Author: صدف ابرار

خیبر پختونخوا میں جے یو آئی گورنر کے خلاف پیپلز پارٹی اور ن لیگ کے ارکان نے علم بغاوت بلند کیا ہے خیبر پختونخوا میں حکومتی اتحادی گورنر خیبر پختونخوا سے نالاں ہیں۔ پاکستان پیپلز پارٹی اور مسلم لیگ (ن) کے رہنماؤں نے پارٹی چیئرمینوں سے گورنر کو ہٹانے کا مطالبہ کر دیا۔ن لیگ کے صوبائی رہنما اختیار ولی کا کہنا ہے کہ گورنر راج ہمارے صوبے پر نافذ ہے، غلام علی کو فوری طور پر ہٹا دیا جائے اور ہمارے ہاتھ کھول دیں جائے ،،اتحادی ہمارے کارکنوں پر بھی راج کر رہے ہیں، یہ اقتدار کے مزے لوٹ رہے ہیں اور کارکن صف تماشا دیکھ رہے ہے،
پیپلز پارٹی کی سابق ایم پی اے نگہت اورکزئی نے بھی بلاول بھٹو اور آصف علی زرداری کے نام پیغام جاری کرتے ہوئے گورنر غلام علی کو ہٹانے کا مطالبہ کیا اور کہا کہ ہم گورنر راج نہیں مانتے، جیالوں پر گورنر ہاؤس کے دروازے بند ہیں، غلام علی کو ہٹاکر کسی اور کو گورنر بنایا جائے۔

پشاور میں قتل ہونے والے تاجر دیال سنگھ اور کاشف مسیح کے قتل کے تحقیقات سامنے آئے ہے ،تحقیقاتی ٹیم نے انکشاف کیا ہے کہ دونوں افراد کو قتل میں ایک ہی شخص ملوث پایا گیا ہے،پولیس زرائع کے مطابق ملزم کی نشاندہی ہو چکی ہے ،اور بہت جلد قانون کے کٹہرے میں لایا جائے گا،تحقیقاتی ٹیم کے مطابق 30 مارچ کو دیال سنگھ کو جس اسلحے سے نشانہ بنایا گیا تھا وہی اسلحہ یکم اپریل کو کاشف مسیح کے قتل میں بھی استعمال ہوا ہے،پولیس کے مطابق قاتل نے انتہائی ماہرانہ انداز میں واردات کئے جس میں ملزم نے ہلمٹ پہن کر منہ چھپانے کی کوشش کی تھی اور تاجر دیال سنگھ کی نشاندہی کے لئے اپنے ساتھ ایک اور سخص کو بھی موٹر سائیکل پر سوار کیا ہوا تھا اور وہی شخص کاشف مسیح کے قتل میں بھی سہولت کار تھا،تحقیقاتی ٹیم کے مطابق ٹارگٹ کلنگ کے دونوں واردات میں ایک ہی گروپ ملوث ہے،واضح رہے کہ 30 مارچ اور یکم اپریل کو اقلیت برادری کو نشانہ بنا دیا گیا تھا جس میں تاجر دیال سنگھ اور کاشف مسیح قتل کر دئیے گئے تھے،

خیبر پختونخواہ نیب نے پشاور لیڈی ریڈنگ ہسپتال میں مبینہ کرپشن اور بے ضابطگیوں کے خلاف تحقیقات شروع کر دیے ہے،نیب زرائع کے مطابق کرپشن کے تحقیقات ہسپتال میں دوائی اور سازوسامان کے خرید و فروخت میں سامنے آنے پر شروع کی گئی ہے نیب کے مطابق ایل آر ایچ ہسپتال پشاور میں دوائی اور دوسرے اشیاء کی خریدو فروخت میں اربوں روپے کی کرپشن کے شکایات سامنے آئی ہے جس پر نیب نے ہسپتال زمہ داران سے مکمل ریکارڈ طلب کر لی ہے،نیب کے مطابق ہسپتال انتظامیے کی جانب سے نیب حکام کو دوائیوں کی خرید و فروخت اور تمام بھر تیوں کے حوالے سے بریفنگ دی گئی ہے،نیب زرائع کے مطابق ہسپتال میں غیر قانونی بھرتیاں ہوئی ہے جس کے خلاف کاروائی عمل میں لائی جائے گی،