Author: سعد فاروق

کراچی کے شہریوں کے نام پر بڑی تعداد میں غیرقانونی سمز چمن بارڈر پر غیر ملکی شہریوں کو فروخت کیے جانے کا انکشاف ہوا ہے۔

باغی ٹی وی کی رپورٹ کے مطابق اس حوالے سے پولیس حکام نے بتایا کہ خفیہ اطلاعات تھیں غرقانونی سمز کے ذریعے ڈکیت گروہ کارروائیاں کرتے ہیں۔پولیس حکام کے مطابق یہ غیر قانوں سمز چمن بارڈر پرغیرملکی شہریوں کو فروخت کی جاتی تھیں۔انہوں نے بتایا کہ غیر قانونی سمز کے اجرا کے جرم میں دو سگے بھائیوں سمیت تین ملزمان کو گرفتارکر کے انہیں تفتیش کے لیے نامعلوم مقام پر منتقل کردیا گیا ہے۔واضح رہے کہ حالیہ عرصے میں بیرون ملک سے تاوان کی کال موصول ہونے کا سلسلہ تیزی ہوگیا ہے۔

واضح رہے کہ پاکستان میں بڑی تعداد میں دھوکے باز سیدھے سادے لوگوں کو بیوقوف بنا کر انکے نام پر جعلی سمز فروخت کا غیر قانونی کام کرتے ہیں جو زیادہ تر وارداتوں اور دہشت گردی میں استعمال ہوتی ہیں.

کراچی کے شہریوں کے نام پر غیرقانونی سمز جاری کرکے غیر ملکیوں کو فروخت کرنے والا گروہ گرفتار

عالمی مذہبی اسکالر ڈاکٹر ذاکر نائیک نے زبردستی مذہب تبدیل کرنے کے حوالے سے بیان جاری کر دیا۔

باغی ٹی وی کی رپورٹ کے مطابق ڈاکٹر ذاکر نائیک نے گزشتہ روز گورنر ہاؤس کراچی میں لیکچر دیا جس دوران انہوں نے ایم کیو ایم کے رکن سندھ اسمبلی مہیش کمار کے سوال کا جواب دے دیا۔انہوں نے کہا کہ اسلام میں جبری طور پر مذہب کی تبدیلی حرام ہے، ہتھیار دکھا کر یا دھمکی دے کر مذہب تبدیل کروانا ہمارے مذہب میں حرام ہے۔ڈاکٹر ذاکر نائیک نے کہا کہ کوئی محبت یا چاہت میں اسلام قبول کرتا ہے تو وہ افضل نہیں لیکن وہ اسلام میں داخل ہوسکتا ہے، ہم کسی کے دل کے معاملے کو نہیں جان سکتے کیا پتا وہ آگے جاکر عام مسلمان سے ایک اچھا مسلمان بن جائے۔

واضح رہے کہ ڈاکٹر ذاکر نائیک حکومت پاکستان کی دعوت پر پاکستان آئے ہیں وہ کراچی، لاہور اور اسلام آباد میں مختلف تقاریب سے خطاب کریں گے اور اہم ملکی شخصیات سے ملاقاتیں بھی کریں گے۔خیال رہے ڈاکٹر ذاکر نائیک 10 دن کیلیے اس وقت کراچی میں موجود ہیں۔

وزیراعلیٰ سندھ سے امارات کے سفیرکی ملاقات، سرمایہ کاری سمیت دیگر امور پر تبادلہ خیال

مسلم ممالک اتحاد سے دنیا کی معیشت میں حصہ لے سکتے ہیں،گورنر سندھ

سندھ کے گورنر کامران ٹیسوری مسلم ممالک ایک ہوکر اتحاد سے دنیا کی معیشت میں حصہ لے سکتے ہیں۔فلسطین میں معصوم۔بچوں کو شہید کیاجارہاہے۔

باغی ٹی وی کی رپورٹ کے مطابق کراچی میں کجھور فیسٹول کی افتتاحی تقریب سے خطاب کرتے ہوئے گورنر سندھ کامران ٹیسوری نے کہا کہ کمزور ملک تجارت اور سفارت میں اپنا حصہ نہیں لے سکتا۔ دنیا سے تجارت میں حصہ طاقت کی بنیاد پر حاصل کرسکتے ہیں۔مسلم ممالک ایک ہوکر اتحاد سے دنیا کی معیشت میں حصہ لے سکتے ہیں۔انہوں نے کہا کہ فلسطین میں معصوم۔بچوں کو شہید کیاجارہاہے۔مسلمانوں کو کمزور سمجھ کر ملک اور تجارت پر قبضے کی تیاری ہورہی ہے۔ خلیجی ممالک کے سفارتی حکام اپنے ممالک کو لکھیں۔ عرب ممالک کے پاس پیسے کی کمی نہیں۔ کمزور ہونے کی بڑی وجہ اتفاق نہ ہونا ہے۔گورنر سندھ نے کہا کہ ہمارے کاشت کار معیار پر توجہ نہیں دے رہے۔

