Author: سعد فاروق

برطانوی حکومت نے ملک بھر میں تنخواہوں میں نمایاں اضافے کا اعلان کیا ہے، جس کا اطلاق آئندہ برس اپریل سے ہوگا۔

حکام کے مطابق اس فیصلے کا مقصد کم آمدنی والے افراد کی اجرت کو بڑھتی مہنگائی اور اوسط آمدنی کے معیار سے ہم آہنگ کرنا ہے۔رائٹرز کے مطابق اکیس سال اور اس سے زائد عمر کے ملازمین کی کم از کم فی گھنٹہ اجرت 4.1 فیصد اضافے کے بعد 12.71 پاؤنڈ مقرر کردی گئی ہے۔ اسی طرح 18 سے 20 سال کے ورکرز کی اجرت 8.5 فیصد بڑھا کر 10.85 پاؤنڈ فی گھنٹہ جبکہ 16 اور 17 سالہ نوجوان کارکنوں کی تنخواہ 6 فیصد اضافے کے بعد 8 پاؤنڈ فی گھنٹہ کردی گئی ہے۔ اس اقدام سے 24 لاکھ سے زائد بالغ ملازمین اور تقریباً 3 لاکھ نوجوان ورکرز اور اپرنٹس مستفید ہوں گے۔

فنانس منسٹر ریچل ریوِز کا کہنا ہے کہ کم آمدنی والے افراد کو ان کی محنت کے مطابق معاوضہ ملنا ضروری ہے، اسی لیے اجرت میں اضافہ وقت کی ناگزیر ضرورت تھا۔ حکومتی اعدادوشمار کے مطابق 2019 سے اب تک ملک میں کم از کم اجرت 60 فیصد سے زیادہ بڑھائی جا چکی ہے، تاکہ اسے اوسط قومی آمدنی کے قریب لایا جا سکے۔

دوسری جانب برطانیہ کی ہوٹل اور ریستوران کی صنعت نے اس فیصلے پر اعتراض اٹھایا ہے۔ ان کا مؤقف ہے کہ کاروبار پہلے ہی بڑھتے اخراجات سے نبردآزما ہیں اور اجرت میں مزید اضافہ صارفین کے لیے مہنگائی کا باعث بن سکتا ہے۔ کچھ صنعت کاروں نے یہ خدشہ بھی ظاہر کیا ہے کہ نوجوان اور کم تجربہ کار ملازمین کے لیے روزگار کے مواقع محدود ہو سکتے ہیں۔

پشاور میں گیس پائپ لائن دھماکے سے آگ بھڑک اٹھی

بھارتی ہراسانی سے تنگ کشمیری شہری کی خودسوزی، خاندان انصاف کا متقاضی

اگلے احتجاج میں اجتماعی دم و استخارہ ہوگا، شیر افضل مروت کا انکشاف

مقبوضہ کشمیر میں نیو دہلی دھماکے کے بعد بھارتی فورسز کی کارروائیوں نے ایک المناک سانحے کو جنم دے دیا، جہاں بار بار کی گرفتاریوں اور ہراسانی کے دباؤ سے 55 سالہ بلال احمد وانی نے خود کو آگ لگا لی اور جان کی بازی ہار گئے۔

اہلِ خانہ کا کہنا ہے کہ کبھی وانی کو، کبھی ان کے بیٹوں اور رشتہ داروں کو حراست میں لیا جاتا رہا، جس سے گھر میں شدید ذہنی دباؤ اور خوف پیدا ہوا۔ ان کے مطابق یہ گرفتاریاں غیرمنصفانہ تھیں اور خاندان کا کوئی فرد کسی غیرقانونی سرگرمی میں ملوث نہیں تھا۔ خبر رساں ادارے کے مطابق 14 نومبر کو فریدآباد سے ضبط شدہ کچھ دھماکہ خیز مواد سری نگر کے ایک پولیس اسٹیشن لے جایا گیا، جہاں حادثاتی طور پر وہ دھماکہ ہو گیا اور ہلاکتیں ہوئیں۔ حکام اب بھی تحقیقات کر رہے ہیں، تاہم علاقے کے اعلیٰ پولیس افسر نالین پربھات نے کہا کہ دھماکے کا سبب دھماکہ خیز مواد کے غلط انتظام یا ہینڈلنگ ہو سکتا ہے اور کسی سازش کا کوئی ثبوت نہیں ملا۔

یہ حادثہ نیو دہلی دھماکے سے الگ واقعہ ہے۔ اے پی کے مطابق بھارتی نیشنل انویسٹی گیشن ایجنسی نے دھماکے کے مشتبہ خودکش بمبار کی شناخت عمر النبی کے طور پر کی جو ایک ڈاکٹر تھا۔ اس دوران بھارتی فورسز نے وانی کے خاندان کا گھر بھی منہدم کر دیا تھا۔ پولیس نے مقامی ڈاکٹروں اور تعلیم یافتہ نوجوانوں کے خلاف سخت نگرانی بڑھا دی ہے، جس سے علاقے میں خوف اور عدم تحفظ کے احساسات میں اضافہ ہوا ہے۔

اگلے احتجاج میں اجتماعی دم و استخارہ ہوگا، شیر افضل مروت کا انکشاف

بنگلہ دیش، سابق وزیراعظم شیخ حسینہ کے لاکرز سے 10 کلو سونا برآمد

پاکستان و سعودی عرب کی انسدادِ دہشت گردی فوجی مشق البطار-II مکمل