کرکٹ کی تاریخ ساز ’’ایشز سیریز‘‘ کل سے شروع ہو گی روایتی حریف انگلینڈ اور آسٹریلیا کے درمیان پانچ ٹیسٹ میچز کھیلے جائیں گے مہمان کینگروز اعزاز کا دفاع کریں گے ۔برمنگھم میں افتتاحی ٹیسٹ پاکستانی وقت کے مطابق دن تین بجے شروع ہو گا روایتی حریفوں نے بڑے مقابلوں کی بڑی تیاریاں کر لیں ٹریننگ، فٹنس اور جوش و خروش سب مکمل کر دیا گیا، میچ کے لئے کھلاڑی ہی نہیں پرستار بھی پرجوش اچھی کرکٹ سے محظوظ ہونے کے لیے بے تاب ہے،آسٹریلیا کو ٹیسٹ چیمپئن بننے کا مان اور اعزاز کا دفاع کرنے کا پلان بھی کر لیا گیا ہے
میزبان انگلینڈ کی بھی جیت پر نظریں ہے جبکہ انجری کا شکار جیک لیچ کی جگہ تجربہ کار معین علی پرعزم دکھائی دے رہے ہے،
اٹھارہ سو بیاسی سے کھیلی جا رہی ایشیز سیریز میں انگلینڈ نے پہلی بارہ سیریز جیتنے کا شاندار بلکہ یادگار آغاز کیا لیکن مجموعی طور پر آسٹریلیا کو برتری حاصل ہے اب تک تین سو چالیس کھیلے گئے ایشز ٹیسٹ میچز میں سے ایک سو چالیس جیتے ا یک سو آٹھ میں انگلش کھلاڑی فاتح جبکہ بانوے مقابلے بے نتیجہ رہے ہے،
Author: صدف ابرار
ایشینز سیریز ٹیسٹ کا آغاز کل سے ہو رہا ہے،
پاکستان اور سری لنکا کے وزراء کھیلوں کو فروغ دینے کے لئے پر عزم
باغی ٹی وی کے مطابق سری لنکا کے سپورٹس منسٹر روشن رانا سنگھے، نے آئی پی سی پاکستان کے وزیر احسان الرحمن مزاری سے ملاقات کی ہے،ملاقات میں لیجنڈری سری لنکن کرکٹ ارجن رانا ٹنگا اور وزارت کھیل کے سیکر یٹری بھی موجود تھے،ملاقات میں کھیلوں کے باہمی دلچسپی کے امور پر تبادلہ خیال کیا گیا، باغی ٹی وی کے مطابق آئی پی سی کے وفاقی وزیر نے سری لنکا کے سپورٹس منسٹر کو ہاکی، سکواش،اور کبڈی کے شعبے میں کوچ کی کی فراہمی کے لئے تعاون کی پیشکش کی،دونوں وزراء نے اس بات پر اتفاق کیا کہ کھیلوں کے زریعے ہمارے ممالک کے درمیان تعلقات مزید بہتر اور مضبوط ہو نگے،پاکستان کی جانب سے سری لنکا میں کھیلوں کو فروغ دینے کے لئے 52 ملین روپے کے امداد کو وزیر کھیل نے سراہتے ہوئے پاکستانی حکومت کا شکریہ ادا کیا،دونوں وزراء کے درمیان کھیلوں کو مزید فروغ دینے کے لئے نئے مفاہمت کے معاہدے سامنے لانے کے لئے پر عزم اور ایک دوسرے کے ساتھ تعاون کی نئی راہیں تلاش کر کے دونوں ممالک کے کے تعلقات کو بہتر بنانے پر اتفاق کیا،
کرکٹ ٹیم کی تشکیل ،سعودی ولی عہد نے پاکستان کا انتخاب کر لیا
سعودی عرب اور پاکستان کے درمیان دوستی کا ایک اور سنگ میل پار ہونے کا ثبوت، سعودی ولی عہد نے پوری دنیا پر صرف پاکستان کو برتری دے کے پاکستانی کرکٹ کا انتخاب کرلیا اور سعودی ولی عہد محمد بن سلمان نے کرکٹ کے فروغ کیلئے کوئٹہ گلیڈی ایٹرز کے فرنچائز ندیم عمر کو بلا لیا۔ذرائع کا کہنا ہے کہ کوئٹہ گلیڈی ایٹرز اور سعودی حکومت کے درمیان معاہدہ کل طے پا جانے کا امکان ہے جس کے بعد ندیم عمر اپنی ٹیم کے ہمراہ سعودی عرب کی قومی ٹیم تشکیل دیں گے،سعودی علی عہد نے کوئٹہ گلیڈی ایٹرز پر اطمنان کا اظہار کیا ہیں،دوسری جانب اس حوالے سے سابق کرکٹرز کا کہنا ہے کہ دنیا کے بڑے بڑے ناموں کو مسترد کرکے ندیم عمر کا انتخاب پاکستان کیلئے ایک بڑا اعزاز ہے،امید ہے کہ کوئٹہ گلیڈی ایٹرز اپنی تمام صلاحیتیں بھروئے کار لا کے بہترین ٹیم تشکیل دے گی،
