خیبر پختونخوا ایمرجنسی ریسکیو سروس (ریسکیو1122) کے اہلکاروں کی عید الاضحی پر چھٹیاں منسوخ کردی گئیں. اس حوالے سے ڈاکٹر خطیر احمد ڈائریکٹر جنرل ریسکیو1122 نے باقاعدہ نوٹیفکیشن جاری کردیا ہے, جاری اعلامیہ کے مطابق ریسکیو1122 خیبر پختونخوا کے تمام اضلاع بشمول ضم شدہ اضلاع میں ریسکیو سٹیشنز کھلے رہینگے، ڈائریکٹر جنرل ڈاکٹر خطیراحمد کے مطابق ریسکیو1122 کے تمام اضلاع میں اعلی افسران عید الاضحی پر اپنے اضلاع میں فرائض سر انجام دیں گے، انہوں نے بتایا کہ عید الاضحی پر ریسکیو1122 اہلکار ممکنہ گرمی اور ہیٹ ویو سے بروقت نمٹنے کے لیے الرٹ رہیں گے اور کسی بھی ایمرجنسی کے دوران عوام الناس کو موقع پر پیشہ وارانہ خدمات فراہم کریں گے اور اس دوران ضرورت پڑنے پر ان کو ریسکیو ایمبولینسز میں ہسپتال منتقل کیا جائیگا۔ اسکے علاؤہ ریسکیو1122 ایمبولینسز، فائر ویکلز اور دیگر آلات کے ساتھ ضروری سامان بھی ان اضلاع کو فراہم کردیا گیا ہے۔
Author: صدف ابرار
مراد سعید کا بھائی کلیم سعید گرفتار
تحریک انصاف کے رہنما اور سابق وفاقی وزیر مراد سعید کے بھائی کو گرفتار کر لیا گیا، جبکہ پولیس کا کہنا ہے کہ مراد سعید کے بھائی کلیم سعید کے خلاف مختلف مقدمات درج ہیں، لہذا کلیم سعید کو ٹاؤن میونسپل آفس سے پولیس نے حراست میں لیا ہے تاکہ ان کے خلاف مزید کاروائی کا آغاز کیا جاسکے۔ دوسری جانب پی ٹی آئی رہنما مراد سعید تاحال رپوش ہیں، اور پولیس کی جانب سے ان کی گرفتاری کے لئے چھاپے مارے جارہے ہیں۔ جبکہ ذرائع کا بتانا ہے کہ کلیم سعید کے خلاف 10 مئی کو مینگورہ تھانے میں ایس ایچ او مجیب عالم کی مدعیت میں مختلف دفعات کے تحت مقدمہ درج کیا گیا تھا۔
واضح رہے کہ 9 مئی کے واقعات کے بعد مراد سعید مختلف مقدمات میں مطلوب اور روپوش ہیں جبکہ پولیس اُن کی گرفتار کرنے کے لیے متعدد چھاپے بھی مار چکی ہے ، گزشتہ دنوں خیبرپختونخوا کے نگراں وزیر اطلاعات نے امکان ظاہر کیا تھا کہ خیبرپختونخوا اور بالخصوص سوات سے تعلق رکھنے والی پی ٹی آئی قیادت کا افغانستان میں روپوش ہونے کا امکان ہے کیونکہ ان کے کالعدم ٹی ٹی پی کے اراکین کے ساتھ اچھے تعلقات تھے۔
ادھر آج پولیس نے سابق گورنر پنجاب عمر سرفراز چیمہ کی اہلیہ رابعہ سلطان کو بھی انسداد دہشت گردی کی عدالت سے اس وقت گرفتار کیا ہے جب وہ عمر سرفراز چیمہ سے ملنے عدالت آئی تھی۔
خرد برد اور ٹیکس جمع نہ کرنے پر 05 پٹواری نوکری سے برخاست ،جبکہ 11 معطل کر دیے گئے
