قومی کرکٹرز نے مقابلے کی آخری تیاریوں کے طور پر بھرپور پریکٹس کی جبکہ سیریز کی ٹرافی کی رونمائی بھی کردی گئی۔
میزبان سری لنکا اور پاکستان دو ٹیسٹ میچز پر مشتمل سیریز میں کل سے مدمقابل آرہے ہیں، میچ کی آخری تیاریوں کے طور پر پاکستان کرکٹ ٹیم کے کھلاڑیوں نےمیزبان شہر میں بھرپور پریکٹس کی۔ فیلڈنگ ڈرلز کے علاوہ کرکٹرز نے بیٹنگ اور بولنگ سیشنز بھی کیے۔ گال میں کھیلا جانے والا ٹیسٹ ورلڈ ٹیسٹ چیمپئن شپ 25۔2023 میں پاکستانی ٹیم کا پہلا ٹیسٹ بھی ہے۔ اس سیریز کا دوسرا اور آخری ٹیسٹ 24 جولائی سے کولمبو میں کھیلا جائے گا۔ پاکستانی ٹیم مایہ ناز بیٹر بابر اعظم کی قیادت میں میدان میں اترے گی جبکہ سری لنکا کو دیمتھ کرونا رتنے لیڈ کریں گے۔
Author: صدف ابرار
پاکستان اور سری لنکا کے درمیان پہلا ٹیسٹ کل سے گال میں شروع ہوگا
اسلام آباد میں سپورٹس یونیورسٹی کا قیام
اسلام آباد میں اسپورٹس یونیورسٹی کے قیام کا اعلان کیا گیا،وزیر اعظم شہباز شریف نے پہلی اسپورٹس یونیورسٹی قائم کرنے کا اعلان کر دیا اسپورٹس یونیورسٹی کا قیام کے حوالے سے باضابطہ تقریب جلد ہو گی، ذرائع کے مطابق اسپورٹس یونیورسٹی کے لیے ایک ارب روپے کے فنڈز رکھے گئے ہیں، ذرائع نے یہ بھی بتایا کہ پاکستان اسپورٹس بورڈ کو تعلیمی کلاسز عارضی طور پر اسپورٹس کمپلکس میں لگانے کا ٹاسک سونپ دیا گیا،جس کو جلد شروع کرنے کا امکان ہے
مردان،منشیات فروش گرفتار دو کلو چرس برآمد
مردان تھانہ ہوتی پولیس نے02 منشیات فروش گرفتار کر لئے گئےجس کے قبضے سے دو کلو گرام چرس بھی برآمد کر لیا گیا، تھانہ ہوتی پولیس ٹیم نے ڈی ایس پی سٹی سرکل انعام جان کی نگرانی ایس ایچ او انسپکٹر عاشق حسین خان کی قیادت میں منشیات فروشوں کے خلاف کارروائیاں کرتے ہوئے منشیات فروش مزمل شاہ ولد فقیر شاہ ساکن اکا خیل اور اسکے دوست کو حراست میں لے لیا گیا جنکے خلاف تھانہ ہوتی میں مقدمات درج کر لیا گیا،
ٹیم سے کافی مطمئن ہوں،کراچی اور لاہورمیں کیمپ اچھے رہے، بابر اعظم
پاکستان کرکٹ ٹیم کے کپتان بابر اعظم کا کہنا ہے کہ ٹیم سےکافی مطمئن ہوں، ٹیم میں بہترین کی ضرورت ہوتی ہے کپتان نے کہا کہ کراچی اور لاہورمیں کیمپ اچھےرہے، سری لنکا میں ہمیشہ کنڈیشنز چلینجنگ ہوتی ہیں۔بابر اعظم کا کہنا ہے کہ گزشتہ سال بھی اسی میدان پر اچھی کرکٹ کھیلی تھی، سری لنکا میں شاہین کی انجری ہوئی تھی اور یہیں کم بیک کیا، شاہین آفریدی تجربہ کار اور دنیا کا بہترین بولرہے،جانتا ہےکیسےکم بیک کرنا ہے۔