ کوڑے کرکٹ کے ڈھیروں کو اٹھانے کے لئے مزید نئے رکشہ جات اور ٹریکٹر و لوڈرز خریدے جائیں تاکہ شہر بھر میں صفائی ستھرائی کا نظام بہتر ہوسکے۔
حافظ آباد نوجوان کی نعش چار روز بعد نہر سے نکال لی گئی۔
حافظ آباد(نمائندہ باغی ٹی وی)حافظ آباد کے نواحی گاؤں چک کھرل کے 22سالہ نوجوان کی نعش چار روز بعد نہر سے نکال لی گئی۔ قریباً چار روز قبل احمد رضا کا جواں سال بیٹا مجاہد نہر میں ڈوب کر جاں بحق ہوگیا تھا۔جس پر ریسکیو 1122کی ٹیموں نے چار روز کی تگ ودو کے بعد نعش کو نہر سے نکال لیا اور بعدازاں متوفی کو آہوں اور سسکیوں میں مقامی قبرستان میں سپرد خاک کردیا گیا۔
سیالکوٹ ٹورسٹ بس سروس کے ماسٹر ٹرمینل کا سنگ بنیاد رکھ دیا گیا
باغی ٹی وی کی رپورٹ کے مطابق سیالکوٹ میں 40 لاکھ روپے کی لاگت سے سیالکوٹ ٹورسٹ بس سروس کے ماسٹر ٹرمینل کا سنگ بنیاد رکھ دیا گیا ، پرائیویٹ پبلک پارٹنر شپ کے تحت بس سروس کا ماسٹر ٹرمینل 5اگست تک مکمل کرلیا جائے گا۔ یہ بات ڈپٹی کمشنر سیالکوٹ سید بلال حیدر نے ہمراہ ڈائریکٹر نظام اینڈ سنز امین احسن کے آج سپورٹس کمپلیکس پسرور روڈ پر سیالکوٹ ٹورسٹ بس سروس کے ماسٹرٹرمینل کے افتتاح کے بعد میڈیا سے خطاب کرتے ہوئے بتائی۔ اے ڈی سی فنانس اینڈ پلاننگ چودھری عبدالروف ، اسسٹنٹ کمشنر سیالکوٹ احمد سعید منج ، ڈی او انفارمیشن سیالکوٹ شہزاد احمد ورک ، ڈسٹرکٹ سپورٹس آفیسر سیالکوٹ عمران بٹ ،سیکرٹری ڈی آر ٹی اے اور مینیجرسیالکوٹ جاب بیورو ذوالقرنین ساہی بھی موجود تھے ۔
ڈپٹی کمشنر سیالکوٹ سید بلال حیدر نے کہاکہ سیالکوٹ ٹورسٹ بس سروس ،لاہو ر ٹورسٹ بس سروس کی طرز کا منصوبہ ہے لیکن اس منصوبے کی خاص بات یہ ہے کہ پرائیویٹ پبلک پارٹنر شپ کے تحت مکمل کیا جائے گا۔ انہوں نے کہاکہ ماسٹر ٹرمینل جو کہ نظام اینڈ سنز پرائیویٹ لمیٹڈ کی جانب سے سپانسر کیا ہے اس طرح سیالکوٹ ٹورسٹ بس سروس کی 14 مختلف ٹرمینل بھی مختلف مقامی کمپنیوں کے تعاون سے تعمیر کئے جائیں گے جبکہ 2منزلہ ٹورسٹ بس کی تیاری پر 3کروڑ روپے لاگت آئے گی ۔ انہوں نے کہاکہ سیالکوٹ ٹورسٹ بس سروس کی بدولت سیالکوٹ میں ٹورازم کو فروغ حاصل ہوگا اور 4گھنٹے میں یہ بس سیالکوٹ کے تاریخی اور تفریحی مقامات کی سیر کروائے گی ۔
