Author: سعد فاروق

جماعت اسلامی سندھ نے کراچی ایئرپورٹ دہماکے میں چینی انجنیئرزپرحملے کی سخت مذمت ،قاتلوں کو گرفتارکرکے قرارواقعی سزاکا مطالبہ کرتے ہوئے زوردیا ہے کہ حکومت چینی شہریوں کو مکمل تحفظ فراہم کرے۔

باغی ٹی وی کی رپورٹ کے مطابق امیرجماعت اسلامی سندھ وسابق رکن قومی اسمبلی محمد حسین محنتی نے ایک بیان میں کہاکہ حالیہ دہشت گردی کا واقعہ پاک چین تعلقات کو خراب کرنے کی سازش ہے ،جماعت اسلامی افسوس ناک واقعے میں انسانی جانوں کے نقصان پر چینی حکومت کے دکھ میں بربرکی شریک ہے۔کراچی ایئرپورٹ دہماکہ قابل مذمت ہونے کے ساتھ سیکورٹی اداروں کے لیے بھی سوالیہ نشان ہے۔قوم پوچھنا چاہتی ہے کہ جس طرح کچے کے ڈاکو?ں کے پاس جدید اسلح کیسے پہنچتا ہے اسی طرح ایئرپورٹ جیسے اہم اورحساس مقام پر بارود سے بھری گاڑی کیسے پہنچی صوبائی امیر نے کہاکہ چینی شہریوں پرحملہ کرنے والے دشمن کے آلہ کارہیں جوایک طرف پاک چین تعلقات کو خراب تودوسری جانب شہرکراچی کا امن سبوتاڑکرنا چاہتے ہیں ایسے لوگ کسی بھی رعایت کے مستحق نہیں ہیں۔حالیہ دہشت گردی کے ذریعے ملک دشمن عناصرگوادر میں جاری سی پیک منصوبوں میں رکاوٹ ڈالنا اور پاکستان میں غیرملکی سرمایہ کاری کو مشکل بنانا چاہتے ہیں کیونکہ اس سے قبل سوات میں بھی گیارہ ملکوں کے سفیروں کے قافلے کو دہشت گردی کا ہدف بنانے کی کوشش حال ہی میں کی جاچکی ہے۔ اس طرح پاکستان کے بارے میں یہ تاثر عام کرنے کی سازش کی جارہی ہے کہ یہاں کسی کی جان مال محفوظ نہیں تاکہ ملک میں معاشی بحالی کے جاری عمل کو روکا جاسکے۔صوبائی امیر نے زوردیاکہ سیکورٹی اداروں کو ملکی سیاست میں مداخلت کی بجائے انٹلیجنس نظام کو مزید بہتر بناکر دہشت گردی کے تمام نیٹ ورکس کا مکمل خاتمہ کیا جائے۔

8اکتوبر کے متاثرین آج بھی بنیادی سہولیات سے محروم ہیں، سربراہ پاکستان سنی تحریک

سندھ ہائی کورٹ نے کے الیکٹرک کے بلوں میں ٹیکس وصولی کے خلاف درخواست مسترد کر دی.

