Author: صدف ابرار

نائلہ کیانی نے ایک اور کارنامہ انجام دے کر چین کی ’ چوا ویو ‘ چوٹی کو سر کرنے والی پاکستان کی پہلی خاتون کوہ پیما بن گئی ہیں۔ پاکستانی کوہ پیما نائلہ کیانی نے چائنہ میں واقع دنیا کی 8 ہزار 188 میٹر بلند ترین چوٹی ’چواویو ‘کو سر کیا جس کے بعد انہوں نے 8 ہزار میٹر سے زائد 10 چوٹیاں سر کرنے والی واحد پاکستانی خاتون کوہ پیما کا اعزاز بھی حاصل کر لیا ہے۔ ا س نے یہ سنگ میل اس وقت حاصل کیا جب اس نے چو اویو چوٹی کو کامیابی سے سر کیا جو کہ تبت کے علاقے میں واقع دنیا کی چھٹی بلند ترین چوٹی ہے۔ وہ امیجن نیپال کی ٹیم کے ساتھ نیپال وقت کے مطابق رات 12:30 بجے چو اویو کی چوٹی پر پہنچی۔ پاکستانی کوہ پیما سرباز خان بھی اس سمٹ پش کا حصہ تھے۔
نائلہ کیانی نے سوشل میڈیا پلیٹ فارم X پر کامیابی کو شیئر کرتے ہوئے کہا: "الحمدللہ! پیاروں اور ہماری قوم کی دعاؤں سے نائلہ چو اویو میں سرباز کے ساتھ پہلی پاکستانی بن گئی ہے۔

ذکا اشرف اشرف نے امید ظاہر کی ہے کہ بھارتی سرزمین پر بابر اعظم کی قیادت میں قومی ٹیم عمدہ کارکردگی کا مظاہرہ کرے گی، ایشیا کپ میں قومی ٹیم کی پرفارمنس کا ریویو کیا، ٹیم میں تبدیلی نہیں کی کیونکہ کپتان بابر اعظم نہیں چاہتے تھے۔
پاکستان کرکٹ بورڈ کے سربراہ ذکا اشرف نے کہا ہےکہ ورلڈکپ کی پرفارمنس کو دیکھ کر مستقبل میں مشکل اور بڑے فیصلے کریں گے جب کہ بغیرپرفارمنس سینٹرل کنٹریکٹ 3 سال تک نہیں چلے گا۔
ان خیالات کا اظہار انہوں نے جیو نیوز کے پروگرام ’اسکور‘ میں میزبان سید یحییٰ حسینی سے گفتگو کرتے ہوئے چیئرمین پی سی بی نے کہا میں بھارت کیسے جاسکتا ہوں ؟ ہمارے شائقین کرکٹ اور صحافی بھارتی ویزے کا انتظار کر رہے ہیں۔ذکا اشرف نے ورلڈکپ کے حوالے سے اس خواہش کا اظہار کرتے ہوئے کہا کہ بھارت میں ٹیم اچھی پرفارمنس دے، بس اتنا چاہتا ہوں اسی بات کو مد نظر رکھ کرکپتان بابر اعظم کی ہر بات مانی، انہیں مکمل اعتماد دیا، اپنے بھرپور تعاون کا یقین دلایا اور یہی وقت کا تقاضا تھا۔ ایک سوال کے جواب پر انہوں نے کہا کہ پاکستان سپر لیگ ملک میں ہو گی یا باہر صورتحال کے مطابق فیصلہ کریں گے، کھلاڑیوں کو پاکستان سپر لیگ کے ساتھ 2 لیگز کی اجازت ہو گی، کھلاڑیوں کو این او سی دینے کا فیصلہ انضمام الحق نہیں چیئرمین کرے گا، بنا پرفارمنس انضمام الحق کا بیٹا قائداعظم ٹرافی کے سکواڈ میں کیسے آیا یہ چیف سلیکٹر سے پوچھوں گا۔

