صوبائی حکومت خیبر پختونخواہ کے جاری کردہ احکامات کی روشنی میں ڈپٹی کمشنر مردان کی ہدایات پر ایڈمنسٹریشن افسران کا مختلف بازاروں کا دورہ ، شام آٹھ بجے مارکیٹوں کو بند کروانے کیلئے تاجروں کو اگاہ کر دیاایڈمنسٹریشن افسران نے تاجروں اور شہریوں کو اگاہ کیا کہ لوڈ شیڈنگ کے دورانیے میں کمی لانے کے لیے توانائی کی بچت کے لیے حکومتی ہدایات پر عملدرآمد یقینی بنائیں۔
ایڈمنسٹریشن افسران نے شہریوں سے گزارش کی کہ حکومتی ہدایات کے مطابق انرجی کی بچت کے لیے ہدایات پر عملدرآمد یقینی بنائیں تا کہ لوڈ شیڈنگ کے دورانیے میں کمی لانے میں مدد مل سکے۔ خلاف ورزی کرنے والوں کے خلاف قانون کے مطابق کاروائی عمل میں لائی جائے گی۔
Author: صدف ابرار
توانائی بچت کے لیے ضلعی انتظامیہ کے اقدامات
پولیس کے ڈر سے بھیس بدلنے والے پی ٹی آئی کارکن نے ضمانت کی درخواست دائر کر دی
پشاور انسداد دہشت گردی عدالت میں 9مئی کو احتجاج کے دوران اداروں کے خلاف نازیبا زبان اور ہرزہ سرائی کرنے والا ملزم گرفتار پی ٹی آئی کارکن شہریار نے ضمانت کی درخواست دائر کردی ۔ عدالت نے متعلقہ فریقین کو نوٹسز جاری کرکے ریکارڈ طلب کرلیا ۔ پولیس کے مطابق ملزم شہریار نے نو مئی کو پرتشدد احتجاج کے دوران اداروں کے خلاف نازیبا زبان کااستعمال کیا تھا ملزم کی ویڈیو سوشل میڈیا پر وائرل ہوئی تھی ۔ پولیس نے کہا کہ گرفتاری سے بچنے کے لئے ملزم نے بھیس بدلا، مونچھیں منڈوائی لیکن پولیس کی کامیاب کاروائی کے دوران گرفتاری عمل میں لائی گئی، گرفتاری کے بعد ملزم نے ضمانت درخواست دائر کردی عدالت نے ضمانت درخواست سماعت 12 جون تک ملتوی کردی،
اسلام آباد کے رہائشی کو پشاور پولیس اہلکاروں نےلوٹ لیا
پشاور سے اسلام آباد جانے والا شہری بلال عزیز کو پشاور پولیس نے لوٹ لیا، شہری غیر ملکی کرنسی اسلام آباد لےجانے پر پولیس اہلکاروں نے شہری سے 5 لاکھ سعودی ریال بطور رشوت لئے، بلال عزیز کو گیارہ لاکھ سعودی ریال ذاتی گاڑی میں اسلام آباد لےجاتے وقت پولیس اہلکاروں نے ناکے پر روکا،شہری نے رقم بطور رشوت لینے پر تھانے میں مقدمہ درج کر دیا،رپورٹ میں موقف اپنایا گیا کہ شہر ی بلال عزیز پشاور سےرشتہ داورں کے حج اخراجات کےلئے سعودی ریال اسلام آباد لےجا رہا تھا، اس دوران چمکنی موٹروے ناکہ پر چار پولیس اہلکاروں نے 11 لاکھ ریال دیکھ کر ایف آئی اے کو تحویل میں دینے کی دھمکی دی،
شہری کے مطابق پولیس اہلکاروں نے گیارہ لاکھ میں سے 5 لاکھ سعودی ریال رشوت دینے پر چھوڑنے کا کہا ، پولیس اہلکار وحید،حیدر، ابراہیم،شیراز نے مجھے سے 5 لاکھ ریال لئے اور مجھے جانےدیا،شہری نے کہا ہے اسلام آباد پہنچنے پر دوستوں کے مشورے سے پولیس میں ایف آئی آر درج کی، دوسری جانب پولیس نے موقف اپنایا کہ شہری کاغیر ملکی کرنسی منتقلی پر ایف آئی اے سے رابطہ کیاجائےگا،جبکہ 4 پولیس اہلکاروں کے خلاف کاروائی عمل میں لائی گئی ہے،اور پولیس اہلکاروں کی شناخت پریڈ کرالی، جس سے 12500 ریال برآمد کئے گئے ہے،