باغی ٹی وی کی رپورٹ کے مطابق بجلی کے بلوں میں ٹیکس وصولی کے خلاف دائر درخواست پر سماعت ہوئی، عدالت نے کہا کہ درخواست مسترد کرنے کی وجوہات بعد میں جاری کی جائیں گی، فنانس ایکٹ کے تحت ٹیکس کا نفاذ کیا جاتا ہے، آپ نے فنانس ایکٹ چیلنج کیا؟۔سندھ ہائی کورٹ نے کہا کہ فیول ایڈجسٹمنٹ کئی ماہ بعد ہوتے ہیں اگر کوئی کرایہ دار ہے تو یہ فیول ایڈجسٹمنٹ اس کی حق تلفی ہے۔درخواست گزار کے وکیل نے کہا کہ نیپرا درخواست کا جائزہ لے کر فیول ایڈجسٹمنٹ طے کرتا ہے۔کے الیکٹرک کے وکیل نے کہا کہ ایڈوانس ٹیکس، اِنکم ٹیکس دینے والے صارفین پر نافذ نہیں ہوتا اگر درخواست گزار انکم ٹیکس ادا کرتے ہیں تو ہم سے رابطہ کر لیتے، بجلی ایک قابل فروخت شے ہے جس پر ٹیکس لگتے ہیں۔فیول ایڈجسٹمنٹ تیل کی قیمتوں کے مطابق ریگولیٹ ہوتے ہیں۔وکلاءکے دلائل کے بعد عدالت نے کے الیکٹرک کے بلوں میں ٹیکس وصولی کے خلاف درخواست مسترد کر دی۔خیال رہے کہ اس سے قبل سندھ ہائی کورٹ نے کے-الیکٹرک کے بلوں میں میونسپل ٹیکس کی وصولی کے خلاف درخواست پر میئر کراچی مرتضیٰ وہاب، کے-الیکٹرک اور دیگر فریقین کو نوٹس جاری کرتے ہوئے 27 اگست تک جواب طلب کیا تھا۔سندھ ہائی کورٹ کے جسٹس صلاح الدین پہنورکی سربراہی میں دو رکنی بینچ نے سٹی کونسل میں اپوزیشن لیڈر اور جماعت اسلامی کے رکن سیف الدین ایڈووکیٹ کی جانب سے دائر درخواست پر سماعت کی اور حکم نامہ جاری کردیاتھا۔جسٹس صلاح الدین پہنور نے میئر کراچی مرتضیٰ وہاب سے اسکولوں اور اسپتالوں کی فہرست طلب کرلی اور حکم دیا ہے کہ سکولوں اور ہسپتالوں میں بالترتیب طلبہ اور عملے کی تفصیلات بھی پیش کی جائیں۔عدالت نے مئیر کراچی، کے-الیکٹرک اور دیگر فریقین کو نوٹس جاری کرتے ہوئے جواب طلب کیا تھا۔عثمان فاروق ایڈووکیٹ نے عدالت سے استدعا کی کہ مئیر کراچی کی جانب سے لگائے گئے میونسپل ٹیکس غیر قانونی قرار دیا جائے، مئیر کراچی اور کے-الیکٹرک کے درمیان ہونے والے معاہدے کو بھی کالعدم قرار دیا جائے۔

خواتین کو شرعی وراثتی حق فراہم کرنے کی ضرورت،سپریم کورٹ کا فیصلہ

کراچی ایئرپورٹ کے قریب دھماکے کے الزام میں خاتون سمیت متعدد افراد کو حراست میں لے لیا گیا ہے۔

باغی ٹی وی کی رپورٹ کے مطابق کراچی میں جناح ٹرمینل کے قریب دھماکے کی تحقیقات جاری ہیں، جہاں ایک خاتون سمیت متعدد افراد کو حراست میں لیا گیا ہے۔تحقیقاتی ذرائع کا کہنا ہے کہ جیو فینسنگ میں چھ سے آٹھ نمبرز مشکوک قرار پائے ہیں۔ مشکوک نمبروں کے تمام کوائف چیک کیے جا رہے ہیں، دہشت گرد کو قریبی عمارت سے سپورٹ مل رہی تھی۔ چینی انجینئرز کے بارے میں جنہیں معلومات تھیں انہیں بھی شامل تفتیش کرنے کا فیصلہ کیا گیا ہے۔واضح رہے کہ کراچی ایئرپورٹ سگنل کے قریب گزشتہ شب زوردار دھماکے میں 2 غیر ملکیوں سمیت 3 افراد ہلاک ہوگئے تھے جبکہ اس واقعے میں 17 افراد زخمی بھی ہوئے۔تفتیشی ذرائع نے دعویٰ کیا ہے کہ کراچی میں گزشتہ شب ایئرپورٹ کے باہر غیر ملکیوں کے قافلے سے خودکش حملہ آور نے بارود سے بھری کار ٹکرائی۔ذرائع کا کہنا ہے کہ حملے میں چھوٹی کار استعمال کی گئی، کار سوار خودکش حملہ آور قافلے کے نکلنے کا انتظار کر رہا تھا۔تفتیشی ذرائع نے کہا ہے کہ قافلہ پہنچتے ہی کار سوار نے اپنی گاڑی غیر ملکیوں کی گاڑی سے ٹکرا دی، کار میں ممکنہ طور پر بارود تھا جس سے گاڑی مکمل تباہ ہو گئی۔تفتیشی اداروں نے کراچی میں چینی باشندوں پر خود کش حملے میں استعمال ہونے والی گاڑی کی معلومات حاصل کرلیں۔ چیسس نمبر سے گاڑی کے مالک کا نادرا ریکارڈ بھی حاصل کرلیا گیا جبکہ حملہ آور کے زیر استعمال موبائل فونز سمز کا ڈیٹا بھی جمع کیا جارہا ہے۔

کراچی حملے میں اہم پیشرفت، تفتیش کا دائرہ بلوچستان تک وسیع

کراچی پولیس نے جرائم پیشہ عناصر کے خلاف کارروائیوں کی ہفتہ وار کارکردگی رپورٹ جاری کردی .

