Author: سعد فاروق

کراچی (باغی ٹی وی)متحدہ قومی موومنٹ پاکستان کے چیئرمین ڈاکٹر خالد مقبول صدیقی کا صیہونی حملے میں حزب اللہ کے سربراہ حسن نصر اللہ کی شہادت پر گہرے دکھ اور افسوس کا اظہار کرتے ہوئے اپنے تعزیتی بیان میں کہنا تھا کہ ہر گزرتا دن اسرائیلی جارحیت میں اِضافہ کر رہا ہے اور عالمی امن کے ٹھیکیداروں کی معنی خیز خاموشی ان کے عزائم کو عیاں کررہی ہے، حسن نصر اللہ کی شہادت سے اسرائیل اور اس کے سرکردہ سہولت کار کسی خوش فہمی کا شکار نہیں ہوں، ڈاکٹر خالد مقبول صدیقی نے مزید کہا کہ حق کو غالب آنے سے کوئی روک نہیں سکتا یہ شہادتوں کا نا رکنے والا یہ عظیم سلسلہ نوید انقلاب ہے، ڈاکٹر خالد مقبول صدیقی نے حسن نصر اللہ کے لئے دعا کرتے ہوئے کہا کہ اللہ تعالیٰ ان کی شہادت کو اپنی بارگاہ میں قبول و مقبول فرما کر امت مسلمہ کے لئے سودمند بنائے آمین۔

واضح رہے کہ اسرائیلی فوج نے حزب اللّٰہ کے سربراہ سید حسن نصر اللّٰہ کو فضائی حملے میں شہید کرنے کا دعویٰ کیا تھا۔اسرائیلی فوج نے حزب اللّٰہ کے سینئر رہنما علی کرکی کے بھی فضائی حملے میں مارے جانے کا دعویٰ کیا، اسرائیل نے گزشتہ روز بیروت میں بنکر بسٹر میزائل حملہ کیا تھا جس کا ہدف حسن نصر اللّٰہ تھے۔غیر ملکی میڈیا کے مطابق لبنان کے دارالحکومت بیروت میں رہائشی عمارتوں پر اسرائیل کے حملے جاری ہیں۔حسن نصر اللّٰہ کو نشانہ بنانے کے لیے اسرائیلی طیاروں نے گزشتہ روز بیروت میں ایک ساتھ 15 میزائل داغے تھے جس سے 6 عمارتیں تباہ، 8 افراد شہید اور 91 زخمی ہوئے تھے۔اسرائیلی میڈیا کے مطابق حسن نصر اللّٰہ بم باری کا شکار عمارت میں زمین کے 14 منزل نیچے قیام کرتے تھے۔

عمران خان کی اسرائیل کو تسلیم کرنے کی خفیہ کاوشوں کیخلاف دینی جماعتوں کا احتجاج

کراچی پولیس ہیڈ آفیس میں تفتیش کو بہتر بنانے کے لئے ٹریننگ سیشن ہوا۔

باغی ٹی وی کی رپورٹ کے مطابق ماسٹر ٹرینرز میں پولیس افسران کے علاوہ، خصوصی طور پر یونیورسٹی آف کیمبرج کی ایسوسی ایٹ پروفیسر ڈاکٹر سوزن گرنی ( Dr.Susan Gurney) نے آن لائین ٹریننگ سیشن کیا۔یونیورسٹی آف کیمبرج کی ایسوسی ایٹ پروفیسر ڈاکٹر سوزن گرنی ( Dr.Susan Gurney) نے اپنی پیشہ وارانہ مہارت، اورکیریئر کی روشنی میں، قتل، زنا و دیگر کیسز میں فارنزک، بیلسٹک، فائبر اور فنگر پرنٹ کی تفتیش کے جملہ امور، اہمیت اور سامنے آنیوالے نتائج پر ٹریننگ سیشن میں شریک سندھ پولیس کے تمام 30 یونٹس کو آن لائن لیکچر دیا۔
پروفیسر ڈاکٹر سوزن گرنے نے بین الاقوامی طور پر ہونے والی نئی تحقیق، شواہد اور ثبوتوں کے اعلی معیار برقرار رکھنے، اور چین آف کسٹڈی کے معیارات جیسی ضروری تفصیلات کا اپنے لیکچر میں احاطہ کیا اور شرکاء کو درپیش چیلنجز سے نمٹنے جیسی تفتیشی تیکنیکس کے بارے میں بتایا۔کراچی پولیس چیف جاوید عالم اوڈھو نے کہا کہ، مختلف پروگراموں کے ذریعے، کراچی میں تفتیش کے معیار کو مزید بہتر کیا جارہا ہے۔