ڈائریکٹر نظام اینڈ سنز امین احسن نے کہاکہ سیالکوٹ ٹورسٹ بس سروس شہریوں کی تفریح کا بڑا منصوبہ ہے اور ڈپٹی کمشنر سیالکوٹ سید بلال حیدر کا احسن اقدام ہے جس کا سیالکوٹ کی برنس کمیونٹی بھرپور خیرمقدم کرتی ہے ۔ انہوں نے کہاکہ سیالکوٹ کی بزنس کمیونٹی کا یہ طرہ امتیاز رہا ہے کہ وہ ہمیشہ حکومت کے شابہ بشانہ عوام کے وسیع تر مفاد میں فلاحی و ترقی کے منصوبوں میں بڑھ چڑھ کر حصہ لیتی ہے۔ اس منصوبے کی تکمیل سے سیالکوٹ کی نیک نامی میں اضافہ ہوگا۔ ڈی آئی او سیالکوٹ شہزاد احمد ورک نے بتایا کہ ٹورسٹ بس سروس کا بڑوں کیلئے 400روپے جبکہ اسٹوڈننس کیلئے ٹکٹ کا کرایہ 200روپے تجویز کیا گیا ہے جبکہ معمر بزرگ ، اسپیشل پرسن اور شیر خوار بچوں کیلئے فری ٹکٹ ہوگی ۔
ساہیوال:عوام بڑی مشکل میں پھنس گئی۔۔۔۔۔
ساہیوال:500 کے وی گرڈ اسٹیشن یوسف والا سے شہر کے تمام میپکو گرڈ سٹیشنز کو بجلی کی فراہمی معطل،بروقت پیشگی اطلاع جاری نہ ہوسکنے کی بناء پر عوام شدید مشکلات کا شکار،معمولات زندگی درہم برہم،بجلی کی فراہمی مرمتی کام کی وجہ سے معطل کی گئی،گرڈ حکام
تفصیلات کے مطابق آج علی الصبح ہی ساہیوال کے نواحی علاقے یوسف والا میں قائم 500کے وی گرڈ اسٹیشن سے ساہیوال کے تمام 132کےوی گرڈ اسٹیشنز کو بجلی کی فراہمی یکدم معطل کردی گئی،جس کی وجہ سے عوام الناس کو شدید مشکلات کا سامنا کرنا پڑا،گھروں میں پانی ناپید ہوگیا،لوگ سب کچھ بھول کر پانی کی تلاش میں مارے مارے پھرتے رہے گھروں میں خواتین ناشتہ تیار کرنے سے قاصر رہیں،اسی وجہ سے بہت سے ملازمین دفاتر میں جانے سے رہ گئے یا تاخیر سے پہنچے،جبکہ ڈی اے ای کے سالانہ امتحانات میں شرکت کرنے والے طلباء بھی شدید متاثر ہوئے،جمعہ کے دن بجلی بند ہونے سے عوام الناس نہانے دھونے سے بھی رہ گئے،گرڈ حکام کے مطابق معمول کے مرمتی کام کی وجہ سے ہونے والی بجلی کی یہ بندش طے شدہ تھی اور اس سے میپکو حکام کو آگاہ کردیا گیا تھا تاہم عوام الناس کے بقول انہیں نہ تو کسی بھی طرح سے کوئی پیشگی اطلاع دی گئی اور نہ ہی کوئی متبادل انتظام کرنے کا کہا گیا،جبکہ مقامی صحافیوں کو بھی بار بار پوچھنے پر ایس ڈی او نے انتہائی تاخیر کے ساتھ صورتحال کے متعلق آگاہ کیا،ان کا کہنا تھا کہ بس بار کنڈیکٹر کی تبدیلی کے پیش نظر یہ تعطل لگ بھگ 17 گھنٹے جاری رہے گا،این ٹی ڈی سی کی ٹیم جانفشانی سے کام کر رہی ہے اور کوشش ہے کہ کم سے کم وقت میں سارا کام مکمل ہوجائے،اس دوران شہر کو متبادل ذرائع سے وقفے وقفے سے بجلی کی فراہمی