انسداد جرائم کی کامیاب کارروائیوں کے دوران ایک ہفتے کے دوران ضلعی پولیس نے ڈاکوئوں سے 25مقابلے کئے، فائرنگ کے تبادلے میں 3ڈاکو ہلاک جبکہ 32زخمی ڈاکوئوں سمیت 43ملزمان کو گرفتارکرکے ان کے قبضے سے 35مختلف اقسام کا غیر قانونی اسلحہ اور 17موٹر سائیکلیں برآمد کرلی گئیں ۔ترجمان کراچی پولیس کے مطابق پولیس نے گزشتہ ہفتے ایسٹ، ویسٹ اور سائوتھ زونز میں منشیات کے خلاف جاری مہم کے دوران مختلف کارروائیوں میں مجموعی طور پر 917سے زائد ملزمان کو گرفتار کرکے ان کے قبضے سے لاکھوں روپے مالیت کی 42کلو 973 گرام چرس، ایک کلو 92گرام آئس،کرسٹال اور ہیروئن ،146اقسام کا غیر قانونی اسلحہ بمعہ ایمونیشن برآمد کرلیا ہے۔اس کے علاوہ کراچی پولیس نے مختلف علاقوں سے چھینی و چوری شدہ 53موٹرسائیکلیں اور 2گاڑی بھی برآمد کیں ہیں۔

ایف آئی اے کی کارروائی، جعلی دستاویزات پر سفر کرنے والامسافر گرفتار

کراچی(اُردو پوائنٹ اخبارتازہ ترین – این این آئی۔ 07 اکتوبر2024ء) ایف آئی اے امیگریشن کراچی نے کارروائی کے دوران جعلی دستاویزات پر سفر کرنے والامسافرگرفتارکرلیا۔

ترجمان ایف آئی اے کے مطابق جناح ٹرمینل پرتعینات امیگریشن عملے نے جعلی دستاویزات پر بیرون ملک سے آنے والے مسافر کو گرفتار کیا، ملزم نعیم خان فلائٹ نمبر UL-151 کے ذریعے ملائیشیا سے پاکستان پہنچا تھا۔امیگریشن کلیئرنس کے دوران ملزم کے دستاویزات کو مشکوک پایا گیا جبکہ پاسپورٹ پر پاکستان کی جعلی ایگزٹ اسٹیمپ لگی ہوئی تھی، ملزم کے پاسپورٹ پر 26 مارچ 2023 کی کراچی امیگریشن کی جعلی اسٹیمپ لگی ہوئی تھی،مذکورہ جعلی اسٹمپ کا آئی بی ایم ایس میں ریکارڈ موجود نہ تھا۔ابتدائی تفتیش کے مطابق ملزم نے ملائشیا میں مقیم بخت نواب نامی ایجنٹ سے مذکورہ اسٹمپ حاصل کی، جس کے لیے ایجنٹ کو 3400 رنگٹ ادائیگی کی، گرفتار ملزم کو مزید قانونی کارروائی کے لیے انسدادِ انسانی اسمگلنگ سرکل کراچی منتقل کر دیا گیا ہے اور مزید تفتیش جاری ہے۔

