Author: سعد فاروق

بھارتی ریاست اتراکھنڈ کے شمالی ہمالیائی علاقے میں سیلاب اور مٹی کے تودے نے تباہی مچادی، جس کے نتیجے میں کم از کم 4 افراد جاں بحق اور 50 سے زائد لاپتا ہو گئے۔

غیر ملکی خبر رساں ادارے رائٹرز کے مطابق واقعہ دھراڑی گاؤں میں پیش آیا، جہاں اچانک آنے والے سیلاب اور کیچڑ نے گاؤں کو اپنی لپیٹ میں لے لیا۔مقامی حکام کے مطابق فوج اور ڈیزاسٹر رسپانس فورسز موقع پر پہنچ چکی ہیں۔ملبے اور کیچڑ کے نیچے دبے افراد کو نکالنے کی کوششیں جاری ہیں۔اب تک کئی افراد کو محفوظ مقام پر منتقل کر لیا گیا ہے۔ٹی وی چینلز پر نشر ہونے والی ویڈیوز میں دکھایا گیا کہ پہاڑ سے بہتا ہوا مٹی، پانی اور ملبہ گاؤں میں داخل ہو رہا ہے، گھروں اور سڑکوں کو بہا لے جا رہا ہے جبکہ لوگ اپنی جانیں بچانے کے لیے دوڑتے نظر آئے۔

ریاستی وزیر اعلیٰ کے دفتر سے جاری کردہ ویڈیو میں واضح دیکھا جا سکتا ہے کہ مٹی کا تودہ دھراڑی گاؤں میں تباہی کا منظر پیش کر رہا ہے۔اتراکشھی ضلع کے ایڈمنسٹریٹر پرشانت آریا نے تصدیق کی کہ چار افراد جاں بحق ہو چکے ہیں جبکہ ریسکیو کارروائیوں میں متعدد افراد کو بچا لیا گیا ہے۔بھارتی فوج کے مرکزی کمانڈ کی جانب سے جاری کردہ بیان میں کہا گیا کہ ایک بڑا مٹی کا تودہ خیر گڑھ علاقے میں گرا، جس کے نتیجے میں ملبہ اور پانی تیزی سے گاؤں میں داخل ہوا۔

حکام کے مطابق امدادی کارروائیاں مسلسل جاری ہیں، جبکہ لاپتا افراد کی تلاش کے لیے سرچ آپریشن تیز کر دیا گیا ہے۔

آیہ صوفیہ مسجد کو آگ لگانے کی کوشش ناکام، ملزم گرفتار

بنگلہ دیش:عام انتخابات فروری 2026 میں ہوں گے

نادرا کا بڑا اقدام: جانشینی سرٹیفکیٹ کسی بھی مرکز سے حاصل کیا جا سکتا ہے

ملک ریاض کا بحریہ ٹاؤن کی سرگرمیاں ملک بھر میں بند کرنے کا عندیہ

ترکیہ کے شہر استنبول میں واقع 1500 سال پرانی تاریخی آیہ صوفیہ مسجد کو آگ لگانے کی کوشش ناکام بنا دی گئی، جبکہ واقعے میں ملوث ملزم کو گرفتار کر لیا گیا ہے۔

ترک میڈیا کے مطابق یہ افسوسناک واقعہ 11 جولائی کی رات اس وقت پیش آیا جب عشاء کی نماز کے بعد مسجد میں زائرین کی تعداد کم ہو چکی تھی۔سیکیورٹی کیمروں کی فوٹیج میں دیکھا جا سکتا ہے کہ مشتبہ شخص بغیر کسی آتش گیر مواد کے مسجد میں داخل ہوا اور سیکیورٹی اسکینرز سے بغیر کسی رکاوٹ کے گزر گیا۔ اس کی جیبوں میں کاغذ کے چھوٹے چھوٹے ٹکڑے موجود تھے۔ملزم نے مسجد کے منبر کے بجائے ستونوں کے پیچھے چھپ کر کاغذوں کو پھاڑا اور ان میں آگ لگا دی، جس کے بعد وہ مسجد سے باہر نکل گیا۔

مسجد میں موجود ایک خاتون زائر نے دھواں دیکھ کر فوری امام کو اطلاع دی۔ امام نے بروقت سیکیورٹی بیریئر ہٹا کر قالین کو ہٹا دیا اور آگ پر قابو پایا، جس سے تاریخی مسجد بڑے نقصان سے بچ گئی۔استنبول پولیس کے مطابق واقعے کی تحقیقات کے دوران سیکیورٹی کیمرے کی مدد سے مشتبہ شخص کو شناخت کیا گیا اور اسے گرفتار کر لیا گیا۔

