پشاور پولیس کی منشیات کے مکروہ دھندے میں ملوث ملزمان کے خلاف کریک ڈاون، 6 ماہ کے دوران 4829 ملزمان کو گرفتار کر لیا گیا ہے گرفتار ملزمان میں بین الصوبائی منشیات سمگلرز نیٹ ورکس سمیت مخصوص گاہک کو پشاور اور دیگر مختلف اضلاع کو منشیات سپلائی کرنے والے ملزمان بھی شامل ہیں رواں سال کے ابتدائی چھ ماہ کے دوران ہونے والی کاروائیوں میں 30 کلو گرام سے زائد آئس ، 137 کلو سے زائد ہیروئن ، 271 کلو گرام افیون، 1652 کلوگرام چرس اور 1358 بوتل شراب بھی برآمد کی گئی ہے
ایس ایس پی آپریشنز ہارون الرشید خان نے منشیات کے خلاف جاری کریک ڈاون کو مزید تیز کرنے کی ہدایت کی ہے، انہوں نے نواجوان نسل خصوصًا طلباء کو منشیات کے مضر اثرات سے آگاہ کرنے کی خاطر عوامی سطح پر شہریوں میں شعور اجاگر کرنے کے لئے بھی خصوصی اقدامات کی ہدایت کی ہے۔
Author: صدف ابرار
پشاور پولیس نے منشیات کے مکروہ دھندے میں ملوث 4829 افراد کو گرفتار کر لیا ہے
سوات مینگورہ لینڈ سلائیڈنگ کے باعث 2 بچے جاں بحق
سوات مینگورہ کے علاقے وتکے گل آباد میں لینڈ سلائیڈنگ کے نتیجے میں 4 بچے دب گئے ہے، جن میں دو بچے جاں بحق ہو گئے، ریسکیو 1122 کے مطابق اطلاع ملنے پر ریسکیو 1122 میڈیکل و ڈیزاسٹر ریسکیو ٹیموں نے موقع پر پہنچ کر سرچ آپریشن شروع کردیا، پولیس، مقامی لوگوں اور ریسکیو 1122 کے اہلکاروں نے امدادی کارروائی کرتے ہوئے ملبے سے 2 بچوں کی لاشیں اور 2 زخمیوں کو نکال کر سیدوشریف اسپتال منتقل کردیا گیا۔ جاں بحق اور زخمی بچوں کی عمریں 8 سے لے کر 12 سال کے درمیان بتائی جارہی ہے۔
آئی سی سی نے ورلڈکپ کوالیفائنگ راؤنڈ کے بعد ٹیم آف دی ٹورنامنٹ کا اعلان کردیا
انٹرنیشنل کرکٹ کونسل (آئی سی سی) نے ورلڈکپ کوالیفائنگ راؤنڈ کے بعد ٹیم آف دی ٹورنامنٹ کا اعلان کردیا۔ جیو نیوز کے مطابق نیدرلینڈز کے کپتان اسکاٹ ایڈورڈز ٹیم آف دی ٹورنامنٹ کے کپتان مقرر کیے گئے، اس کے علاوہ سری لنکا، زمبابوے اور نیدرلینڈز کے تین تین کھلاڑی ٹیم آف دی ٹورنامنٹ میں شامل ہیں۔سری لنکا کے پٹنم نشاکا، وانندو ہسارانگا اور مہیش تھیکشانا ٹیم کا حصہ ہیں۔
اس کے علاوہ زمبابوے کے شان ولیمز، سکندر رضا اور رچرڈ نگاراوا ٹیم آف دی ٹورنامنٹ میں شامل ہیں۔نیدرلینڈز کے وکرم جیت سنگھ، بس ڈی لیڈ اور اسکاٹ ایڈورڈز ٹیم آف دی ٹورنامنٹ کا حصہ ہیں۔اس کے علاوہ اسکاٹ لینڈ کے برینڈن مک ملن اور کرس سول ٹیم آف دی ٹورنامنٹ میں شامل ہیں۔واضح رہے کہ ورلڈکپ کوالیفائنگ راؤنڈ میں سری لنکا اور نیدرلینڈز نےورلڈکپ کے لیے کوالیفائی کیا ہے۔قومی ٹیم کے فاسٹ بولر حارث رؤف کی اہلیہ مزنا کے ساتھ شادی کی نئی تصاویر سوشل میڈیا پر وائرل