بابر کا کہنا تھا کہ جب بھی ٹیم میں کوئی نیا لڑکا آتاہےتو اپنی پرفارمنس سےٹیم میں جگہ بناتاہے، ابرار احمد اور سلمان علی آغانے اچھی پرفارمنسز دیں، کوشش کرتے ہیں کہ مثبت رہیں اور ایک دوسرے کو اعتماد ہے ٹیم میں کافی چیزوں کی بہتری کی ضرورت ہوتی ہے، بابر اعظم نے مزید کہا کہ گزشتہ ٹیسٹ سیریز میں بھی ہم اچھی کرکٹ نہیں کھیلے، لیکن اس بار سب کو ایک مختلف ٹیم نظر آئے گی، بابر اعظم نے کہا بطو ر کپتان میری کوشش ہے کہ ہم اپنی ٹیم کو اگلے لیول پر لے کرجائیں،
چارسدہ،نوجوان کے قتل میں ملوث شخص کون؟
چارسدہ کے علاقہ پڑانگ میں نوجوان کے قتل میں ملوث ملزم کو گرفتار کر لیا گیا چارسدہ پولیس نے علاقہ تھانہ پڑانگ کی حدود میں نوجوان کے قتل کا سراغ لگا کر اصل ملزم گرفتار کر لیا ہے۔ ملزم مقتول کا اپنا سگا بھائی نکلا۔ایس ایچ او تھانہ پڑانگ بسم اللہ جان
پولیس کو علاقہ تھانہ پڑانگ کی حدود فقیر اباد ماجوکے میں نوجوان کے قتل کی رپورٹ موصول ہوئی۔ پولیس نے ناصر خان ولد وزیر خان ساکن فقیر اباد ماجوکے کے مدعیت پر سجاد علی ولد محمد سراج ساکن فقیر اباد ماجوکے اور عماد ولد ارشد کے خلاف قتل کا مقدمہ درج کیا،
واقعہ کا فوری نوٹس لیتے ہوئے ڈی پی او چارسدہ محمد عارف نے پولیس کو ملزمان تک رسائی اور اصل حقائق منظر عام پر لانے کی ہدایت کی ۔
ایس پی انوسٹی گیشن چارسدہ رجب علی خان کی سربراہی میں ڈی ایس پی سٹی عدنان اعظم خان، ایس ایچ او تھانہ پڑانگ بسم اللہ جان اور تفتیشی افسران پر مشتمل ٹیم نے مقدمہ میں نامزد ملزمان سجاد علی اور عماد کو شامل تفتیش کیا، دوران انٹاروگیشن یہ بات سامنے آئی کہ مقدمہ میں نامزد ملزمان بے گناہ ہے اور قتل میں ملوث اصل ملزم مقتول کا اپنا بھائی یاسر ولد وزیر ساکن فقیر اباد ماجوکے ہے، پولیس نے فوری طور پر ملزم یاسر کو گرفتار کیا، دوران تفتیش ملزم نے اپنے جرم کا اعتراف کر لیا ، جبکہ ملزم کی نشاندھی پر آلہ قتل پستول بھی برآمد کیا گیا۔ ملزم سے مزید تفتیش جاری ہے۔
پشاور،ضلع خیبر میں 2 افراد سیلابی ریلے میں بہہ گئے
ضلع خیبر لنڈی کوتل میں مون سون بارش کے سبب مختلف واقعات میں دو افراد جاں بحق ہوگئے۔
مقامی ذرائع کے مطابق سیلابی ریلے میں بہہ جانے سے ایک بچے سمیت دو افراد جاں بحق ہوگئے، درجنوں کچے مکانات کو نقصان پہنچا طوفانی بارش کی وجہ سےکے بجلی بھی معطل ہے۔