بنگلہ دیش:عام انتخابات فروری 2026 میں ہوں گے

نادرا کا بڑا اقدام: جانشینی سرٹیفکیٹ کسی بھی مرکز سے حاصل کیا جا سکتا ہے

ملک ریاض کا بحریہ ٹاؤن کی سرگرمیاں ملک بھر میں بند کرنے کا عندیہ

وزارت داخلہ کا بڑا فیصلہ، افغان شہریوں کی واپسی کا عمل یکم ستمبر سے شروع

بنگلہ دیش میں عبوری حکومت کے سربراہ اور نوبیل امن انعام یافتہ محمد یونس نے اعلان کیا ہے کہ ملک میں آئندہ عام انتخابات فروری 2026 میں منعقد ہوں گے۔

عالمی خبر رساں اداروں رائٹرز اور اے ایف پی کے مطابق محمد یونس نے قوم سے خطاب کرتے ہوئے کہا کہ وہ چیف الیکشن کمشنر کو ایک خط لکھیں گے، جس میں درخواست کی جائے گی کہ انتخابات رمضان المبارک سے قبل، فروری 2026 میں کرائے جائیں۔85 سالہ محمد یونس اس وقت عبوری حکومت کے چیف ایڈوائزر کے طور پر خدمات سر انجام دے رہے ہیں۔ ان کا کہنا تھا کہ اس خطاب کے بعد ہم آخری اور سب سے اہم مرحلے میں داخل ہوں گے، اور وہ ہے منتخب حکومت کو اقتدار کی منتقلی۔

یاد رہے کہ ابتدائی طور پر اپریل 2026 میں انتخابات کا عندیہ دیا گیا تھا، تاہم اہم سیاسی جماعتوں کے مطالبے پر انتخابات کی تاریخ رمضان سے پہلے رکھنے کا فیصلہ کیا گیا۔

محمد یونس نے اپنے خطاب میں کہا میں آپ سب سے دعا کی درخواست کرتا ہوں کہ ہم ایک منصفانہ اور پُرامن انتخابات منعقد کر سکیں، تاکہ تمام شہری کامیابی کے ساتھ ایک ’نیا بنگلہ دیش‘ بنانے کی طرف بڑھ سکیں۔”انہوں نے یقین دہانی کروائی کہ حکومت کی طرف سے آزاد، منصفانہ اور پُرامن انتخابات کے لیے مکمل معاونت فراہم کی جائے گی تاکہ یہ عمل ایک خوشی کا موقع بنے۔

نادرا کا بڑا اقدام: جانشینی سرٹیفکیٹ کسی بھی مرکز سے حاصل کیا جا سکتا ہے

ملک ریاض کا بحریہ ٹاؤن کی سرگرمیاں ملک بھر میں بند کرنے کا عندیہ

وزارت داخلہ کا بڑا فیصلہ، افغان شہریوں کی واپسی کا عمل یکم ستمبر سے شروع

بحریہ ٹاؤن کے سربراہ ملک ریاض نے سماجی رابطے کی ویب سائٹ ایکس (سابقہ ٹوئٹر) پر اپنے بیان میں تشویشناک صورتحال کا اظہار کرتے ہوئے کہا ہے کہ ملک بھر میں بحریہ ٹاؤن کی تمام سرگرمیاں بند کی جا سکتی ہیں۔

ملک ریاض کے مطابق گزشتہ چند ماہ سے حکومتی اداروں کے دباؤ اور کارروائیوں کے باعث بحریہ ٹاؤن کا آپریشن بری طرح متاثر ہوا ہے۔انہوں نے دعویٰ کیا کہ ان کے خلاف حکومتی اداروں نے متعدد اقدامات کیے ہیں، جن میں درجنوں اسٹاف ممبران کو گرفتار کیا گیا،کمپنی کے بینک اکاؤنٹس منجمد کر دیے گئے،عملے کی گاڑیاں ضبط کر لی گئیں اور دیگر سخت کارروائیاں کی گئیں۔ملک ریاض کا کہنا تھا کہ ان اقدامات کے نتیجے میں ادارے کی مالی روانی مکمل طور پر تباہ ہو چکی ہے اور روزمرہ سروسز جاری رکھنا ممکن نہیں رہا۔

انہوں نے خدشہ ظاہر کیا کہ ہم اپنے دسیوں ہزاروں اسٹاف کی تنخواہیں ادا کرنے کے قابل نہیں رہے اور حالات اس نہج پر پہنچ گئے ہیں کہ ہمیں پاکستان بھر میں بحریہ ٹاؤن کی سرگرمیاں مکمل طور پر بند کرنا پڑ سکتی ہیں۔البتہ انہوں نے اس اقدام کو "آخری قدم” قرار دیا اور امید ظاہر کی کہ حالات بہتری کی طرف جا سکتے ہیں، تاہم موجودہ زمینی حقائق تشویشناک ہیں۔

ملک ریاض نے مزید کہا کہ موجودہ صورتحال نے ادارے کے بنیادی ڈھانچے کو مفلوج کر دیا ہے، جو پچاس ہزار محنتی افراد پر مشتمل ہے۔کئی سینئر ملازمین لاپتہ ہیں،ترقیاتی منصوبے بند ہو چکے ہیں،اور سہولیات کی فراہمی شدید متاثر ہو چکی ہے۔آخر میں، انہوں نے حکومت کو مذاکرات کی پیشکش کرتے ہوئے کہا کہ وہ حل چاہتے ہیں تاکہ بحریہ ٹاؤن کی سرگرمیاں دوبارہ بحال کی جا سکیں۔

