Author: سعد فاروق

فلسطین سے تعلق رکھنے والی فلسفہ، سیاست اور معیشت کی طالبہ عروہ حنین الریس کو برطانیہ کی معروف آکسفورڈ یونیورسٹی طلبہ یونین کا صدر منتخب کر لیا گیا ہے۔

آکسفورڈ یونیورسٹی کے طلبہ اخبار کے مطابق عروہ حنین الریس اپریل سے جون 2026 تک صدر کا منصب سنبھالیں گی۔ الریس نے سخت مقابلے میں 757 ووٹ حاصل کیے، جو دوسرے نمبر پر آنے والی امیدوار لزا بارکووا سے 155 ووٹ زیادہ تھے۔عروہ کے والد محمد الریس نے بیٹی کی جیت پر خوشی کا اظہار کرتے ہوئے سوشل میڈیا پر انہیں آکسفورڈ یونین کی پہلی عرب فلسطینی اور الجزائری خاتون صدر قرار دیا۔آکسفورڈ یونین دنیا کی اہم ترین طلبہ مباحثہ سوسائٹیوں میں شمار ہوتی ہے، جو عالمی سیاسی، سماجی اور فکری موضوعات پر اعلیٰ سطحی مقررین کی میزبانی کے لیے مشہور ہے۔

حال ہی میں یہاں بھارت–پاکستان تعلقات پر مباحثہ بھی منعقد ہوا تھا، جس میں بھارتی ارکانِ پارلیمنٹ اور ایک ریٹائرڈ فور اسٹار جنرل نے بھی شرکت کی، تاہم مباحثے کے دوران رواں برس مئی میں پاکستان کے ہاتھوں شکست کے معاملے پر بھارتی وفد نے اجلاس ادھورا چھوڑ دیا تھا۔عروہ حنین الریس نے اپنے بیان میں کہا کہ آکسفورڈ یونین ایک نہایت اہم ادارہ ہے جو مشکل حالات کا سامنا کر رہا ہے۔ ان کے مطابق یونین کو شفاف گورننس، مالی ذمہ داری اور آزادی اظہار کے آخری قلعے کے طور پر اپنی حیثیت برقرار رکھنے کے لیے نئے سرے سے مضبوط آغاز کی ضرورت ہے۔

عروہ یونین کے علاوہ برطانیہ میں پرو فلسطین مظاہروں کی اندرونی جھلک پیش کرنے والی دستاویزی فلم "کشمیر ٹو آکسفورڈ” کی تیاری میں بھی شامل رہی ہیں

سزائے موت،13 سالہ افغان بچے سے قاتل پر گولی چلوا دی گئی

کراچی میں مشتعل افراد کا حملہ، انسدادِ تجاوزات کا ٹرک جل گیا

جنگ زدہ غزہ میں اجتماعی شادی، 54 جوڑوں کی امید بھری شروعات

افغانستان میں سرعام سزائے موت پر عمل درآمد کی ایک ویڈیو منظرِ عام پر آگئی ہے، جس نے عالمی سطح پر شدید ردِعمل پیدا کر دیا۔

افغان اور بین الاقوامی میڈیا کے مطابق یہ واقعہ مشرقِی صوبے خوست کے اسٹیڈیم میں پیش آیا، جہاں قتل کے مجرم منگل کو ہزاروں افراد کی موجودگی میں گولی مار کر ہلاک کیا گیا۔حیران کن طور پر سزا پر عمل 13 سالہ لڑکے سے کرایا گیا، جو مقتول خاندان کا فرد تھا۔افغان طالبان حکام نے بتایا کہ مجرم منگل نے تقریباً دس ماہ قبل خوست کے رہائشی عبدالرحمٰن کے خاندان کے 13 افراد کو بے رحمی سے قتل کیا تھا، جن میں 9 بچے بھی شامل تھے۔ کیس کی کارروائی مقامی عدالت سے ہوتی ہوئی سپریم کورٹ تک پہنچی، جہاں اسے قصاص کے تحت سزائے موت سنائی گئی۔ طالبان کے امیر ہیبت اللہ اخوندزادہ نے اس کی توثیق کی۔

