Author: سعد فاروق

بھارت نے دعویٰ کیا ہے کہ امریکا نے ایران کی چابہار بندرگاہ کے آپریشن کے لیے نئی دہلی کو چھ ماہ کی پابندیوں سے استثنیٰ دے دیا ہے، جس سے افغانستان اور وسطی ایشیا کے ساتھ تجارت میں اضافہ ممکن ہو سکے گا۔

برطانوی خبر رساں ادارے رائٹرز کے مطابق بھارت نے گزشتہ سال ایران کے ساتھ چابہار بندرگاہ کی ترقی اور آپریشن کے لیے دس سالہ معاہدہ کیا تھا۔ رواں ماہ نئی دہلی نے طالبان حکومت کے زیر انتظام افغانستان کے ساتھ روابط بڑھانے کے لیے کابل میں اپنا سفارت خانہ دوبارہ کھولا ہے۔چاہ بہار بندرگاہ ایران کے جنوب مشرقی ساحل پر واقع ہے اور اس منصوبے کا مقصد افغانستان کو ریل لنک کے ذریعے جوڑنا اور کراچی بندرگاہ پر انحصار کم کرنا ہے۔

بھارتی وزارتِ خارجہ کے ترجمان رندھیر جیسوال نے پریس بریفنگ میں کہا کہ بھارت کو چھ ماہ کی رعایت دی گئی ہے اور امریکا کے ساتھ تجارتی معاہدے پر بات چیت جاری ہے۔یہ پیش رفت ایسے وقت میں ہوئی ہے جب امریکی صدر ڈونلڈ ٹرمپ نے کہا کہ وہ بھارت کے ساتھ نیا تجارتی معاہدہ کرنا چاہتے ہیں، جسے دونوں ممالک کے تعلقات میں نرمی کی علامت سمجھا جا رہا ہے

دہشتگرد کارروائیوں سے روکنے کے لیے تحریری معاہدہ ضروری ہے،رانا ثنااللہ

2027 کے ای اسپورٹس اولمپکس کی میزبانی سعودی عرب سے واپس

سرحدی کشیدگی، پاکستان اور افغان طالبان کے مذاکرات دوبارہ شروع

استنبول میں پاکستان اور افغان طالبان کے درمیان اہم مذاکرات کا سلسلہ دوبارہ شروع ہوگیا ہے۔ یہ پیش رفت ایک روز بعد سامنے آئی ہے جب پاکستانی وفد نے کہا تھا کہ مذاکرات میں کوئی قابلِ ذکر نتیجہ حاصل نہیں ہو سکا۔

برطانوی خبر رساں ادارے ’رائٹرز‘ کے مطابق یہ مذاکرات ترکی اور قطر کی درخواست پر دوبارہ شروع کیے گئے ہیں تاکہ دونوں ممالک کے درمیان سرحدی جھڑپوں کا سلسلہ مزید نہ بڑھے۔ایک پاکستانی سیکیورٹی اہلکار کے مطابق پاکستان مذاکرات میں اپنا بنیادی مطالبہ پیش کرے گا کہ افغانستان اپنی سرزمین کو پاکستان مخالف عسکریت پسندوں کے محفوظ ٹھکانے کے طور پر استعمال ہونے سے روکے اور ان کے حملوں کی منصوبہ بندی کے خلاف مؤثر کارروائی کرے۔

افغان طالبان کے وفد کے قریب ذرائع نے رائٹرز کو بتایا کہ پاکستان اور افغانستان کے درمیان زیادہ تر مسائل خوش اسلوبی سے حل ہو چکے ہیں، تاہم پاکستان کے چند مطالبات پر اتفاق کے لیے مزید وقت درکار ہے کیونکہ یہ نکات نسبتاً مشکل نوعیت کے ہیں۔

ذرائع کے مطابق پاکستان نے واضح طور پر زور دیا ہے کہ افغانستان اپنی سرزمین پاکستان مخالف دہشت گردوں کے استعمال سے روکے، تاہم افغان وفد نے اس مطالبے پر کوئی یقین دہانی نہیں کرائی اور بات چیت الزام تراشی کا شکار ہو گئی

قصور :پولیس ڈرائیونگ سکول میں پاسنگ آؤٹ تقریب، صفیہ سعید مہمانِ خصوصی

امریکا کے جوہری تجربات دوبارہ شروع کرنے کے اعلان پر روس کا محتاط ردعمل

کریملن نے امریکی صدر ڈونلڈ ٹرمپ کے جوہری ہتھیاروں کے تجربات دوبارہ شروع کرنے کے اعلان پر محتاط ردعمل ظاہر کرتے ہوئے کہا ہے کہ اگر امریکا نے جوہری پابندی توڑی تو روس بھی اسی کے مطابق اقدام کرے گا۔