محکمہ انسداد بد عنوانی کا خیبر پختونخوا اسمبلی کو انکوائری کے لئے خط ارسال
خیبرپختونخوا اسمبلی میں بھرتیوں سے متعلق محکمہ انسداد بدعنوانی کو انکوائری کے لئے خط ارسال کر دیا گیا ہے ،خط رکارڈ نہ دینے پر محکمہ انسداد بدعنوانی کا سیکریٹری کے پی اسمبلی کو لکھ دیا گیا ہے،
خط میں سیکرٹری اسمبلی کو درخواست کی گئی ہے کہ اسمبلی کے متعلقہ حکام سے رکارڈ طلب کیا تھا، لیکن فراہم نہیں کیا گیا، رکارڈ دینے کیلئے متعلقہ حکام کو ہدایات جاری کریں،اس خط کو ابتدائی نوٹس سمجھا جائے گا، رکارڈ نہ دینے پر فوجداری قوانین کےتحت کارروائی کی جائے گی، محکمہ انسداد بدعنوانی پی ٹی آئی دور میں صوبائی اسمبلی میں بھرتیوں کی انکوائری کر رہی ہے ،یاد رہے کہ خیبر پختونخواہ میں گریڈ 16 سے 18 تک آسامیوں پر سابق وزیراعلی، وزراء اور افسران کے رشتہ داروں کو بھرتی کیا گیا ہے،
پی ایف ایف کی جانب سے خواتین گول کیپرز کے لئے لاہور میں خصوصی کیمپ کا انعقاد
پاکستان فٹ بال فیڈریشن کے زیر اہتمام خواتین گول کییپرز کو خصوصی تربیت کے لئے کیمپ کا آغاز کیا گیا،پی ایف ایف کے مطابق تربیتی کیمپ میں مدعو کی جانے والی گول کیپرز میں نشا اشرف، طوبیٰ ادریس، سحر زمان، مافیہ پروین، آئینہ مرزا اور نائرہ ایمن شامل ہیں۔
کیمپ میں شریک کھلاڑیوں کو احسان اللہ خان کی کوچنگ میں خصوصی ٹریننگ دی جائے گی، ٹریننگ کے بعد مجموعی طور پر 3 گول کیپرز کا انتخاب کر کے انہیں رواں ماہ کے وسط میں شروع ہونے والے قومی سینئر کیمپ میں شامل کیا جائے گا۔
کوچ احسان اللہ نے بتایا کہ تربیتی کیمپ میں مستقبل کے لیے نیا ٹیلنٹ تیار کرنے کا موقع ملے گا، ٹریننگ کا پہلا مرحلہ 11جون کو مکمل ہوگا، اس کے بعد 13 سے 18جون تک کراچی میں بھی کیمپ کا انعقاد کیا جائے گا۔
لیونل میسی اب کس کلب میں ہونگے؟
دنیائے فٹبال کی بڑی ڈیل کنفرم ہو گئی سپر اسٹار لیونل میسی نے سعودی اور اسپینش کلبز کو کک آؤٹ کر کے امریکی ٹیم انٹر میامی کو جوائن کر لیا ورلڈکپ فاتح کپتان لیونل میسی کی ٹرانسفر سے متعلق چہ مگوئیاں آ خر کار دم توڑ گئی، پینتیس سالہ فٹبالر نے الہلال اور بارسلونا کی پرکشش آفر کو ٹھکرا کر امریکی کلب انٹر میامی کو جوائن کرنے کی تصدیق کر دی ہے میجر لیگ سوکر اور انٹر میامی کے ساتھ ساتھ خود لیونل میسی نے ڈیل کے فائنل ہونے کا اعلان کرتے ہوئے واضح کیا کہ میں نے میامی جانے کا فیصلہ کیا ہے۔ ان کے ساتھ 100 فیصد معاہدہ تو نہیں ہوا اور شاید کچھ چیزیں ہونا باقی ہیں، لیکن میں نے اس کے لیے کھیلنے کا فیصلہ کر لیا ہے۔
2024 میں ہونے والی پاکستان اور ویسٹ انڈیز سیریز ملتوی ہونے کا اندیشہ
پی ایس ایل میلے کے باعث آئندہ سال پاکستان کی ویسٹ انڈیز سے شیڈول سیریز ملتوی ہونے کا امکان بڑھ گیا
