Author: Zameer Malik

سابق صدر آصف علی زرداری نے یوم پاکستان پر خصوصی پیغام دیا اور قوم کو مبارکباد دیتے ہوئے کہا کہ آج کے دن ملک کی تعمیر، ترقی اور وطن پر جان قربان کرنے والوں کو خراج عقیدت پیش کیا جائے، ضد ،جھوٹی انا، بغض، نفرت کی سوچ نے ملک اور قوم کو نقصان پہنچایا ہے اس لئے آج قائد اعظم کے فلسفے پر عمل کرنے کی ضرورت ہے اور قائد عوام ذوالفقار علی بھٹو شہید اور محترمہ بینظیر بھٹو شہید نے ہمیں وطن پرستی کا نظریہ دیا ہے اس پر عمل کرنے کی اشد ضرورت ہے ۔انہوں نے کہا کہ پاکستان کا جوہری پروگرام شہید بھٹو کی یاد دلاتا رہے گا۔پاکستان کی میزائیل ٹیکنالوجی محترمہ بینظیر بھٹو شہید کی یاد دلاتی ہے ۔ عوام کی مرضی کے بغیر ان پر حکومت مسلط کرنے کا نقصان ملک کو ہوا ہے۔ مضبوط، مستحکم اور ترقی یافتہ پاکستان کیلئے وفاق کی تمام اکائیوں سے انصاف کرنا ہوگا، 1973 کے آئین پر عمل کرنے سے ریاست مضبوط ہوگی ، سماجی اور معاشی انصاف ریاست کے ہر شہری کا بنیادی حق ہے ،آئین کی 18 ویں آئینی ترمیم وفاق اور صوبوں کے درمیان اعتماد کی ضمانت ہے۔

پی پی پی چیئرمین بلاول بھٹو زرداری کا مادرِ جمہوریت بیگم نصرت بھٹو کے یومِ پیدائش پر خصوصی پیغام دیا اور ان کے یوم پیدائش پر شاندار الفاظ میں خراج عقیدت پیش کیا۔
تفصیلات کے مطابق انہوں نے کہا کہ مادرِ جمہوریت کی لازوال جدوجہد و عظیم قربانیوں کے تذکرے کے بغیر پاکستان کی سیاسی تاریخ ہمیشہ نامکمل رہے گی۔انہوں نے ملک کے پہلے منتخب وزیراعظم کے عدالتی قتل کے بعد عوام کو حقِ حاکمیت واپس دلانے کے لیِئے سیاہ ترین آمریت کا مقابلہ کیا۔ انہوں نے قیامت خیز سانحات کا سامنا کرنے کے باوجود صبر و برداشت اور عزم و حوصلے کے نئے اقدار قائم کئے۔ بیگم نصرت بھٹو نے پاکستان میں ایک تاریخی و عوامی تحریک کی قیادت کی اور عوام کے حقوق کے لیئے زندگی بھر جدوجہد کرنے کا بے مثال عملی نمونہ پیش کیا ۔بلاول بھٹو زرداری نے کہا کہ پیپلز پارٹی کی جدوجہد کا محور آج بھی انصاف، مساوات اور جمہوریت ہے اور یہ ہی وہ اقدار تھے جن کی خاطر مادرِ جمہوریت سمیت تمام پارٹی چیئرپرسنز نے جدوجہد کی اور آئندہ نسلوں کے لیئے راہیں روشن کیں۔

کراچی پی ڈی ایم میں دڑاریں پڑنے کے بعد پاکستان پیپلز پارٹی نے سولو فلائٹ کا فیصلہ کیا ہے اور این اے 249 سے متعلق دو ٹوک اعلان کردیا ہے۔
گذشتہ دو روز کے دوران اپوزیشن جماعتوں کے درمیان ہونے والی چپقلش کے بعد ملک کا سیاسی منظر تبدیل ہوگیا ہے، پی ڈی ایم میں ڈراریں پڑنے کے بعد جہاں حکومت نے سکھ کا سانس لیا وہی اپوزیشن جماعتوں کے درمیان نئی محاذ آرائی کا امکان پیدا ہوگیا ہے۔سینیٹ کا الیکشن متفقہ طور پر لڑنے والی اپوزیشن جماعتوں نے کراچی کے حلقے این اے 249 پر علیحدہ حیثیت میں اپنے امیدوار میدان میں اتارنے کا فیصلہ کیا ہے، اس میں پہل بھی پیپلز پارٹی کی جانب سے کی گئی ہے۔ رہنما پیپلز پارٹی شہلا رضا نے کہا کہ این اے249 میں پیپلزپارٹی اپنا امیدوار لائے گی اور علیحدہ حیثیت میں ضمنی الیکشن میں حصہ لے گی۔شہلا رضا نے چیئرمین پیپلز پارٹی بلاول بھٹو کی جانب سے قومی اسمبلیوں سے مستعفی نہ ہونے کے اعلان کی حمایت کرتے ہوئے کہا کہ پیپلز پارٹی پارلیمنٹ کو مقدم سمجھتی ہے، پی پی پی کا واضح اعلان ہے کہ مسائل کو پارلیمنٹ میں رہ کر ہی حل کیا جائے۔
سابق ڈپٹی اسپیکر صوبائی اسمبلی نے کہا کہ کراچی میں مختلف مسائل ہیں جنہیں حل کرنےکی کوشش کررہےہیں، پیپلز پارٹی نے شہر قائد میں ریکارڈ ترقیاتی کام کئے، سندھ حکومت نے کراچی میں جو کام کئے وہ عوام کو نظر آرہے ہیں۔
واضح رہے کہ این اے 249 کی نشست فیصل واوڈا کے سینیٹر بننے کے بعد خالی ہوئی ہے، اس حلقے میں پانچ اپریل کو ضمنی الیکشن کا میدان سجے گا، کل کاغذات نامزدگی جمع کرانے کا آخری دن تھا۔حلقے میں پیپلز پارٹی کی جانب سے 3، متحدہ پاکستان کے 7، تحریک انصاف کے 13 اور نون لیگ کی جانب سے 3 امیدواروں نے گاغذات نامزدگی جمع کرائے ہیں.

