Author: سعد فاروق

چین اور امریکا کے درمیان تجارتی مذاکرات کا نیا مرحلہ لندن میں شروع ہوگیا ہے۔ اس سے قبل گزشتہ ماہ جنیوا میں دونوں ممالک کے درمیان مذاکرات کا دور ہوا تھا۔

عالمی خبر رساں ادارے اے ایف پی کے مطابق، چینی سرکاری ایجنسی شنہوا نے بتایا ہے کہ دونوں فریقین کی ملاقات برطانیہ کے دفتر خارجہ کے زیر انتظام تاریخی لنکاسٹر ہاؤس میں جاری ہے۔ چینی نائب وزیر اعظم ہی لیفینگ ایک بار پھر مذاکراتی ٹیم کی سربراہی کر رہے ہیں۔

دوسری جانب، امریکی صدر ڈونلڈ ٹرمپ نے اعلان کیا ہے کہ وزیر خزانہ اسکاٹ بیسنٹ، وزیر تجارت ہاورڈ لٹنک اور تجارتی نمائندے جیمیسن گریر امریکی وفد کی قیادت کر رہے ہیں۔ ٹرمپ نے سوشل میڈیا پلیٹ فارم ’ٹروتھ سوشل‘ پر کہا کہ ’’ملاقات بہت اچھی ہونی چاہیے‘‘۔

وائٹ ہاؤس کی پریس سیکرٹری، کیرولین لیوٹ نے فاکس نیوز‘ کو بتایا کہ ہم چاہتے ہیں چین اور امریکا جنیوا میں طے پانے والے معاہدے پر عملدرآمد جاری رکھیں۔اگرچہ برطانیہ براہ راست مذاکرات میں شامل نہیں ہے، تاہم برطانوی حکومت کے ترجمان کا کہنا تھا کہ برطانیہ آزاد تجارت کا حامی ہے اور ’’تجارتی جنگ کسی کے مفاد میں نہیں‘‘، اس لیے ان مذاکرات کا خیرمقدم کیا جا رہا ہے۔

یاد رہے کہ یہ مذاکرات ٹرمپ اور چینی صدر شی جن پنگ کے درمیان ہونے والی پہلی عوامی طور پر اعلان کردہ ٹیلیفونک گفتگو کے چند دن بعد شروع ہوئے ہیں۔ ٹرمپ نے اس گفتگو کو ’’بہت مثبت‘‘ قرار دیا تھا۔چینی صدر کا کہنا تھا: ’’چین-امریکا تعلقات کو درست سمت میں لے جانے کے لیے رہنمائی اور درست سمت کا تعین ضروری ہے‘‘۔

واضح رہے کہ دونوں ممالک کے درمیان کشیدگی بڑھ چکی ہے، اور صدر ٹرمپ نے چین پر مئی میں جنیوا معاہدے کی خلاف ورزی کا الزام عائد کیا ہے، جو ٹیرف میں کمی سے متعلق تھا۔

بلاول بھٹو زرداری کا سندھ طاس معاہدے کی بحالی اور پاک بھارت جامع مذاکرات پر زور

ہیوسٹن میں بھارتی سفارت خانے کے سامنےاحتجاج، خالصتان اور کشمیر کی آزادی کے نعرے

ثنا میر آئی سی سی ہال آف فیم میں شامل ہونے والی پہلی پاکستانی خاتون کرکٹر بن گئیں

گرمی کی شدید لہر، پنجاب میں معمول سے درجہ حرارت زیادہ رہنے کا امکان

کراچی: شہری نے ڈاکوؤں کو گاڑی سے کچل دیا، عوام کا تشدد

پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری نے سندھ طاس معاہدے کی فوری بحالی اور پاکستان و بھارت کے درمیان جامع مذاکرات کی ضرورت پر زور دیا ہے، تاکہ خطے میں پائیدار امن ممکن بنایا جا سکے۔

لندن میں برطانوی وزارتِ خارجہ، دولتِ مشترکہ و ترقیاتی امور (FCDO) میں مشرقِ وسطیٰ، افغانستان اور پاکستان کے لیے پارلیمانی انڈر سیکرٹری آف اسٹیٹ ہیمیش فالکنر سے ملاقات کے دوران بلاول بھٹو زرداری کی قیادت میں اعلیٰ سطحی پاکستانی وفد نے خطے میں بڑھتی کشیدگی پر تبادلہ خیال کیا۔

ملاقات میں بلاول بھٹو زرداری نے 22 اپریل 2025 کے پہلگام حملے کے بعد بھارت کی جانب سے بغیر کسی تحقیق یا ثبوت کے پاکستان پر الزامات کو دوٹوک انداز میں مسترد کرتے ہوئے بھارت کے یکطرفہ فوجی اقدامات، پاکستانی شہریوں کی شہادت اور سندھ طاس معاہدے کی معطلی کو جنوبی ایشیا کے لیے خطرناک پیشرفت قرار دیا۔

