Baaghi TV

Author: سعد فاروق

  • بجلی کی قیمتوں میں کمی، وزیراعلیٰ پنجاب کا خراج تحسین

    بجلی کی قیمتوں میں کمی، وزیراعلیٰ پنجاب کا خراج تحسین

    وزیرِاعلیٰ پنجاب نے محمد نواز شریف، وزیرِاعظم شہباز شریف اور انکی ٹیم کو بجلی کی قیمتوں میں تاریخی کمی پر خراجِ تحسین پیش کیا ہے۔

    باغی ٹی وی کے مطابق جاری بیان میں مریم نواز شریف نے کہا ہے کہ پنجاب حکومت وزیرِاعظم محمد شہباز شریف کے اس تاریخی فیصلے کا خیرمقدم کرتی ہے- تاریخ گواہ ہے کہ جب بھی محمد نواز شریف اقتدار میں آئے، ملک کو بحرانوں سے نکالا اور عوام کو حقیقی ریلیف دیا۔بجلی کے نرخوں میں کمی عید کے موقع پر قوم کے لیے ایک قیمتی تحفہ ہے- گھریلو صارفین کیلئے7.41 روپے فی یونٹ اور صنعتوں کے لیے 7.59 روپے فی یونٹ کمی مہنگائی سے ستائے عوام کے لیے بہت بڑی سہولت ہے-

    وزیراعلیٰ پنجاب کا کہنا تھا کہ وزیراعظم شہباز شریف نے بجلی کے نرخوں میں نمایاں کمی سے عوام دوستی، دور اندیشی اور معاشی بصیرت کا ثبوت دیا ہے۔ بجلی کے نرخوں میں کمی ملکی معیشت اور صنعتوں کے فروغ کے لیے بھی ایک سنگ میل ثابت ہوگی۔ہبجلی کی قیمتوں میں کمی کا فیصلہ محض پالیسی نہیں بلکہ محمد نواز شریف اور انکی کی عوام سے کمٹمنٹ کا اظہار ہے- مسلم لیگ ن دن رات عوام کو ریلیف دینے اور ملک کو ترقی کی راہ پر گامزن کرنے کے لیے سرگرم عمل ہے۔ وزیرِاعظم محمد شہباز شریف، صدر مسلم لیگ ن محمد نواز شریف کے ویژن کو آگے بڑھا رہے ہیں-

    بنیادی مرکز صحت کمی کی وجہ سےلوگ بڑے اسپتالوں کا رخ کرتے ہیں،مصطفیٰ کمال

    ڈیجیٹل پلیٹ فارمز سے معلومات لیکر ڈکیتی اور اغوا ، 2 جعلی پولیس اہلکار گرفتار

    فیصل آباد،مسافر وین اور کار کی ٹکر، 26 افراد زخمی

  • بنیادی مرکز صحت کمی کی وجہ سےلوگ بڑے اسپتالوں کا رخ کرتے ہیں،مصطفیٰ کمال

    بنیادی مرکز صحت کمی کی وجہ سےلوگ بڑے اسپتالوں کا رخ کرتے ہیں،مصطفیٰ کمال

    وفاقی وزیرصحت مصطفیٰ کمال نے کہا ہے کہ تمام آبادی کا علاج نہیں کرسکتے جدید دنیا کی طرح ٹیلی میڈیسن پر جانا چاہیے۔

    باغی ٹی وی کے مطابق پمز اسپتال کے دورے کے بعد میڈیا سے گفتگو میں وزیرصحت مصطفیٰ کمال کا کہنا تھا کہ بنیادی مرکز صحت نہ ہونے کے باعث لوگ بڑے اسپتالوں کا رخ کرتے ہیں۔ گھر کی دہلیز پر دوا اور ڈاکٹر مہیا کرنا ہے۔ تمام آبادی کا علاج نہیں کرسکتے جدید دنیا کو سامنے رکھ کر ٹیلی میڈیسن پرجانا چاہیے۔ 2.1 ارب کی لاگت سے 7 آپریشن تھیٹر بنائے گئے ہیں۔ جدید آپریشن تھیٹر میں اسٹیٹ آف دا آرٹ سہولیات فراہم کی جائیں گی۔ چیزیں آئیڈیل نہیں لیکن بہتری کی گنجائش موجود ہے۔ پمز کو پبلک پرائیوٹ پارٹنرشپ پر دینے کا منصوبہ زیر غور نہیں ہے۔ ہیلتھ کارڈ پر آنے والے دنوں پر کام کریں گے۔