ویسٹ انڈیز کے خلاف فروری مارچ 2024 میں دو ٹیسٹ اور تین ٹی ٹوئنٹی میچز کی سیریزشیڈول ہے انہی دنوں میں ہونے والے پی ایس ایل میلے نے پی سی بی حکام کو امتحان میں ڈال دیا ہے جس کے لیے انہوں نے متحدہ عرب امارات انتظامیہ کو ٹی ٹوینٹی لیگ کے شیڈول کو تبدیل کرنے پر بھی غور شروع کر دیا ہے ، اگر ایسا بھی نہ ہوا تو پاکستان اور ویسٹ انڈیز سیریز ملتوی کی جا سکتی ہے
علی محمد خان کو دوبارہ گرفتار کر لیا گیا،
سابق وزیر مملکت علی محمد خان کو پشاور جیل سے رہا کرنے کے بعد مردان پولیس نے دوبارہ گرفتار کرلیا
پشاور ہائی کورٹ نے تھری ایم پی او میں سابق وزیر مملکت علی محمد خان کی گرفتاری کو کالعدم قرار دیتے ہوئے رہائی کے احکامات جاری کئے۔ جس پر پشاور سنٹرل جیل سے علی محمد کو رہا کیا گیا جہاں پر مردان پولیس نے انکو دوبارہ گرفتار کرلیا۔ علی محمد خان کو 9 اور 10 مئی کو جلاو گھیراؤ اور توڑ پھوڑ کیس میں گرفتار کیا گیا تھا۔ مردان پولیس کے مطابق علی محمد کو ہم نے گرفتار کیا ہے۔ ان کے خلاف دہشتگردی سمیت توڑپھوڑ کی ایف آئی آر تھانا سٹی میں درج ہے۔
ضلع مردان سے دو اشتہاری مجرم گرفتار
مردان تھانہ رستم پولیس کی اشتہاری مجرمان کیخلاف کارروائیاں جاری ہے ایس ایچ او عبدالساجد خان کی قیادت میں رستم پولیس ٹیم نے اشتہاری مجرمان کیخلاف ضلع بھر جاری مہم کے دوران کامیاب کارروائیاں کرتے ہوئے قتل و اقدام قتل سمیت دیگر سنگین مقدمات میں پولیس کو مطلوب دو اشتہاری مجرم عصر خان سکنہ گڑو اور زاہد علی سکنہ مچی رستم کو گرفتار کرکے پابند سلاسل کر دیا ہے
ڈی پی او مردان کی جاری کردہ خصوصی احکامات پر مردان پولیس ضلع بھر میں سرکل ایس ڈی پی اوز اور متعلقہ ایس ایچ اوز کی قیادت میں اشتہاری مجرمان ، منشیات فروش ، اور سماجی جرائم میں ملوث عناصر کیخلاف کارروائیوں کا سلسلہ مزید تیز کر دیا گیا گیا ہے، ڈی پی او مردان نے ضلع میں امن و امان کو ہر صورت میں یقینی بنانے پر زور دیا ہے،
نسیم شاہ نے سوشل میڈیا پر مداحوں کے سوالات کے دلچسپ جوابات دیئے
قومی کرکٹ ٹیم کے کھلاڑی نسیم شاہ نے اپنے بچپن کی کہانیاں سنا کر مداحوں کو خوش کر دیاگزشتہ روز نسیم شاہ نے اپنی انسٹاگرام اسٹوری کے ذریعے مداحوں سے چٹ چیٹ کرنے کا سوچا، انہوں نے اپنی ایک تصویر شیئر کرتے ہوئے ’Ask me a question‘ سیشن شروع کیا۔نسیم شاہ کی اسٹوری دیکھ کر اُن کے لاکھوں مداح اپنے اپنے سوال لے کر اُن کے سوشل میڈیا پر اُمڈ آئے۔نسیم کا سوالوں کے جواب دیتے ہوئے بتانا تھا کہ وہ کراچی اور لاہور میں سے لاہور کا انتخاب کریں گے، اُن کی والدہ اُن کی رول ماڈل ہیں۔انہوں نے بتایا کہ وہ اپنے اسکول کے دور میں نالائق طالبِ علم تھےاس دوران اُن کے ایک مداح کا پوچھنا تھا کہ کیا آپ ’بی ٹی ایس، کے پاپ گروپ‘ کو جانتے ہیں ؟جس پر نسیم شاہ نے جواب میں لکھا کہ ویسے تو مجھے علم نہیں، کہیں یہ ’ بیک ٹو اسکول‘ تو نہیں؟ کیا میں صحیح ہوں؟نسیم شاہ کا اس طرح اپنے مداحوں سے گھل مل جانا ان کے دلوں میں گھر کر گیا،اور اس بات پر انکو خوب پزیرائی ملی،
