Blog

بھارتی شہر حیدرآباد میں سافٹ ویئر انجینئر سنیتا کا مبینہ طور پر سابق شوہر دیوراکونڈا مہیش نے بہیمانہ قتل کر دیا، جسے پولیس نے ’انتقامی قتل‘ قرار دیا ہے۔ وانستھالی پورم کے انسپکٹر مہیش کے مطابق ملزم کینیڈا اور آسٹریلیا میں کام کر رہا تھا مگر مقدمات اور ہراسانی کی وجہ سے وہ کام پر نہ جا سکا، جس سے تنگ آ کر اس نے قتل کا منصوبہ بنایا۔ سنیتا کی سوشل میڈیا ریلز نے اسے مقتولہ کا رہائشی پتہ بتا دیا، جس سے جرم آسان ہو گیا۔
سنیتا اور مہیش کی ملاقات ویلوچاوارم گاؤں سے ہوئی، جو 2022 میں شادی میں تبدیل ہوئی۔ شادی کے بعد مہیش بیرون ملک چلا گیا، سنیتا کا ویزا تاخیر کا شکار ہوا جس پر جھگڑے شروع ہوئے۔ سنیتا بھی کچھ عرصہ بیرون ملک رہی مگر واپس آ گئی، جھگڑوں نے مقدمات، ہراسانی اور طلاق تک رسائی حاصل کی۔ سنیتا نے پولیس میں مہیش اور اس کے گھر والوں کے خلاف ہراسانی کی شکایت بھی درج کروائی تھی۔
‎ملزم نے سنیتا کے اپارٹمنٹ میں داخل ہو کر چھرا گھونپا اور پھولدان سے سر پر وار کیا، اس کے پاس چھریاں، ڈرل مشین اور پیٹرول کا کین بھی برآمد ہوا۔ سنیتا 3 ماہ کی حاملہ تھی، ملزم کو گرفتار کر لیا گیا ہے اور تحقیقات جاری ہیں۔

آرٹیفیشل انٹیلی جنس ٹیکنالوجی کی تیز رفتہ ترقی کے ساتھ ویب براؤزرز میں اسے شامل کرنے کا عمل بھی تیز ہو گیا ہے، اور گوگل نے کروم براؤزر میں تین نئے بہتر فیچرز متعارف کرائے ہیں۔ ان میں اسپلٹ ویو، پی ڈی ایف اینوٹیشنز اور براہ راست گوگل ڈرائیو میں سیو کرنے کی سہولت شامل ہے، جو ملٹی ٹاسکنگ اور دستاویزات کے انتظام کو آسان بنائیں گے۔ اگرچہ یہ براہ راست اے آئی پر مبنی نہیں مگر کروم میں پہلے ہی جیمنائی اے آئی اسسٹنٹ موجود ہے۔
اسپلٹ ویو فیچر سے صارفین ایک ٹیب میں دو ویب پیجز ایک ساتھ کھول سکیں گے، جیسے ایک طرف ویڈیو دیکھتے ہوئے دوسری طرف کام جاری رکھنا۔ پی ڈی ایف اینوٹیشنز سے براؤزر میں ہی نوٹس اور نشانات لگائے جا سکیں گے، جبکہ ڈرائیو سیو سے فائلیں فوری طور پر کلاؤڈ میں محفوظ ہو جائیں گی۔ اوپن اے آئی اور پریپلیکسٹی جیسے ایجنٹک براؤزرز کے مقابلے میں گوگل کروم کو مزید طاقتور بنا رہا ہے۔
یہ اپ ڈیٹس صارفین کے روزمرہ استعمال کو سہل اور کارآمد بنائیں گی، خاص طور پر ملٹی ٹاسکنگ اور دستاویز ہینڈلنگ میں۔

بھارتی میڈیا رپورٹس کے مطابق، بھارتی فضائیہ کا تیجس لڑاکا طیارہ معمول کی تربیتی پرواز کے دوران تکنیکی خرابی کا شکار ہو کر گر گیا اور تباہ ہو گیا۔ حادثے میں پائلٹ محفوظ رہا، جس نے بروقت خود کو ایجیکٹ کر لیا۔ بھارتی حکام نے اس کی تصدیق کر دی ہے۔
حادثے کی تفصیلات بتاتے ہوئے بھارتی میڈیا نے کہا کہ تربیتی مشق کے دوران طیارہ اچانک بے قابو ہو گیا، زمین سے ٹکرایا اور اس میں آگ لگ گئی۔
بھارتی فضائیہ کے حکام نے بتایا کہ پائلٹ نے طیارہ گرنے سے پہلے بحفاظت ایجیکٹ کر لیا، جس سے اس کی جان بچ گئی۔ واقعے کی تحقیقات کے لیے کورٹ آف انکوائری قائم کر دی گئی ہے۔
‎دفاعی ماہرین کا کہنا ہے کہ تکنیکی خرابی ممکنہ وجہ ہو سکتی ہے، لیکن حکام نے زور دیا ہے کہ حتمی رپورٹ تفصیلی جانچ کے بعد ہی سامنے آئے گی۔ یہ سلسلہ بھارتی فضائیہ کے لیے شرمندگی کا باعث بن رہا ہے۔

