Baaghi TV

Blog

  • تیسرا ٹی20: پاکستان کا آسٹریلیا کو جیت کے لیے 208 رنز کا ہدف

    تیسرا ٹی20: پاکستان کا آسٹریلیا کو جیت کے لیے 208 رنز کا ہدف

    پاکستان نے ٹی20 سیریز کے آخری میچ میں آسٹریلیا کو جیت کے لیے 208 رنز کا ہدف دیا ہے۔

    آج کا میچ لاہور کے قذافی اسٹیڈیم میں کھیلا جا رہا ہے جہاں قومی ٹی20 کرکٹ ٹیم کے کپتان سلمان آغا نے ٹاس جیت کر پہلے بیٹنگ کا فیصلہ کیا آسٹریلیا کے خلاف پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 207 رنز بنائے۔

    ابتدائی اوورز میں فخر زمان 7 گیندوں پر 10 رنز بنا کر آؤٹ ہوئے۔ سلمان آغا صرف 3 گیندوں پر 5 رنز بنا سکے، تاہم صائم ایوب نے شاندار جارحانہ بیٹنگ کرتے ہوئے 37 گیندوں پر 56 رنز بنائے، جس میں 6 چوکے اور 2 چھکے شامل تھے،بابراعظم نے 36 گیندوں پر 50 رنز بنائے اور ناٹ آؤٹ رہے خواجہ نافے نے 12 گیندوں پر 21 رنز بنائے شاداب خان نے 19 گیندوں پر 46 رنز کی جارحانہ اننگز کھیل کر پاکستان کو 200 رنز کے قریب پہنچایا فہیم اشرف نے 4 گیندوں پر 10 رنز بنا کر اننگز کا اختتام کیا۔

    آسٹریلوی بولرز میں بین دوروشوئیس نے سب سے زیادہ 2 وکٹیں حاصل کیں، جبکہ میتھیو کوہن مین، میتھیو شارٹ، کوپر کونوولی اور کیمرون گرین نے ایک ایک وکٹ حاصل کی۔

  • 
امریکا بھارت تجارتی کشیدگی میں اڈانی کیس مودی حکومت کیلئے نیا سفارتی بحران بن گیا

    
امریکا بھارت تجارتی کشیدگی میں اڈانی کیس مودی حکومت کیلئے نیا سفارتی بحران بن گیا

    
امریکا اور بھارت کے درمیان بڑھتی تجارتی کشیدگی کے دوران اڈانی کیس بھارتی وزیر اعظم نریندر مودی کی حکومت کیلئے ایک اور سنگین سفارتی چیلنج بن کر سامنے آ گیا ہے۔ امریکی جریدے بلومبرگ کے مطابق نریندر مودی طویل عرصے تک اڈانی گروپ کے سربراہ گوتم اڈانی اور ان کے بھتیجے کو امریکی سمن سے بچانے کی کوشش کرتے رہے، تاہم امریکی سیکیورٹیز اینڈ ایکسچینج کمیشن نے کارروائی آگے بڑھانے کا فیصلہ کر لیا۔
    بلومبرگ کی رپورٹ میں کہا گیا ہے کہ عالمی اداروں نے مودی حکومت کی سرپرستی میں مبینہ طور پر اڈانی گروپ کو دیے گئے تحفظ پر سوالات اٹھا دیے ہیں، جس سے بھارت میں کرپشن اور دھوکہ دہی کے الزامات عالمی سطح پر نمایاں ہو گئے ہیں۔
    ‎بین الاقوامی میڈیا کے مطابق امریکا میں جاری تحقیقات کے دوران اڈانی پر 250 ملین ڈالر کی مبینہ رشوت خوری کے انکشافات سامنے آئے، جنہوں نے بھارت کی عالمی ساکھ کو شدید دھچکا پہنچایا۔ رپورٹ میں مزید کہا گیا ہے کہ گزشتہ ایک سال سے اڈانی گروپ امریکا میں رشوت خوری اور فراڈ سے متعلق مقدمات کی زد میں ہے۔
    ‎امریکی محکمہ انصاف کی جانب سے براہِ راست سمن جاری ہونے کے بعد اڈانی گروپ نے ممکنہ قانونی نتائج سے بچنے کے لیے سیٹلمنٹ کی کوششیں تیز کر دی ہیں، جبکہ یہ معاملہ مودی حکومت کیلئے اندرونی کے ساتھ ساتھ بین الاقوامی دباؤ میں بھی اضافے کا باعث بن رہا ہے۔