فلسطینی عوام کے دکھوں کا مداوا کرنے والا کوئی دکھائی نہیں دیتا،مرتضیٰ وہاب

میئر کراچی بیرسٹر مرتضیٰ وہاب نے کہا ہے کہ اس سے زیادہ المناک بات اور کیا ہوسکتی ہے کہ آج مظلوم اور بے یارو مدد گار فلسطینی عوام کے دکھوں کا مداوا کرنے والا کوئی دکھائی نہیں دیتا، اقوام متحدہ اور عالمی طاقتوں کو اب خواب غفلت سے جاگ اٹھنا چاہئے، بصورت دیگر عالمی امن کو خطرے میں ڈالنے کی ذمہ داری ان پر بھی عائد ہوگی، جنہوں نے مصلحتوں کے پیش نظر اس اہم اور انتہائی سنگین انسانی مسئلے کو نظر انداز کیا اور اس طرح اسرائیل کو ہر طریقے سے خطے میں اپنی من مانی کی اجازت دی، آج کا دن ہم نے غزہ اور دیگر علاقوں میں مظلوم فلسطینیوں سے اظہار یکجہتی کے نام کیا اور یہ امر باعث ستائش ہے کہ سٹی کونسل کی خواتین ممبران نے اس موقع پر اسرائیلی ظلم و بربریت کے خلاف سراپا احتجاج بنتے ہوئے کے ایم سی صدر دفتر کے باہر فلسطینیوں سے یکجہتی کا بھرپور مظاہرہ کرتے ہوئے ریلی نکالی اور پورے ملک کو اور دنیا کو یہ پیغام پہنچایا کہ سٹی کونسل کراچی فلسطینیوں کے خلاف بدترین ظلم و بربریت کی مذمت کرتی ہے اور اسرائیل کے ظالمانہ اقدامات کے خلاف احتجاج کرتی رہے گی، یہ بات انہوں نے پیر کے روز یوم یکجہتی فلسطین کے موقع پر کے ایم سی ہیڈ آفس کے باہر سٹی کونسل میں پاکستان پیپلزپارٹی کی چیف وہپ مسرت نیازی کی قیادت میں ریلی نکالنے والی خواتین ممبران سے اپنے دفتر میں ملاقات کرتے ہوئے کہی، میئر کراچی بیرسٹر مرتضیٰ وہاب کو اس موقع پر محترمہ مسرت نیازی نے فلسطین کا پرچم اور مخصوص فلسطینی مفلر پیش کیا، میئر کراچی نے کہا کہ غزہ اور دیگر فلسطینی علاقوں پر جو مسلسل بمباری ہو رہی ہے اس کے نتیجے میں آج وہاں نہ بچے محفوظ ہیں نہ خواتین اور نہ ہی بزرگ، ہمارا مطالبہ ہے کہ اس علاقے میں فوری طور پر جنگ بندی کی جائے اور فلسطینیوں کو جینے کا حق دیا جائے، انہوں نے کہا کہ عالم اسلام کو غزہ اور فلسطین کی موجودہ قابل رحم صورتحال سے سابق حاصل کرنا چاہئے کہ یہ وقت کبھی بھی کسی پر بھی آسکتا ہے لہٰذا یہ ضروری ہے کہ تمام اسلامی ممالک اپنے باہمی گروہی اور فرقہ وارانہ اختلافات کو فراموش کرکے ایک قوت بنیں اور اسرائیل جیسی ظالم ریاست اور اس کے حمایتی ممالک کو واضح پیغام دیں کہ وہ کسی بھی صورت مسلمانوں کے خلاف دنیا کے کسی بھی حصے میں اس طرح کاظلم و بربریت برداشت نہیں کریں گے، انہوں نے کہا کہ سابق وزیر اعظم شہید ذوالفقار علی بھٹو نے عالم اسلام کو ایک پرچم تلے اکٹھا کیا تھا اور پاکستان میں اسلامی سربراہی کانفرنس کا شاندار انعقاد کرکے مسلم دنیا کو طاقتور بنانے کی کوشش کی تھی، آج بھی ہمیں اسی طرح بھٹو شہید کے نقش قدم پر چلتے ہوئے عالم اسلام کو متحد اور مضبوط بنانا ہوگا جس کے لئے اسلامی تعاون کی تنظیم او آئی سی اہم کردار ادا کرسکتی ہے، میئر کراچی بیرسٹر مرتضیٰ وہاب نے کہا کہ دنیا میں جہاں بھی مظلوموں پر ظلم و ستم ڈھایا جائے اس کی مذمت ہی کافی نہیں بلکہ آگے بڑھ کر ظالم کا راستہ روکنے کی بھی ضرورت ہے،کراچی شہر اس معاملے میں انتہائی متحرک ہے اور ظلم خواہ فلسطین میں ہو یا کشمیر یا کسی دوسری جگہ ، کراچی کے شہریوں نے ہمیشہ اس کی مذمت کرتے ہوئے اپنا احتجاج ریکارڈ کرایا ہے، بلدیہ عظمیٰ کراچی کی کونسل بھی مبارکباد کی مستحق ہے کہ اس نے اپنے گزشتہ اجلاس میں فلسطینیوں پر ڈھائے جانے والے بدترین مظالم پر اسرائیل کے خلاف مذمتی قرارداد منظور کی اور حق کی حمایت اور باطل کی مخالفت پر اپنے یقین کا بہترین انداز میں اظہار کیا۔