    وفاقی وزیر صحت کا مزید کہنا تھا کہ صحت کا شعبہ اللہ کی مخلوق سے منسلک ہے۔ انسان جب تکلیف میں ہوتا ہے تو اسپتالوں کی طرف آتا ہے۔ غریب سرکاری اسپتالوں میں آتا ہے جبکہ امیر پرائیوٹ اسپتال جا سکتے ہیں۔دوسری جانب پمز کے دورے میں مریضوں نے وزیر صحت کے سامنے شکایات کے انبار لگا دیئے۔ ایک مریض نے کا کہنا تھا کہ یہاں میڈیسن نہیں مل رہی اور بیڈ میسر نہیں ہیں۔ گزشتہ ماہ ایکسرے کی فلمز ختم تھیں مریضوں کو پرائیویٹ لیبارٹریوں کے چکر لگوائے گئے۔

    فیصل آباد،مسافر وین اور کار کی ٹکر، 26 افراد زخمی

    ڈیجیٹل پلیٹ فارمز سے معلومات لیکر ڈکیتی اور اغوا ، 2 جعلی پولیس اہلکار گرفتار

    کراچی میں کل سے گرمی کی شدت میں اضافے کا امکان

    غیر ملکیوں کے خلاف ایکشن، جڑواں شہروں سے 60 افغان گرفتار

    مارچ کے مہینے میں تجارتی خسارے میں کمی ریکارڈ کی گئی

  • فیصل آباد،مسافر وین اور کار کی ٹکر، 26 افراد زخمی

    فیصل آباد،مسافر وین اور کار کی ٹکر، 26 افراد زخمی

    فیصل آباد کے علاقے تاندلیانوالا میں اوکاڑہ روڈ پرمسافروین کارسے ٹکراکراُلٹ گئی، حادثے میں خواتین اوربچوں سمیت 26 افراد زخمی ہوئے.

    میڈیا رپورٹس کے مطابق تاندلیانوالہ میں اوکاڑہ روڈ پر تیز رفتار مسافر وین کار سے ٹکرا کر الٹ گئی۔ جس کے نتیجے میں وین میں سوار 26 مسافر زخمی ہوگئے، جن میں خواتین اور بچے بھی شامل ہیں۔ریسکیو اہلکاروں نے موقعہ پر پہنچ کر معمولی زخمیوں کو ابتدائی طبی امداد دی اور دو خواتین سمیت 13 شدید زخمی مسافروں کو تحصیل ہیڈ کوارٹر اسپتال تاندلیانوالہ منتقل کر دیا۔ریسکیو ذرائع کے مطابق مسافر وین فیصل آباد سے اوکاڑہ جارہی تھی۔ اور حادثہ تیز رفتاری کے باعث پیش آیا ہے۔

    دوسری جانب لاہورموٹروے پر حادثے میں جاں بحق ہونے والی دو لڑکیوں کی تاحال شناخت نہیں ہو سکی۔گزشتہ روز موٹروے پر ٹھوکر نیاز بیگ کے قریب پیدل سڑک عبور کرتے ہوئے دونوں لڑکیاں نامعلوم گاڑی کی زد میں آکر زخمی ہوگئی تھیں۔موٹروے پولیس کے مطابق حادثے میں زخمی ہونے والی لڑکیوں کو فوری طبی امداد کے لیے جناح ہسپتال منتقل کیا گیا تاہم وہ زخموں کی تاب نہ لاتے ہوئے دم توڑ گئیں۔