  • صدر ورلڈ بینک کی پاکستان آمد،گردوارہ سری پنجہ صاحب حسن ابدال کا دورہ

    صدر ورلڈ بینک کی پاکستان آمد،گردوارہ سری پنجہ صاحب حسن ابدال کا دورہ

    صدر ورلڈ بینک اجے پال سنگھ بنگا کا گردوارہ سری پنجہ صاحب حسن ابدال کا دورہ وفاقی وزیر محمد ورنگزیب اور صوبائی وزیر برائے اقلیتی امور سردار رمیش سنگھ اروڑہ بھی ان کے ہمراہ تھے۔

    صدر ورلڈ بینک اجے پال سنگھ بنگا نے وفد کے ہمراہ گردوارہ سری پنجہ صاحب حسن ابدال میں خصوصی عبادت کی انہوں نے گردوارہ سری پنجہ صاحب حسن ابدال کے لنگر خانہ میں کھانا کھایا۔

    صوبائی وزیر برائے اقلیتی امور رمیش سنگھ اروڑہ کا گفتگو میں کہناتھاکہ گردوارہ سری پنجہ صاحب حسن ابدال میں صدر ورلڈ بینک کی آمد سے مثبت پیغام جائے گا پاکستان میں تمام مذاہبِ کے پیروکاروں کو مکمل مذہبی آزادی حاصل ہے وزیر اعلیٰ پنجاب مریم نواز شریف کے احکامات کی روشنی میں تاریخی مذہبی عبادت گاہوں میں تزین و آرائش کا کام جاری ہے۔

    فرانس میں بچوں کے دودھ میں زہریلے مواد کا انکشاف

    حکومت پنجاب کی جانب سے مذہبی سیاحت کے فروغ کے لیے عملی اقدامات کا سلسلہ بھی جاری ہے، یہاں ہر سال بیساکھی کے موقع پر ہزاروں ملکی و غیر ملکی سکھ زائرین مذہبی رسومات کے لیے آتے ہیں۔

    دورے کے موقع پر ایڈیشنل سیکرٹری (مزارات) متروکہ وقف املاک بورڈ حکومت پاکستان ناصر مشتاق، ایڈیشنل سیکرٹری انسانی حقوق و اقلیتی امور ہنجاب حیدر عباس وٹو کمشنر راولپنڈی،سی پی اور راولپنڈی،ڈی سی اٹک سمیت دیگر افسران بھی موجود تھے-

    بلوچستان بھر میں دفعہ 144 نافذ، ایک ماہ کے لیے سخت پابندیاں عائد

  • فرانس میں بچوں کے دودھ میں زہریلے مواد کا انکشاف

    فرانس میں بچوں کے دودھ میں زہریلے مواد کا انکشاف

    فرانس نے بچوں کے دودھ (انفنٹ فارمولا) میں ایک خطرناک زہریلے مادے سیریولیڈ کی قابلِ قبول مقدار پر مزید سخت پابندیاں عائد کرنے کا اعلان کر دیا ہے جبکہ آلودہ بچوں کے دودھ کی مصنوعات دنیا کے 60 سے زائد ممالک میں واپس منگوائی گئیں۔

    فرانسیسی حکام کے مطابق سیریولیڈ ایسا زہریلا مادہ ہے جو متلی، قے اور اسہال جیسی علامات پیدا کر سکتا ہے حالیہ مہینوں میں کئی کمپنیوں نے احتیاطی طور پر اپنے دودھ کے بیچ واپس منگوائے، جس کے بعد عالمی سطح پر غذائی تحفظ پر سوالات اٹھ کھڑے ہوئے فرانس میں دسمبر اور جنوری کے دوران دو بچوں کی امو ات کے بعد تحقیقات کا آغاز کیا گیا، جن کے بارے میں شبہ ظاہر کیا گیا کہ انہوں نے ممکنہ طور پر آلودہ دودھ استعمال کیا تھا تاہم تاحال دودھ اور بیماری یا اموا ت کے درمیان براہِ راست تعلق ثابت نہیں ہو سکا۔

