Author: سعد فاروق

پاکستان تحریکِ انصاف کے بانی اور سابق وزیراعظم عمران خان کے صاحبزادے قاسم خان نے امریکی نشریاتی ادارے کو دیے گئے انٹرویو میں کہا ہے کہ ان کے والد جیل میں انتہائی خراب حالات کا سامنا کر رہے ہیں اور ان کی صحت دن بہ دن بگڑتی جا رہی ہے۔

قاسم خان نے امریکی ادارے کو خصوصی انٹرویو میں بتایا کہ عمران خان کی رہائی کے لیے کسی ممکنہ راستے کی تلاش جاری ہے، کیونکہ موجودہ حالات بہت تشویشناک ہیں اور لگتا ہے کہ یہ صورتحال مزید خراب ہو رہی ہے۔انہوں نے اپنے والد کی جسمانی صحت، قید کے ماحول اور بنیادی سہولیات کی کمی پر گہری تشویش کا اظہار کیا اور کہا کہ عمران خان کو سیاسی مقاصد کے لیے نشانہ بنایا جا رہا ہے، جو انسانی حقوق کی سنگین خلاف ورزی ہے۔

واضح رہے کہ عمران خان ڈیڑھ سال سے اڈیالہ جیل میں قید ہیں اور ان کے خلاف مختلف تھانوں میں مقدمات درج ہیں۔

سینیٹر ثانیہ نشتر کی خالی نشست پر کل انتخاب، 5 امیدوار میدان میں

ایرانی صدر 2 اگست کو دو روزہ دورے پر پاکستان پہنچیں گے

یو اے ای ویزہ فراڈ میں اضافہ،عوام کو محتاط رہنے کی ہدایت

اوچ شریف: کرایہ داری ایکٹ کی خلاف ورزی، جرائم پیشہ افراد سرگرم، شہری عدم تحفظ کا شکار

اسرائیلی فوج کی نہتے فلسطینیوں پر وحشیانہ فائرنگ کے نتیجے میں آج صبح سے اب تک کم از کم 52 فلسطینی شہید ہو چکے ہیں، جن میں سے 40 شدید بھوک سے مجبور ہو کر خوراک کی تلاش میں نکلے تھے۔

قطری نشریاتی ادارے کی رپورٹ کے مطابق غزہ میں اسرائیلی حملے جاری ہیں اور طبی ذرائع نے بتایا کہ اکتوبر 2023 سے اب تک بھوک کے باعث شہید ہونے والے فلسطینیوں کی تعداد 153 ہو گئی ہے۔اقوام متحدہ کی خواتین کی ایجنسی کی ڈائریکٹر سوفیا کالٹورپ نے غزہ کی موجودہ صورتحال کو غیر معمولی قرار دیتے ہوئے کہا کہ وہاں خواتین اور بچیوں کو ایک ناقابل تصور انتخاب کا سامنا ہے، یا تو وہ اپنی پناہ گاہوں میں بھوک سے مر جاتی ہیں یا خوراک اور پانی کی تلاش میں نکل کر شدید خطرے میں مبتلا ہو جاتی ہیں۔

یہ صورتحال غزہ میں انسانی بحران کی سنگینی کو مزید واضح کر رہی ہے۔

سینیٹر ثانیہ نشتر کی خالی نشست پر کل انتخاب، 5 امیدوار میدان میں

ایرانی صدر 2 اگست کو دو روزہ دورے پر پاکستان پہنچیں گے

یو اے ای ویزہ فراڈ میں اضافہ،عوام کو محتاط رہنے کی ہدایت

اسلامی جمہوریہ ایران کے صدر ڈاکٹر مسعود پزشکیان 2 اگست کو دو روزہ سرکاری دورے پر پاکستان پہنچیں گے، یہ بات ایرانی خبر رساں ادارے نے صدر کے سیاسی مشیر مہدی سنائی کے حوالے سے رپورٹ کی ہے۔

مہدی سنائی نے سوشل میڈیا پلیٹ فارم ایکس پر ایک پوسٹ میں تصدیق کرتے ہوئے کہا کہ ایرانی صدر پاکستان کے وزیراعظم شہباز شریف کی دعوت پر یہ دورہ کر رہے ہیں، جو 11 اگست کی شام تک جاری رہے گا۔مسعود پزشکیان گزشتہ دو برسوں میں پاکستان کا دورہ کرنے والے دوسرے ایرانی صدر ہوں گے۔ ان سے قبل اپریل 2024 میں سابق صدر ابراہیم رئیسی نے تین روزہ سرکاری دورہ کیا تھا، جو ان کے ہیلی کاپٹر حادثے میں وفات سے صرف ایک ماہ قبل ہوا تھا۔ اس موقع پر انہوں نے لاہور اور کراچی بھی گئے تھے۔

ایرانی صدر کے مجوزہ دورے کے دوران سرکاری ملاقاتیں ہوں گی،ثقافتی اور تجارتی شخصیات سے ملاقاتیں شیڈول کا حصہ ہوں گی،صوبائی و سرحدی تعاون کو فروغ دینے پر گفتگو ہوگی اور دوطرفہ تجارت کو موجودہ 3 ارب ڈالر سے بڑھانے پر تبادلہ خیال کیا جائے گا.مشیر مہدی سنائی کے مطابق ایران اور پاکستان کے تعلقات سیاسی، اقتصادی، مذہبی اور ثقافتی بنیادوں پر قائم ہیں، اور اس دورے کا مقصد ان روابط کو مزید مضبوط بنانا ہے۔

اوچ شریف: کرایہ داری ایکٹ کی خلاف ورزی، جرائم پیشہ افراد سرگرم، شہری عدم تحفظ کا شکار

