کرکٹر سے کمنٹیٹر اور کمنٹیٹر سے چیئرمین پی سی بی بننے کا سفر طے کرنے والے رمیز راجا اب پھر سے کمنٹیٹر بننے والے ہیں۔آنے والے دنوں میں رمیز راجا ریڈ بال سیزن کے دوران اپنی سحر انگیز آواز اور کھیل کے بارے میں وسیع علم سے شائقین کرکٹ کو خوش کریں گے۔
رمیز راجا کا شمار آئی سی سی کے ایلیٹ کمنٹری پینل میں ہوتا ہے ،کامینٹری کی طرف واپس آنے کا اعلان انہوں نے سماجی رابطوں کی ویب سائٹ ٹوئٹر پر کیا ۔رمیز راجہ نے اپنے بیان میں لکھا ہے کہ پاکستان اور سری لنکا کی سیریز کیلئے کامینٹری بوکس میں نظر آؤں گا۔واضح رہے کہ چیئرمین پی سی بی کا عہدہ سنبھالنے کے بعد رمیز راجہ نے کامینٹری چھوڑ دی تھی
Author: صدف ابرار
رمیز راجا کی کامینٹری میں دبنگ واپسی
چارسدہ میں مسیحی برادری کی سویڈن میں قرآن کی بے حرمتی کی شدید مذمت
چارسدہ میں مسیحی برادری نے سویڈن میں قرآن پاک کی حالیہ بے حرمتی کی شدید مذمت کرتے ہوئے اپنے غم و غصے کا اظہار کیا اور ذمہ دار شخص کو انصاف کے کٹہرے میں لانے کا مطالبہ کیا۔ ایک اجتماع کے دوران، کمیونٹی کے ارکان نے مجرم اور سویڈش حکومت کے خلاف نعرے لگائے،اس موقع پر مسیحی برادری کے رہنماپرائم سیم یول نے اپنے مسلمان بھائیوں اور بہنوں کے ساتھ یکجہتی کا اظہار کرتے ہوئے کہا کہ ہم قرآن کی توہین آمیز فعل کی مذمت میں اپنے مسلمان بھائیوں کے ساتھ کھڑے ہیں۔ ہم پختہ یقین رکھتے ہیں کہ اظہار رائے کی آزادی کو دوسروں کی مذہبی حساسیت کی خلاف ورزی نہیں کرنی چاہیے۔ ہم سویڈش حکومت سے مطالبہ کرتے ہیں کہ اس گھناؤنے فعل کے ذمہ دار فرد کو سزا کا سامنا کرنے کو یقینی بنانے کے لیے فوری کاروائی کرئے اور اس واقعے کی مکمل تحقیقات کا مطالبہ کیا کہ اس طرح کی بے حرمتی کی کاروائیاں مذہبی کشیدگی کو ہوا دیتی ہیں اور مختلف عقائد کے درمیان باہمی احترام اور ہم آہنگی کے بنیادی اصولوں کو نقصان پہنچاتی ہیں۔
اس موقع پر چارسدہ ڈی ایس پی عدنان اعظم خان نے تعزیتی ریلی کی فل پروف سیکیورٹی کو یقینی مکمل انتظامات کئے اور امن و امان برقرار رکھنے و شرکاء کے پرامن اظہار خیال کے حقوق کے تحفظ کے لیے ایس ایچ او تھانہ پڑانگ بسم اللہ جان کی قیادت میں پولیس کی اضافی نفری تعیناتکی ہوئی تھی۔ ان کی موجودگی نے مذہبی اقلیتوں کے حقوق کے تحفظ، ہم آہنگی اور باہمی احترام کے ماحول کو فروغ دینے کے لیے چارسدہ پولیس کے عزم کو اجاگر کیا۔
عالمگیر خان ترین کے موت کی خبر نے کر کٹ حلقوں کو بھی سوگوار کر دیا