    فرانسیسی وزارتِ زراعت نے کہا ہے کہ بچوں کی صحت کا تحفظ اولین ترجیح ہے نئے قواعد کے تحت سیریولیڈ (Cereulide)کی حد 0.014 مائیکروگرام فی کلوگرام جسمانی وزن مقرر کی گئی ہے، جو اس سے پہلے 0.03 مائیکروگرام تھی دو ہفتوں سے بھی کم عرصے میں یہ دوسری بار حد کم کی گئی ہے۔

    تحقیقات کے دوران شبہ ایک چینی سپلائر پر بھی ظاہر کیا گیا ہے جو بچوں کے دودھ میں استعمال ہونے والے ایک اہم جزو اے آر اے (ARA) فراہم کرتا ہے اگرچہ فرانسیسی حکام نے کمپنی کا نام ظاہر نہیں کیا، تاہم عالمی میڈیا کے مطابق یہ سپلائر چین کے شہر ووہان میں قائم ہے۔

    یورپی کمیشن نے یورپی فوڈ سیفٹی اتھارٹی سے بچوں کی مصنوعات میں سیریولیڈ کے لیے باضابطہ معیار طے کرنے کی درخواست کی ہے، جس پر 2 فروری کو رائے دی جائے گی اس معاملے میں نیسلے، ڈینون اور لیکٹالِس سمیت کئی بڑی یورپی کمپنیوں نے بھی دودھ کی مصنوعات واپس منگوائیں۔

    صارفین کے حقوق کی تنظیم فوڈ واچ نے حکومت اور کمپنیوں کے خلاف سست روی کا الزام عائد کرتے ہوئے مقدمہ دائر کر دیا ہے، جس میں متاثرہ خاندان بھی شامل ہو گئے ہیں عالمی ادارۂ صحت کے مطابق یورپ میں ہر سال تقریباً 2 کروڑ 30 لاکھ افراد آلودہ خوراک کے باعث بیمار ہوتے ہیں جبکہ تقریباً 4 ہزار 700 افراد جان سے ہاتھ دھو بیٹھتے ہیں۔

  • 
طالبان رجیم کو سفارتی محاذ پر بڑا دھچکا، آسٹریلیا کا افغان سفارتخانہ بند کرنے کا اعلان

    
طالبان رجیم کو سفارتی محاذ پر بڑا دھچکا، آسٹریلیا کا افغان سفارتخانہ بند کرنے کا اعلان

    ‎
طالبان رجیم کو عالمی سفارتی محاذ پر ایک اور بڑا دھچکا لگا ہے، جہاں آسٹریلیا نے افغان سفارتخانہ بند کرنے کا اعلان کر دیا ہے۔ آسٹریلوی حکومت نے واضح طور پر طالبان حکومت کو افغان عوام کا جائز نمائندہ تسلیم کرنے سے انکار کر دیا ہے۔
    آسٹریلیا کے معتبر ذرائع ابلاغ ایس بی ایس نیوز اور نیشنل ٹریبون کے مطابق کابل میں افغان سفارتخانہ جون 2026 کے بعد اپنی تمام سفارتی سرگرمیاں بند کر دے گا۔ رپورٹ میں بتایا گیا ہے کہ یہ فیصلہ طالبان کے دوبارہ اقتدار میں آنے کے بعد عالمی سطح پر بڑھتی ہوئی سفارتی تنہائی کا تسلسل ہے۔
    ‎طالبان رجیم کی شدت پسندانہ سوچ، آمرانہ طرزِ حکومت اور انسانی حقوق کی خلاف ورزیوں کے باعث پہلے ہی متعدد ممالک افغان سفارتخانوں کو بند کر چکے ہیں جبکہ کئی ریاستوں نے افغان مہاجرین کے داخلے پر پابندیاں عائد کرتے ہوئے ملک بدری کے اقدامات بھی کیے ہیں۔
    ‎ماہرین کا کہنا ہے کہ افغان سفارتخانے کی بندش محض ایک انتظامی فیصلہ نہیں بلکہ طالبان رجیم کے خلاف عالمی عدم اعتماد اور سفارتی بے اعتمادی کی واضح علامت ہے، جو آنے والے دنوں میں افغانستان کی عالمی تنہائی کو مزید گہرا کر سکتی ہے۔