دنیا کے چار ممالک ایک کھجور کے درخت سی1500ڈالر پاکستان 50ڈالر کماتا ہے۔متحدہ عرب امارات کے قونصل جنرل نے اس موقع پر کہا کہ پاکستانی کاشت کار دیگر ممالک سے آئے مندوبین کے تجربات سے استفادہ حاصل کرے۔ پاکستانی کاشت کار دیگر ممالک سے کھجور کی پیداوار کے بارے میں آگاہی حاصل کریں۔ یو اے ای پاکستان کے ساتھ تعاون جاری رکھے گا۔

پاکستان میں تیار کی گئی سوزوکی ایوری کی لانچنگ تاریخ کا اعلان

کراچی میں بارشوں سے تباہ سڑکوں کا کام آئندہ ہفتے سے شروع ہو گا

کراچی میں حالیہ بارشوں کے باعث تباہ ہونے والے انفرااسٹریچکر کی بحالی کے لئے کام تیز کردیا گیا ۔

باغی ٹی وی کی رپورٹ کے مطابق بلدیہ عظمیٰ کراچی کے محکمے انجینئرنگ کی جانب سے گزشتہ دونوں دو ارب روپے کی لاگت سے شہر کی 33 سڑکوں کی تعمیر کے ٹینڈرز کی اسکروٹنی کا عمل مکمل کرلیا گیا ہے۔ایک ارب چالیس کروڑ روپے کراچی کی سڑکوں کی تعمیر پر خرچ کئے جائیں گے جبکہ 40 کروڑ روپے کراچی کے انڈر پاسز اور پلوں کی مرمت پر خرچ کیے جائینگے۔20 کروڑ کی لاگت سے شہر کے مختلف سڑکوں پر لگی اسٹریٹ لائٹس کو جدید سسٹم سے لیس کیا جائے گا۔آئندہ ہفتے سے سڑکوں کی تعمیر کے کاموں کا آغاز کردیا جائے گا۔ کے ایم سی کی جانب سے گزشتہ دونوں سڑکوں کی تعمیر کے لئے الاٹ کئے گئے ٹینڈرز کی اسکروٹنی کا عمل مکمل کرلیا گیا ہے جس کے بعد آئندہ ہفتے سے سڑکوں کی تعمیر کا کام شروع کردیا جائے مختلف مقامات پر سڑکوں کی تعمیر پر خرچ ہونے والی رقم کی تفصیلات کے مطابق خوشحال روڈ ،راضی روڈ پی ای سی ایچ ایس اور ایکسپو سینٹر سے اسٹیڈیم جانے والی سڑک کی مرمت پر 5 کروڑ روپے خرچ ہونگے، بابائے خیبر روڈ سے مومن آباد پولیس اسٹیشن تک میٹروول پر موجود سڑک کی مرمت اور سیوریج کے نظام کی بحالی پر 8 کروڑ خرچ ہونگے شاہراہ اورنگی کی مرمت پر 8 کروڑ روپے خرچ کیے جائینگے حب ریور روڈ ،مدینہ الحکمت روڈ ،لال شہباز قلندر روڈ محمود روڈ کی مرمت اور سیوریج نظام کی بحالی پر 21 کروڑ روپے خرچ ہونگے کشمیر روڈ ،چاندنی چوک اور کامران چورنگی کی مرمت پر 5 کروڑ روپے خرچ کیئے جائینگے.