تریسٹھ سالہ عالمگیر خان ترین کی موت کی خبر نے کرکٹ حلقوں میں بھی سب کو سوگوار کر دیا بولنگ کوچ مشتاق احمد نے اسے سانحہ اور بڑا نقصان قرار دیا ،عالمگیر خان ترین نے دوہزار انیس میں اپنے بھائی جہانگیر ترین اور بھتیجے علی ترین کے ساتھ مل کر پی ایس ایل کی چھٹی ٹیم کے طور پر ’’ملتان سلطانز‘‘ کو خریدا دو سال تک مل کر کام کرنے کے باوجود سلطانز چیمپئن نہ بن سکے ، دوہزار اکیس میں ٹیم ملکیت کے حوالے سے شراکت داری ختم ہوئی ، عالمگیر ترین نے تمام توجہ ملتان سلطانز پر مرکوز کر دیں ،،، کپتانی محمد رضوان کو سونپی گئی ، پلیئرز اور منیجمنٹ کو فُل سپورٹ کیا ، یوں ٹیم دوہزار اکیس میں پی ایس ایل جیتنے میں کامیاب ہو گئی ، گذشتہ سال اپنے اعزاز کا دفاع تو نہ کر سکی لیکن رنرز اپ رہنے کا اعزاز حاصل کرنے کا سہرا بھی مرحوم کی بہترین کرکٹ منیجمنٹ کو جاتا ہے عالمگیر خان ترین کے انتقال پر ملتان سلطانز انتظامیہ سمیت فرنچائز مالک جاوید آفریدی اور عاطف رانا نے اظہار تعزیت کیا،
وادی تیرہ میں پولیس اہلکار کو فائرنگ کر کے شہید کر دیا گیا ہے
باڑہ خیبر پختونخوا کے قبائیلی علاقے خیبر کے باڑہ تحصیل میں نامعلوم ملزمان نے پولیس اہلکار کو فائرنگ کر کے شہید کر دیا ہے،پولیس کے مطابق پولیس اہلکار کو وادی تیرہ کے حدود میں گولی مار کر شہید کر دیا ہے پولیس کے مطابق شہید پولیس اہلکار کو گزشتہ رات نامعلوم ملزمان اغوا کے لے گئے تھے جن کو بعد میں گولی مار دی گئی ہے ،پولیس اہلکار کی لاش صبح ملی ہے جس کو پوسٹ مارٹم کے لئے ہسپتال منتقل کر دیا گیا ہے پولیس کے مطابق ملزمان کے گرفتاری کے لئے کاروائیاں جاری ہے،
ضلع خیبر میں شجر کاری مہم جاری
خیبر پختونخوا ضلع خیبر وادی تیرہ میں پاک آرمی ،ایف سی اور محکمہ جنگلات کے تعاون سے شجر کاری مہم جاری ہے جس میں آٹھ سو سے زائد گھروں میں پھل دار پودوں سمیت ایک لاکھ پچھتر ہزار پودے تقسیم کئے گئے ہے،آرمی، ایف سی اور محکمہ جنگلات کی جانب سے جاری شجر کاری مہم میں سال 2022 میں 18000 پھل دار درخت جبکہ ایک لاکھ پچھتر ہزار دوسرے پودے تقسیم کے تھے اسی طرح اس سال 2023 میں 2 لاکھ تک پودے تقسیم کئے جائنگے،ضلع خیبر کے عوام شجر کاری کے س مہم میں بھر پور حصہ لے رہے اور انہوں نے پاک آرمی اور ایف سی سمیت محکمہ جنگلات کا بھی بھر پور شکر یہ ادا کیا ہے،
پی ٹی آئی کے لیگل ایڈوائیزر سہیل سلطان ضمانت پر رہا
پشاور ہائی کورٹ مینگورہ بنچ نے تھری ایم پی او کے تحت گرفتار پی ٹی آئی لیگل ایڈوائیزر اور سابق اسسٹنٹ ایڈوکیٹ جنرل ہائی کورٹ کی ضمانت منظور کر کے رہائی کا حکم دے دی ہے، پی ٹی آئی کے لیگل ایڈوارئیزر سہیل سلطان ایڈوکیٹ اور جھانزیب گوگل کو گزشتہ رات دونو ں رہنماؤں کے گھروں پر چھاپے مار کر تری ایم پی او کے تحت گرفتار کر لیا گیا تھا ، جس کے بعد پی ٹی آئی کے لیگل ٹیم اور وکلاء نے تھری ایم پی او کے تحت گرفتاری کو ہائی کورٹ مینگورہ بینچ نے چیلنج کر دیا،جس پر مینگورہ بینچ نے دونوں رہنماؤں کی ضمانت منظور کر کے رہائی کا حکم دے دیا،