ایران میں منعقدہ ایشین اسنوکر چیمپئن شپ کیلئے پاکستانی کیوئسٹس آج روانہ ہونگے
پاکستان بلیئرڈز اینڈ اسنوکر ایسوسی ایشن نے ایران میں ہونے والی ایشین 6 ریڈ اسنوکر چیمپئن شپ اور انڈر 21 چیمپئن شپ کیلئے پاکستانی کیوئسٹس کا انتخاب کردیا۔پاکستان بلیئرڈز اینڈ اسنوکر ایسوسی ایشن کے چیئرمین عالمگیر شیخ کے مطابق ایران میں اس ماہ ہونیوالے تین ایونٹس میں دو کیوئسٹ پاکستان کی نمائندگی کریں گے۔انہوں نے بتایا کہ 16 سے 25 جون تک ہونے والے ان تین ایونٹس کیلئے احسن رمضان اور حارث طاہر کا انتخاب کیا گیا ہے، دونوں کھلاڑی آج کراچی سے تہران کیلئے روانہ ہوں گے انہوں نے مزید بتایا کہ حارث طاہر ایشین 6 ریڈ اور ایشین ٹیم چیمپئن شپ میں پاکستان کی نمائندگی کریں گے جبکہ احسن رمضان 6 ریڈ، ٹیم چیمپئن شپ اور انڈر 21 ایونٹ میں بھی پاکستان کی نمائندگی کریں گے۔احسن رمضان اگلے ماہ سعودی عرب میں ورلڈ جونیئر چیمپئن شپ بھی کھیلیں گے۔
کے پی کے میں تیز آندھی کی وجہ سے نقصانات کا جائزہ لینے کے لئے کمیٹیاں قائم
خیبر پختونخوا محکمہ ریلیف نے تیز آندھی اور طوفانی بارشوں سے متاثرہ اضلاع بنوں ،لکی مروت،ڈی آئی خان اور کرک میں نقصانات کے سروے کے لیے چار کمیٹیاں تشکیل دے دی ہیں۔ سیکرٹری ریلیف کےمطابق خیبر پختونخوا کے مختلف اضلاع میں شدید آندھی کی وجہ سے 25 افراد جان بحق جبکہ 100 سے زیادہ زخمی ہوئیں تھے،اور60 سے زیادہ گھروں کو نقصان پہنچا تھا،سیکر ٹری ریلیف کے مطابق تمام کمیٹیاں موسلا دار بارش اور طوفان کی وجہ سے ہونے والے نقصانات کا جائزہ لے مکمل رپورٹس مرتب کریں گی۔ کمیٹیاں 16 جون تک تفصیلی رپورٹس جمع کرائے گی۔
سیکرٹری ریلیف عبدالباسط کے مطابق کمیٹیوں میں تکنیکی ماہرین اور پی ڈی ایم اے کے اعلی افسران شامل ہیں۔
ضلع خیبر باڑہ میں 4 افراد قتل
خیبر پختونخوا ضلع خیبر باڑہ تحصیل قوم ملک دین خیل سور ڈھنڈ علاقہ میں زمین کے تنازعے پر فائرنگ کے نتیجے میں چار افراد قتل کئے گئے ہیں ، ضلع خیبر ڈی پی او کے مطابق افسوس ناک واقعے میں ملوث ملزمان کو جلدی گرفتار کر لیا جائے گا،جاں بحق تمام افراد کی لاش اپنے قبضے میں لئے گئے ہے،اور واقع کے تحقیقات شروع کر دئے گئے،مقتولین میں حضرت اللہ،زیارت گل،عبدالمالک،اور مومن شامل ہے،پولیس کے مطابق واقع زمینی تنازعے کے بنیاد پر سامنے آیا، پولیس نے واقع میں ملوث ملزمان کے خلاف کاروائی عمل میں لائی گئی ہے جن کو بہت جلد گرفتارکر لیا جائے گا،
سابق ڈپٹی سپیکر کے پی کے کی درخواست ضمانت خارج
