Author: سعد فاروق

بھارتی وزیرِ اعظم نریندر مودی نے آج سے برطانیہ کا دو روزہ سرکاری دورہ شروع کر دیا ہے، جس کے دوران بھارت اور برطانیہ کے درمیان ایک تاریخی آزاد تجارتی معاہدے پر دستخط کیے جائیں گے۔

یہ معاہدہ برطانیہ کے لیے بریگزٹ (یورپی یونین سے علیحدگی) کے بعد سب سے اہم تجارتی معاہدہ تصور کیا جا رہا ہے، جبکہ بھارت کے لیے یہ ایشیا سے باہر پہلا بڑا تجارتی معاہدہ ہے۔معاہدے کے تحت بھارت کو کئی اہم شعبوں میں مراعات حاصل ہوئی ہیں۔ برطانوی حکومت بھارتی شہریوں کے لیے ویزا پالیسی میں نرمی کرے گی، پروفیشنل ڈگریز اور اسناد کو تسلیم کیا جائے گا، جبکہ بھارت سے آنے والے افراد کو نیشنل انشورنس کی ادائیگی سے بھی جزوی طور پر چھوٹ ملے گی۔

معاہدے کی خاص بات یہ ہے کہ برطانیہ بھارت کی 99 فیصد برآمدات پر کسٹم ڈیوٹی ختم کر دے گا۔ ان برآمدات میں زیورات، ٹیکسٹائل، چمڑا، انجینیئرنگ مصنوعات اور فوڈ پروڈکٹس شامل ہیں۔بھارت نے تاہم زراعت کے شعبے کو معاہدے سے باہر رکھا ہے، کیونکہ یہ شعبہ ملک کی 40 فیصد سے زائد آبادی کو روزگار فراہم کرتا ہے۔ اسی طرح قانونی اور مالیاتی خدمات بھی اس معاہدے کا حصہ نہیں بنیں، کیونکہ ان پر بات چیت اب بھی جاری ہے اور یہ سرمایہ کاری کے علیحدہ معاہدے کے تحت شامل کی جائیں گی۔

تجزیہ کاروں کے مطابق یہ معاہدہ دونوں ممالک کے درمیان معاشی شراکت داری کو ایک نئی سمت دے گا اور تجارتی حجم میں خاطر خواہ اضافہ ہوگا۔

وزیراعظم کا سستی بجلی پیکج ختم ہونے کو، ریلیف مرحلہ وار واپس

زرمبادلہ کے ذخائر میں 6 کروڑ 90 لاکھ ڈالر کی کمی

طالبان حکومت نے اقوام متحدہ کی انسانی حقوق رپورٹ مسترد کر دی

نوکریاں نہ دیں تو مزدور طبقہ مخالف جماعتوں کا رخ کرے گا، برطانوی یونینز

افغانستان کی طالبان حکومت نے اقوام متحدہ کی جانب سے انسانی حقوق کی مبینہ خلاف ورزیوں پر جاری کردہ رپورٹ کو یکسر مسترد کر دیا ہے۔

طالبان حکومت کے ترجمان ذبیح اللہ مجاہد نے کابل میں غیر ملکی خبر رساں ایجنسی سے گفتگو کرتے ہوئے کہا کہ یو این رپورٹ میں جن افراد کا حوالہ دیا گیا ہے، وہ حقائق پر مبنی نہیں ہو سکتے۔انہوں نے کہا کہ ممکن ہے کہ یہ افراد افغان حکومت کے مخالف ہوں یا جان بوجھ کر پروپیگنڈا اور افواہیں پھیلانا چاہتے ہوں، اور اس مقصد کے لیے افغانستان میں موجود اقوام متحدہ کے امدادی مشن (UNAMA) کو استعمال کر رہے ہوں۔

اقوام متحدہ کی حالیہ رپورٹ میں دعویٰ کیا گیا تھا کہ طالبان حکام ایران اور پاکستان سے وطن واپس آنے والے افغان شہریوں کے ساتھ انسانی حقوق کی سنگین خلاف ورزیاں کر رہے ہیں۔تاہم طالبان حکومت نے ان الزامات کو بے بنیاد اور جانبدار قرار دیتے ہوئے انکار کیا ہے کہ افغان حکومت پناہ گزینوں یا وطن واپس آنے والوں کے ساتھ کسی قسم کا امتیازی سلوک روا رکھ رہی ہے۔