نیو ٹاؤن پولیس اسٹیشن سے پی آئی بی کالونی اور نظامی روڈ کی مرمت کی بحالی پر پانچ کروڑ روپے خرچ ہونگے اسی طرح ناظم آباد ،لیاقت آباد ،طارق روڈ اور عمر شریف انڈر پاس کی مرمت پر 10 کروڑ روپے خرچ ہونگے، اسین آباد ،ناتھا خان ،ڈرگ روڈ پل کی مرمت پر 10 کروڑ روپے خرچ ہونگے،گلشن چورنگی ،لیاقت آباد اور نیپا کے پل کی مرمت پر پانچ کروڑ روپے خرچ ہونگے،سہراب گوٹھ ،گولی مار اور پاکستان کوارٹر کے پل کی مرمت پر پانچ کروڑ روپے خرچ ہونگے،آئی سی آئی ،بلوچ کالونی اور کارساز کے پل کی مرمت پر پانچ کروڑ روپے خرچ ہونگے،ضلع وسطی میں سات ہزار اور شاہ ولی اللہ روڈ کی اسٹریٹ لائٹس کی مرمت پر پانچ کروڑ روپے خرچ ہونگے،اتحاد ٹاؤن روڈ ،بلدیہ اسٹیڈیم روڈ ،جنگل اسکول روڈ اور 13 ڈی گلشن اقبال اسٹریٹ لائٹس کی مرمت پر پانچ کروڑ روپے خرچ ہونگے،ملیر پندرہ ریلوے گیٹ ،ابراہیم حیدری روڈ ،بہادر یار جنگ روڈ کورنگی ،اولڈ کوئن روڈ ،کلب روڈ،آئی آئی چند دیگر روڈ ،سندھ سیکریٹریٹ روڈ کی اسٹریٹ لائٹ کی مرمت پر پانچ کروڑ روپے خرچ ہونگے،گلستاں جوہر کانٹیننٹل بیکری ،کامران چورنگی ،میڈی کیئر اسپتال شرف آباد ، نیو ٹاؤن پولیس اسٹیشن ،پی آئی بی کالونی سمیت دیگر علاقوں کی اسٹریٹ لائٹس پر پانچ کروڑ روپے خرچ ہونگے.

بلدیہ عظمیٰ کراچی کے محکمے انجینرنگ نے اسکروٹنی کے بعد ٹھیکے حاصل کرنے والی کمپنیوں سے آئندہ ہفتے سڑکوں کے تعمیراتی کام شروع کرنے کی ہدایت دی ہیں جبکہ محکمہ انجینئرنگ نے میئر کراچی کی ہدایت پر تمام کمپنیوں کو واضح طور پر ہدایت دی ہیں کہ سڑکوں کی تعمیر میں کسی قسم کی کوتاہی برداشت کی جائے گئی اور ناہی کسی کو غیر معیاری میٹریل استعمال کرنے کی اجازت دی جائے گی زرائع کا کہنا ہے کہ میئر کراچی نے محکمہ انجینئرنگ کو ہدایت کی ہے کہ سڑکوں کی تعمیر میں غیر معیاری میٹریل استعمال کرنے والی کمپنیوں کو کے ٹھیکے منسوخ کرکے کمپنی کو بلیک لسٹ کرنے کی ہدایت دی ہیں زرائع بتایا کہ حالیہ بارشوں کے دوران حال پی میں تعمیر کی گئی سڑکوں کی ٹوٹ پھوٹ پر میئر کراچی نے سخت براہمی کا اظہار کیا تھا۔

پاکستان پیپلزپارٹی شعبہ خواتین کی مرکزی صدر و ایم پی اے فریال تالپور کی زیرِ صدارت پی پی پی کراچی ڈویژن کا اہم اجلاس زرداری ہاوَس کراچی میں منعقد ہوا،اجلاس میں سانحہ کارساز کی برسی پر حیدرآباد میں ہونے والے جلسہ عام کی تیاریوں کا جائزہ لیا گیا۔

باغٰ ٹٰی وی کی رپورٹ کے مطابق میڈیا سیل بلاول ہاوس سے جاری بیان کے مطابق اجلاس میں پی پی پی سندھ کے صدر نثار احمد کھوڑو، جنرل سیکریٹری وقار مہدی اور کراچی ڈویژن کے صدر سعید غنی، ارکان قومی و صوبائی اسمبلی، سینٹیرز، ٹاوَن چیئرمین اور ضلعی عہدیداران نے شرکت کی۔اجلاس میں سانحہ کارساز کی برسی پر منعقدہ جلسہ عام میں کراچی سے بھرپور عوامی شرکت کے متعلق حکمت عملی بنائی گئی۔فریال تالپور نے کہا کہ کراچی کے جیالے حیدرآباد جلسے میں بھرپور شرکت کرکے شہداء کارساز کو خراج عقیدت پیش کریں گے.