پشاور کے مقامی عدالت نے قتل مقدمے میں گرفتار سابق ڈپٹی سپیکر محمود جان کی درخواست ضمانت خارج کردی.جبکہ انکے بھائی احتشام کو ضمانت پر رہا کر دیا گیا، سابق ڈپٹی اسپیکر محمود جان کی درخواست پر سماعت ایڈیشنل ڈسٹرکٹ اینڈ سیشن جج سید بادشاہ نے کی، عدالت کو بتایا گیا کہ محمود جان اور انکے بھائی پر قتل ،اقدام قتل کا مقدمہ بے بنیاد بنایا گیا ہے،تاہم عدالت نے دونو ں فریقین کی جانب سے دلائل سننے کے بعد سابق سپیکر محمود جان کے بھائی کے رہائی کا حکم دیا اور محمود جان کی ضمانت خارج کردی، پولیس کے مطابق ملزم پر تھانہ ریگی کے حدود میں عیسی خیل قوم کے جلوس پر فائرنگ کا الزام ہے، فائرنگ سے دو افراد جاں بحق جبکہ متعدد زخمی ہوئے تھے،پولیس کے مطابق ملزم کا علاقے میں عیسی خیل قوم سے زمینی تنازعہ ہے۔
حارث رؤف کب دولہا بننے جا رہے ہے؟
پاکستان کرکٹ ٹیم کے مایہ ناز فاسٹ بولر حارث کب شادی کے بندھن میں بندھنے جا رہے ہے سوشل میڈیا پر شادی کا کارڈ وائرل ہو گیا، جس میں بارات اور ولیمے کی تاریخ سامنے آگئی۔ فاسٹ بولر حارث رؤف پاکستان کرکٹ ٹیم کے اہم ترین ستون ہیں جنہوں نے گزشتہ سال دسمبر میں اپنی کلاس فیلو مزنا سے نکاح اور منگنی کی تقریب کی تھی،، تاہم فاسٹ بولر اب اپنی دلہنیا گھر لانے کی تیاریوں میں مصروف ہیں۔ حارث رؤف کی شادی کا کارڈ سوشل میڈیا پر بڑی تیزی سے وائرل ہو رہا ہے ، جس میں یہ دعویٰ کیا جارہا ہے کہ فاسٹ بولر آئندہ ماہ اپنی دلہنیا گھر لے آئیں گے۔ یہ کارڈ دراصل دلہن مزنا مسعود کے گھر کا ہے جس میں دلہن کی والدہ اور والد کی جانب سے مہمانوں کو تقریب میں شرکت کی دعوت دی گئی ہے۔کارد میں درج شدہ تاریخوں کے مطابق حارث رؤف کی بارات 6 جولائی جبکہ دعوتِ ولیمہ 7 جولائی کو منعقد کیا جائے گا۔”
اداروں کے خلاف ہرزہ سرائی کرنے والا پی ٹی آئی کارکن رہا
پشاور انسداد دہشت گردی عدالت نے 9مئی کو احتجاج کے دوران اداروں کے خلاف نازیبا زبان استعمال کرنے کے الزام میں گرفتار پی ٹی آئی کارکن شہریار کو ضمانت پر رہا کردیا انسداد دھشتگردی عدالت نے شہریار کے درخواست ضمانت پر سماعت کی، عدالت نے ملزم شہریار کی ضمانت منظور کرتے ہوئے رہا کرنے کا حکم دے دیا۔ پولیس کے مطابق ملزم شہریار نے 9 مئی کو پرتشدد احتجاج کے دوران اداروں کے خلاف نازیبا زبان استعمال کی تھی۔ ملزم کی ویڈیو سوشل میڈیا پر وائرل ہوئی تھی, اس پر گرفتار کیا گیا۔ پولیس کے مطابق گرفتاری سے بچنے کے لئے ملزم نے بھیس بدلا، مونچھیں منڈوائی تھی۔
9 مئی کے ملزمان ایک روزہ جسمانی ریمانڈ پر پولیس کے حوالے
پشاور انسداد دھشتگردی عدالت نے نو مئی کو احتجاج کے دوران اینٹی نارکوٹکس فورس کے گاڑی کو نذر آتش کرنے کے الزام میں گرفتار پی ٹی آئی کے تین کارکنان کو ایک روزہ جسمانی ریمانڈ پر پولیس کے حوالے کردیا ،اے ٹی سی جج ڈاکٹر عامر نذیر نے تینوں ملزمان کو تفتیش کے ایک روزہ جسمانی ریمانڈ پر پولیس کے حوالہ کردیے۔تفتیشی افسر کے مطابق ملزمان ضرب اللہ ، جعفر علی اور محمد نور نے نو مئی کو احتجاج کے دوران اینٹی نارکوٹکس کے گاڑی کو آگ لگائی تھی ۔ ملزمان کی ویڈیوز اور تصاویر وائرل ہوگئی تھی ۔ تفتیشی افسر کے مطابق تینوں ملزمان دیگر ساتھیوں کو پرتشدد احتجاج پر ورغلا رہے تھے ۔ تفتیشی افسر نے استدعا کی کہ ملزمان سے تفتیش کی ضرورت ہے لہذا جسمانی ریمانڈ پر دیا جائے ۔ عدالت نے تینوں ملزمان کو تفتیش کے لیے ایک روزہ جسمانی ریمانڈ پر پر پولیس کے تحویل میں دیدیا ۔