ترجمان کا کہنا تھا کہ افغان حکومت اپنی سرزمین پر موجود تمام شہریوں کے ساتھ مساوی سلوک پر یقین رکھتی ہے اور اقوام متحدہ کو چاہئے کہ وہ غیر جانب دار اور حقائق پر مبنی رپورٹس جاری کرے۔

اسرائیلی پارلیمنٹ کی متنازعہ قرارداد، عرب و اسلامی ممالک کی شدید مذمت

ایف بی آر آفس میں سونا، چاندی اور کرنسی سمیت 43 اشیاء کی خرد برد کا انکشاف

چین، بھارت میں نہیں، امریکا میں ملازمتیں پیدا کریں،ٹرمپ کا کمپنیوں کو انتباہ

برطانیہ کی دو بڑی مزدور یونینز نے لیبر حکومت کو خبردار کیا ہے کہ اگر گرین انرجی کے شعبے میں فوری نوکریاں پیدا نہ کی گئیں تو مزدور طبقہ ان سیاسی جماعتوں کا ساتھ دے سکتا ہے جو نیٹ زیرو پالیسی کی مخالفت کر رہی ہیں۔

یونینز کا کہنا ہے کہ جیسے جیسے فوسل فیول یعنی روایتی توانائی کی صنعت سکڑتی جا رہی ہے، حکومت کو چاہیے کہ صاف توانائی (گرین انرجی) میں ملازمتوں پر بھرپور توجہ دے، بصورتِ دیگر عوام میں نیٹ زیرو پالیسی پر اعتماد ختم ہو جائے گا۔یاد رہے کہ ریفارم یو کے حالیہ دنوں میں یہ اعلان کر چکی ہے کہ اقتدار میں آکر وہ گرین انرجی کے معاہدے ختم کر دے گی، جب کہ کنزرویٹو پارٹی بھی نیٹ زیرو کی حمایت سے پیچھے ہٹ چکی ہے۔

یونین کے جنرل سیکرٹری گیری اسمتھ نے نئی مہم "کلائمیٹ جابز یو کے” کا آغاز کرتے ہوئے کہا ہے کہ نیٹ زیرو کی جانب منتقلی میں مزدور طبقے کی آواز کو مرکزی حیثیت دی جائے۔ انہوں نے خبردار کیا کہ اگر لوگوں کو اپنے علاقوں میں روزگار نہ ملا تو وہ ان جماعتوں کا رخ کریں گے جو ماحولیاتی تبدیلی کو جھٹلاتی ہیں۔اسی طرح پروسپیکٹ یونین کے جنرل سیکرٹری مائیک کلینسی نے کہا کہ اس وقت اصل مسئلہ کلائمیٹ ٹیکنالوجی نہیں بلکہ کلائمیٹ جابز کا ہے۔

یونینز کی جانب سے کروائے گئے ایک حالیہ سروے کے مطابق 55 فیصد عوام چاہتے ہیں کہ حکومت نوکریوں اور معیشت کو پہلی ترجیح دے
،صرف 30 فیصد کو یقین ہے کہ توانائی کی منتقلی سے نوکریوں میں اضافہ ہوگا،جب اپنے علاقے کی بات کی گئی تو صرف 10 فیصد نے کہا کہ انہیں کوئی روزگار کا موقع ملا ہے،یونینز کا مطالبہ ہے کہ حکومت فوری طور پر گرین انرجی کے شعبے کے لیے مؤثر صنعتی حکمتِ عملی مرتب کرے، خاص طور پر اُن علاقوں میں جہاں روایتی توانائی کی صنعت ختم ہو رہی ہے۔

ماہرین کے مطابق اگر لیبر حکومت نے فوری اقدام نہ کیا تو نیٹ زیرو پالیسی کے خلاف سیاسی دباؤ مزید بڑھ سکتا ہے۔

ایف بی آر آفس میں سونا، چاندی اور کرنسی سمیت 43 اشیاء کی خرد برد کا انکشاف

ایف بی آر آفس میں سونا، چاندی اور کرنسی سمیت 43 اشیاء کی خرد برد کا انکشاف

سونے کی قیمت میں بڑی کمی، فی تولہ 5900 روپے سستا ہو گیا

اسرائیلی پارلیمنٹ (کنیسٹ) کی جانب سے مقبوضہ مغربی کنارے پر اسرائیلی خودمختاری کے نفاذ کی قرارداد منظور کیے جانے پر عرب اور اسلامی ممالک نے شدید ردعمل ظاہر کیا ہے، اسے بین الاقوامی قوانین اور اقوام متحدہ کی قراردادوں کی کھلی خلاف ورزی قرار دیا ہے۔