واضح رہے کہ اس سے قبل پاکستان پیپلز پارٹی نے اعلان کیا تھا کہ سانحہ کارساز کے شہداء کو خراج عقیدت پیش کرنے کے لیے 18 اکتوبر کو ایک عظیم الشان جلسہ عامہ حیدر آباد میں ہو گا۔ جس سے چیئرمین بلاول بھٹو زرداری خطاب کریں گے۔

تھر میں بھی خلیجی ممالک کی طرز پر کھجور کی کاشت شروع کردی گئی، وزیراعلیٰ سندھ

وزیراعلیٰ سندھ مراد علی شاہ نے کہا ہے کہ پاکستان میں کھجور کی پیدار کے لحاظ سے سندھ ستاون فیصد کے ساتھ سرفہرست ہے۔

باغی ٹی وی کی رپورٹ کے مطابق وزیراعلیٰ سندھ ایکسپو سنٹر کراچی میں پاکستان کے پہلے بین الاقوامی کھجور فیسٹیول کی افتتاحی تقریب سے خطاب کر رہے تھے۔ انہوں نے فیسٹیول میں شرکت کرنے والے مقامی اور بین الاقوامی کاشت کاروں اور تاجروں کی کوششوں کو سراہا۔ مراد علی شاہ نے کھجور کی باغبانی کی اہمیت پر زور دیتے ہوئے کہا کہ پاکستان کھجور کا پانچواں پیداواری اور تیسرا بڑا برآمد کنندہ ملک ہے لیکن عالمی سطح پر پاکستانی کھجور کی قیمت نہیں ملتی جس کےلیے بارش برداشت کرنے اور زیادہ پیداوار دینے والی اقسام لگانی ہوں گی، جدید ٹیکنالوجی کو بھی اپنانا ہوگا۔ دنیا بھر میں یہ ایک نقد فصل مانی جاتی ہے۔ یہ غذائیت سے بھرپور اور معاشی طور پر اہم فصل ہے۔ انہوں نے نشاندہی کی کہ پاکستان میں دو لاکھ باون ہزار ایکڑ پر کھجور کے باغات ہیں ۔ 2022 میں 7 لاکھ 30 ہزار ٹن پیداوار کے ساتھ پاکستان عالمی کھجور مارکیٹ کا ایک اہم شراکت دار بن گیا۔

وزیراعلیٰ سندھ نے کھجور کی پیداوار میں سندھ کے نمایاں کردار پر فخر کرتے ہوئے کہا کہ پاکستان کی کل پیداوار کا 57 فیصد سندھ پیدا کرتا ہے۔ ساڑھے 33 فیصد کے ساتھ بلوچستان دوسرے نمبر پر جبکہ ڈھائی فیصد پیداوار کے ساتھ خیبرپختونخواہ تیسرے نمبر پر ہے۔ سندھ میں خیرپور کھجور کی مختلف اقسام کا مرکز ہے جہاں اصیل سمیت 300 سے زیادہ اقسام کی کھجور کاشت کی جاتی ہے۔ اصیل کا قومی پیداوار میں حصہ 70 فیصد ہے۔ بلوچستان میں بیکم جنگی اور مضاواتی جبکہ خیبرپختونخوا میں ڈھکی مشہور اقسام ہیں۔

وزیراعلیٰ سندھ نے امید ظاہر کی کہ تین روزہ فیسٹیول معلومات کے تبادلے اور پائیدار کاشت کاری کو یقینی بنانے میں مددگار ثابت ہوگا۔ انہوں نے کہا کہ حکومت کاشت کاری کے جدید طریقوں اور عالمی مارکیٹ میں پاکستان کے کردار کو بڑھانے کےلیے عالمی شراکت داری خصوصاً متحدہ عرب امارات کے ساتھ تعاون کےلیے پرعزم ہے۔ مراد علی شاہ نے بتایا کہ خلیجی ممالک کی طرز پر وزارت قومی غذائی تحفظ و تحقیق نے زرعی تحقیقاتی کونسل کے ذریعے صحرائے تھر میں بھی کھجوروں کی کاشت کا آغاز کیا ہے۔ کئی تجربات کے بعد کھجور کی 38 اقسام کی نشاندہی کی گئی جن میں 8 کی بڑے پیمانے پر کاشت کی سفارش کی گئی ہے۔ کھجور کی یہ 8 اقسام پنجاب کے صحرائے چولستان جیسے خشک علاقوں میں پیداواری صلاحیت کی حامل ہیں تاہم انہوں نے نشاندہی کی کہ پاکستان میں کھجور کی زیادہ تر اقسام روایتی اور مقامی ہیں جو براہ راست برآمد کرنے کے لائق نہیں ہیں۔