عمران خان کی اسرائیل کو تسلیم کرنے کی خفیہ کاوشوں کیخلاف دینی جماعتوں کا احتجاج

اس کے ایک یونٹ کے طور پر، انویسٹیگیشن آفیسرز کو، تفتیش کے تمام پہلوئوں پر ٹریننگ دی جارہی ہے۔ اس موقع پر سابق آئی جی نیاز احمد صدیقی، فوزیہ طارق، سابقہ ایڈیشنل آئی جی ڈاکٹر جمیل احمد، ڈی آئی جی انویسٹی گیشن ذوالفقار علی مہر، ڈی آئی جی ذوالفقار لاڑک نے بھی تیکنیکی مسائل، اور کورٹ پروسیجر کے حوالے سے نکات بیان کئے۔اس موقع پر سیشن میں شریک تفتیشی افسران، اور کرائم سین یونٹ کے افسران نے تفتیش سے متعلق تیکنیکی اور قانونی امور پر سوالات بھی کیئے۔
واضح رہے کہ آئی جی سندھ غلام نبی میمن نے، لاء از ماء پروٹیکٹر این جی او کے ساتھ ایک ایم او یو کے تحت، انٹرنیشنل ماسٹر ٹرینرز کی سہولت حاصل کی ہے۔ آئی جی سندھ کی ہی ہدایات کے تحت، سندھ کے تمام اضلاع کے متعلقہ تفتیشی پولیس آفیسرز نے اس ٹریننگ سیشن میں "آن لائن” شرکت کی۔#

اسرائیل کو تسلیم کرنے کی عمران خان کی خفیہ کاوشوں کیخلاف دینی جماعتوں نے احتجاج شروع کر دیا۔

باغی ٹی وی کی رپورٹ کے مطابق کراچی اور لاڑکانہ میں دینی جماعتوں کے احتجاجی مظاہرے ہوئے ۔احتجاجی مظاہروں کے دوران بانی پی ٹی آئی کے پتلے جلائے گئے۔ مظاہرین کی جانب سے پاکستانی عوام سمیت پوری امت مسلمہ سے علانیہ معافی مانگنے کا مطالبہ کیا گیا۔کراچی کے ضلع ملیر میں قومی یکجہتی کونسل کے زیر اہتمام احتجاجی مظاہرے میں مختلف شعبہ ہائے زندگی سے تعلق رکھتے والے شہریوں کی بھرپور شرکت ہوئی۔دوسرا بڑا مظاہرہ لاڑکانہ میں کیا گیا جس کا اہتمام پاکستان علما کونسل نے کیا تھا۔ احتجاجی مظاہرین نے بینرز اور پلے کارڈز اٹھا رکھے تھے، جن پر عمران اسرائیل گٹھ جوڑ کے خلاف مختلف نعرے درج تھے۔

کے ایم سی فائر ہیڈکوارٹر کی تمام ہیلپ لائن بند، بڑا سانحہ رونما ہونے کا خدشہ

مقررین کا کہنا تھا کہ اسرائیل کو تسلیم کرنے کے حوالے سے عمران خان کا موقف سوالیہ نشان ہے، عمران خان کی ڈھٹائی کی انتہا یہ ہے کہ اسرائیلی اخبارات میں ان کی رہائی اور دوبارہ اقتدار میں لانے کے حوالے سے علانیہ لابنگ بھی شروع ہو گئی ہے۔ دی ٹائمز آف اسرائیل اور دی یروشلم پوسٹ نے تو اب یہ بھی لکھ دیا ہے کہ عمران خان کا بظاہر موقف اسرائیل کو تسلیم نہ کرنے کے حوالے سے ہے۔
مقررین کا کہنا تھا کہ اندرونی طور پر عمران خان نے عالمی اسٹیبلشمنٹ کو یہ یقین دلا دیا ہے کہ وہ پاکستانی عوام اور اسٹیبلشمنٹ کو اس حوالے سے رام کر سکتا ہے۔ اسرائیل کے ساتھ تعلقات کا کوئی بھی فیصلہ دینی جماعتوں اور تنظیموں کے کارکنوں اور علماء کرام کی لاشوں پر ہی ہو سکتا ہے، مظاہرین نے مطالبہ کیا کہ اس گھناؤنی حرکت پر عمران خان نہ صرف پوری پاکستانی قوم بلکہ پوری امت مسلمہ سے معافی مانگے۔ دینی جماعتوں نے یہ بھی مطالبہ کیا کہ اسرائیل کے ساتھ آئندہ کسی بھی قسم کا تعلق نہ رکھنے کا اعلان کیا جائے۔

کراچی میٹروپولیٹن کارپوریشن(کے ایم سی)فائر ہیڈکوارٹر کی تمام ہیلپ لائن بند ہونے سے شہر میں کہیں بھی لگنے والی آگ پر ہنگامی کارروائی ممکن نہیں ہوسکے گی.

