انٹرنیشنل کرکٹ کونسل کے چیف ایگزیکٹیو جیف الرڈائس نے کہا ہے کہ بہت جلد ورلڈ کپ کا شیڈول جاری کریں۔جیف الرڈائس کا کہنا ہے کہ بھارتی کرکٹ بورڈ کی جانب سے شیڈول ہمیں ایک کچھ دن میں مل جائے گا جس کے بعد ممبرز ممالک اور براڈ کاسٹرز کے ساتھ مشاورت کریں گے۔آئی سی سی چیف کا مزیدکہنا ہے کہ تمام اسٹیک ہولڈرز کے ساتھ مشاورت کے بعد ورلڈ کپ کے شیڈول کا اعلان کریں گے، کوشش ہوگی کہ سب کے ساتھ جلد سے جلد مشاورت کریں گے
انہوں نے کہا کہ کسی بھی ملک کو میزبانی دیتے ہیں تو ان کے ساتھ مل کر کام کرتے ہیں، کئی بار ایونٹ کے لیے کرکٹ سسٹم اور حکومتوں کے ساتھ بہت زیادہ مشاورت کرنی پڑتی ہے، ہماری ٹیم ایونٹ کو کامیاب بنانے کے لیے مسلسل کام کر رہی ہے۔
Author: صدف ابرار
ورلڈ کپ شیڈول جلد سامنے آجائے گا،جیف الرڈائس
ٹیسٹ چیمپئن شپ فائننل کا پہلا روز دلچسپ رہا
ٹیسٹ چیمپئن شپ فائنل کے پہلے روز آسٹریلیا نے تین وکٹ پر 327 رنز بنا لیے ٹریویس ہیڈ نے بہترین بیٹنگ کا مظاہر کر کے ایک سو چھیالیس رنز پر ناٹ آؤٹ رہےاوول لندن اسٹیڈیم میں بھارت کی دعوت پر آسٹریلیا نے بیٹنگ شروع کی، کینگروز کا آغاز مایوس کن تھا انہیں دو کے مجموعے پر پہلی وکٹ کا نقصان ہوا، اوپنر عثمان خواجہ میدان میں اترتے ہی محمد سراج کا نشانہ بنے۔ جارحانہ انداز سے کھیلتے ہوئے ڈیوڈ وارنر 43 رنز پر ٹھاکر کی گیند پر کیچ آؤٹ ہو گئے ٹیسٹ کے نمبر ون بلے باز لبوشین 26 رنز کا اضافہ کر سکیں، انہیں محمد شامی نے واپس پویلین بھیج دیا، چھہتر کے ٹوٹل پر تیسری وکٹ گرنے کے بعد کینگروز سنبھل گئے،ڈٹ کر کھیلے ٹریویس ہیڈ نے شاندار سنچری اسکور کی اور کھیل کے اختتام پر آسٹریلیا نے 3 وکٹ پر 327 رنز بنالئے ،سنچری میکر ٹریوس ہیڈ 146 جبکہ اسٹیو سمتھ پچانوے کے انفرادی سکور سے آج دوسرے دن کا کھیل شروع کریں گے.
پنک گیمز سے خواتین کو اپنی صلاحیتیں ابھارنے کا موقع ملے گا، مشیر کھیل وہاب ریاض
وہاب ریاض نے کہا ہے کہ پنک گیمز سے مستقبل میں پاکستان کو نئی خواتین کھلاڑی ملیں گی۔پنک گیمز کی افتتاحی تقریب سے خطاب کرتے ہوئے وہاب ریاض کا کہنا تھا کہ خواتین کھلاڑیوں کو موقع دینا ہے تاکہ وہ اپنی صلاحیتوں کا اظہار کر سکیں۔
انہوں نے کہا کہ ڈی سی لاہور رافعہ حیدر کو پنک گیمز کا سفیر مقرر کیا ہے۔ان کا کہنا تھا کہ خواتین کےلیے کھیلوں کا انعقاد چیلنجنگ تھا، پوری ٹیم نے کھیلوں کے انعقاد کےلیے محنت کی۔مشیر کھیل نے کہا کہ پنک گیمز کا مقصد خواتین کھلاڑیوں کو موقع دینا ہے۔
وہاب ریاض کا کہنا تھا کہ بہترین کارکردگی پر کھلاڑیوں کو نیشنل ٹیمز کےلیے منتخب کیا جائے گا۔خیال رہے کہ پنجاب اسٹیڈیم میں پہلے پنک گیمز کا افتتاح کردیا گیا ہے۔ گیمز میں مختلف جامعات کی خواتین کھلاڑی شریک ہیں جنہوں نے افتتاحی تقریب کے دوران مارچ پاسٹ کیا۔
پنک گیمز نشتر اسپورٹس کمپلیکس میں 10 جون تک جاری رہیں گے جن میں کرکٹ، ہاکی، بیڈمنٹن سمیت 7 کھیلوں میں خواتین کھلاڑیوں کے درمیان مقابلے ہوں گے۔
سانحہ 9 مئی میں ملوث ملزمان کو سخت سزا دی جائے، ڈاکٹر ز اور نرسز کا مطالبہ