وزیراعلیٰ سندھ نے کہا کہ ہماری کھجور کی اقسام بارش برداشت کرنے کی صلاحیت نہیں رکھتیں جو عموماً اسی موسم میں ہوتی ہیں نتیجتاً بڑا مالی نقصان اٹھانا پڑتا ہے۔ اس مسئلے سے نمٹنے کےلیے ہمیں خلیجی ممالک سے بارش برداشت کرنے والی اقسام درآمد کرنی ہوں گی یا جدید تحقیق کے ذریعے نئی اقسام بنانی ہوں گی۔ کھجور کی اعلیٰ اقسام حاصل کرنے کےلیے ٹشو کلچر ٹیکنالوجی بھی اہم کردار ادا کرسکتی ہے۔ وزیراعلیٰ سندھ نے بڑے اور بہترین کاشت کاروں کو اسناد اور نقد انعامات سے بھی نوازا ۔ اس سے پہلے وزیراعلیٰ سندھ مراد علی شاہ نے گورنر سندھ کامران ٹیسوری اور متحدہ عرب امارات کے سفیر حماد عبید الزبی کے ہمراہ ربن کاٹ کر پاکستان کے پہلے بین الاقوامی کھجور فیسٹیول کا افتتاح کیا۔

تکنیکی اور آپریشنل وجوہات کے باعث متعدد پروازیں منسوخ کر دی گئی ہیں ۔

باغی ٹٰی وی کی رپورٹ کے مطابقمنسوخ ہونے والی پروازوں میں کراچی سے دبئی جانے والی ا یئر بلیو کی پرواز پی اے 110،کراچی سے ملتان ا یئر بلیو کی پرواز پی اے 807 شامل ہیں ۔ دیگر منسوخ ہونیوالی پروازوں میں کراچی سے لاہور سیرین ایئر کی پرواز ای آر 524،522،کراچی سے اسلام آباد سیرین ایئرکی پرواز ای آر 504،کراچی سے لاہور ایئر سیال کی پرواز پی ایف 143،کراچی سے کوئٹہ پی آئی اے کی پرواز پی کے 310منسوخ کی گئی ۔ کراچی سے لاہور پی آئی اے کی پرواز پی کے 306،302،کراچی سے سکھر پی آئی اے کی پرواز پی کے 536،کراچی سے اسلام آباد پی آئی اے کی پرواز پی کے 368بھی منسوخ ہونیوالی پروازوں میں شامل ہیں ۔

تنگوانی:ڈاکوؤں کے حملے میں زخمی ہونے والا نوجوان کراچی ہسپتال میں دم توڑ گیا

ڈاکٹر خالد مقبول صدیقی نے پاکستان میں فلسطینی طلبہ کیلئے تعلیمی اسکالرشپ میں اضافے کا بھی اعلان کرتے ہوئے کہا ہے کہ پاکستان اس حوالے سے اپنے تمام تر وسائل بروئے کارلارہا ہے۔

باغٰ ٹی وی کی رپورٹ کے مطابق عمان کے دارالحکومت مسقط میں اسلامی ممالک کے وزرائے تعلیم کی منعقدہ کانفرنس سے خطاب کرتے ہوئے متحدہ قومی موومنٹ پاکستان کے چیئرمین اور پاکستان کے وفاقی وزیر تعلیم نے کہا ہے کہ تاریخ کے اس اہم ترین اور فیصلہ کُن موڑ پر برادر اسلامی ممالک کو فلسطین میں جاری اسرائیلی جارحیت سے متاثر فلسطین نظام تعلیم، تعلیمی انفراسٹرکچر اور طالبعلموں کی مدد کرنا ہمارا دینی اور تاریخی فریضہ ہے، ہمیں مشکل کی اس گھڑی میں اپنے فلسطینی بھائیوں کو تنہا نہیں چھوڑنا چاہئے ورنہ تاریخ ہمیں معاف نہیں کرے گی۔ انہوں نے کہا کہ پاکستان کی وزرات تعلیم کی جانب سے ہدایت جاری کردی گئی ہیں کہ فلسطین میں اسرائیلی جارحیت کے باعث جو طلبہ اپنی تعلیم جاری رکھنے سے قاصر ہیں انہیں پاکستان کی جامعات میں ان کی تعلیم جاری رکھنے کے مواقع فراہم کرنے کیلئے اقدامات کئے جائیں۔

انہوں نے کانفرنس میں دیگر اسلامی ممالک کے وزرائے تعلیم سے درخواست کرتے ہوئے کہا کہ ہمیں اس کڑے وقت میں اپنے فلسطینی بھائیوں کی ہر ممکن مدد کرنا چاہیے۔

مصطفیٰ کمال کا ناردرن بائی پاس کو ڈبل ٹریک کرنے اور مکمل کارآمد بنانے کا مطالبہ