    ڈیجیٹل پلیٹ فارمز سے معلومات لیکر ڈکیتی اور اغوا ، 2 جعلی پولیس اہلکار گرفتار

    کراچی میں کل سے گرمی کی شدت میں اضافے کا امکان

    غیر ملکیوں کے خلاف ایکشن، جڑواں شہروں سے 60 افغان گرفتار

    مارچ کے مہینے میں تجارتی خسارے میں کمی ریکارڈ کی گئی

  • ڈیجیٹل پلیٹ فارمز سے معلومات لیکر ڈکیتی اور اغوا ، 2 جعلی پولیس اہلکار گرفتار

    ڈیجیٹل پلیٹ فارمز سے معلومات لیکر ڈکیتی اور اغوا ، 2 جعلی پولیس اہلکار گرفتار

    ڈیجیٹل پلیٹ فارمز سے معلومات حاصل کرکے ڈکیتی اور اغوا کرنے والے 2 جعلی پولیس اہل کار گرفتار کرلیے گئے۔

    ترجمان کراچی ایسٹ پولیس کے مطابق ملزمان ڈیجیٹل سائٹس کا ڈیٹا چوری کرکے صارفین کے گھر پہنچتے تھے اور جعلی پولیس وردی میں اپنا تعارف کرواکر گھروں میں گُھس جاتے تھے۔ملزمان کسٹمرز کی شارٹ ٹرم کڈنیپنگ اور ڈکیتی کی وارداتیں سرانجام دیتے تھے۔گاڑی میں واردات کرنے والے ملزمان گھروں سے قیمتی اشیا کا صفایا کرتے تھے۔ اسی دوران ملزمان شہری کو اغوا کرکے مختلف اے ٹی ایمز پر لے جاکر رقم بھی نکلواتے تھے۔

    ترجمان کے مطابق جائے وقوع سے موصول سی سی ٹی وی فوٹیجز کی مدد سے شناخت کے بعد ملزمان کو گرفتارکیا گیا ہے۔ملزمان سے 2 غیر قانونی 30 بور پسٹلز بمعہ ایمونیشن، موبائل فونز، ایل ای ڈی اور گھڑیاں برآمد ہوئی ہیں۔گرفتار ملزمان سے جعلی پولیس یونیفارمز سمیت جعلی نمبر پلیٹ لگی گاڑی کو بھی قبضے میں لے لیا گیا۔ گرفتار ملزمان میں بلاول خلجی اور سید وقاص حسین شامل ہیں۔

    کراچی میں کل سے گرمی کی شدت میں اضافے کا امکان

    غیر ملکیوں کے خلاف ایکشن، جڑواں شہروں سے 60 افغان گرفتار

    مارچ کے مہینے میں تجارتی خسارے میں کمی ریکارڈ کی گئی

    مراد علی شاہ کا شاہراہ بھٹو کا دورہ، بروقت تکمیل پر زور

  • کراچی میں کل سے گرمی کی شدت میں اضافے کا امکان

    کراچی میں کل سے گرمی کی شدت میں اضافے کا امکان

    محکمہ موسمیات نے شہر کے درجہ حرارت میں اضافے کا امکان ظاہر کردیا۔

    محکمہ موسمیات کے مطابق کراچی میں جمعہ اور ہفتے کو درجہ حرارت میں مزید اضافے کا امکان ہے۔محکمہ موسمیات کا کہنا ہےکہ کراچی میں جمعہ اور ہفتے کو گرمی کی شدت میں اضافے کی وجہ سے پارہ 37 سے 39 ڈگری سینٹی گریڈ تک پہنچ سکتا ہے۔محکمہ موسمیات کے مطابق شہر میں دن کے اوقات میں شمال مغرب سے گرم اور خشک ہوائیں چل سکتی ہیں جب کہ شام میں سمندری ہوائیں بحال ہونے کا امکان ہے۔ آئندہ تین روزکے دوران سمندر کی جنوب مغربی ہوائیں پہلے پہرکے دوران منقطع رہ سکتی ہیں، جس کے نتیجے میں بلوچستان کی شمال مشرقی گرم وخشک ہوائیں چلنے کے نتیجے میں زیادہ سے زیادہ پارہ 39ڈگری کو چھوسکتا ہے۔

    محکمہ موسمیات کے مطابق جمعرات کو شہر کا درجہ حرارت زیادہ سے زیادہ 35.8 ڈگری اور ہوا میں نمی کا تناسب 50فیصد رہا، نمی کا تناسب بڑھنے کے سبب دوپہرکے وقت حدت محسوس کی گئی،دیہی سندھ میں سب سے زیادہ درجہ حرارت مٹھی میں 44.5 ڈگری جبکہ شہید بے نظیرآباد میں 44ڈگری سینٹی گریڈ ریکارڈ ہوا۔