اسرائیلی پارلیمنٹ میں پیش کی گئی اس متنازع قرارداد کے حق میں 71 ووٹ آئے، جب کہ مخالفت میں صرف 13 ارکان نے ووٹ دیا، 36 ارکان اجلاس سے غیر حاضر رہے۔اس اقدام پر سعودی عرب، مصر، بحرین، انڈونیشیا، اردن، نائجیریا، فلسطین، قطر، ترکیہ، متحدہ عرب امارات، عرب لیگ اور اسلامی تعاون تنظیم نے مشترکہ طور پر سخت مذمتی بیانات جاری کیے۔

ان ممالک نے واضح کیا کہ اسرائیلی قابض حکومت کے اس قسم کے اشتعال انگیز اور غیر قانونی اقدامات نہ صرف بین الاقوامی قوانین کی خلاف ورزی ہیں بلکہ خطے میں امن قائم کرنے کی کوششوں اور دو ریاستی حل کے نظریے کو بھی شدید نقصان پہنچاتے ہیں۔بیانات میں کہا گیا ہے کہ یہ قرارداد اسرائیلی حکومت کے تخریبی اور توسیع پسندانہ عزائم کو بے نقاب کرتی ہے، جس سے مشرق وسطیٰ میں کشیدگی مزید بڑھنے کا خدشہ ہے۔فلسطینی قیادت نے بھی اسرائیلی پارلیمنٹ کے اس اقدام کو یکسر مسترد کرتے ہوئے اسے فلسطینی سرزمین پر کھلا قبضہ اور جابرانہ عمل قرار دیا ہے، جو کسی صورت قابل قبول نہیں۔

عرب اور اسلامی دنیا نے عالمی برادری سے مطالبہ کیا ہے کہ وہ اسرائیل کو ایسے اقدامات سے باز رکھے جو علاقائی امن کے لیے خطرہ بن رہے ہیں، اور فلسطینی عوام کے قانونی و انسانی حقوق کی بحالی کے لیے فوری کردار ادا کرے۔

ایف بی آر آفس میں سونا، چاندی اور کرنسی سمیت 43 اشیاء کی خرد برد کا انکشاف

چین، بھارت میں نہیں، امریکا میں ملازمتیں پیدا کریں،ٹرمپ کا کمپنیوں کو انتباہ

سونے کی قیمت میں بڑی کمی، فی تولہ 5900 روپے سستا ہو گیا

امریکی صدر ڈونلڈ ٹرمپ نے گوگل، مائیکروسوفٹ اور دیگر بڑی ٹیکنالوجی کمپنیوں کو خبردار کیا ہے کہ وہ بھارت اور چین میں ملازمتیں دینے کے بجائے امریکا میں روزگار کے مواقع پیدا کریں۔

واشنگٹن میں منعقدہ آرٹیفیشل انٹیلیجنس سمٹ سے خطاب کرتے ہوئے صدر ٹرمپ نے کہا کہ امریکی کمپنیاں طویل عرصے سے چین میں فیکٹریاں قائم کر رہی ہیں، بھارت میں ملازمتیں دے رہی ہیں اور آئرلینڈ میں منافع چھپا رہی ہیں، لیکن اب ایسا مزید نہیں چلے گا۔صدر ٹرمپ نے کہا کہ "مصنوعی ذہانت کی دوڑ میں کامیابی کے لیے محض ٹیکنالوجی کافی نہیں، بلکہ حب الوطنی بھی ضروری ہے۔ امریکی کمپنیاں امریکا کو مقدم رکھیں اور امریکی عوام کو ترجیح دیں۔”

انہوں نے زور دیا کہ ٹیکنالوجی کے میدان میں ترقی کے ساتھ ساتھ قومی مفاد کو بھی پیش نظر رکھنا ہوگا تاکہ امریکی معیشت مضبوط ہو اور روزگار کے مواقع مقامی سطح پر پیدا ہوں۔

سونے کی قیمت میں بڑی کمی، فی تولہ 5900 روپے سستا ہو گیا

وزیراعظم کا ضم شدہ اضلاع کے لیے میڈیکل و انجینئرنگ کوٹہ بحال کرنے کا اعلان

پی ٹی اے کا بڑا اقدام: لاکھوں چوری شدہ اور جعلی موبائل فونز بلاک