تور غر جیپ حادثہ، 4 افراد جاں بحق
خیبر پختونخوا کے ضلع تور غر میں مسافر جیپ گہری کھائی میں جا گری، حادثے میں خاتون سمیت 4 افراد جاں بحق جبکہ 6 شدید زخمی ہوگئے۔
ضلع تور غر میں شگئے سے گاؤں کالش جانے والی مسافر جیپ، جس میں کراچی سے آنے والے مہمان سوارتھے، ایک خطرناک موڑ پر ڈرائیور سے بے قابو ہوکر گہری کھائی میں جاگری جس کے نتیجے میں چار افراد جاں بحق جبکہ چھ شدید زخمی ہوگئے۔
حادثہ کی اطلاع ملتے ہی مقامی افراد بڑی تعداد میں جائے وقوعہ پہنچ گئے اور اپنی مدد آپ کے تحت نعشوں اور زخمیوں کو مقامی ہسپتال منتقل کردیا جہاں سے ابتدائی طبی امداد کے بعد زخمیوں کو ایبٹ آباد اور بٹگرام کے ہسپتالوں کو منتقل کردیا گیا۔
وہاب ریاض نے سوشل میڈیا پر اپنی وائرل ویڈیو پر ہونے والی تنقید پر ردعمل کا اظہار کیا ہے
سوشل میڈیا پر وہاب ریاض کی ویڈیو وائرل ہونے اور صارفین انہیں لوگوں پر پانی کے چھینٹے اُڑانے پر تنقید کا نشانہ بنا نے کے بعد وہاب ریاض نے اپنا رد عمل دی ہے انہوں نے سوشل میڈیا پر ٹوئٹ میں لکھا کہ سکّے کے ہمیشہ دو رخ ہوتے ہیں لیکن بدقسمتی سے ہم ہمیشہ غلط رخ دیکھتے ہیں۔اُنہوں نے لکھا کہ کل جو ہوا اس کے لیے میں معذرت خواہ ہوں، یہ سب غیر ارادی طور پر ہوا اور جسے بالکل غلط انداز میں لیا گیا۔وہاب ریاض نے ناقدین سے مخاطب ہوتے ہوئے لکھا کہ ہمیشہ مثبت چیزوں کو آگے پھیلائیں، منفی پروپیگنڈے سے اپنے خوبصورت ملک کو بدنام نہ کریں۔
پی سی بی میں ہونے والی تبد یلیوں کا مجھ پر یا ٹیم پر کوئی اثر نہیں پڑتا، بابر اعظم
کراچی میں پریس کانفرنس کرتے ہوئے بابر اعظم نے رواں ماہ پاکستان اور سری لنکا کے درمیان ہونے والی سیریز سے متعلق اظہار خیال کیا۔ انہوں نے کہا کہ بیک ٹو بیک کرکٹ، فٹنس کیلئے بہت ضروری ہے۔ سری لنکا میں پچ سلو ہے، اسپنرز کو مدد ملے گی۔ بابراعظم نے کہا کہ بطور ٹیم ہر طرح کی کرکٹ کیلئے تیار ہیں،تمام کھلاڑی فٹنس پر کام کر رہے ہیں، پریکٹس کے دوران ماضی کی غلطیوں پر کام کیا ہے، ، کپتانی کا فیصلہ پی سی بی کا ہے،میں اپنی طرف سے بہترین پرفارم کررہاہوں، کو شش ہو گی ورلڈکپ میں اچھا پر فا رم کر یں،. قومی کرکٹر نے کہا کہ ورلڈکپ کا بے چینی سے انتظار ہے، بھارت کے ساتھ میچ کھیلنے کے منتظر ہیں۔ پاکستان ٹیم ہر چیلنج سے نمٹنے کیلئے تیار ہے، قومی کھلاڑی ورلڈکپ کیلئے تیار ہو رہے ہیں۔قومی کرکٹ ٹیم کے کپتان بابر اعظم نے کہا ہے کہ پاکستان کرکٹ بورڈ (پی سی بی) میں کون آرہا ہے، کون جارہا ہے، اس پر فوکس نہیں ہوتا، ہمارا فوکس کرکٹ پر ہے۔
چیف جسٹس پشاور ہائی کورٹ کا جسٹس مسرت ہلالی کو سپریم کورٹ میں تعیناتی کی منظوری