صوبائی دارلحکومت پشاور میں ریونیوریکارڈ میں خرد برد اور ٹیکس جمع نہ کرنے پر 05 پٹواری نوکری سے برخاست ،جبکہ 11 پٹواری معطل کر دیے گئے۔صوبائی حکومت کے احکامات پر محکمہ مال میں صفائی کے عمل کا آغاز کر دیا گیا ہے اور اس ضمن میں ڈپٹی کمشنر پشاور شاہ فہد نے ریوینو ریکارڈ میں خرد برد، ٹیکس جمع نہ کرنے، کرپشن، بدعنوانی اور عوام کے لیے باعث اذیت بننا اور سرکاری احکامات کو سبوتاژ کرنے پر05 پٹوار ی نوکری سے برخاست اور 11 پٹواری معطل کر دیے گئے جبکہ ایک تحصیلدار، نائب تحصیلدار اور گرداور کے خلاف مزید کارروائی کے لیے کیس صوبائی حکومت کو بجھوایا گیا ہے۔ معطل ہونے والے 11 پٹواریوں کے خلاف تادیبی کاروائی عمل میں لائی جائے گی۔ضلعی انتظامیہ کے مطابق کسی قسم کی بلیک میلنگ برداشت نہیں کی جائے گی اور کرپشن میں ملوث اور عوام کے لیے اذیت بننے والے پٹوایوں کے خلاف سخت قانونی کاروائی عمل میں لائی جائے گی اور پشاور کو کرپٹ عناصر سے پاک کیا جائے گا اور اس سلسلے میں چیف سیکریٹری خیبر پخونخوا کی ہدایت پر کرپٹ پٹوار یوں کے خلاف کاروائی کا آغاز کر دیا گیا ہے۔
پی ڈیم ایم سمیت تمام پارٹیوں نےعوام کو دھوکہ دیا ہے۔ امیر جماعت اسلامی سراج الحق
چارسدہ میں ورکرز کنونشن سے خطاب کے دوران امیر جماعت اسلامی سراج الحق نے کہا ہے کہ حکمرانوں نے پاکستان کو مسائلستان بنا دیا۔ پی ٹی آئی کے بعد پی ڈی ایم اور پیپلز پارٹی کے طرزحکمرانی نے معیشت کا رہا سہا بیڑہ بھی غرق کردیا،کشکول مشن پوری آب و تاب سے جاری ہے۔ ذاتی مفادات کے لیے 14جماعتیں شیروشکر ہو گئیں، اب نورا کشتی کر کے عوام کو بے وقوف بنانے کی کوشش ہو رہی ہے۔ مرکزی حکومت نے خیبرپختونخوا اور ضم شدہ قبائل کے ساتھ کیے گئے وعدے فراموش کر دیے اور اپنی آئینی ذمہ داری نہیں نبھائی۔ اللہ کی مددو نصرت اور عوام کی تائید سے اقتدار میں آ کر جماعت اسلامی انصاف اور احتساب کے بے لاگ نظام، امن عامہ کے قیام اور سود فری معیشت کے تین نکاتی ایجنڈے کو فی الفور نافذ کرے گی۔
چارسدہ میں ورکرز کنونشن سے خطاب کرتے ہوئے انھوں نے کہا کہ بجلی کی پیداوار میں بڑا حصہ ہونے کے باوجود خیبر پختوانخوا میں گھنٹوں لوڈشیڈنگ ہورہی ہے، لوگ رات کو سوسکتے ہیں نہ دن میں سکون میسر ہے، نظام زندگی درہم برہم ہوگیا۔ اس موقع پر امیر جماعت اسلامی صوبہ خیبرپختونخوا پروفیسر محمد ابراہیم اور سیکرٹری جنرل کے پی عبدالواسع بھی موجود تھے۔
سراج الحق نے کہا کہ خیبرپختونخوا میں سالہا سال کی خراب حکمرانی نے مسائل کے انبار لگادیے ، وسائل سے کوئی فائدہ نہیں اٹھایا گیا، مرکز کی جانب فنڈز اور بقایا جات کی عدم ادائیگی کی وجہ سے صوبہ کی ترقی اور عوام کی خوشحالی کے دروازوں پر تالہ لگ چکا ہے،امن و امان کی صورت حال تباہ کن،کے پی کا نوجوان مایوس اور بے روزگاری کی آگ میں جل رہا ہے۔ انھوں نے کہا کہ پورے ملک میں بدترین لوڈشیڈنگ نے وزیراعظم کے دعوے کا پول کھول دیا ۔سرکاری محلات میں مفت ایئرکنڈیشنز کے مزے لینے اور بڑی گاڑیوں اور پروٹوکول میں گھومنے والوں کو عوامی مسائل کا ادراک تک نہیں کر سکے،