جاں بحق افراد کا تعلق شلمان سے ہے۔ دوسرے نوجوان کی لاش علی مسجد کے قریب سیلابی ریلے سے نکالی گئی ہے تاحال ان کی شناخت نہیں ہوئی۔دوسری جانب پشاور سمیت صوبے کے مختلف اضلاع میں بارش ہوئی ہے جس سے گرمی کا زور ٹوٹ گیا ہے۔ زیادہ بارش کی وجہ سے ندی نالوں میں طغیانی آئی ہے جس کی وجہ سےشہر میں جگہ جگہ پانی کھڑا ہے،
سنگاپور کے خلاف انٹرنیشنل فرینڈلی میچ کیلئے 20 رکنی اسکواڈ فائنل
پاکستان فٹبال ٹیم منیجمنٹ نے سنگاپور کے خلاف انٹرنیشنل فرینڈلی میچ کیلئے 20 رکنی اسکواڈ کو فائنل کردیا، قومی ٹیم ہفتے کو سنگاپور کیلئے روانہ ہوگی۔جیو نیوز سے خصوصی گفتگو کرتے ہوئے پاکستان ویمن فٹبال ٹیم کی منیجمنٹ نے بتایا کہ سنگاپور کے خلاف فرینڈلی میچ کیلئے پاکستان ویمن ٹیم کی 20 پلیئرز کی فہرست فائنل کرلی گئی ہے۔
کراچی میں ہونے والی کیمپ میں شرکت کرنے والی کریمہ مہدی، نورین بیگ، سحرزمان، صاحبہ شیردل، فاطمہ ناز اور مافیہ پروین حتمی اسکواڈ میں شامل نہیں۔ ٹیم منیجمنٹ کے مطابق پاکستان کی 20 رکنی قومی ویمن فٹبال ٹیم کی قیادت ماریہ خان کریں گی جبکہ اسکواڈ کے فارورڈز میں عالیہ صادق، انمول حرا، اسرا خان، نقیہہ علی، سنوبر عبدالستار اور ذولفیا نذیر شامل ہیں۔
حتمی اسکواڈ میں مڈفیلڈرز میں علیزہ صابر، کائنات بخاری، ماریہ خان، ماروی بیگ، رامن فرید، سوحا ہیرانی اور زہمینہ ملک کو شامل کیا گیا ہے جبکہ ڈیفینڈرز میں کائلہ صدیقی، مشال بھٹی، نزالیہ صدیقی، سارہ خان اور صوفیہ قرییشی سنگاپور کیخلاف اسکواڈ کا حصہ ہیں۔
ٹی ٹوینٹی میچ میں افغانستان کو بنگلہ دیش کے ہاتھوں شکست
سیریز کے پہلے ٹی ٹونٹی میچ میں بنگلا دیش نے افغانستان کو سنسنی خیز مقابلے کے بعد خطرناک شکست دے دی،۔افغانستان نے پہلے کھیلتے ہوئے مقررہ اوورز میں سات وکٹوں کے نقصان پر 154 رنز بنائے، محمد نبی نے 40 گیندوں پر 54 رنز کی ناٹ آؤٹ اننگز کھیلی، عظمت اللہ عمرزئی نے 18 گیندوں پر 33 رنز کی جارحانہ بیٹنگ کی لیکن دیگر کھلاڑی قابل ذکر کارکردگی نہ دکھا سکے۔
شکیب الحسن نے دو، ناسم احمد، تسکین احمد، شریف الاسلام، مستفیض الرحمان اور مہدی حسین میراز نے ایک ایک وکٹ حاصل کی۔
ہدف کے تعاقب میں توحید کی فتح گر اننگز نے میچ جیتنے کی راہ ہموار کی، انہوں نے 32 گیندوں پر 47 رنز بنائے، شمیم حسین نے 33 رنز بنائے، دیگر کھلاڑی جلد پویلین لوٹتے رہے، بنگلا دیش نے ہدف آخری اوورز کی پانچویں گیند پر حاصل کیا۔ کریم جنت نے تین وکٹیں لیکر ہیٹ ٹرک کی۔ توحید کو مین آف دی میچ قرار دیا گیا،