پی پی پی چیئرمین بلاول بھٹو زرداری نے الیکشن کمیشن پر حکومت کی جانب سے متواتر حملوں کی شدید مذمت کی ہے۔
بلاول نے کہا دھاندھلی و انتخابی انجنیئرنگ میں پی ٹی آئی حکومت کا شراکت دار بننے سے انکار کو بغاوت کے طور پر لیا گیا ہے۔ الیکشن کمیشن کو اپنی ذمہ داریاں آئین و قانون کے مطابق نبھانی ہیں۔ پی ٹی آئی کی انتخابی فراڈ کے سامنے تسلیم خم کرنے کے لئے الیکشن کمیشن کو دھونس دھمکیاں قابلِ مذمت ہیں۔ الیکشن کمیشن ایک قومی ادارہ ہونے کی حیثیت سے پوری قوم اور آئین اُس کے ساتھ کھڑے ہیں۔ چیف الیکشن کمشنر اور ارکان سے استعفوں کا مطالبہ پی ٹی آئِ حکومت کی طرف سے بلیک میلنگ کا ہتھکنڈہ ہے۔ پی ٹی آئی ایک مشکوک جماعت، جس نے اقتدار پر قبضے کی خاطر فارن فنڈنگ ​​کے ذریعے لاکھوں ڈالر بٹور چکی ہے۔ متحرک و حقیقی جمہوریت کے لئے ایک خودمختار الیکشن کمیشن کا ہونا ضروری ہے۔ پی ٹی آئی حکومت کی جانب سے الیکشن کمیشن کو جھکانے یا یرغمال بنانے کے ہر حربے کے خلاف تمام جمہوری قوتیں مزاحمت کریں گی۔

وزیراعلیٰ سندھ سیدمراد علی شاہ کا کورونا وائرس کی صورتحال سے متعلق بیان سامنے آیا۔
گزشتہ 24 گھنٹوں میں 10590 نمونوں کی جانچ کی گئی۔ جن میں مزید 384 نئے کیسز رپورٹ ہوئے۔ان میں 1 مریض انتقال کرگیا۔ اموات کی مجموعی تعداد 4469 ہوچکی ہے۔
آج مزید 196 مریض صحتیاب ہوئے ہیں۔ صحتیاب افراد کی مجموعی تعداد 253237 ہوچکی ہے۔
اب تک 3172228 نمونوں کی جانچ کی جاچکی ہے۔ ب تک 262206 کیسزرپورٹ ہوچکے ہیں۔ اس وقت 4500 مریض زیر علاج ہیں۔ 4206 گھروں میں ،9 آئسولیشن سینٹرز میں اور 285 مریض مختلف اسپتالوں میں زیر علاج ہیں۔ 256 مریضوں کی حالت تشویشناک بتائی گئی ہے۔ 40 مریض وینٹی لیٹرز پر ہیں ۔
صوبے کے 384 نئے کیسز میں سے 150 کا تعلق کراچی سے ہے۔ ضلع شرقی 41،ضلع جنوبی 35، ملیر27، ضلع وسطی 24، کورنگی21 اور ضلع غربی میں سے 2 نئے کیسز رپورٹ ہوئے۔
۔ بدین 39،حیدرآباد 27،مٹیاری 22،سانگھڑ14،ٹنڈو الہیار13، میرپورخاص 11،قمبر10، جیکب آباد8،نوشہروفیروز، سجاول، سکھر، عمرکوٹ اور شکارپور7۔7، گھوٹکی اور جامشورو6۔6،خیرپور5،لاڑکانہ3،کشمور2، دادو میں سے1 نئے کیسز سامنے آئے ہیں۔

سعید غنی نے کہا ہے کہ سندھ حکومت ہیڈ ماسٹرز کو نکالنا نہیں چاہتی، وہ پبلک سروس کمیشن کے ذریعے خود کو ریگولر کرالیں، ہیڈ ماسٹرز کو سمجھنا چاہیے کہ صوبائی حکومت عدالتی حکم پر عملدرآمد کی پابند ہے۔

وزیر تعلیم سندھ سعیدغنی نے وزیر اطلاعات سندھ ناصر حسین شاہ کے ہمراہ کراچی میں پریس کانفرنس کرتے ہوئے کہا کہ کراچی بنچ سندھ حکومت کو کہہ رہا ہے اساتذہ کو نوکری سے نکال دیں، اساتذہ کے کنٹریکٹ کی مدت میں 6 ماہ اضافہ کر دیا، حیدرآباد بنچ کہہ رہا ہے اساتذہ کی تنخواہیں جاری رکھیں، سندھ حکومت کسی ملازم کو فارغ کرنا نہیں چاہتی، تمام ہیڈ ماسٹر اپنے فرائض بہتر انداز میں پورے کر رہے ہیں۔