فاسٹ بولر حارث رؤف نے ولیمے کے بعد ٹوئٹر اور انسٹاگرام اکاؤنٹ پر مزنا کے ہمراہ مہندی، بارات اور ولیمے کی تصاویر شیئر کیں جو سوشل میڈیا پر وائرل ہورہی ہیں۔حارث رؤف نے اہلیہ اور اپنے ہاتھ میں مہندی لگی تصویر شیئر کی جو رسم کے دوران لی گئی تھی۔
حارث نے ایک تصویر بارات کی شیئر کی جس میں انہوں نے سیاہ رنگ کی شیروانی زیب تن کی جبکہ مزنا سرخ رنگ کے عروسی لباس میں ملبوس ہیں۔کرکٹر کے ولیمے کی تصویر اسٹیڈیم میں لی گئی جس میں مزنا نے پیازی رنگ کی میکسی پہنی تھی ،واضح رہے کہ حارث رؤف کے ولیمے کی تقریب اسلام آباد میں ہوئی تھی جس میں قومی ٹیم کے سابق کپتان مصباح الحق، اوپننگ بیٹر فخر زمان، آل راؤنڈر فہیم اشرف، سہیل تنویر اور موسیٰ خان بھی موجود تھے،
محکمہ تعلیم میں غیر قانونی بھرتیوں کے معاملے میں ایم این اے چارسدہ کے گھر پر چھاپہ
پی ٹی آئی دور حکومت میں محکمہ تعلیم چارسدہ میں 29 افراد کی غیر قانونی بھرتیوں کے معاملے میں ملوث چارسدہ کے سابقہ ایم این اے فضل محمد خان کے گھر اور حجرہ پر اینٹی کرپشن چارسدہ نے چھاپہ مارا ہے اینٹی کرپشن کی لیگل ٹیم اور اے ڈی نے مقامی پولیس، ار ار ایف، مقامی انٹیلیجنس بیس DSB اور اسپیشل برانچ کی مدد سے چھاپہ مارا۔ پولیس کے مطابق محکمہ اینٹی کرپشن نے ایف ائی ار اندراج کی مد میں چھاپہ مارا۔
ایف آئی آر میں پی ٹی آئی کے سابق صوبائی وزیر قانون فضل شکور اور صوبائی وزیر معدنیات عارف احمدزئی کو بھی نامزد کیا گیا ہے،ضلع چارسدہ سے پی ٹی آئی کے سابق ایم این ایز فضل محمد خان، ملک انور تاج اور سابق ایم پی اے خالد خان بھی ایف آئی آر میں نامزد کئے گئے ہیں۔
چارسدہ پولیس کے مطابق ایف آئی آر میں محکمہ تعلیم کے سابق ڈسٹرکٹ ایجوکیشن آفیسر الفت بیگم سمیت چار دیگر اہلکار بھی نامزد کئے گئے ہیں۔ نامزد ملزمان پر محکمہ تعلیم میں غیر قانونی طور پر 29 کلاس فور ملازمین کی بھرتیوں کا الزام ہے۔ایف آئی آر کے مطابق ملزمان کے خلاف PPC409,419,420,468,471,162,163/5کے تحت مقدمات درج کئے گئے ہیں۔تاہم اسی کیس میں سابق وزیر قانون فضل شکور خان عدالت سے ضمانت پر ہیں۔
رہنما تحریک انصاف شہریار آفریدی کی ضمانت درخواست مسترد