کراچی حملے میں اہم پیشرفت، تفتیش کا دائرہ بلوچستان تک وسیع

کراچی ایئرپورٹ کے قریب چینی قافلے پر حملے کی تحقیقات میں اہم پیش رفت سامنے آئی ہے۔

باغی ٹی وی کی رپورٹ کے مطابق حملہ آور اور دھماکے میں استعمال گاڑی کے بارے میں اہم معلومات حاصل کر لی گئی ہے۔تفتیشی ذرائع نے بتایا کہ دہشت گردوں نے ڈبل کیبن ٹویوٹا رویو گاڑی کراچی سے خریدی، دہشت گرد کا ٹارگٹ چینی انجیئیرز کی کوسٹر تھی۔تفتیشی ذرائع کے مطابق دہشت گردوں نے حملے کے لئے گاڑی میں بارود بھرا ہوا تھا، پرٹوکول کی گاڑی بیچ میں آنے کی وجہ سیحملہ آوار ناکام ہوئے۔تفتیشی ذرائع نے بتایا کہ حملے کی منصوبہ بندی کراچی میں بلوچ پاڑہ میں کی گئی تھی۔ علاوہ ازیں زرائع کے مطابق خودکش حملے میں استعمال گاڑی جس کے نام تھی اس کا نادرا ریکارڈ مل گیا ہے۔تفتیشی ذرائع کے مطابق نادرا ریکارڈ کے تناظر میں تحقیقات کا دائرہ بلوچستان تک پھیلا دیا گیا ہے۔ حکام کے مطابق گاڑی جس شخص کے نام تھی اس کی شناختی دستاویزات حاصل کرلی گئی ہیں۔یاد رہے گزشتہ روز دہشت گرد حملے میں غیر ملکیوں سمیت تین افراد جاں بحق اور 17 زخمی ہوئے.