    غیر ملکیوں کے خلاف ایکشن، جڑواں شہروں سے 60 افغان گرفتار

    مارچ کے مہینے میں تجارتی خسارے میں کمی ریکارڈ کی گئی

    مراد علی شاہ کا شاہراہ بھٹو کا دورہ، بروقت تکمیل پر زور

  • غیر ملکیوں کے خلاف ایکشن، جڑواں شہروں سے 60 افغان گرفتار

    غیر ملکیوں کے خلاف ایکشن، جڑواں شہروں سے 60 افغان گرفتار

    غیر ملکیوں کی ملک بدری کے سلسلے میں حساس اداروں اور پولیس کی مشترکہ کارروائیوں میں 60 افغان باشندوں کو گرفتار کرلیا گیا۔

    باغی ٹی وی کے مطابق جڑواں شہروں اسلام آباد اور راولپنڈی میں خفیہ اطلاعات پر کارروائیوں میں 60 افغان باشندوں کو حراست میں لیا گیا ہے۔ یہ کارروائیاں پولیس اور حساس اداروں نے مشترکہ طور پر کی ہیں۔ غیر ملکیوں کی ملک بدری کے پلان کا دوسرا مرحلہ شروع ہوگیا ہے، اس حوالے سے افغان سٹیزن کارڈ ہولڈرز کی رضاکارانہ واپسی کی مدت ختم ہونے کے بعد ایکشن شروع کردیا گیا ہے۔

    اسلام آباد کے علاقوں ترنول، بہارہ کہو، غوری ٹاؤن اور میرآبادی میں سرچ آپریشن کیا گیا جہاں سے افغان سٹیزن کارڈ رکھنے والے 22 باشندوں کو حراست میں لیا گیا۔ اس کے علاوہ راولپنڈی کی فوجی کالونی اور ملحقہ علاقوں سے 38 افراد کو پکڑا گیا۔ تمام افغان باشندے پرانا حاجی کیمپ میں واقع عارضی کیمپ میں منتقل کیے گئے ہیں، جہاں رجسٹریشن کے بعد تمام افراد کو لنڈی کوتل لے جایا جائے گا۔ لنڈی کوتل کیمپ میں افغان باشندوں کی بائیومیٹرک کے بعد وطن واپسی ہوگی۔

    ذرائع نے بتایا کہ پہلے مرحلے میں فارن ایکٹ کے تحت گرفتار افغان باشندوں کو بھجوایا جائے گا۔ جیلوں میں بند افغان باشندوں کو لنڈی کوتل کیمپ منتقل کردیا جائے گا۔ ملک میں سب سے زیادہ افغان باشندے صوبہ خیبر پختونخوا میں مقیم ہیں۔ پی او آر کارڈ رکھنے والے باشندے 30 جون 2025 تک پاکستان میں رہ سکتے ہیں۔

    آذر بائیجان کے صدر کے دورہ پاکستان کی تاریخ کا اعلان ہوگیا

    پیپلزپارٹی کینال معاملےپر ہر چیز کی قربانی دےسکتی ہے،مراد علی شاہ

  • مارچ کے مہینے میں تجارتی خسارے میں کمی ریکارڈ کی گئی

    مارچ کے مہینے میں تجارتی خسارے میں کمی ریکارڈ کی گئی

    مارچ 2025 میں تجارتی خسارے میں کمی ریکارڈ کی گئی ہے۔

    باغی ٹی وی کے مطابق ادارہ شماریات نے بتایا کہ یہ کمی فروری کے مقابلے میں آئی ہے جس سے ملک کی معاشی صورتحال میں بہتری کی علامت ظاہر ہو رہی ہے۔ادارہ شماریات کی رپورٹ کے مطابق مارچ 2025 میں تجارتی خسارے میں 8 فیصد کمی واقع ہوئی جو کہ 2.11 ارب ڈالر رہا۔ مارچ 2025 میں درآمدات میں ماہانہ 1 فیصد کمی آئی اور یہ 4.73 ارب ڈالر تک پہنچ گئیں جب کہ برآمدات میں ماہانہ 5 فیصد اضافہ ہوا اور یہ 2.61 ارب ڈالر تک پہنچیں۔