خوست اسٹیڈیم میں تقریباً 80 ہزار افراد موجود تھے، جو سزا کا عمل دیکھنے آئے تھے۔ ویڈیو میں دیکھا گیا کہ اسٹیڈیم کے اندر اور باہر لوگ کھچا کھچ بھرے تھے۔ فائرنگ ہوتے ہی مجمع سے نعرے بلند ہوئے۔افغان سپریم کورٹ کا کہنا ہے کہ مقتول خاندان کو معافی کا اختیار دیا گیا تھا لیکن انہوں نے قصاص کو ترجیح دی۔ مقامی میڈیا کے مطابق 13 سالہ لڑکے سے بھی پوچھا گیا کہ کیا وہ معاف کرنا چاہتا ہے، مگر اس نے انکار کیا اور پھر خود قاتل پر گولی چلائی۔خوست پولیس نے تصدیق کی کہ مجرم نے فیملی کا قتل انتہائی سفاکی سے کیا تھا، اسی لیے اسے سخت سزا دی گئی۔

دوسری جانب اس واقعے پر عالمی سطح پر شدید تنقید ہوئی ہے۔ اقوام متحدہ کے نمائندہ خصوصی رچرڈ بینیٹ نے اسے “غیر انسانی، ظالمانہ اور عالمی قوانین کی خلاف ورزی” قرار دیتے ہوئے طالبان سے سرعام سزائیں روکنے کا مطالبہ کیا۔طالبان حکومت نے تنقید کو مسترد کرتے ہوئے ایک بار پھر سخت شریعت پر عمل درآمد جاری رکھنے کا اعلان کیا۔

خیال رہے کہ 2021 میں دوبارہ اقتدار میں آنے کے بعد یہ طالبان کی جانب سے سرعام 11ویں سزائے موت ہے، جبکہ کوڑے، سنگسار اور دیگر سخت سزائیں بھی دوبارہ نافذ کی جا رہی ہیں، جن پر انسانی حقوق کی تنظیمیں مستقل احتجاج کر رہی ہیں

جنگ زدہ غزہ میں اجتماعی شادی، 54 جوڑوں کی امید بھری شروعات

امریکا میں فائرنگ کا واقعہ: افغان وزیرِ خارجہ کا لاتعلقی کا اعلان

برطانیہ میں 3 ہفتوں میں 12 قیدی غلطی سے رہا، دو تاحال فرار

غزہ کے جنوبی شہر خان یونس میں اس ہفتے ایک غیر معمولی منظر دیکھنے میں آیا، جہاں تباہی اور جنگ کے سائے میں امید کی ایک نئی کرن نے جنم لیا۔ ٹوٹی بکھری عمارتوں کے درمیان ایمان حسن لوہّا اور حکمت لوہّا سمیت درجنوں جوڑے روایتی لباس میں ایک نئے سفر کا آغاز کرتے دکھائی دیے۔

جنگ زدہ ماحول میں ہونے والی اس اجتماعی شادی میں 54 فلسطینی جوڑوں نے شرکت کی، جو دو برس سے جاری تباہی اور مصائب کے باوجود زندگی کی بحالی اور امید کی علامت بن گئے۔27 سالہ حکمت لوہّا نے شادی سے قبل کہا کہ ’’جو کچھ ہم نے دیکھا ہے، اس کے باوجود ہم نئی زندگی شروع کر رہے ہیں۔ اللہ کرے کہ یہ جنگ ختم ہو جائے۔عارضی جنگ بندی کے بعد غزہ میں شادی بیاہ کی روایات آہستہ آہستہ لوٹ رہی ہیں، اگرچہ تقریبات اب پہلے جیسی پرشکوہ نہیں رہیں۔ خان یونس میں فلسطینی جھنڈے لہراتی بھیڑ کا جوش موجود تھا لیکن لوگوں کے چہروں پر جاری بحران کی تھکن بھی نمایاں تھی۔

ایمان اور حکمت سمیت زیادہ تر جوڑے جنگ کے دوران بے گھر ہو چکے ہیں۔ محلے مٹ چکے، غذائی قلت برقرار ہے اور روزانہ نئی بے یقینی ابھرتی ہے۔ دونوں نوجوان دیرالبلح کے قریب ایک قصبے میں پناہ لینے پر مجبور ہوئے، جہاں انہیں خوراک، پانی اور رہائش کے لیے سخت جدوجہد کرنا پڑی۔حکمت کا کہنا تھا،ہم خوش رہنا چاہتے تھے۔ پہلے گھر اور نوکری کا خواب تھا، لیکن اب ایک مضبوط خیمہ بھی بہترین پناہ گاہ لگتا ہے۔‘‘یہ شادی امدادی تنظیم الفارس الشاہم نے متحدہ عرب امارات کی معاونت سے منعقد کی، جس نے نئے شادی شدہ جوڑوں کو تھوڑی مالی مدد اور گھریلو سامان بھی فراہم کیا۔