وزارت داخلہ کا بڑا فیصلہ، افغان شہریوں کی واپسی کا عمل یکم ستمبر سے شروع

اسرائیل میں سیاسی ہلچل اس وقت شدت اختیار کر گئی جب وزیراعظم نتن یاہو کی زیر قیادت کابینہ نے ملک کی خاتون اٹارنی جنرل گالی بہاراو میارا کو عہدے سے برطرف کرنے کی منظوری دے دی۔

اسرائیلی میڈیا کے مطابق گالی بہاراو میارا حکومت کی پالیسیوں کی سخت ناقد تھیں اور خود وزیراعظم نتن یاہو کے خلاف کرپشن کیسز کی پیروی کر رہی تھیں۔ ان کی معزولی نے اسرائیل میں عدلیہ کی آزادی اور حکومتی مداخلت کے حوالے سے ایک نئی بحث چھیڑ دی ہے۔برطرف کیے جانے سے قبل گالی بہاراو میارا نے وزراء کو خط لکھا، جس میں انہوں نے اپنی معزولی کو غیرقانونی قرار دیا۔ خط میں ان کا کہنا تھا کہ یہ قدم وزیراعظم نتن یاہو کے خلاف کرپشن کیسز سے قبل مجھے راستے سے ہٹانے کی کوشش ہے۔

معزول اٹارنی جنرل نے الزام عائد کیا کہ نتن یاہو حکومت تقرری و برطرفی کے قوانین میں تیزی سے تبدیلی لا رہی ہے تاکہ مخصوص افراد کو نشانہ بنایا جا سکے۔ انہوں نے کابینہ کے فیصلے کو نہ صرف غیرقانونی بلکہ ریاستی اداروں کی خودمختاری پر حملہ بھی قرار دیا۔نتن یاہو کی حکومت پہلے ہی عدلیہ پر کنٹرول بڑھانے کے متنازع عدالتی اصلاحاتی بلز کی وجہ سے عالمی سطح پر تنقید کا شکار ہے۔ اس برطرفی کو ان ہی کوششوں کا تسلسل سمجھا جا رہا ہے۔

اسرائیلی اپوزیشن رہنماؤں اور متعدد قانونی ماہرین نے برطرفی کو "عدالتی آزادی پر کھلا حملہ” قرار دیا ہے اور سپریم کورٹ میں اس فیصلے کو چیلنج کرنے کا اعلان کیا ہے۔

پہلگام فالس فلیگ پر بھارت کا یوٹرن، پاکستان کی فیکٹ چیکنگ سے بھارتی پروپیگنڈہ ناکام

برطانیہ ،سمندری طوفان کی تباہ کاریاں،بجلی معطل، نظام مفلوج

بھارت کا دھمکی پر شدید ردعمل، کہا امریکا خود روس سے درآمدات کرتا ہے

کراچی، جھگڑا خونریزی میں بدل گیا، 2 افراد جاں بحق، 3 زخمی

سمندری طوفان فلورس برطانیہ سے ٹکرا گیا، جس کے نتیجے میں 144 کلومیٹر فی گھنٹہ کی رفتار سے تیز ہوائیں چلیں، متعدد علاقوں میں زندگی مفلوج ہو کر رہ گئی۔

خبر ایجنسی کے مطابق طوفان کے باعث درجنوں ٹرینیں منسوخ کردی گئیں، جبکہ 10 ہزار سے زائد گھروں کی بجلی معطل ہو گئی۔شدید موسم کے پیش نظر پروازیں اور کشتی سروسز بھی معطل کر دی گئیں۔ متعدد مقامات پر درخت جڑوں سے اکھڑ گئے اور ان کے سڑکوں پر گرنے سے ٹریفک کی روانی متاثر ہوئی۔حکام نے اسکاٹ لینڈ اور انگلینڈ میں شدید موسمی حالات کی وارننگ جاری کر دی ہے جبکہ اسکاٹ لینڈ کی بڑی شاہراہوں پر گاڑیوں کا داخلہ بند کر دیا گیا ہے۔

محکمہ موسمیات نے شہریوں کو غیر ضروری سفر سے گریز اور محفوظ مقامات پر رہنے کی ہدایت کی ہے۔

بھارت کا دھمکی پر شدید ردعمل، کہا امریکا خود روس سے درآمدات کرتا ہے

کراچی، جھگڑا خونریزی میں بدل گیا، 2 افراد جاں بحق، 3 زخمی

غیر قانونی کرنسی ایکسچینج چلانے والا ملزم گرفتار، 37 ہزار ڈالر برآمد

اسرائیلی دہشتگردی جاری، ایک دن میں 74 فلسطینی شہید