حج پالیسی 2026ء منظور، 12 سال سے کم عمر بچوں کو جانے کی اجازت نہیں

اسرائیلی فوج کی درندگی، امداد لینے آنے والا معصوم بچہ امریکی فوجی کے سامنے شہید

متحدہ عرب امارات جانے کے خواہش مند افراد کو خبردار کیا گیا ہے کہ وہ ویزہ کے حصول کے لیے کسی بھی غیر مجاز دفتر، ویب سائٹ یا سوشل میڈیا اکاؤنٹ پر اعتبار نہ کریں، جو "فوری ویزہ” یا "فاسٹ ٹریک سروسز” کے نام پر فراڈ کر رہے ہیں۔

پیر کے روز یو اے ای کی وفاقی اتھارٹی برائے شناخت، شہریت، کسٹمز اور بندرگاہ سیکیورٹی نے عوام کو متنبہ کیا کہ ایسے فراڈی عناصر سادہ لوح لوگوں کو جھانسہ دے کر ان کی رقم ہتھیانے کی کوشش کرتے ہیں، خاص طور پر اُن افراد کو جو روزگار کی تلاش میں جلدی میں ہوتے ہیں۔خلیج ٹائمز کے مطابق دبئی میں مقیم محمد نامی شخص ایک ایسی ہی جعلی کمپنی کا شکار ہو گئے جب انہوں نے اپنے بیٹے کے لیے فوری وزٹ ویزہ حاصل کرنے کی کوشش کی۔ انہوں نے سوشل میڈیا پر ایک اشتہار دیکھا جس میں ایک ماہ کے سنگل انٹری وزٹ ویزہ کے لیے فوری پروسیسنگ کا دعویٰ کیا گیا تھا، جس پر انہوں نے 200 درہم اضافی فیس کے ساتھ مکمل رقم ادا کر دی۔

محمد کے مطابق میرے بیٹے کو ایک سال سے روزگار نہیں ملا تھا، اور مجھے معلوم ہوا کہ ایک بڑی یو اے ای کمپنی واک اِن انٹرویو کر رہی ہے تاہم رقم کی ادائیگی کے فوراً بعد کمپنی نے رابطہ ختم کر دیا اور ان کا سوشل میڈیا اکاؤنٹ بھی غائب ہو گیا۔یو اے ای کی اتھارٹی کے مطابق، مشتبہ آن لائن سرگرمیوں پر نظر رکھی جا رہی ہے اور ایسے فراڈیوں کے خلاف قانونی کارروائی کی جا رہی ہے۔

ماہرین کا مشورہ
اسمارٹ ٹریولز کے جنرل مینیجر سفیر محمد نے کہا، "یہ پیغام وقت کی اہم ضرورت ہے، کیونکہ حالیہ مہینوں میں ایسے کیسز میں نمایاں اضافہ ہوا ہے۔” انہوں نے مزید کہا کہ زیادہ تر لوگ تحقیق کے بغیر ایسے فراڈ کا شکار ہو جاتے ہیں۔ماہرین نے سوشل میڈیا انفلوئنسرز اور گروپ ایڈمنز کو بھی مشورہ دیا ہے کہ وہ کسی بھی کمپنی یا ویزہ سروس کو پروموٹ کرنے سے قبل اس کی مکمل تصدیق ضرور کریں، تاکہ عوام کو فراڈ سے بچایا جا سکے۔

اسرائیلی فوج کے سفاکانہ اور غیر انسانی مظالم کا سلسلہ جاری ہے، حالیہ واقعے میں امداد لینے آنے والے ایک کمسن فلسطینی بچے کو بے دردی سے شہید کر دیا گیا، جس کی گواہی خود ایک امریکی فوجی نے دی ہے۔

مڈل ایسٹ آبزرور کی جانب سے "ایکس” پر پوسٹ کی گئی رپورٹ کے مطابق، ایک امریکی پوڈکاسٹ میں ایک امریکی فوجی نے انکشاف کیا کہ وہ غزہ میں ایک امدادی تقسیم مرکز پر تعینات تھا، جہاں اس کی آنکھوں کے سامنے ایک معصوم فلسطینی بچے کو اسرائیلی فوج نے شہید کیا۔امریکی فوجی نے غمزدہ انداز میں واقعے کو یاد کرتے ہوئے کہا کہ "عامر، ایک کمزور سا بچہ، ننگے پاؤں تپتی دھوپ میں 12 کلومیٹر پیدل چل کر امدادی مرکز پہنچا۔ اسے دال اور چاول کے پیکٹ ملے۔ وہ میرے پاس آیا، میرا ہاتھ چوما، اور ’شکریہ‘ کہا۔ چند منٹ بعد جب وہ واپس جا رہا تھا، اسرائیلی فوج نے آنسو گیس اور گولیوں کی بارش کر دی، اور عامر وہیں شہید ہو گیا۔”

تجزیہ کاروں کے مطابق یہ واقعہ غزہ میں جاری اسرائیلی جارحیت کے ان دردناک واقعات میں سے ایک ہے جو انسانی ضمیر کو جھنجھوڑ کر رکھ دیتے ہیں۔ اقوام متحدہ سمیت عالمی برادری پر ایک بار پھر شدید دباؤ ہے کہ وہ اسرائیلی مظالم کا فوری نوٹس لے اور فلسطینی عوام کے تحفظ کو یقینی بنائے۔

خاموش تبدیلی کا سفر،تحریر: اقصیٰ جبار

ناکامی کا خوف ،تحریر: انجینیئر علی رضوان چوہدری