سماجی ماہر رندا سرحان کے مطابق فلسطینی شادی صرف تقریب نہیں بلکہ ثقافتی علامت ہے۔ ’’ہر نئی شادی اس بات کی علامت ہے کہ تمام تر مشکلات کے باوجود زندگی آگے بڑھ رہی ہے، نسلیں اور یادیں ختم نہیں ہوں گی۔‘‘شادی کا جلوس منہدم عمارتوں کے درمیان سے ہوتا ہوا حماد سٹی پہنچا، جہاں موسیقی، نعروں اور جھنڈوں کے ساتھ جوڑوں کا استقبال کیا گیا۔ایمان حسن، جو روایتی سفید، سرخ اور سبز لباس میں ملبوس تھیں، جشن کے درمیان بھی اپنے غم کو نہیں چھپا سکیں۔ انہوں نے بتایا کہ شادی نے انہیں برسوں کے دکھوں کے بعد ایک چھوٹا سا سکون دیا ہے، مگر یہ خوشی اس درد سے جڑی ہے کہ ان کے والدین اور کئی اہلخانہ جنگ میں جان سے ہاتھ دھو بیٹھے۔

نم آنکھوں سے ایمان نے کہا، ’’اتنے دکھ کے بعد خوش ہونا آسان نہیں۔ لیکن ان شاء اللہ ہم اینٹ پر اینٹ رکھ کر سب کچھ دوبارہ تعمیر کریں گے

امریکا میں فائرنگ کا واقعہ: افغان وزیرِ خارجہ کا لاتعلقی کا اعلان

برطانیہ میں 3 ہفتوں میں 12 قیدی غلطی سے رہا، دو تاحال فرار

ایم ٹی وی کا عالمی میوزک آپریشنز بند کرنے کا اعلان

افغان طالبان کے وزیرِ خارجہ امیر خان متقی نے کہا ہے کہ واشنگٹن ڈی سی میں افغان تارک وطن کی جانب سے نیشنل گارڈ اہلکاروں پر فائرنگ کا واقعہ افغانستان کی عوام یا حکومت سے کسی طور منسلک نہیں۔

خبر رساں ادارے رائٹرز کے مطابق گزشتہ ہفتے واشنگٹن میں پیش آنے والے اس واقعے میں مشتبہ شخص رحمٰن اللہ لکانوال نے مبینہ طور پر نیشنل گارڈ پر فائرنگ کی، جس کے نتیجے میں ایک اہلکار ہلاک اور ایک شدید زخمی ہوا۔2 دسمبر کو رحمٰن اللہ پر قتل سمیت متعدد الزامات عائد کیے گئے، جبکہ وہ اسپتال کے بستر سے ویڈیو لنک کے ذریعے عدالت میں پیش ہوئے۔امیر خان متقی نے کہا کہ یہ واقعہ ایک فرد کا ’’مجرمانہ عمل‘‘ ہے اور اس کا افغان قوم یا حکومت سے کوئی تعلق نہیں۔ ان کے مطابق جس شخص نے جرم کیا اسے امریکیوں نے خود تربیت دی تھی۔

امریکی حکام کے مطابق رحمٰن اللہ افغانستان میں سی آئی اے کے حمایت یافتہ یونٹ کا رکن تھا اور 2021 میں امریکی اسکیم آپریشن الائیز ویلکم کے تحت امریکا میں داخل ہوا تھا۔ یہ اسکیم اُن افراد کے لیے تھی جنہیں طالبان کے دوبارہ کنٹرول کے بعد انتقامی کارروائی کا خدشہ تھا۔افغان وزیرِ خارجہ نے مزید کہا کہ امریکیوں نے ’’اسے تربیت دی، ملازمت دی اور پھر ایک غیر قانونی طریقہ استعمال کرتے ہوئے اسے افغانستان سے امریکا منتقل کیا، جو کسی بھی بین الاقوامی معیار کے خلاف تھا

برطانیہ میں 3 ہفتوں میں 12 قیدی غلطی سے رہا، دو تاحال فرار

فوجی مشقوں کے دوران بھارتی ٹینک ڈوبنے سے ایک فوجی ہلاک