Author: سعد فاروق

ٹرمپ انتظامیہ نے امریکی ادارے سینٹر فار ڈیزیز کنٹرول اینڈ پریوینشن (سی ڈی سی) کے درجنوں ملازمین کو فارغ کر دیا ہے۔

برطانوی خبر رساں ادارے رائٹرز کے مطابق برطرف کیے گئے افراد میں اعلیٰ سائنسی ماہرین، ڈیزیز ڈیٹیکٹیوز اور واشنگٹن آفس کے تمام ملازمین شامل ہیں۔ رپورٹ میں بتایا گیا کہ برطرفی کے نوٹس جمعے کی شب ای میل کے ذریعے بھیجے گئے جن میں اہلکاروں کو اطلاع دی گئی کہ ان کی ذمہ داریاں یا تو غیر ضروری ہیں یا پہلے سے ادارے کے دیگر حصوں میں انجام دی جا رہی ہیں۔

امریکی میڈیا کے مطابق، برطرفیوں سے متاثر ہونے والے ملازمین کی درست تعداد ابھی واضح نہیں، تاہم یہ اقدام حکومتی شٹ ڈاؤن کے دوران سامنے آیا ہے، جس کے دوران صدر ٹرمپ نے ہزاروں سرکاری ملازمین کو برطرف کر دیا۔ وائٹ ہاؤس کے اعلان کے مطابق، برطرفیوں کا سلسلہ محکمہ خزانہ، صحت، تعلیم، تجارت اور ہوم لینڈ سیکیورٹی کے سائبر ڈویژن سمیت متعدد اہم اداروں میں جاری ہے۔

یہ فیصلہ ایسے وقت میں سامنے آیا ہے جب امریکی حکومت کے شٹ ڈاؤن کو دس دن گزر چکے ہیں اور ریپبلکنز اور ڈیموکریٹس کے درمیان سیاسی کشمکش ختم ہونے کا کوئی امکان نظر نہیں آ رہا۔ صدر ٹرمپ نے اوول آفس میں میڈیا سے گفتگو کرتے ہوئے کہا، “یہ سب ڈیموکریٹس نے شروع کیا، ہم صرف ردِعمل دے رہے ہیں۔” حکومتی ترجمان کے مطابق، رواں سال کے آغاز سے اب تک تقریباً 3 لاکھ وفاقی ملازمین کی برطرفی منصوبے میں شامل تھی، لیکن شٹ ڈاؤن کے باعث اس عمل کو تیز کر دیا گیا ہے۔

عدالتی دستاویزات کے مطابق، اب تک 4,200 ملازمین کو فارغ کرنے کے نوٹس جاری ہو چکے ہیں، جن میں محکمہ خزانہ میں 1,400 اور محکمہ صحت میں 1,100 سے زائد ملازمین شامل ہیں۔ برطرفیوں کی زد میں ہاؤسنگ، توانائی، ماحولیات، داخلہ اور تعلیم کے محکمے بھی آ چکے ہیں۔

اسرائیل نے معاہدے کے تحت فلسطینی قیدیوں کی رہائی شروع کردی

وزیراعلیٰ خیبرپختونخوا انتخاب، پی ٹی آئی کا جے یو آئی سے رابطہ، حمایت کی درخواست

رجب بٹ نے فاطمہ خان کے الزامات مسترد کر دیے،مقدمےکا اعلان

سوڈان کے مغربی شہر الفشیر میں پیراملٹری ریپڈ سپورٹ فورسز (آر ایس ایف) کے حملوں میں کم از کم 60 افراد ہلاک ہو گئے۔

عالمی میڈیا کے مطابق آر ایس ایف نے شہر کا محاصرہ کر رکھا ہے اور پناہ گاہوں، اسپتالوں سمیت متعدد شہری مقامات کو نشانہ بنایا۔ رپورٹس کے مطابق ہفتے کے روز بے گھر افراد کے ایک کیمپ پر ڈرون اور توپ خانے کے حملے کیے گئے جن میں بڑی تعداد خواتین، بچوں اور بزرگوں کی تھی۔ متعدد لاشیں جل کر خاکستر ہو گئیں۔ یہ حملہ ریپڈ سپورٹ فورسز کی جانب سے کیا گیا، جو گزشتہ ایک سال سے سوڈانی فوج کے خلاف خانہ جنگی میں مصروف ہے اور مغربی علاقے دارفور پر مکمل قبضہ حاصل کرنے کی کوشش کر رہی ہے۔ الفشیر کی مقامی مزاحمتی کمیٹی کے مطابق “عورتوں، بچوں اور بزرگوں کو بے دردی سے قتل کیا گیا، کئی افراد زندہ جل گئے، اور کچھ کی لاشیں اب بھی ملبے تلے دبی ہوئی ہیں۔

کمیٹی نے بتایا کہ یہ حملہ دو ڈرونز اور آٹھ توپ خانے کے گولوں سے کیا گیا۔ ابتدائی طور پر ہلاکتوں کی تعداد 30 بتائی گئی تھی، جو بعد میں بڑھ کر 60 ہو گئی۔ حملہ یونیورسٹی کی حدود میں قائم دارالارقم کیمپ پر کیا گیا، جہاں ہزاروں بے گھر افراد پناہ لیے ہوئے تھے۔ شمالی دارفور کا دارالحکومت الفشیر اس وقت دارفور کا آخری بڑا شہر ہے جو اب تک ریپڈ سپورٹ فورسز کے قبضے میں نہیں آیا، جس کی وجہ سے یہ شہر ایک اہم اسٹریٹیجک جنگی میدان بن چکا ہے۔

وزیراعلیٰ خیبرپختونخوا انتخاب، پی ٹی آئی کا جے یو آئی سے رابطہ، حمایت کی درخواست

رجب بٹ نے فاطمہ خان کے الزامات مسترد کر دیے،مقدمےکا اعلان

گوگی بٹ کی پرانی رہائشگاہ کے قریب فائرنگ