    ادارہ شماریات کا کہنا ہے کہ رواں مالی سال کے پہلے 9 ماہ میں تجارتی خسارے میں 5 فیصد اضافہ ریکارڈ کیا گیا جو کہ 17.90 ارب ڈالر رہا۔ گزشتہ مالی سال کے 9 ماہ میں تجارتی خسارہ 17.12 ارب ڈالر تھا۔رپورٹ میں مزید بتایا گیا کہ برآمدات میں 8 فیصد کا اضافہ دیکھنے کو ملا جو کہ 24.69 ارب ڈالر رہی جب کہ درآمدات میں 6 فیصد کا اضافہ ہوا جو کہ 42.59 ارب ڈالر تک پہنچا۔

    ٹرمپ کے ٹیرف کا شکار دور افتادہ جزائر جہاں صرف پینگوئنز رہتی ہیں

    آذر بائیجان کے صدر کے دورہ پاکستان کی تاریخ کا اعلان ہوگیا

  • مراد علی شاہ کا شاہراہ بھٹو کا دورہ، بروقت تکمیل پر زور

    مراد علی شاہ کا شاہراہ بھٹو کا دورہ، بروقت تکمیل پر زور

    وزیر اعلیٰ سندھ سید مراد علی شاہ نے شاہراہِ بھٹو کا دورہ کیا اور کراچی میں جاری بڑے ترقیاتی منصوبوں کا جائزہ لیا۔

    باغی ٹی وی کے مطابق وزیر اعلی ہائوس سے جاری اعلامیہ کے مطابق انہوں نے زیر تعمیر جام صادق ، قائد آباد انٹرچینج اور شاہراہِ بھٹو کے توسیعی منصوبے کا معائنہ کیا اور ان کی بروقت تکمیل پر زور دیا۔معائنے کے دوران وزیر اعلی سندھ نے منصوبے کے ڈائریکٹر کو ہدایت دی کہ کام کی رفتار تیز کی جائے تاکہ منصوبے بروقت مکمل کیے جا سکیں۔اس موقع پر وزیر اعلی سندھ کے ہمراہ سینئر وزیر شرجیل میمن، وزیر بلدیات سعید غنی اور میئر کراچی مرتضی وہاب بھی موجود تھے۔وزیر اعلیٰ کے دورے کا اہم مقصد جام صادق انٹرچینج کا معائنہ تھا جو ایک اہم ٹریفک گزرگاہ ہے۔ابتدائی طور پر اس منصوبے کی تکمیل کیلئے تین ماہ کا تخمینہ لگایا گیا تھا تاہم وزیر اعلیٰ نے ا سے دو ماہ میں مکمل کرنے کی ہدایت کردی۔

    انہو ں نے شاہراہِ بھٹو پر کاز وے کے قریب زیر تعمیر چوراہے کا بھی جائزہ لیا اور اس کی جلد تکمیل کی ہدایت دی۔ انہوں نے متعلقہ حکام کو ہدایت دی کہ ڈیفنس اور عائشہ مسجد کی جانب ٹریفک کی روانی بہتر بنانے کے لیے موثر حل نکالے جائیں تاکہ شہریوں اور مسافروں کو کسی پریشانی کا سامنا نہ ہو۔ایک اہم پیشرفت کے تحت وزیر اعلی سندھ مراد علی شاہ نے شاہراہِ بھٹو کو آئندہ تین سالوں میں کراچی سی پورٹ سے منسلک کرنے کا منصوبہ پیش کیا۔ انہوں نے وضاحت کی کہ یہ رابطہ ملک بھر میں سامان کی موثر نقل و حمل کو یقینی بنانے میں اہم کردار ادا کرے گا۔ اس منصوبے کا مقصد کراچی پورٹ ٹرسٹ کو شاہراہِ بھٹو سے جوڑنا ہے جس سے لاجسٹکس کے نظام میں بہتری آئے گی اور شہر میں ٹریفک کا دبائو کم ہوگا۔