  • 
ڈیرہ غازی خان میں پنجاب سے بلوچستان جانے والے تمام راستے بند

    
ڈیرہ غازی خان میں پنجاب سے بلوچستان جانے والے تمام راستے بند

    
ڈیرہ غازی خان میں پنجاب سے بلوچستان جانے والے تمام زمینی راستے بند کر دیے گئے ہیں۔ ڈپٹی کمشنر ڈی جی خان کے مطابق بلوچستان جانے والی اہم شاہراہیں فورٹ منرو کے راستے اور تونسہ۔موسیٰ خیل روڈ کو مکمل طور پر بند کر دیا گیا ہے، جس کے باعث مسافر فی الحال ڈی جی خان کے ذریعے بلوچستان سفر نہیں کر سکتے۔
    ‎ڈپٹی کمشنر کے احکامات کے بعد بلوچستان سے ملنے والے سرحدی علاقوں بواٹہ اور سخی سرور پر بھی ٹریفک کو روک دیا گیا ہے تاکہ کسی بھی ممکنہ صورتحال سے نمٹا جا سکے۔
    ‎دوسری جانب کوئٹہ سے اندرونِ ملک اور چمن کے لیے ٹرین سروس آج دوسرے روز بھی معطل رہی۔ پشاور کے لیے جعفر ایکسپریس اور چمن کے لیے مسافر ٹرین روانہ نہ ہو سکیں، جس کے باعث مسافروں کو شدید مشکلات کا سامنا ہے۔

  • بلوچستان بھر میں دفعہ 144 نافذ، ایک ماہ کے لیے سخت پابندیاں عائد

    بلوچستان بھر میں دفعہ 144 نافذ، ایک ماہ کے لیے سخت پابندیاں عائد

    بلوچستان حکومت نے صوبے میں امن و امان کی صورتحال کے پیشِ نظر دفعہ 144 کے تحت ایک ماہ کے لیے سخت پابندیاں نافذ کر دی ہیں۔

    جاری نوٹیفکیشن کے مطابق صوبے بھر میں اسلحے کی نمائش اور استعمال، ڈبل سواری، کالے شیشوں والی اور غیر رجسٹرڈ گاڑیوں پر مکمل پابندی عائد ہوگی، 5 یا زائد افراد کے اجتماعات، جلسے جلوس اور چہرہ ڈھانپنے پر بھی ایک ماہ کے لیے پابندی ہوگی پابندیوں کا اطلاق فوری طور پر نافذ العمل ہوگا جبکہ خلاف ورزی کرنے والوں کے خلاف قانونی کارروائی کی جائے گی۔

    سیکیورٹی ذرائع کے مطابق 12 مختلف واقعات کے بعد کوئٹہ شہر میں سیکیورٹی ہائی الرٹ کر دی گئی جبکہ موبائل فون انٹر نیٹ سروس بھی معطل کر دی گئی،شہر کے پوش علاقوں کے راستے سیل کر دیے گئے، امن و امان بحال کرنے کے لیے شہر کے داخلی اور خارجی راستوں میں پولیس اور سیکیورٹی اہلکار تعینات ہیں،شہر بھر میں پولیس اور سیکیورٹی اہلکاروں کا گشت جاری ہے، شہر کے مختلف علاقوں میں سرچ آپریشن کے دوران درجنوں مشکوک افراد حراست میں لیے گئے۔

    دوسری جانب، کوئٹہ سمیت بلوچستان کے بیشتر علاقوں میں موبائل فون انٹرنیٹ سروس دوسرے روز بھی معطل ہے،زشتہ روز دہشت گرد حملوں کے بعد انٹرنیٹ سروس معطل کی گئی تھی تاہم انٹرنیٹ سروس معطل ہونے سے صارفین کو مشکلات کا سامنا ہے۔

