ملک بھر میں قومی اسمبلی کے 6 اور پنجاب اسمبلی کے 7 حلقوں میں ضمنی انتخابات کے غیر حتمی غیر سرکاری نتائج سامنے آ رہے ہیں۔ ابتدائی نتائج کے مطابق مسلم لیگ (ن) نے 3 قومی اور ایک صوبائی نشست اپنے نام کرلی ہے۔
این اے 129 لاہور میں ن لیگ کے حافظ نعمان نے 63,441 ووٹ لے کر کامیابی حاصل کی جبکہ آزاد امیدوار ارسلان حمد نے 29,099 ووٹ لیے۔ حلقے میں ٹرن آؤٹ 18.67 فیصد رہا۔ڈی جی خان کے این اے 185 میں محمود قادر لغاری 82,413 ووٹوں کے ساتھ کامیاب قرار پائے، پیپلز پارٹی کے سردار دوست محمد کھوسہ 49,262 ووٹوں کے ساتھ دوسرے نمبر پر رہے۔این اے 143 چیچہ وطنی میں مسلم لیگ ن کے محمد طفیل 136,223 ووٹ لے کر کامیاب ہوئے جبکہ آزاد امیدوار ضرار اکبر چوہدری نے 13,120 ووٹ حاصل کیے۔
پنجاب اسمبلی کے حلقہ پی پی 203 ساہیوال میں ن لیگ کے چوہدری حنیف جٹ نے 46,820 ووٹ لے کر کامیابی حاصل کی، آزاد امیدوار فلک شیر ڈوگر 10,975 ووٹوں کے ساتھ دوسرے نمبر پر رہے لاہور، فیصل آباد، ساہیوال اور ڈیرہ غازی خان سمیت متعدد حلقوں میں ن لیگی امیدوار آگے ہیں جبکہ مختلف شہروں میں کارکنان کی جانب سے جشن بھی منایا جا رہا ہے۔قومی اسمبلی کے حلقوں میں این اے 143، این اے 129، این اے 96، این اے 104 اور این اے 185 پر مسلم لیگ ن کے امیدوار واضح برتری یا غیر حتمی طور پر کامیاب قرار پائے ہیں۔ ہری پور کے این اے 18 میں سخت مقابلہ جاری ہے جہاں آزاد امیدوار معمولی مارجن سے آگے ہیں۔
پنجاب اسمبلی کے حلقوں پی پی 203، پی پی 116، پی پی 115، پی پی 98، پی پی 87 اور پی پی 73 میں بھی مسلم لیگ ن کے امیدوار آگے ہیں جبکہ مظفرگڑھ کے پی پی 269 پر پیپلز پارٹی کو سبقت ہے۔مجموعی طور پر پولنگ پرامن رہی اور کسی بڑے واقعے کی اطلاع موصول نہیں ہوئی
افغانستان سے سمگلنگ ،سالانہ 3.4 کھرب روپے کے نقصانات
اقتصادی رابطہ کمیٹی کی تشکیلِ نو کا نوٹیفکیشن جاری
ایشیا کپ رائزنگ اسٹار : پاکستان شاہینز نے تیسری بار ٹائٹل جیت لیا