باغی ٹی وی کی رپورٹ کے مطابق فائر بریگیڈ کا عملہ گزشتہ روز سے ہیلپ لائن مکمل بند ہونے سے پریشان ہے۔شہر میں کہیں بھی لگی آگ پر فوری قابو پانا ہے تو کے ایم سی فائر ٹینڈر کو بر وقت اطلاع دینی لازمی ہے۔لیکن یہ ممکن تب ہوگا جب کے ایم سی فائر ہیڈ کوارٹر کی ہیلپ لائن کام کریں گی۔
کے ایم سی فائر ہیڈکوارٹر کے باہر ترقیاتی کام تو کیا گیا ہے لیکن کام کے باعث زیر زمین ٹیلی فون لائن میں خرابی پیدا ہوگئی جس سے کراچی کو آگ سے بچانے والے ہیڈکوارٹر کی ہیلپ لائنیں متاثر ہوگئیں۔چیف فائر آفیسر اشتیاق احمد نے بتایا کہ گزشتہ روز سے لائن خراب ہونے سے مشکلات کا سامنا ہے۔ انتظامیہ نے یقین دہانی کروائی ہے کہ خرابی جلد دور کردی جائے گی لیکن تاحال کوئی کارروائی نہیں کی گئی ہے۔شہر میں آگ لگنے کی صورت میں فائر بریگیڈ سے بروقت رابطہ نہ ہونے پر کوئی بڑا سانحہ رونما ہو سکتا ہے۔حکام کے مطابق ہیلپ لائن ٹھیک ہونے کے بعد فا ئر بریگیڈ فوری کارروائی کرسکے گی۔

سندھ کی تمام برانچز سے انٹرنیشنل ڈرائیونگ پرمٹ کا اجرا شروع

سندھ کی تمام 11 ڈرائیونگ لائسنس برانچز سے انٹرنیشنل ڈرائیونگ پرمٹ کا اجرا شروع کر دیا گیا.
باغی ٹی وی کی رپورٹ کے مطابق ڈی آئی جی ٹریننگ اینڈ لائسنسنگ اقبال دارا کے مطابق اب انٹرنیشنل پرمٹ کے اجرا کا آغاز آن لائن اور سندھ بھر کی 11 ڈرائیونگ لائسنس برانچز سے کردیا گیا ہے، اس سلسلے میں 14ستمبر سے سندھ کے شہروں حیدرآباد، نواب شاہ، میرپور خاص، سکھر اور لاڑکانہ کے علاوہ کراچی کی 6 ڈرائیونگ لائسنس برانچز سے انٹرنیشنل ڈرائیونگ پرمٹ جاری کیے جا رہے ہیں۔
اقبال دارا کے مطابق کوئی بھی شہری اگر وہ سندھ سے جاری مستقل ڈرائیونگ لائسنس رکھتے ہیں تو انہیں کسی ڈرائیونگ لائسنس برانچ جانے کی ضرورت نہیں وہ اپنے گھر یا کسی بھی ملک میں بیٹھے اپنا انٹرنیشنل ڈرائیونگ پرمٹ جاری کر اسکتے ہیں جو ٹی سی ایس کے ذریعے ان کے دیے گئے پتے پر بھیج دیا جائے گا۔ انہوں نے مزید بتایا کہ انٹرنیشنل ڈرائیونگ پرمٹ کی فیس ایک ہزار 88 روپے آن لائن ادا کی جا سکتی ہے۔

شرجیل میمن و دیگر کیخلاف ریفرنس کی سماعت12 اکتوبر تک ملتوی

کراچی کے علاقے کلفٹن میں تین تلوار چورنگی پر پیش آئے واقعے پر پولیس حکام نے ایکشن لیتے ہوئے اے ایس آئی کو معطل کردیاہے۔

باغی ٹی وی کی رپورٹ کے مطابق گزشتہ روز تین تلوار پر ضلعی پولیس افسر کے بیٹے کا ٹریفک پولیس افسران نے چالان کیا تھا جس پر پولیس افسر نے ٹریفک پولیس اہلکار سے جھگڑا کیا تھا۔میڈیا پرخبرنشرہونے کے بعد ایس ایس پی انویسٹی گیشن سائوتھ عبدالرحیم شیرازی نے ایکشن لیتے ہوئے بوٹ بیسن تھانے میں انویسٹی گیشن میں تعینات اے ایس آئی گلزار کو معطل کر دیا۔ایس ایس پی انویسٹی گیشن سائوتھ کے مطابق ضلعی پولیس افسر کے بیٹے کی گاڑی کو ٹریفک پولیس نے فینسی نمبر پلیٹ اور کالے شیشے پر روکا تھا۔گاڑی کا چالان کرنے پر پولیس افسر اے ایس آئی گلزار موقع پر پہنچ گیا تھا، ویڈیو میں بھی دیکھا گیا ہے کہ ضلعی پولیس کے اے ایس آئی نے ٹریفک اے ایس آئی سے چالان کرنے پر بدتمیزی کی تھی۔

آپ سے کہا تھا کہ مایوس نہ ہوں مایوسی گنا ہ ہے، آرمی چیف کی کراچی مٰیں تاجروں سے گفتگو