کریملن کے ترجمان دیمتری پیسکوف نے جمعرات کو صحافیوں سے گفتگو میں کہا کہ روس نے اب تک کوئی جوہری تجربہ نہیں کیا، تاہم اگر امریکا نے اپنی پالیسی تبدیل کی تو ماسکو بھی جواباً قدم اٹھانے پر مجبور ہوگا۔پیسکوف کا کہنا تھا کہ صدر ٹرمپ کے اس بیان سے قبل روس کو واشنگٹن کی جانب سے کسی نئی حکمتِ عملی یا مؤقف کی اطلاع نہیں ملی۔ان کے مطابق صدر ٹرمپ نے اپنے بیان میں دعویٰ کیا کہ دیگر ممالک بھی جوہری تجربات کر رہے ہیں، لیکن روس کو اس حوالے سے کسی ملک کی سرگرمیوں کا علم نہیں۔

ترجمان نے واضح کیا کہ روس کے حالیہ بورویستنک کروز میزائل اور پوسائیڈن جوہری ٹارپیڈو کے تجربات دراصل جوہری ہتھیاروں کے تجربات نہیں تھے۔پیسکوف نے صدر ولادیمیر پیوتن کے مؤقف کا حوالہ دیتے ہوئے کہا کہ روس ہمیشہ جوہری تجربات پر عائد پابندی کا احترام کرتا آیا ہے، لیکن اگر کوئی ملک اس معاہدے سے انحراف کرتا ہے تو روس بھی اسی کے مطابق ردعمل دے گا۔

یاد رہے کہ سوویت یونین نے آخری جوہری تجربہ 1990 میں، امریکا نے 1992 میں اور چین نے 1996 میں کیا تھا، جبکہ روس نے سوویت دور کے بعد سے اب تک کوئی جوہری تجربہ نہیں کیا.

یروشلم میں ہزاروں قدامت پسند یہودیوں کا فوجی بھرتی کے خلاف مظاہرہ

شہباز شریف اور صدر زرداری کی ملاقات، آزاد کشمیر حکومت سازی پر مشاورت

ای چالان غیر منصفانہ،کراچی میں مرکزی مسلم لیگ کی سندھ ہائی کورٹ میں درخواست

اسرائیل میں ہزاروں مذہبی طور پر قدامت پسند یہودی مردوں نے یروشلم میں فوجی بھرتی کے خلاف بھرپور احتجاج کیا۔ مظاہرین نے سیاہ لباس اور ٹوپیاں پہن رکھی تھیں اور فوجی خدمات سے استثنیٰ کے حق میں نعرے لگاتے رہے، وہی استثنیٰ جس کا وعدہ وزیرِاعظم بنیامین نیتن یاہو طویل عرصے سے کرتے آئے ہیں۔

میڈیا رپورٹس کے مطابق مظاہرین نے شہر کی مرکزی شاہراہوں پر مارچ کیا، فوجی بھرتی کے خلاف نعرے لگائے اور کئی مقامات پر ترپال کے ٹکڑوں کو آگ لگا دی۔ پولیس نے یروشلم کے تاریخی حصے میں ہزاروں اہلکار تعینات کر کے متعدد سڑکیں بند کر دیں۔یہ مظاہرہ ایسے وقت میں ہوا ہے جب حالیہ مہینوں میں اسرائیلی حکام نے مذہبی یہودیوں کو فوج میں شامل ہونے کے لیے طلبی کے نوٹس جاری کیے اور بھرتی سے انکار کرنے والے کئی افراد کو قید بھی کیا جا چکا ہے۔

1948 میں اسرائیل کے قیام کے وقت ایک اصول کے تحت وہ مذہبی یہودی مرد جو مکمل طور پر مذہبی تعلیم میں مصروف ہوں، لازمی فوجی خدمت سے مستثنیٰ قرار دیے گئے تھے۔ تاہم غزہ جنگ کے بعد افرادی قوت کی کمی کے باعث اس استثنیٰ پر دباؤ بڑھ گیا۔جون 2024 میں اسرائیلی سپریم کورٹ نے فیصلہ دیا کہ مذہبی یہودیوں کے لیے فوجی سروس سے استثنیٰ ختم ہو چکا ہے، اور حکومت اب انہیں لازمی طور پر بھرتی کرے۔ اس کے بعد پارلیمانی کمیٹی ایک نئے بل پر غور کر رہی ہے جس میں صرف وہ نوجوان مستثنیٰ ہوں گے جو مکمل وقت مذہبی تعلیم حاصل کر رہے ہوں۔

یہ مسئلہ نیتن یاہو کی دائیں بازو کی مخلوط حکومت کے لیے بڑا سیاسی چیلنج بن چکا ہے۔ شاس پارٹی کے وزرا نے جولائی میں احتجاجاً استعفیٰ دیا، جبکہ یونائیٹڈ تورہ جوڈائیزم پارٹی پہلے ہی حکومت چھوڑ چکی ہے۔

شہباز شریف اور صدر زرداری کی ملاقات، آزاد کشمیر حکومت سازی پر مشاورت

ای چالان غیر منصفانہ،کراچی میں مرکزی مسلم لیگ کی سندھ ہائی کورٹ میں درخواست