پشاور،تھانہ متنی پر دہشت گردوں کے جانب سے حملے کا مقدمہ درج
پشاور کے تھانہ متنی پر گزشتہ رات حملے کا مقدمہ دہشت گردی ایکٹ کے تحت درج کرلیا گیا۔ مقدمے میں کالعدم تنظیم کے پانچ دہشتگردوں کو نامزد کیا گیا ہے ۔مقدمہ تھانہ سی ٹی ڈی میں ایس ایچ اوتھانہ متنی کی مدعیت میں درج ہوامقدمہ میں انسد اد دہشت گردی سمیت مختلف دفعات شامل ہیں،ایف آئی آر کے متن کے مطابق کالعدم تنظیم ٹی ٹی پی کے 5 دہشت گرد وں کو نامزد کیا گیا ہے۔
کالعدم تنظیم نےپہلے بھی تھانے کو نشانہ بنانے کی دھمکی دی تھی ،پولیس کی بروقت جوابی کارروائی سے حملہ آور فرار ہوگئے۔پشاور ٹریفک پولیس ان ایکشن،تجاوزات مافیا کے خلاف آپریشن
پشاور‘ سٹی ٹریفک پولیس پشاور کی گزشتہ ایک ہفتے کے دوران تجاوزات مافیا کیخلاف مختلف کاروایاں عمل میں لائی ہے،پشاور ٹریفک پولیس کے حکام کے مطابق کارروائیوں کے دوران 398 افراد کے خلاف کارروائی کی ہے، کاورائی میں نو پارکنگ زون کی خلاف ورزیوں پر 1070 موٹر سائیکل مالکان کے خلاف تادیبی کاروائی کی گئی ہے، پولیس کے مطابق یہ کارروائیاں آئی جی پولیس اختر حیات خان کے وژن کے مطابق چیف کیپٹل پولیس سید اشفاق انور اور چیف ٹریفک آفیسر قمر حیات خان کی ہدایت پر کی گئی ہیں سٹی ٹریفک پولیس پشاور کی جانب سے تجاوزات مافیا کو رضا کارانہ طور پر تجاوزات ختم کرنے اور نو پارکنگ زون کی خلاف ورزی نہ کرنے بارے آگاہی کا سلسلہ جاری ہے
چیف ٹریفک پولیس کے مطابق سٹی ٹریفک پولیس پشاور قانونی تقاضوں کو پورا کرتے ہوئے تجاوزات مافیا کو پہلے نوٹسز جاری کرتی ہے‘
تجاوزات مافیا شہر کی خوبصورتی کا خاص خیال رکھتے ہوئے اپنے حدود سے تجاوز نہ کریں اور شہریوں کیلئے کسی قسم کے مشکلات پیدا کرنے سے گریز کریں کیونکہ تجاوزات کی وجہ سے شہر کی خوبصورتی متاثر ہوتی ہے جو کسی صورت قابل قبول نہیں ہے،
ٹریفک پولیس افسر کے مطابق تجاوزات قائم کرنے کے مرتکب افراد کے خلاف سخت سے سخت قانونی کارروائی عمل میں لائی جائیگی اور کسی کے ساتھ کوئی نرمی نہیں برتی جائیگی
چیف ٹریفک آفیسر قمر حیات خان نے شہریوں کو نو پارکنگ زون کی خلاف ورزی نہ کرنے کی اپیل کی ہے جس سے ٹریفک نظام میں خلل سمیت شہریوں کو مشکلات کا سامنا کرنا پڑتا ہےٹریفک حکام ٹریفک قوانین کی خلاف ورزی کرنیوالوں کیخلاف قانون کے مطابق سخت کارروائی عمل میں لائیں‘