کی جاتی رہے گی،واضح رہے کہ بجلی کی تقسیم کار ان کمپنیوں کے پاس ایسی صورتحال میں عوام الناس کو قبل ازوقت اطلاع نہ دینا معمول بنتا جارہا ہے،آج پیدا ہونے والی ساری صورتحال کے ذمہ دار این ٹی ڈی سی حکام ہیں یا میپکو کے ذمہ داران یہ تو شاید معلوم نہ ہوسکے لیکن بجلی کی اس عارضی بندش نے عوام الناس کو شدید مشکلات کا سامنے کرنے پر مجبور کرکے بجلی اور واپڈا کی قدر و قیمت ضرور اجاگر کردی ہے
گلگت بلتستان شدید بارش کی لپیٹ نقصانات اندازے سے باہر
، ضلع شگر میں لینڈ سلائڈنگ ہیوی فلڈ کے باعث بہت سارے مکانات اور فصلیں تباہ کثیر تعداد میں مویشیاں بھی دب گئے اطلاع کے مطابق باپ اپنے بیٹے کو بچاتے ہوئے سلابی ریلے میں دب کر جانبحق ہو گئے ہیں .
گلگت بلتستان کے دیگر علاقوں سے بھی سیلاب اور تباہ کاریوں کے اطلاع ہیں، صوبائی حکومت کی طرف امدادی سامان متاثرہ خاندانوں تک پہنچایا دیا گیا۔
اللہ تعالی سب کے مشکلات آسان فرمائے.موٹروے ایم ٹو سکھیکی سروس ایریا کے قریب تیز رفتار بس الٹ گئی۔
پنڈی بھٹیاں(نمائندہ باغی ٹی وی) موٹروے ایم ٹو سکھیکی سروس ایریا کے قریب تیز رفتار بس الٹ گئی۔ حادثہ میں دو خواتین سمیت پانچ افراد جاں بحق جبکہ 15 سے زائد افراد زخمی۔ حادثہ بس کا ٹائر پھٹنے کی وجہ سے بے قابو ہو کر الٹ گئی۔ بس راوپنڈی سے لاہور جا رہی تھی۔ لاشوں اور زخمیوں کو ٹی ایچ کیو ہسپتال منتقل کر دیا گیا
یزمان نوجوان کی نہر میں کود کر خودکشی
بہاولپور کے نواحی علاقے منڈی یزمان میں محمد رفیق نامی لڑکے نے نہر میں چھلانگ لگا کر خود کشی کر لی۔
گھریلو جھگڑا ہونے پر محمد رفیق ڈیزرٹ برانچ کینال یزمان میں کود گیا ۔
تاہم ریسکیو ٹیمیں موقع پر پہنچ گئیں اور لاش کی تلاش شروع کر دی جو کہ تاحال جاری ہے
احمدپور تلخ کلامی پر فائرنگ سے 4 افراد زخمی
احمد پور شرقیہ میں تلخ کلامی پر فائرنگ سے چار افراد شدید زخمی ہو گئے۔
احمد پور شرقیہ کے علاقے کنگن روڈ مارکیٹ میں صفائی پرتلخ کلامی ہوئی جس پر دوکان دار آپس میں لڑ پڑے۔ زخمیوں کو ابتدائی طبی امداد کے بعد بہاولپور بی وی ایچ ریفر کر دیا ۔ پولیس نے موقع پر پہنچ کر کروائی شروع کردی
، ضلع شگر میں لینڈ سلائڈنگ ہیوی فلڈ کے باعث بہت سارے مکانات اور فصلیں تباہ کثیر تعداد میں مویشیاں بھی دب گئے اطلاع کے مطابق باپ اپنے بیٹے کو بچاتے ہوئے سلابی ریلے میں دب کر جانبحق ہو گئے ہیں .