لیڈی ریڈنگ ہسپتال پشاور کےڈاکٹرز اور نرسزز پر مشتمل وفد نےریڈیو پاکستان پشاور کا دورہ کیا ، ڈاکٹرز اورنرسزکے وفدکو 9 اور10 مئی کو جلائی گئی عمارت کے مختلف حصوں کا دورہ کرایا گیا، ڈاکٹرز کے وفد نے9 مئی کے سانحے کی بھرپور الفاظ میں مذمت کی ،وفد نے شہدائے پاکستان کو خراج ِ عقیدت پیش کرتے ہوئے کہا کہ ”فوج کا دشمن ملک کا دشمن‘ ہے. وفد شرکا نے 9مئی کے دل سوز واقعات پر گہرے دکھ و افسوس کا اظہار کیا اور مستقبل میں اس قسم کے واقعات نہ ہونے اور پرامن احتجاج پر زور دیا،وفد نے یہ بات واضح کر دی کہ مہذب اقوام قومی اثاثوں کو نقصان نہیں پہنچاتے بلکہ پرامن طریقے سے اپنا احتجاج ریکارڈ کراتے ہیں،پاکستان کا ایسا ادارہ جس نے پاکستان کی بہتری میں اپنا کردار ادا کیا ہو اس پہ حملہ آور ہونا کوئی مہذب اقدام نہیں ہے سانحہ 9مئی کے دوران پاکستان کو بہت نقصان پہنچا ،ہم سب کو امن کا پیغام دیتے ہیں آخر میں وفد نے پر زور مطالبہ کیا کہ سانحہ 9مئی میں ملوث تمام شرپسندوں کو قانون کے کٹہرے میں لاکر سخت سزا دی جائے،
کل کوئی بھی وکیل عدالت میں پیش نہیں ہو نگے
خیبر پختون خوا بار کونسل نے کل سے عدالتی بائیکاٹ کرنے کا اعلان کیا گیا ہے، چئیرمین ایگزیکٹیو سید مبشر شاہ ایڈوکیٹ کے مطابق ہڑتال کی کال پاکستان بار کونسل نے دی ہے، سید مبشر شاہ ایڈوکیٹ نے کہا کہ کوئٹہ میں قتل ہونے والے معروف قانون دان عبدالرزاق شر کےقتل کے خلاف ہڑتال کرہے ہیں، انہوں نے مزید کہا کہ سپریم کورٹ پروسیجر ایکٹ کے خلاف حکم امتناعی جاری کرنے سمیت دیگر امور پر بھی ہڑتال کی کال دی گئی ہے ۔ چئیرمین ایگزیکٹیو سید مبشر شاہ ایڈوکیٹ نے اس بات پر زور دیا کہ کل کوئی بھی وکیل عدالت میں پیش نہیں ہوگا اور اس ضمن میں تمام وکلا تنظیموں کو باقاعدہ طور پر آگاہ کردیا گیا ہے، واضح رہے کہ سپریم کورٹ کے وکیل عبدالرزاق شر کو گزشتہ روز ائیرپورٹ روڈ پر فائرنگ کرکے قتل کردیا گیا تھا۔
پی سی بی چئیر مین منتخب کرنے پر سیاسی جماعتوں میں چپقلش
باغی ٹی وی کے مطابق سابق چئیر مین پاکستان کرکٹ بورڈ ذکاء اشرف کی انٹر پراوینشل کواردڈنیشن کے وزیر احسان اللہ مزاری سے ملاقات ہوئی ہے،ذکاء اشرف چئیر مین کرکٹ بورڈ کے لئے امیدوار ہیں جس کے حوالے سے آئی پی سی کے وزیر سے تبادلہ خیال کیا،باغی ٹی وی کے مطابق ملاقات میں پاکستان کرکٹ بورڈ کے امور پر بات چیت ہوئی،باغی ٹی وی کے مطابق آج نجم سیٹھی کی بھی اس حوالے سے وزیراعظم شہباز شریف سے ملاقات ہوئی ہے وزیر اعظم نے نجم سیٹھی کی کوششوں کو سراہا ،،، نجم سیٹھی نےایشیا کپ اور ورلڈ کپ کے حوالےسے بھی وزیراعظم سے مشاورت کی ،وزیر اعظم نے نجم سیٹھی کو جلد پی سی بی میں الیکشن کا عمل مکمل کرنے کی ہدایت جاری کر دی،تاہم اس معاملے پر پیپلز پارٹی اور مسلم لیگ ن میں اختلافات پائے جاتے ہے کیونکہ دونوں امیدواروں کو سیاسی پارٹیوں کی مکمل پشت پناہی حاصل ہے،
پاکستانی نوجوان کا عمرے کی سعادت حاصل کرنےکےلئےانوکھا اقدام