    واضح رہے کہ گزشتہ روز بلوچستان کے مختلف علاقوں میں 12 مقامات پر حملے ہوئے تھے۔ وزیراعلیٰ بلوچستان نے دعویٰ کیا ہے کہ سیکیورٹی فورسز نے 40 گھنٹوں کے اندر کارروائیاں کرتے ہوئے 145 عسکریت پسندوں کو ہلاک کیا، جن کی لاشیں حکام کے پاس موجود ہیں، ان حملوں میں سیکیورٹی فورسز کے 17 جوان، جن میں پولیس اور ایف سی اہلکار شامل ہیں، شہید ہوئے، جبکہ 31 شہری شہید اور زخمی ہوئے۔

  • خیبرپختونخوا والے بتائیں تیراہ کو دیا گیا چار ارب روپے کہاں گیا؟عطا تارڑ

    خیبرپختونخوا والے بتائیں تیراہ کو دیا گیا چار ارب روپے کہاں گیا؟عطا تارڑ

    لاہور:وفاقی وزیر اطلاعات و نشریات عطا اللہ تارڑ نے کہا ہے کہ سیکیورٹی ایجنسیز پراکسیز کا خاتمہ کرکے دم لے گی، انڈین میڈیا پر بیٹھ کر بلوچستان بلوچستان کیا جاتا ہے، وزیر اعظم شہباز شریف صورتحال سے مکمل طور پر آگاہ رہے۔

    لاہور میں میڈیا سے گفتگو میں عطا اللہ تارڑ نے کہا کہ کل بلوچستان میں فتنہ الہندوستان کی جانب سے بزدلانہ حملہ کیا گیا، سیکیورٹی فورسز پاک فوج کو خراج تحسین پیش کرتا ہوں، 80 سے اوپر دہشت گردوں کو جہنم واصل کیا، بلوچستان بڑے نقصان سے بچ گیا یہ بارہ شہروں پر حملوں کے لئے آئے تھے، بھرپور مقابلہ کیا اور دہشت گردوں کو ہرایا، انڈین میڈیا پر بیٹھ کر بلوچستان بلوچستان کیا جاتا ہے، وزیر اعظم شہباز شریف صورتحال سے مکمل طور پر آگاہ رہے۔

    عطا تارڑ نے کہا کہ فیلڈ مارشل کی قیادت میں بھارت کے خلاف کامیابی حاصل کی بھارت کو بہت تکلیف ہے، جب تم آئے تھے تو دم دبا کر بھاگے تھے، سیکیورٹی ایجنسیز ان پراکسیز کا خاتمہ کرکے دم لے گی کے پی کے ترجمان ٹی وی پر بیٹھ کر زبان درازی کرتے ہیں، آؤ پنجاب سے سیکھو، شہباز شریف پنجاب میں وزیر اعلی تھے تو بڑے بڑے پراجیکٹ بنے، اب وزیر اعلی پنجاب بڑے بڑے کام کررہی ہیں۔

    
بلوچستان پاکستان ہے، اس پر اٹھنے والا ہر ہاتھ توڑ دیا جائے گا: وزیراعلیٰ پنجاب مریم نواز

    وزیر اطلاعات نے کہا کہ پوری قوم ان کو اربوں روپے دیتی ہے، ابھی تک کے پی کے میں ایک بھی کام نہیں کرسکے، ہمارے ہاں جب سیلاب آتا ہے تو وزیر اعلی پنجاب ان کی مدد کرتے ہیں، یہ کے پی کے والے بتائیں تیراہ کو دیا گیا چار ارب روپے کہاں گیا، باڑہ کا سیاسی اتحاد کہہ رہا ہے بد انتظامی اور بدعنوانی بھی ہے، وہاں کے لوگوں پر فتنہ الخوارج حملہ کرتی ہے تو پاک فوج آتی ہے۔

    انہوں نے کہا کہ جب بھی ان کو مدد چاہیے ہوتی ہے کے پی کے کی حکومت غائب ہوتی ہے، ان کا کام صرف احتجاج اور اڈیالہ کے باہر بیٹھنا ہے، گورنر راج ایک آپشن ہے ہر وقت میسر ہوتی ہے، گورنر راج تب آتا ہے جب حکومت مکمل طور پر ناکام ہوجائے ان کو مالی معاونت ملتی ہے سپورٹ ملتی ہے، بانی پی ٹی آئی کا ایک معمولی سا علاج ہوا اور اڈیالہ منتقل کردیا گیا، بانی پی ٹی آئی سے رضامندی کے بعد ان کا طبی علاج کیا گیا۔