وزیراعلیٰ سندھ کی زیر صدارت امن و امان کی صورتحال پر اہم اجلاس

امیرجماعت اسلامی پاکستان حافظ نعیم الرحمن کی اپیل پر غزہ پر اسرائیل کی بمباری ، حالیہ جارحیت و دہشت گردی کے ایک سال پورے ہونے پر’’ ملک گیر یوم یکجہتی فلسطین ‘‘ کے سلسلے میں کراچی میں بیک وقت سینکڑوں مقامات پر شہر کی اہم شاہرائوں اور سڑکوں پر اسرائیل کے خلاف احتجاج کیا گیا اور نہتے و مظلوم فلسطینیوں کے ساتھ اظہار یکجہتی کیا گیا۔
باغی ٹی وی کی رپورٹ کے مطابق کراچی کے شہریوں ، تاجروں ، وکلاء ، ڈاکٹرز ، انجینئرز ، علماء کرام ، اساتذہ و طلبہ ، نجی و سرکاری اداروں کے ملازمین اپنے دفتروں ، دکانوں ، تعلیمی اداروں اور گھروں سے نکل کر اور فلسطین کے جھنڈے اُٹھا کر سڑک کے کنارے کھڑے ہوگئے اور امریکہ و اسرائیل اور اس کی سرپرستی کرنے والے مغربی ممالک ، اقوام متحدہ کی ناکامی و دہرے معیار کے خلاف اور اہل غزہ و حماس کے مجاہدین کے حق میں پُر جوش نعرے لگائے ، شرکاء نے بینرز اور پلے کارڈز بھی اُٹھائے ہوئے تھے ، احتجاج میں خواتین بھی شامل تھیں ، خواتین نے مختلف سڑکوں پر انسانی ہاتھوں کی زنجیر بنائی ۔امیر جماعت اسلامی کراچی منعم ظفر خان کی زیر قیادت پاور ہائوس چورنگی ، نارتھ کراچی میں مرکزی احتجاج کیا گیا ، جس میں عام شہریوں سمیت اسکولوں کے طلبہ نے بھی بڑی تعداد میں شرکت کی جبکہ نائب امیر کراچی و اپوزیشن لیڈر بلدیہ عظمیٰ سیف الدین ایڈوکیٹ نے کے ایم سی بلڈنگ کے سامنے سٹی کونسل کے ارکان کے احتجاج اور سیکریٹری کراچی توفیق الدین صدیقی نے نیو ایم اے جناح روڈ پر ہونے والے احتجاج کی قیادت کی اور خطاب کیا ۔
شہر میں دوپہر کے وقت جگہ جگہ احتجاج کے باوجود ٹریفک کی روانی متاثر نہیں ہوئی اور گاڑیاں چلتی رہیں ، اس دوران مسافروں اور گاڑیوں میں سوار لوگوں نے بھی احتجاجی مظاہرین سے یکجہتی اور اسرائیل کے خلاف نفرت کا اظہار کیا ۔ احتجاج کے دوران متعدد مقامات پر کیمپ لگائے گئے ۔ کیمپوں اور سڑکوں پر بھی فلسطینی ترانے ، القدس ہمارا ہے ، لبیک یا اقصیٰ ، لبیک یا غزہ چلائے اور فلسطینی پرچم لہرائے جاتے رہے ، منعم ظفر خان نے پاور ہائوس چورنگی پر احتجاج کے دوران شرکاء سے خطاب کرتے ہوئے کہا کہ اہل غزہ نے اسرائیل کی حالیہ دہشت گردی کے 365دن مسلسل مزاحمت و جدو جہد اور قربانیوں کی نئی تاریخ رقم کی ہے ، بچوں ، بزرگوں اور خواتین نے جذبہ ٴ ایمانی اور ثابت قدمی کا بے مثال مظاہرہ کیا ہے ، اہل غزہ و فلسطین نے اسرائیل اور اس کے سرپرستوں کو واضح پیغام دیا ہے کہ ہمیں شہادتیں اور قربانیاں تو قبول ہیں لیکن انبیائؑ کی سرزمین فلسطین اور قبلہ ِ اوّل کی آزادی سے کم کوئی سمجھوتہ اور معاہدہ قبول نہیں کریں گے ۔
اہل غزہ و فلسطین کا لہو پوری امت اور حکمرانوں کو پکار رہا ہے کہ وہ کب جاگیں گے اور حکمرانوں نے اپنی گردنوں میں غلامی کا قلاوہ کیوں ڈال رکھا ہے ۔ منعم ظفر خان نے کہا کہ اسرائیل کی دہشت گردی ، مظلوم و نہتے فلسطینیوں پر بمباری اور حماس کے مجاہدین اور اہل غزہ کی مسلسل مزاحمت کو ایک سال پورا ہو گیا ہے ، آج اہل کراچی سمیت پورے ملک کے عوام نے سڑکوں پر نکل کر حماس کی اپیل پر’’ عالمی یوم ِ مزاحمت ‘‘ سے یکجہتی کرتے ہوئے’’ یوم یکجہتی فلسطین ‘‘ منایا ہے اور ثابت کر دیا ہے کہ قبلہ ِ اوّل کی آزادی کی جدو جہد میں پوری امت حماس کے مجاہدین اور اہل غزہ و فلسطین کے ساتھ ہے ،یہ احتجاج حکمرانوں کے لیے بھی یہ پیغام ہے کہ وہ اسرائیل کے خلاف اُٹھیں ۔
خواب ِ غفلت سے بیدار ہوں اور حکمران خواہ اپنی ذمہ داری پوری کریں نہ کریں عوام اسرائیل کے خلاف اور اہل غزہ کے حق میں آواز بلند کرتے رہیں گے ۔ سڑکوں پر بھی نکلیں گے اور یہ آواز دبنے نہیں دیں گے ۔ عوام یک جان اور منظم ہیں ۔ اسرائیل کے خلاف مزاحمت اور جدو جہد جاری رہے گی ۔ قبلہ اوّل بیت المقدس ضرور آزاد ہوگا اور مسلمان مسجد اقصیٰ میں نماز ضرور ادا کریں گے ۔
منعم ظفر خان نے کہا کہ اہل فلسطین سے ہمارا ایمان اور عقیدے کا رشتہ ہے ، وہاں قبلہ اوّل ہے وہ انبیاء ؑ کی سرزمین ہے اور وہیں معراج کے موقع پر نبی کریم ؐ نے انبیائؑ کی امامت کی ۔ قبلہ اوّل پر یہودیو ں کا قبضہ اور اسرائیل کی ناجائز ریاست کو کسی صورت قبول نہیں کیا جائے گا ۔ 7اکتوبر 2023کو اسرائیل حماس کے طوفان الاقصیٰ اور القسام برگیڈ کے ہاتھوں شکست کھا چکا ہے اور یہ ثابت ہو چکا ہے کہ اسرائیل کوئی ناقابل شکست ریاست نہیں ، اسرائیل اپنی اس شکست کا بدلہ لینے کے لیے غزہ کی شہری آبادیوں ، اسکولوں ، ہسپتالوں پر بمباری کر رہا ہے اور نہتے بچوں اور خواتین کو شہید کر رہا ہے ۔
ایک سال کے دوران 45ہزار فلسطینی شہید ہو چکے ہیں ۔ ان شہادتوں اور بڑھتے جذبوں نے دنیا بھر میں باضمیر انسانوں کو بیدار کیا ہے ، امریکہ اور یورپ کے ممالک میں بھی عوام اپنے حکمرانوں کے بر خلاف اسرائیل کی مذمت اور فلسطینیوں سے یکجہتی کر رہے ہیں ۔ پاور ہائوس چورنگی پر احتجاج سے امیر ضلع شمالی و ٹائون چیئر مین نیو کراچی محمد یوسف ، عثمان پبلک اسکول سسٹم کے ڈائریکٹر معین الدین نیئر ، پرنسپل کیمپس 2کے خالد زمان نے بھی خطاب کیا ۔