گوجرانولہ سے تعلق رکھنے والے نوجوان محمد طیب جواد نے عمرے کی سعادت حاصل کرنے کی غرض سے حجاز مقدس کےسفر کو سائیکل پر طے کر کے عقیدت اور ایڈوینچر کی اعلیٰ مثال قائم کر دی سائیکلسٹ کا کہنا تھا کہ سفر مدینہ کا آغاز 9 جنوری 2023 کو گوجرانولہ سے کیا تھا اور لاہور سے اوکاڑہ،ملتان ، ڈی جی خان، لورالائی کے راستے کوئٹہ ، تفتان کے راستے ایران میں داخل ہوا۔ ایران میں زاہدان، بام، ، جیرفت، بندر عباس وہاں سے بحری جہاز پر 210 کلومیٹر کی مسافت کر کے عرب امارات کے شہر شارجہ پہنچا۔ شارجہ سے دبئی ، ابو ظہبی کے راستے سعودی عرب میں داخل ہوا سعودی عرب میں حرض۔ الخراج اور ریاض سے مکہ مکرمہ جہاں پر عمرہ کی سعادت حاصل کی ۔ بعد میں جدہ کے راستے مدینہ منورہ پہنچا۔ محمد طیب جواد نے کہا کہ میرا یہ سفر 74 دن میں مدینہ منورہ تک مکمل ہوا جس میں کچھ شہروں میں قیام بھی ہوئے۔ جن میں بندر عباس، شارجہ، دبئی ، ریاض، مکہ مکرمہ ، جدہ شامل ہیں ،رمضان المبارک مدینہ منورہ میں گزرا اور پھر عمرہ کی سعادت نصیب ہوئی ۔ اسکے بعد واپسی کے سفر کے لئے رخت سفر باندھ لیا،
چین میں فکسنگ کا بڑا سکینڈل بے نقاب
چین میں اسنوکر کے دو پلیئرز پر فکسنگ کے الزام میں تاحیات پابندی اور بھاری جرمانہ عائد کیا گیا، جبکہ آٹھ کھلاڑیوں پر پابندیوں کی سزائیں سنائی گئ ،ورلڈ بلیئرڈ اینڈ سنوکر ایسوسی ایشن کے مطابق تمام 10 کھلاڑی فکسنگ، جوابازی اور دھوکہ دہی میں شامل تھے۔ چینی کھلاڑی لیانگ ویمبو اور لی ہینگ کو فکسنگ کےمرکزی کردار ثابت ہونے کی صورت میں تاحیات پابندی اور 43 ہزار پاؤنڈ کی سزا سنائی گئی۔ دیگر آٹھ کھلاڑیوں پر 20 ماہ سے پانچ سال تک پابندی عائد کی گئی۔ جبکہ سنوکر سکینڈل میں ملوث تمام سنوکر پلیئر 20جون تک سزاؤں کے خلاف اپیل کر سکتے ہیں،
ٹیسٹ پلئیرز میں بابر اعظم ایک درجہ ترقی کے ساتھ چوتھے نمبر پر موجود
آئی سی سی نے ٹیسٹ پلیئرز کی تازہ رینکنگ جاری کر دی، جس میں بابر اعظم کی ایک درجہ ترقی ےک بعد دوباہ چوتھے نمبر پر آ گئے بیٹنگ رینکنگ مارنس لبوشین کا ٹاپ پوزیشن پر موجود، بولرز میں سٹورٹ براڈ کی 2 درجہ ترقی، ٹاپ 10 میں شامل بھارتی بولر جسپریت بمرا بغیر کھیلے ساتویں سے چھٹے نمبر پربولرز میں ایشوین بدستور نمبر ون، جیمز اینڈرسن کا ہی دوسرا نمبرآسٹریلوی کپتان پیٹ کمنز تیسرے نمبر پر براجمان، کاگیسو ربادا کا چوتھا نمبرشاہین آفریدی بھی بغیر کسی تبدیلی پانچویں نمبر پر برقرار ہیں،
قتل مقدمے میں نامزد پی ٹی آئی کے رہنما کی ضمانت درخواست پر سماعت
قتل مقدمے میں نامزد پاکستان تحریک انصاف کے سابق ڈپٹی سپیکر خیبر پختونخوا محمود جان کی ضمانت درخواست پر سماعت جوڈیشل مجسٹریٹ کے عدالت میں ہوئی درخواست پر سماعت ایڈیشنل ڈسٹرکٹ اینڈ سیشن جج سید بادشاہ نے کی .استغاثہ کی جانب سے موقف اختیار کیا گیا کہ پولیس نے کیس کا ریکارڈ بھی عدالت میں جمع کردیا ہے اور مدعی کی جانب سے وکیل پیش ہوئے اور وکالت نامہ جمع کرنے کی استدعا کی گئ عدالت نے ضمانت درخواست پر دلائل کے لیے سماعت ملتوی کردی، درخواست پر مزید سماعت 12 جون کو ہوگی
پولیس کے مطابق ملزم نے تھانہ ریگی کے حدود میں عیسی خیل قوم کے جلوس پر فائرنگ کی تھی جس کے نتیجے میں دو افراد جاں بحق جبکہ متعدد زخمی ہوگئے تھے ملزم سابق ڈپٹی سپیکر خیبر پختونخواہ محمود جان کا علاقے میں عیسی خیل قوم سے زمینی تنازعہ ہے ،