کے پی کے بجٹ کا آغاز مالی خسارے کے ساتھ
خیبرپختونخوا حکومت مالی سال 2023-24 کا آغاز 4 ارب روپے کے خسارے سے کرے گی ۔ محکمہ خزانہ ذرائع کے مطابق صوبائی حکومت کو مالی سال مکمل کرتے وقت 4 ارب خسارے کا سامنا ہوگا جس کیلئے وفاق سے بات چل رہی ہے۔ پیشگی ادائیگیاں ہوگئیں تو یہ خسارہ آئندہ ماہ کی ادائیگی میں مکمل کر لیا جائے گا جس کے باعث نئے سال کے آغاز کو خسارے سے تشبیہ دی جا رہی ہے۔
محکمہ ترقی و منصوبہ بندی ذرائع کے مطابق اس وقت ترقیاتی منصوبوں کی مد میں 50 ارب روپے ٹھیکیداروں کے بقایاجات ہیں جو مالی سال 2022-23 کے ترقیاتی منصوبوں کی مد میں خرچ کئے گئے ہیں۔ ان ادائیگیوں کیلئے صوبائی حکومت کے پاس فنڈز نہیں ہیں جس کے باعث اب یہ ادائیگیاں بھی آئندہ برس کی جائیں گی۔ اگر ٹھیکیداروں کی رقم اس میں شامل کرلی جائے تو خیبرپختونخوا حکومت کو مجموعی طور پر 54 ارب روپے خسارے کا سامنا کرنا پڑ رہا ہے اور آئندہ مالی سال کا آغاز 54 ارب کے خسارے سے ہوگا جس نے صوبائی حکومت کیلئے مالی بحران کے شدید ہونے کے اشارے دے دئیے ہیں۔
چارسدہ میں میں جماعت اسلامی کا پاور شو
چارسدہ میں جماعت اسلامی کا جلسہ، امیر جماعت اسلامی سراج الحق کچھ دیر جلسہ عام سے خطاب کرینگے چارسدہ میں جلسے کے دوران ملک میں مہنگائی اور بدعنوانی کے خلاف اواز اٹھائیں گے جلسہ گاہ میں تیس ہزار کرسیاں رکھی گئی ہے امیر جماعت اسلامی کے خطاب کے لئے چالیس فٹ سٹیج تیار کر لیا گیا ہے جلسہ میں کارکنان کا سلسلہ جاری ہے،جبکہ جماعت اسلامی کی اعلی قیادت بھی سٹیج پر پہنچ رہے ہے ،عوام کی بڑی تعداد جلسے میں شرکت کے لئے موجود،اب سے کچھ دیر بعد امیر جماعت اسلامی جلسے سے خطاب کرے گے
افغان خواتین پر اسپورٹس پابندی کے خلاف آواز اٹھنے لگی
انٹرنیشنل اولمپک کمیٹی میں افغان خواتین پر اسپورٹس پابندی کے خلاف آواز اٹھنے لگی ،عالمی باڈی نے کھیلوں میں حکومتی مداخلت بند نہ کرنے پر معطلی کی دھمکی دے دی ۔
جنیوا میں انٹرنیشنل اولمپک کمیٹی کے ایگزیکٹیو اجلاس میں افغانستان کا مسئلے پر بات ہوئی ، پیرس میں شیڈول آئندہ سال اولمپک گیمز میں افغانستان کی شرکت کے حوالے سے حکام نے تحفظات کا اظہار کر دیا، ان کا کہنا تھا کہ افغانستان میں خواتین کو کھیلوں سے روکا جاتا ہے اور اسپورٹس میں یہ حکومتی مداخلت کسی طور برداشت نہیں کیا جائے گا، اگر اس بے ضابطگی کو نہ روکا گیا تو افغان اولمپک کو معطل بھی کیا جا سکتا ہے،
خیبر پختونخوا کے عوام بھاری بل دینے کے باوجود بجلی کی سہولت سے محروم