پاکستان کرکٹ بورڈ نے سینئر اسپورٹس جرنلسٹ عالیہ رشید کو ڈائریکٹر میڈیا اینڈ کمیونیکیشن مقرر کردیا۔ عالیہ رشید پی سی بی میں میڈیا ہیڈ کے طور پر کام کرنے والی پہلی خاتون ڈائریکٹر ہیں۔عالیہ رشید کو یہ ذمہ داری عمر فاروق کالسن کی جگہ سونپی گئی ہےعمر فاروق کالسن بدستور میڈیا کنسلٹنٹ کام کرتے رہیں گے۔ عالیہ رشید پی سی بی میں میڈیا ہیڈ کے طور پر کام کرنے والی پہلی خاتون ہیں۔ عالیہ رشید 35 سال سے اسپورٹس جرنلسٹ کے طور پر کام کر رہی ہیں۔ ان کے بے لاگ تجزیوں اور تبصروں کو مداحوں میں بہت پسند کیا جاتا ہے۔ عالیہ رشید کے پاکستان کرکٹ بورڈ کی میڈیا ڈائریکٹر بننے سے بورڈ کی پبلک ریلیشننگ میں بہتری آنے کی توقع کی جا رہی ہے لیکن اس کے ساتھ ہی کرکٹ کے مداحوں کو پاکستان کرکٹ کے منظر نامہ کو گہرائی میں سمجھنے والی ایک بے لاگ مبصر کے تبصروں سے بھی محروم ہونا پڑے گا۔

پاکستان کرکٹ ٹیم کے فاسٹ بالر حارث رؤف کی زندگی کے اتار چڑھاؤ کے بارے میں حال ہی میں معروف کرکٹ ویب سائٹ ای ایس پی این کرک انفو نے ایک دستاویزی فلم بنائی۔ ویلڈر والد کے بیٹے میٹرک میں اپنی پڑھائی کا خرچ پورا کرنے کیلئے نمکو بھی فروخت کرتے رہے، ٹیپ بال اس لیے کھیلتے تھے کہ یونیورسٹی کی فیس بھر سکیں۔سوشل میڈیا پر وائرل ہونے والی ویڈیو میں دیکھا جا سکتا ہے کہ حارث رؤف اپنا آبائی گھر دیکھاتے ہیں اور بتاتے ہیں کہ یہ ان کا پرانا گھر ہے اور انہی گلیوں میں کھیل کر وہ بڑے ہوئے، حارث رؤف اس ویڈیو میں اپنے چھوٹے سے گھر میں موجود اپنے کمرے کے بارے میں بتاتے ہیں کہ اس گھر میں ہم لوگ اور ہمارے 4 چاچو بھی رہتے تھے اس گھر کا بڑا کمرہ پاپا کے پاس تھا اور جس چاچو کی شادی ہوتی تھی اس چاچو کو کمرہ دے دیا جاتا تھا ہم دوسرے کمرے میں منتقل ہوجاتے اور آہستہ آہستہ جب سب چاچوں کی شادی ہو گئی او ر ان سب کو کمرے مل گئے تو پھر نوبت یہاں تک آ گئی کہ ہم گھر کے کچن میں بھی سوتے تھے ۔ سوشل میڈیا پر جہاں حارث رؤف کی ویڈیو بہت وائرل ہو رہی ہے وہی بھارتی کرکٹ تجزیہ کار’’وکرانت گپتا‘‘نے حارث رؤف کی ویڈیو شیئر کی اور لکھا کہ پاکستانی کھلاڑیوں کی سب سے خوبصورت بات یہ ہے کہ وہ اپنے ماضی کو نہیں بولتے آپ بابر اعظم کو دیکھ لیں چاہے حارث رؤف کو سب اپنی بنیادوں سے جڑے ہوئے ہیں اور حارث روف کی ڈیویلپمنٹ کا کریڈٹ لاہور قلندر کو جاتا ہے ۔

انگلینڈ کے سابق کرکٹر ناصر حسین نے ون ڈے ورلڈ کپ 2023 سے قبل پاکستان کے غیر متوقع کرکٹ اسٹائل پر اپنے خیالات کا اظہار کرتے ہوئے ٹیم کی کامیابی اور غیر متوقع شکستوں کا سامنا کرنے کی صلاحیت کو تسلیم کیا ہے۔ایک یوٹیوب چینل پر گفتگو کرتے ہوئے ناصر نے خاص طور پر آئندہ ٹورنامنٹ میں نیدرلینڈ کے خلاف پاکستان کے پہلے میچ پر روشنی ڈالی، اس بات کو تسلیم کرتے ہوئے کہ پاکستان کو یورپی ٹیم کے خلاف ممکنہ شکست کا سامنا کرنا پڑ سکتا ہے۔ سابق کرکٹر نے کہا کہ میرے خیال میں وہ پاکستان ٹورنامنٹ کی بہت اچھی ٹیم ہیں۔ انہوں نے نیدرلینڈ کو پہلے گیم سے اوپر کر دیا ہے، وہ اسے ہار سکتے ہیں۔ آپ کے لیے یہی پاکستان ہے۔ لیکن پھر وہ بھاگ جائیں گے۔ آپ آخری ورلڈ T20 کو دیکھیں۔ وہ اس سے باہر تھے اور پھر اچانک فائنل میں پہنچ گئے۔ وہ غیر مہذب ہیں کیونکہ کرکٹ کا وہی برانڈ اور انداز ہے جو وہ کھیلتے ہیں۔ وہ ناقابل یقین حد تک دیکھنے کے قابل پہلو ہیں،
ناصر ن حسین نے اس بات پر زور دیا کہ اگر پاکستان ورلڈ کپ میں کسی بھی حریف کے خلاف برابر کا اسکور حاصل کرتا ہے تو اس کا اندازہ لگانے کی طاقت ہو سکتی ہے۔