    انہوں نے یلو لائن جام صادق پل کا بھی دورہ کیا اور وزیر اطلاعات و ٹرانسپورٹ شرجیل میمن کو ہدایت دی کہ اس منصوبے کو آئندہ دو ماہ میں مکمل کیا جائے۔ انہوں نے حکام کو ہدایت دی کہ مجوزہ ٹریفک کے مسائل حل کرنے کے لیے تفصیلی نقشے تیار کیے جائیں جو آئندہ بدھ یا جمعرات کو ہونے والے اجلاس میں زیر بحث آئیں گے۔قائد آباد انٹرچینج کے دورے سے قبل وزیر اعلی سندھ سید مراد علی شاہ نے شاہراہِ بھٹو ٹول پلازہ پر خود ٹول ٹیکس ادا کرکے قانون کی پاسداری کی مثال قائم کی۔

    قائد آباد انٹرچینج کے دورے کے دوران وزیر اعلی مراد علی شاہ کو بتایا گیا کہ انٹرچینج کے داخلہ اور اخراج کے ریمپس مکمل ہو چکے ہیں اور اپریل کے آخر یا مئی کے پہلے ہفتے تک آپریشنل ہونے کی توقع ہے۔ انہوں نے مسافروں کی سہولت کیلئے انٹرچینج کو جلد ٹریفک کیلئے کھولنے کی ضرورت پر زور دیا۔ وزیر اعلی سندھ نے قائد آباد سے سموں گوٹھ تک چار کلومیٹر طویل ایلیویٹڈ روڈ کی تعمیر میں تیزی لانے کی ہدایت بھی دی جو سموں گوٹھ میں انسانی آبادکاری کے تحفظ کیلئے ضروری ہے۔کراچی کے شہری انفراسٹرکچر میں تیز ترین تبدیلی کے دوران وزیر اعلی سندھ کا دورہ سندھ حکومت کے اس عزم کو اجاگر کرتا ہے کہ وہ پاکستان کے سب سے بڑے شہر میں ٹریفک کی روانی اور رابطے کو بہتر بنانے کیلئے اس اہم منصوبوں کی تکمیل میں تیزی لائے گی۔

    آذر بائیجان کے صدر کے دورہ پاکستان کی تاریخ کا اعلان ہوگیا

  • بھارتی ائیر فورس کا جیگوار لڑاکا طیارہ تباہ، پائلٹ ہلاک

    بھارتی ائیر فورس کا جیگوار لڑاکا طیارہ تباہ، پائلٹ ہلاک

    بھارتی فضائیہ کا جیگوار لڑاکا طیارہ گر کر تباہ ہوگیا۔

    بھارتی میڈیا رپورٹس کے مطابق لڑاکا طیارہ ضلع گجرات کے علاقے جام نگر میں گر کر تباہ ہوا، ابتدائی اطلاعات کے مطابق طیارہ تکنیکی خرابی کے باعث گر کر تباہ ہوا، یہ پہلا واقعہ نہیں بھارتی فضائیہ کے طیارے گرنا روزمرہ کا معمول بن چکا ہے۔اس سے قبل 2 اپریل 2025ء کو بھی بھارتی فضائیہ کا سنگل انجن والا طیارہ تکنیکی وجوہات کی بنا پر مہسانہ شہر کے قریب اُچارپی گاؤں میں گر کر تباہ ہوگیا تھا، صرف یہی نہیں گزشتہ ماہ بھی بھارتی فضائیہ کے ایک دن میں دو طیارے گر کر تباہ ہوئے جن میں لڑاکا طیارہ جیگوار شامل تھا۔

    نومبر 2024ء میں بھی MiG-29 لڑاکا طیارہ آگرہ اتر پردیش کے قریب گر کر تباہ ہوا تھا اسے بارے بات کرتے ہوئے دفاعی ماہرین کا کہنا ہے کہ طیارہ حادثات بھارتی فضائیہ کی آپریشنل تیاریوں اور حفاظتی معیار پر سنگین سوالات ہیں، مودی کی ناقص پالیسیوں کی وجہ سے بھارت کا دفاعی نظام کھوکھلا ہو چکا ہے مودی سرکار کی ناکام پالیسیوں اور کرپشن کے سبب بھارتی فضائیہ ہر گزرتے دن کے ساتھ زوال پذیر ہو رہی ہے، مودی سرکار کے دفاع میں بہتری کے وعدے صرف زبانی جمع خرچ کے سوا کچھ نہیں۔