با غی ٹی وی کے رپورٹ کے مطابق خیبر پختونخوا کے مختلف اضلاع میں بجلی کی شدید لوڈ شیڈنگ سے عوام سخت پریشان،ایک طرف شدید گرمی تو دوسری طرف بجلی کی غیر اعلانیہ لوڈ شیڈنگ نے عوام کے زندگیوں کو اجیرن کر کے رکھ دیا،باغی ٹی وی کے مطابق ضلع مردان،چارسدہ،صوابی،پشاور،اور مضافاتی علاقہ جات واپڈا کے غیر علانیہ شدید لود شیڈنگ کا شکار ہے،سخت گرمی کے ستائے ہوئے عوام کا کہنا ہے کی جب لوڈ شیڈنگ کے حوالے شکایات درج کرنے کے لئے واپڈا کے دفاتر میں کال کرنے کی کوشش کرتے ہے تو وہاں پہ کوئی فون اٹھانے والا بندہ موجود نہیں ہوتا ، دوسری جانب 14 سے 18گھنٹوں تک بجلی غائب ہونے کے باوجود عوام کا بھاری بل موصول ہو رہے ہے جس نے عوام کے پریشانیوں میں مزید اضافہ کر دیا ہے،عوام نے حکومت سے سخت الفاظ میں مطالبہ کیا ہے کہ خیبر پختونخوا کے تمام علاقوں میں طویل لوڈ شیڈنگ کا سلسلہ ختم کر دیا جائے ورنہ شدید احتجاج کا سامنا کرنا پڑے گا،
پشاور میں سٹر یٹ کرائمز کی بھر مار
پشاور میں سٹریٹ کرائم میں خطرناک اضافہ،شہر کے مختلف علاقوں میں اغوا برائے تاوان،سازوسامان کا چھین جانا ایک معمول بن گیا ہے،رواں سال کے گزشتہ 5 مہینوں میں پشاور شہر میں قتل کے واردات میں 136 فیصد ،جبکہ راہزنی کے واقعات میں 102 فیصد اضافہ ہوا ہے،پولیس رپورٹ کے مطابق رواں سال 232 افراد قتل کئے گئے ہے،اسکے علاوہ قتل و اقدام قتل کے واقعات میں 360 کیسز سامنے آئے ہے،مختلف واقعات میں زخمی ہونے والے 224 افراد بھی شامل ہے،پشاور شہر میں 80 سے زائد راہزنی کے واقعات رپورٹ ہوئے ہے، شہر میں رہزنی کے واقعات کے ڈر سے زیادہ تر عوام بغیر موبائل اور پیسوں کے گھر سے باہر گھومتے ہے،اسکے علاوہ 29 ریپ کے کیسز ریکارڈ کئے گئے ہے،پولیس زرائع کے مطابق موجودہ صورتحال میں پولیس اہلکار اپنے نوکری کو بچانے کے چکر میں لگے رہتے ہے، کیونکہ ضلع بدر ہونا، معطل ہونا یا نوکری سے نکالے جانا کے پی کے پولیس کے ساتھ ایک معمول بن گیا ہے تاہم نئے سی سی پی او اشفاق انور کے آنے کے بعد بھی حالات میں کوئی بہتری نہیں ائی،بلکہ حال تو یہ ہے کہ شہر کے بیشتر تھانے ایس ایچ اوز کے بغیر چل رہے ہے،
کار کھائی میں جا گری،3 افراد جاں بحق
ایبٹ آباد چنالی کے مقام پر کار کھائی میں گر نے کے نتیجے میں تین افراد جاں بحق جبکہ ایک شدید زخمی ہو گیا،حادثہ تیز رفتاری کے باعث ہوا،حادثے کے بعد علاقے کے لوگوں نے اپنی مدد آپ کھائی سے لاشوں اور زخمی سخص کا نکالا،
چنالی حادثہ میں مرنے والوں میں توقیر افتخار شبیر شامل ہیں جن کا تعلق چنالی سے ہی ہے جبکہ حادثہ میں چوہدری مشتاق شدید زخمی ہے لاشوں کو نکال کر لواحقین کے حوالے کر دیا گیا ہے جبکہ زخمی کو طبی امداد کیلئے ایوب میڈیکل کمپلیکس منتقل کیا گیا،