ہندوستانی کرکٹ کمنٹیٹر ہرشا بھوگلے نے آئندہ ورلڈ کپ 2023 میں دو پاکستانی کھلاڑیوں بابر اعظم اور شاہین آفریدی کو اہم ستون قرار دیا ہے،کرک بز پر بات کرتے ہوئے، ہر شا بھوگلے نے کہا کہ ٹورنامنٹ میں پاکستان کی کامیابی ان دو متحرک کرکٹرز کی کارکردگی پر منحصر ہو سکتی ہے۔ پاکستان یہ ورلڈ کپ نہیں جیت سکتا جب تک ان دو کھلاڑیوں کے لیے اہم ترین ورلڈ کپ نہ بنے – اس نے کہا کہ بابر اس وقت موجودہ فارم میں شاید بہترین ون ڈے بلے باز ہیں۔ میرے خیال میں ویرات کوہلی کے بارے میں کچھ کہنا ہو سکتا ہے۔” لیکن موجودہ فارم میں بابر اعظم شاندار کرکٹ کھیل رہے ہیں،
ہر شا بھوگلے نے پاکستان کے باؤلنگ اٹیک میں شاہین آفریدی کے تعاون کی اہمیت پر زور دیا۔ بائیں ہاتھ کے تیز گیند باز کی نئی گیند سے وکٹیں حاصل کرنے کی صلاحیت ٹیم کی پوزیشن کو مستحکم کرنے کے لئے اہم ثابت ہو سکتی ہے۔ اس نے کہا کہ شاہین آفریدی، اگر وہ نئی گیند سے وکٹیں نہیں لیتے ہیں، تو سائیڈ تھوڑی مشکل میں ہے اس لیے میرے لیے پاکستان کے لیے بابر اعظم اور شاہین آفریدی ہیں،”

قومی کھیل ہاکی کے گراس روٹ لیول پر فروغ اور نئے ٹیلنٹ کو سامنے لانے کے لئے پاکستان ہاکی فیڈریشن کے ساتھ ساتھ محکمہ جاتی ٹیموں کے آفیشلز بھی کوشاں ہیں،اس کی ایک مثال ڈائرکٹر اسپورٹس پاکستان ائیر فورس کے نمائندے اور انٹر نیشنل ہاکی امپائر حمزہ خان ہیں،جو ضلع دیر کے دور افتادہ علاقے تیمر گراہ کے اسکول میں طلبا کو ہاکی کے بنیادی رولز سکھانے پہنچ گئے،آل اسپورٹس ایسوسی ایشن ضلع دیر پائین کے صدر ملک شاہ نسیم خان اور سینئر ہاکی کھلاڑی یاسر وحید کے ساتھ انہوں نے گورنمنٹ ہائی اسکول میاں بانڈہ اور گورنمنٹ سینٹینل ہائی اسکول تیمر گراہ کا دورہ کیا،اس دوران انہوں نے پرنسپل اسکول ملک شاہد انور خان سے ملاقات کی اور قومی کھیل کی اس علاقے میں ترقی و ترویج سے متعلق اپنی رائے بھی دی،بعد ازاں انہوں نے اسکول میں منعقدہ تربیتی کیمپ میں طلبا کو ہاکی کے بارے میں ابتدائی معلومات اور کھیل کے بنیادی اسرار رموز سے متعلق آگاہی دی،قومی کھیل کی اہمیت،ریفری کورس اور کوچنگ کیمپ کی افادیت سے متعلق لیکچر دینے کے ساتھ ساتھ انہیں مختلف اسکلز کا عملی مظاہرہ دکھایا اور ان کے سوالوں کے جوابات دینے کے ساتھ ساتھ انہیں ہاکی کی مختلف بنیادی اسکلز میں مہارت حاصل کرنے کے لئے مفید ٹپس بھی دیں۔