راولپنڈی کی انسداد دہشت گردی عدالت میں جی ایچ کیو حملہ کیس کی سماعت ہوئی، سماعت جج حامد حسین نے کی، اس موقع پر ملزم شہریار آفریدی کو عدالت کے سامنے پیش کیا گیا،خصوصی عدالت کے جج حامد حسین نے فیصلہ سنا دیا اور رہنما تحریک انصاف شہریار آفریدی کی ضمانت درخواست مسترد کردی۔عدالت نے ملزم شہریار آفریدی کے جوڈیشل ریمانڈ میں 24 جولائی تک توسیع کر دی، جب کہ جی ایچ کیو حملہ کیس میں گرفتار ملزمان کا چالان بھی پیش کرنے کا حکم دے دیا۔واضح رہے کہ پی ٹی آئی کے رہنما شہریار آفریدی اور دیگر کے خلاف جی ایچ کیو حملہ کیس کا مقدمہ تھانہ آر اے بازار پولیس نے 9 مئی کو درج کیا تھا۔دوسری جانب پشاور ہائی کورٹ میں پی ٹی آئی رہنما سابق وفاقی وزیر شہریار آفریدی اور سابق صدر سٹی پشاور عرفان سلیم کی درخواستوں پر سماعت ہوئی، جسٹس سید ارشد علی اور جسٹس وقار احمد نے سماعت کی۔
درخواست گزاروں کی جانب سے شاہ فیصل اتمانخیل اور ارشد علی ایڈوکیٹ عدالت میں پیش ہوئے۔وکیل شاہ فیصل اتمانخیل نےعدالت سے استدعا کی کہ درخواست گزاروں کے خلاف جتنے مقدمات اور انکوائریز درج ہیں اس کی تفصیل فراہم کی جائے۔ عدالت نے صوبائی حکومت سے کل تک درخواست گزاروں کیخلاف درج مقدمات اور انکوائریز کی تفصیل طلب کرکے کیس سماعت کل تک ملتوی کردی،
صوابی، عریفہ نور کے قتل کا معمہ حل، قاتل گرفتار، آلہ قتل اور خون آلود کپڑے برآمد
ضلع صوابی کے علاقے سلیم خان میں گزشتہ شب پانچ سالہ بچی عریفہ نور شام کو گھر سے نکل کر واپس نہ آئی، جبکہ بعد میں اس کی قتل شدہ لاش قریبی حجرے سے برآمد ہوئی۔
ایس پی انوسٹی گیشن صوابی خان خیل کی ڈی ایس پی صوابی جواد خان اور ایس ایچ او صوابی عجب درانی کے ہمراہ پریس کانفرنس کرتے ہوئے بتایا کہ اس واقعہ پر ڈی پی او صوابی کیپٹن ریٹائرڈ نجم الحسنین لیاقت نے فوری طور پر جائے وقوعہ پر جا کر ایس پی انوسٹی گیشن صوابی اور ڈی ایس پی صوابی کو ملزم کو فوری طور پر تلاش کر کے گرفتار کرنے کا ٹاسک دے دیا۔ تفتیش ٹیم نے قریبی مکانات کی پروفائلنگ کرتے ہوئے کئی مشتبہ افراد حراست میں لئے جن کے انکشاف پر چند ہی گھنٹوں میں ملزم امن ولد یونس سکنہ سلیم خان کگلیج بانڈہ کا سراغ لگا کر گرفتار کرلیا گیا۔
دوران تفتیش ملزم نے اعتراف جرم کرتے ہوئے بتایا کہ وہ بچی کو بے توقیری کی نیت سے لے قریبی حجرے لے گیا تا ہم بچی کی چیخ و پکار پر اسے چھری کے وار کر کے قتل کر دیا۔ تفتیشی ٹیم نے ملزم سے آلہ قتل چھری، ملزم کے خون آلود کپڑے اور دیگر شواہد حاصل کرلئے ہیں جبکہ گواہان کے بیانات بھی قلم بند کئے جا رہے ہیں۔ مزید تفتیش جاری ہے۔ اہلیان علاقہ کی جانب سے پولیس کی اس کاوش کو کافی سراہا جا رہا ہے۔