    اسرائیل کا غزہ کے ‘جنوبی علاقہ پر قبضہ کرنے کا اعلان

    سب سے پہلے امریکہ،ڈونلڈ ٹرمپ کا نیا ٹیرف پیکج، عالمی تجارتی نظام میں زلزلہ

    نوبل انعام،عمران خان کو بڑا جھٹکا،پی ٹی آئی کو پھر ملی رسوائی

    نوبل انعام،عمران خان کو بڑا جھٹکا،پی ٹی آئی کو پھر ملی رسوائی

    پی ایس ایل10 ،ٹکٹوں کی فروخت آج سے شروع ہو گی

  • جعلسازی ،97 لاکھ بھارتیوں کے واٹس ایپ اکاؤنٹس بلاک

    جعلسازی ،97 لاکھ بھارتیوں کے واٹس ایپ اکاؤنٹس بلاک

    واٹس ایپ نے سخت کارروائی کرتے ہوئے رواں برس فروری میں 97 لاکھ سے زائد بھارتی اکاؤنٹس پر پابندی لگا دی۔

    میڈیا رپورتس کے مطابق واٹس ایپ نے اپنی تازہ ترین ماہانہ سیفٹی رپورٹ میں واٹس ایپ پر جعلسازی، فراڈ اور اس کے غلط استعمال کو روکنے کی کوششوں پر روشنی ڈالی گئی ہے۔بتایا گیا کہ بلاک ہونے والے اِن تمام اکاؤنٹس میں سے 14 لاکھ سے زیادہ اکاؤنٹس ایسے تھے جو صارفین کی شکایات موصول ہونے سے پہلے ہی بلاک کر دیے گئے۔ بھارت میں واٹس ایپ کے 500 ملین (50 کروڑ) سے زیادہ صارفین ہیں، لہٰذا واٹس ایپ انتظامیہ اپنے صارفین کو آن لائن خطرات سے بچانے کے لیے فعال انداز میں حفاظتی اقدامات اٹھا رہی ہے۔

    واٹس ایپ کی رپورٹ کے مطابق ’آئی ٹی رولز 2021‘ کے تحت فروری کے دوران بھارت میں کُل 9,967,000 اکاؤنٹس پر پابندی عائد کی گئی۔’آئی ٹی رولز 2021‘ کے تحت ڈیجیٹل پلیٹ فارمز اپنے صارفین کی شکایات کو دور کرنے اور نقصان دہ سرگرمیوں کو روکنے کے پابند ہوتے ہیں۔واٹس ایپ نے انکشاف کیا کہ اسے فروری کے دوران 17,649 صارفین کی شکایات موصول ہوئیں، جس کے نتیجے میں 427 اکاؤنٹس کے خلاف کارروائی کی گئی۔ واٹس ایپ اتنظامیہ اپنے پلیٹ فارم پر مشکوک رویے کی نگرانی اور روک تھام کے لیے جدید مصنوعی ذہانت (اے آئی) اور مشین لرننگ الگورتھم استعمال کرتا ہے۔

    واضح رہے کہ واٹس ایپ دھوکہ دہی اور جعلسازی میں ملوث اکاؤنٹس کو آئے روز بلاک کرتا رہتا ہے، جنوری 2025 میں واٹس ایپ نے 99 لاکھ سے زیادہ بھارتی اکاؤنٹس پر پابندی لگا دی تھی، جو کہ دھوکہ دہی میں ملوث اکاؤنٹس کے خلاف کریک ڈاؤن کے مسلسل رجحان کو ظاہر کرتا ہے۔

    سب سے پہلے امریکہ،ڈونلڈ ٹرمپ کا نیا ٹیرف پیکج، عالمی تجارتی نظام میں زلزلہ

    نوبل انعام،عمران خان کو بڑا جھٹکا،پی ٹی آئی کو پھر ملی رسوائی

    کراچی، ڈاکوؤں نے مزاحمت پر بیٹے کے سامنے باپ قتل

    پی ایس ایل10 ،ٹکٹوں کی فروخت آج سے شروع ہو گی

    مزید ریمانڈ سے انکار،صحافی فرحان ملک کو جیل بھیج دیا گیا