انہوں نے کہا کہ طاقت کے استعمال اور احتساب سے مبرا رویہ ایک ایٹمی خطے میں وسیع تر تنازع کا باعث بن سکتا ہے، اس لیے اقوام متحدہ کے چارٹر اور بین الاقوامی قوانین کے مطابق پاکستان کو اپنے دفاع کا حق حاصل ہے۔بلاول بھٹو نے اس موقع پر زور دیا کہ برطانوی حکومت پاکستان اور بھارت کے درمیان کشیدگی کے خاتمے اور بامقصد مذاکرات کے فروغ میں فعال کردار ادا کرے، خصوصاً مسئلہ جموں و کشمیر کے حل پر، جو خطے میں پائیدار امن کی کلید ہے۔

وفد نے بھارت کی جانب سے اقوام متحدہ کے چارٹر اور بین الاقوامی قوانین کی خلاف ورزی پر بھی تحفظات سے آگاہ کیا اور افسوس کا اظہار کیا کہ پاکستان پر پانی کی جنگ مسلط کی جا رہی ہے۔اس موقع پر ہیمیش فالکنر نے پاکستان کی امن کی خواہش کا خیر مقدم کرتے ہوئے کہا کہ برطانوی حکومت جنوبی ایشیا میں امن و استحکام کے لیے سفارتی کوششوں میں اپنا کردار جاری رکھے گی۔

ہیوسٹن میں بھارتی سفارت خانے کے سامنےاحتجاج، خالصتان اور کشمیر کی آزادی کے نعرے

ثنا میر آئی سی سی ہال آف فیم میں شامل ہونے والی پہلی پاکستانی خاتون کرکٹر بن گئیں

گرمی کی شدید لہر، پنجاب میں معمول سے درجہ حرارت زیادہ رہنے کا امکان

کراچی: شہری نے ڈاکوؤں کو گاڑی سے کچل دیا، عوام کا تشدد

وفاقی بجٹ 26-2025 آج شام پیش ہوگا ، پارلیمانی رہنماؤں کا مشاورتی اجلاس بھی طلب

امریکا کے شہر ہیوسٹن میں بھارتی سفارت خانے کے سامنے سکھ تنظیموں اور فرینڈز آف کشمیر کے زیر اہتمام احتجاجی مظاہرہ کیا گیا، مظاہرہ 1984 کے سکھ قتل عام (آپریشن بلیو اسٹار) کی برسی کے موقع پر منعقد کیا گیا۔

احتجاج میں شریک مظاہرین نے خالصتان، آزاد کشمیر، پاکستان اور امریکا کے پرچم اٹھا رکھے تھے اور خالصتان کے قیام اور مقبوضہ کشمیر کی آزادی کے حق میں بھرپور نعرے بازی کی۔مظاہرے سے فرینڈز آف کشمیر کی چیئرپرسن غزالہ حبیب، سکھ رہنما ڈاکٹر ہردم سنگھ آزاد، سکھ ویندر سنگھ، گورمیل سنگھ اور دیان سنگھ سمیت دیگر نے خطاب کیا۔

مقررین نے بھارتی حکومت پر تنقید کرتے ہوئے کہا کہ مودی سرکار نے سکھوں اور کشمیریوں پر عرصۂ حیات تنگ کر دیا ہے، بھارت ریاستی دہشت گردی کو دنیا بھر میں پھیلا رہا ہے، حتیٰ کہ پاکستان اور کینیڈا میں سکھ رہنماؤں کے قتل میں بھی ملوث پایا گیا ہے۔

ان کا مزید کہنا تھا کہ امریکا میں بھی قتل کی سازشیں بے نقاب ہو چکی ہیں، جس سے یہ ظاہر ہوتا ہے کہ بھارت ایک دہشت گرد ملک بن چکا ہے جو دیگر ممالک میں شہریوں کو نشانہ بنا رہا ہے۔مقررین نے مطالبہ کیا کہ عالمی برادری بھارتی ریاستی دہشت گردی کا فوری نوٹس لے اور مظلوم اقوام کے حق میں آواز بلند کرے۔

احتجاج کے اختتام پر غزالہ حبیب نے ڈاکٹر ہردم سنگھ آزاد کو بابا گرو نانک کے 555 ویں جنم دن کے موقع پر جاری یادگاری سکہ پیش کیا۔

گرمی کی شدید لہر، پنجاب میں معمول سے درجہ حرارت زیادہ رہنے کا امکان

کراچی: شہری نے ڈاکوؤں کو گاڑی سے کچل دیا، عوام کا تشدد

وفاقی بجٹ 26-2025 آج شام پیش ہوگا ، پارلیمانی رہنماؤں کا مشاورتی اجلاس بھی طلب

معروف برطانوی ناول نگار فریڈرک فورسائت 86 برس کی عمر میں انتقال کر گئے