وفاقی وزارت قانون و انصاف سے جاری نوٹیفکیشن میں کہا گیا کہ صدر مملکت نے آئین پاکستان کے آرٹیکل 177 کی شق ون کے تحت حاصل اختیارات کا استعمال کرتے ہوئے چیف جسٹس پشاور ہائی کورٹ جسٹس مسرت ہلالی کو سپریم کورٹ میں تعیناتی کی منظوری دے دی ہے۔
نوٹیفکیشن میں کہا گیا کہ جسٹس مسرت ہلالی کی سپریم کورٹ میں تعیناتی کا اطلاق اسی دن ہوگا جب وہ اپنے منصب کا حلف اٹھائیں گی۔
ٕیاد رہے کہ 14 جون کو جوڈیشل کمیشن آف پاکستان (جے سی پی) نے عدالت عظمیٰ کی تاریخ میں دوسری خاتون جج جسٹس مسرت ہلالی کی تعیناتی کی سفارش کردی تھی، جس کی پارلیمانی کمیٹی نے بھی سفارش کردی تھی۔
ڈان نیوز کے مطابق چیف جسٹس عمر عطا بندیال کی زیر صدارت جوڈیشل کمیشن کے اجلاس میں سپریم کورٹ کے سینئر جج جسٹس قاضی فائز عیسیٰ، جسٹس سردار طارق مسعود، جسٹس اعجاز الاحسن اور جسٹس منصور علی شاہ کے علاوہ وفاقی وزیر قانون اعظم نذیر تارڑ، اٹارنی جنرل منصور اعوان، جسٹس (ر) سرمد عثمان جلالی اور پاکستان بار کونسل کے اختر حسین نے شرکت کی تھی۔اجلاس کے دوران جوڈیشل کمیشن نے چیف جسٹس پشاور ہائی کورٹ جسٹس مسرت ہلالی کے نام پر اتفاق کرتے ہوئے ان کی بطور سپریم کورٹ جج تقرری کی سفارش کردی تھی۔
سپریم کورٹ میں اس وقت 17 ججوں کی طے شدہ تعداد کے برخلاف چیف جسٹس آف پاکستان عمرعطا بندیال سمیت 15 جج امور سرانجام دے رہے ہیں۔واضح رہے کہ گزشتہ ماہ صدر مملکت ڈاکٹر عارف علوی نے پشاور ہائی کورٹ میں بطور قائم مقام چیف جسٹس کی ذمہ داریاں ادا کرنے والی جسٹس مسرت ہلالی کی آئین کے آرٹیکل 175 اے (13) کے تحت بطور چیف جسٹس پشاور ہائی کورٹ تعیناتی کی منظوری دے دی تھی۔
یکم اپریل کو جسٹس مسرت ہلالی نے پشاور ہائی کورٹ کی قائم مقام چیف جسٹس کا حلف اٹھا لیا تھا جس کے بعد وہ خیبرپختونخوا کی تاریخ میں اس عہدے پر پہنچنے والی پہلی خاتون بن گئی تھیں۔8 اگست 1961 کو پشاور میں پیدا ہونے والی جسٹس مسرت ہلالی نے خیبر لا کالج سے قانون کی ڈگری حاصل کرنے کے بعد 1983 میں وکالت کا آغاز کیا۔1988 میں انہوں نے ہائی کورٹ جبکہ 2006 میں سپریم کورٹ کا لائسنس بھی حاصل کر لیا۔2013 میں وہ پشاور ہائی کورٹ کی ایڈیشنل جج تعینات ہوئیں اور 2014 میں مستقل جج بن گئیں۔
جسٹس مسرت ہلالی 2007 کی وکلا تحریک میں بھرپور طور پر سرگرم رہیں اور احتجاجی مظاہروں میں مرد وکلا کے شانہ بشانہ شرکت کرتی رہیں۔اس کے علاوہ انہیں پشاور ہائی کورٹ بار کی نائب صدر، سیکریٹری، خیبرپختونخوا کی پہلی خاتون ایڈیشنل ایڈووکیٹ جنرل، پہلی صوبائی محتسب کے عہدوں پر فائز رہنے کا اعزاز بھی حاصل ہے۔پشاور ہائی کورٹ کی خواتین وکلا نے جسٹس مسرت ہلالی کی پہلی خاتون قائم مقام چیف جسٹس ہائی کورٹ کے عہدے پر تعیناتی کو خوش آئند قرار دیا تھا۔