    محسن نقوی کی سی ایم ایچ کوئٹہ آمد، زخمی اہلکاروں کی عیادت

  • 
بلوچستان پاکستان ہے، اس پر اٹھنے والا ہر ہاتھ توڑ دیا جائے گا: وزیراعلیٰ پنجاب مریم نواز

    
بلوچستان پاکستان ہے، اس پر اٹھنے والا ہر ہاتھ توڑ دیا جائے گا: وزیراعلیٰ پنجاب مریم نواز

    
وزیراعلیٰ پنجاب مریم نواز نے بلوچستان میں حالیہ دہشت گرد حملوں کی سخت الفاظ میں مذمت کرتے ہوئے کہا ہے کہ بلوچستان پاکستان ہے اور پاکستان ہی بلوچستان ہے، اور ہر پاکستانی کے دل میں اس صوبے اور اس کے عوام کے لیے گہری محبت موجود ہے۔
    مریم نواز نے حملہ آوروں کو پسپا کرنے پر سیکیورٹی فورسز کی بہادری کو سراہتے ہوئے کہا کہ بلوچستان کے ایک ایک انچ کا بھرپور دفاع کیا جائے گا اور ریاست دشمن عناصر کو کسی صورت برداشت نہیں کیا جائے گا۔
    ‎ان کا کہنا تھا کہ بلوچستان کے خلاف اٹھنے والا ہر ہاتھ پوری قوت سے روکا جائے گا اور دہشت گردوں کو بہائے گئے ہر قطرہ خون کا حساب دینا ہوگا۔
    ‎وزیراعلیٰ پنجاب نے واضح کیا کہ پوری قوم دہشت گردی کے خلاف متحد ہے اور دشمن کے ایجنڈے پر کام کرنے والے عناصر کسی رعایت کے مستحق نہیں۔ انہوں نے کہا کہ پنجاب سمیت پورا پاکستان بلوچستان کے محب وطن عوام کے ساتھ شانہ بشانہ کھڑا ہے اور ہر سطح پر ان کی حمایت جاری رہے گی۔

  • پنجاب حکومت 5ہزار شادیوں کا ہدف مکمل کرنے کے قریب

    پنجاب حکومت 5ہزار شادیوں کا ہدف مکمل کرنے کے قریب

    وزیراعلٰی پنجاب مریم نواز کی ہدایت پر صوبائی حکومت صرف 3 فروری سے 16 فروری کے مختصر عرصے میں 5 ہزار شادیوں کا ہدف مکمل کرنے کے قریب ہے۔

    تفصیلات کے مطابق جون 2026 کا ہدف رمضان سے قبل ہی حاصل ہونے جا رہا ہے، صوبائی وزیر سوشل ویلفیئر و بیت المال سہیل شوکت بٹ نے تاریخ کے سب سے بڑے اجتماعی شادیوں کے پروگرام کا شیڈول جاری کردیا ہےہزاروں غریب والدین کا بوجھ کم کرنے کیلئے 5 ہزار بیٹیوں کے گھر آباد ہونے جا رہے ہیں فروری کے صرف 13 دنوں میں بقیہ 3040 اجتماعی شادیاں کرانے کا ہدف پورا کریں گے۔

    انہوں نے کہا کہ رواں مالی سال کے پہلے فیز میں 1960 اجتماعی شادیاں کروائی جائیں چکی ہیں،دھی رانی پروگرام صرف مسلمان نہیں، ہندو، کرسچن اور ہر مذہب کی بیٹیوں کے لیے برابر ہوگا،ہر بیٹی ہماری بیٹی ہے، وزیراعلیٰ مریم نواز کا فلاحی ویژن عملی شکل اختیار کر گیاہے پورے پنجاب میں رواں مالی سال کی اجتماعی شادیوں کا دوسرا فیز 3 فروری سے شروع ہو گا۔

    اسرائیل نے رفح کراسنگ محدود طور پر کھول دی

    محسن نقوی کی سی ایم ایچ کوئٹہ آمد، زخمی اہلکاروں کی عیادت

    چاند کی جانب سفر ، ناسا نے راکٹ میں ایندھن بھرنے کی تیاری شروع کر دی