‎سکیورٹی ذرائع نے تصدیق کی ہے کہ پاکستان نے افغانستان میں فضائی حملوں کے ذریعے 80 سے زیادہ دہشتگردوں کو ہلاک کر دیا ہے۔
‎ان ذرائع کے مطابق، گزشتہ رات پاکستان نے افغانستان کے صوبوں ننگرہار، پکتیکا اور خوست میں فتنہ الخوارج (ٹی ٹی پی) کے 7 اہم مراکز کو نشانہ بنایا، جو مکمل طور پر تباہ ہو گئے۔ ان حملوں میں 80 سے زائد خارجی دہشتگرد مارے گئے۔

‎ذرائع نے مزید بتایا کہ ان کارروائیوں سے فتنہ الخوارج کے اضافی ٹھکانوں پر حملے متوقع ہیں۔ ننگرہار میں خارجی اسلام اور خارجی ابراہیم کے نئے مراکز (نمبر 1 اور 2) تباہ کیے گئے۔ خوست میں مولوی عباس کا مرکز، جبکہ پکتیکا میں خارجی ملا رہبر اور خارجی مخلص یار کے ٹھکانے نشانہ بنے۔
‎یہ حملے حالیہ دہشتگردانہ واقعات کے جواب میں کیے گئے، جو پاکستان کی سلامتی کے لیے سنگین خطرہ ہیں۔

‎اسرائیلی جیلوں میں قید فلسطینی صحافیوں کے ساتھ مبینہ بدسلوکی اور تشدد سے متعلق چونکا دینے والے انکشافات سامنے آئے ہیں۔ خبر رساں ادارے رائٹرز کے مطابق صحافیوں کے حقوق کے لیے کام کرنے والی عالمی تنظیم Committee to Protect Journalists نے اپنی تازہ رپورٹ میں متعدد سنگین الزامات عائد کیے ہیں۔
‎رپورٹ کے مطابق اسرائیلی حکام کی تحویل میں موجود کم از کم 56 فلسطینی صحافیوں کو دورانِ حراست جسمانی اور ذہنی تشدد کا سامنا کرنا پڑا۔ تنظیم کا کہنا ہے کہ قیدی صحافیوں کو ذہنی اذیت دینے کے لیے مسلسل انتہائی بلند آواز میں موسیقی سنائی جاتی رہی تاکہ انہیں نفسیاتی دباؤ میں رکھا جا سکے۔
‎دستاویز میں یہ بھی دعویٰ کیا گیا ہے کہ 17 صحافیوں کے ساتھ جنسی تشدد کے واقعات رپورٹ ہوئے، جبکہ 55 افراد کو جیلوں میں مناسب خوراک تک فراہم نہیں کی گئی۔ رپورٹ کے مطابق ان اقدامات کا مقصد غزہ اور مغربی کنارے کی زمینی صورتحال عالمی سطح پر سامنے آنے سے روکنا تھا۔
‎رپورٹ میں فلسطینی صحافی احمد عبدالعال کے کیس کا خصوصی ذکر کیا گیا ہے۔ بتایا گیا کہ انہیں پانچ روز تک آنکھوں پر پٹی باندھ کر رکھا گیا اور مسلسل تیز آواز میں موسیقی سنائی جاتی رہی۔ رپورٹ کے مطابق جب وہ شدید ذہنی دباؤ کے باعث بے ہوش ہو جاتے تو انہیں بجلی کے جھٹکے دے کر دوبارہ ہوش میں لایا جاتا تھا۔
‎رپورٹ میں شامل الزامات پر اسرائیلی حکام کی جانب سے باضابطہ ردعمل سامنے نہیں آیا، تاہم انسانی حقوق کی تنظیموں نے واقعے کی آزادانہ تحقیقات کا مطالبہ کیا ہے۔