ویمن فٹبال ٹیم کی سنگاپور روانگی ،سپورٹس بورڈ کا این او سی دینے سے انکار
قومی ویمن فٹبال ٹیم کی سنگاپور روانگی کے معاملے پر پاکستان سپورٹس بورڈ نے این او سی دینے سے انکار کردیا۔ باغی ٹی وی کے مطابق پاکستان اورسنگاپور کی ویمن فٹبال ٹیموں کے درمیان 15 اور 18 جولائی کو میچز شیڈول ہیں پی ایس بی زرائع کا کہنا ہے کہ شیڈول میچز کیلئے پاکستان ویمن فٹبال ٹیم کو 13 جولائی کو سنگاپور روانہ ہونا تھا۔ بورڈ حکام کا کہنا تھا کہ فیڈریشنز این او سی کیلئے تمام دستاویزات 6 ہفتے پہلے بھیجیں۔ باغی ٹی وی کے مطابق پی ایس بی نے وقت کی کمی کی وجہ سے این او سی کے اجرا سے معذرت کرلی ، پاکستان فٹبال فیڈریشن پی ایف ایف کو جواب میں کہا کہ عید تعطیلات کی وجہ سے پی ایس بی کو این او سی کی درخواست 3 جولائی کو ملی، درخواست تاخیر سے ملی، لہذا این او سی پر کام نہیں ہوسکتا۔
گولڈ میڈل جیتنے والے شہزاد قریشی کی وطن واپسی
ساؤتھ ایشین باڈی بلڈنگ چیمپئن شب میں گولڈ میڈل جیتنے والے شہزاد قریشی کی وطن واپسی پر قومی چیمپئن کا پرتباک استقبال کیا گیا۔ ساؤتھ ایشین باڈی بلڈنگ چیمپئن شب میں گولڈ میڈل جیتنے والے شہزاد قریشی وطن آ گئے، کراچی ائیرپورٹ پر فیملی، دوستوں اور باڈی بلڈرز کمیونٹی نے پھولوں کے ہار پہناکر استقبال کیا۔پاکستان باڈی بلڈنگ فیڈریشن کے سیکرٹری سہیل انور بھی شہزاد قریشی کے ہمراہ کراچی ایئرپورٹ پہنچے ہیں۔
مردان: تھانہ صدر پولیس کی کامیاب کارروائی
ضلع مردان تھانہ صدر پولیس کو موٹرسائیکل چوری ہونے کی کئی رپورٹ موصول ہونے پر ایس ڈی پی او سٹی سرکل انعام جان خان کی نگرانی اور ایس ایچ او عبدالسلام خان کی قیادت میں صدر پولیس آپریشن و تفتیشی پولیس ٹیموں نے وارداتوں میں ملوث ملزمان کی گرفتاری کیلئے پیشہ ورانہ حکمت عملی اور جدید سائنسی تفتیش کار کی بدولت تین رکنی موٹرسائیکل چور گروہ جن میں زبیر، اصغر پسران محمد حسین ، فواد ولد نورمحمد سکنہ ڈھیرے بابا میروس تک رسائی حاصل کرکے گرفتارکرلیا،
گرفتار ملزمان نے دوران تفتیش اعتراف جرم کرتے ہوئے نشاندہی پر مختلف مقامات سے چوری کئے گئے 11عدد موٹرسائیکلیں اور ایک عدد فریم برآمد کرلیا گیا، ملزمان سے تفتیش جاری ہے جن سے مزید اہم انکشافات بھی متوقع ہیں،