وزیراعلیٰ سندھ کی زیر صدارت امن و امان کی صورتحال پر اہم اجلاس

کراچی: سمندری ہوائیں جزوی معطل ، حبس کی کیفیت

وزیراعلیٰ سندھ سید مراد علی شاہ کی زیر صدارت امن و امان کی صورتحال پر اہم اجلاس ہوا.

باغی ٹی وی کی رپورٹ کے مطابق وزیراعلیٰ ہاؤس میں منعقدہ اجلاس میں وزیر داخلہ ضیاء الحسن لنجار، چیف سیکریٹری آصف حیدر شاہ، انسپکٹر جنرل پولیس غلام نبی میمن اور ڈی جی رینجرز میجر جنرل اظہر وقاص، سیکریٹری داخلہ اقبال میمن، کمشنر کراچی حسن نقوی، ایڈیشنل آئی جی کراچی جاوید عالم اوڈھو اور دیگر متعلقہ افسران شریک ہوئے.وزیراعلیٰ سندھ نے صوبہ بھر بالخصوص شہر کراچی پر امن امان کی صورتحال کا جائزہ کیا اور کہا کہ ایئرپورٹ کے قریب دھماکہ ناقابل برداشت، ایسے واقعات نہیں ہونے چاہئیں، پولیس اور دیگر امن امان نافذ کرنے والے ادارے انٹیلی جنس کا کام تیز کریں. وزیراعلیٰ سندھ نے تمام امن امان نافذ کرنے والے اداروں کو آپس میں کوآرڈیشن مزید مستحکم کرنے کی ہدایت کی جبکہ وزیراعلیٰ سندھ کو امن امان نافذ کرنے والے اداروں نے ایئرپورٹ کے قریب دھماکے کے حوالے سے بریفنگ دی. وزیر اعلی کا مزید کہنا تھا کہ پولیس اور قانون نافذ کرنے والے اداروں کی مشترکہ کمیٹی قائم کی جائےمشترکہ کمیٹی ایئرپورٹ کے قریب دھماکہ کی ملکر تحقیقات کرے گی.

کراچی: سمندری ہوائیں جزوی معطل ، حبس کی کیفیت

حکومت سندھ پبلک پارٹنرشپ کے تحت فلائی اوورز تعمیر کرے گی

کراچی دھماکہ، بم ڈسپوزل یونٹ نے رپورٹ جاری کردی