بلاول بھٹو صاحب ، غلطی ہوجاتی ہے کبھی کبھی ، وزیراعظم عمران خان
باغی ٹی وی کی رپورٹ کے مطابق وزیر اعظم عمران خان نے اسلام آباد میں یوم تاسیس کے پروگرام سے خطاب میں بلاول زرداری کو مخاطب کرتے ہوئے کہا کہ بلاول بھٹو صاحب غلطی ہو جاتی ہے کبھی کبھی
واضح رہے کہ وزیر اعظم عمران خان نے وزیر ستان جلسہ میں بلاول کو صاحبہ کہا تھا تو پیپلزپارٹی نے بھر پور احتجاج کیا تھا اور مطالبہ کیا تھا کہ وزیر اعظم ایوان میں آ کر معافی مانگیں
وزیر اعظم عمران خان نے کہا ہے کہ تحریک انصاف کسی شاٹ کٹ سے حکومت میں نہیں آئی
باغی ٹی وی کی رپورٹ کے مطابق یوم تاسیس کے پروگرام سے خطاب کرتے ہوئے وزیر اعظم نے کہا کہ تحریک انصاف واحد سیاسی جماعت ہے جو جدوجہد سے یہاں تک پہنچی ہے .ہم جنرل جیلانی کےذریعےحکومت میں نہیں آئے،تحریک انصاف ہی ملک کوبحران سےنکالےگی ، وزیر اعظم نے مزید کہا کہ دو جماعتوں نے ملک کا قرضہ 6 ہزار ارب سے 30 ہزار ارب پر پہنچایا ،انیس ارب کا خسارہ ہماری حکومت کو ملا، روپے کی قیمت جب کم ہوتی ہے تو مہنگائی زیادہ ہوتی ہے
سرگودھاوائس چانسلر علامہ اقبال اوپن یونیورسٹی آج سرگودھا آئے ، فیصل آباد روڑ پر نئے ریجن آفس کی عمارت بنانے کی جگہ کا دورہ کیا ،تفصیلات کے مطابق وائس چانسلر علامہ اقبال یونیورسٹی ڈاکٹر ضیاء القیوم آج یکم مئی صبح دس بجے ایلمینٹری ٹچینگ ٹرینیگ کالج
پہنچے اور فیصل آباد روڈ پر اس جگہ کا معائنہ کیا جہاں پر جدید سہولیت سے آراستہ 3 منزل عمارت جس میں دفتر ، ورکشاپ روم ،امتحانی سنڑ کے علاوہ ملازمین کی ریائش گاہ بنائی جائے گی جبکہ وائس چانسلر علامہ اقبال یونیورسٹی جامعہ بوائز سکول کا بھی دورہ کریں گے
حمزہ علی عباسی نے کہا ہے پاکستان دشمنوں نے پی ٹی ایم کو لانچ کیا ہے، گزشتہ روز ڈی جی آئی ایس پی آر جنرل آصف غفور کے پی ٹی ایم سے متعلق بیان کے حمزہ علی عباسی نے یہ بات ٹویٹر پر اپنے ایک پیغام میں کہی انکا مزید کہنا تھا کہ ماضی میں پاکستان دشمنوں نے ٹی ٹی پی کولانچ کیا تھا اور ایک خوفناک جنگ میں پاکستان سے شکست کے بعد انہوں نے اب پی ٹی ایم کو لانچ کیا ہے، یہ بھی ٹی ٹی پی کی طرح ناکام ہونگے. حمزہ علی عباسی پاکستان کے معروف اداکار ہیں اور ماضی میں ایک چینل پر ٹاک شو کے میزبان بھی رہے ہیں
وزیر اعظم عمران خان نے کہا ہے کہ مدینہ کی ریاست ایک جدید ریاست تھی، وہ ہمارے لیے ایک نمونہ تھی میں چاہتا ہوں تمام نوجوان ہمارے نبی کریم صلی اللہ علیہ وسلم کی زندگی کا مطالعہ کریں.
باغی ٹی وی کی رپورٹ کے مطابق پاکستان تحریک انصاف کے 23ویں یوم تاسیس کےحوالے سے کنونشن اسلام آباد میںہوا جس میں وزیراعظم عمران خان نے خصوصی طور پر شرکت کی. تقریب کا باقاعدہ آغاز تلاوت قرآن مجید سے ہوا، وفاقی وزیر مذہبی امور پیر نورالحق قادری نے تلاوت کی. تلاوت کے بعد پندرہ منٹ کی ڈاکو منٹری دکھائی گئی . معروف گلوکار عطااللہ عیسیٰ خیلوی ویل چیئرپرکنونشن سینٹرآئے تو وزیر اعظم عمران خان انہیں ملنے گئے اس موقع پر عطاء اللہ خان عیسی خیلوی نے وزیر اعظم عمران خان کے ہاتھوں کو بوسہ دیا.تحریک انصاف کے سیکرٹری جنرل ارشد داد نے خطاب کرتے ہوئے کہا کہ تحریک انصاف آج23سال کی ہوگئی ہے،تحریک انصاف کوروایتی سیاسی جماعت نہیں بننےدیں گے ،تحریک انصاف کےنئےآئین کی منظوری کی قرارداد پیش کی جائےگی
وزیر اعظم عمران خان نے خطاب کرتے ہوئے کہا کہ اچھے اور برے وقت آتے رہتے ہیں لوگ پارٹی چھوڑ جاتے ہیں اللہ نےمجھےسیاست میں آنےسےپہلےسب کچھ دےدیاہواتھا.سیاست میں آنے کامقصد نام ، دولت یا عزت نہیں ،وزیر اعظم عمران خان نے مزید کہا کہ اللہ انسان کو جتنا نوازتا ہے اُتنی اُس پر ذمہ داریاں بھی ڈالتا ہے جو لوگ حکومت میں آئے انہوں نے عوام کی بجائے اپنا سوچنا شروع کر دیا ،جب ایک حکمران چوری کرتا ہے تو ملک کا ستیا ناس کر دیتا ہے. وزیر اعظم عمران خان نے مزید کہا کہ ایماندار وزیر اعظم اپنا نہیں ملک کا سوچتا ہے .وزیر اعظم عمران خان نے مزید کہا کہ ہمارے نوجوان نبی کریم صلی اللہ علیہ وسلم کی زندگی کا مطالعہ کریں، یونیورسٹی سوہاوہ کے قریب بنائی جا رہی ہے جو نبی اکرم صلی اللی علی وسلم کی زندگی پر ریسرچ دنیا کو بتائے گی، مدینہ کی ریاست ایک ماڈل ریاست تھی، قرآن شریف میں اللہ نے حکم دیا کہ نبی کریم صلی اللہ علیہ وسلم کی زندگی سے سیکھو،ان کی زندگی عملی طور پر قرآن شریف تھا، انہوں نے مدینہ کی ریاست بنائی، انہوں نے کہا کہ نظریہ پاکستان کا خواب علامہ اقبال کا تھا انہوں نے یہ خواب مدینہ کی ریاست سے لیا تھا، پاکستان کو بطور ریاست ہم نے کیسے کامیاب کرنا ہے، مسلمانوں نے جب بھی مدینے کی ریاست کے اصول اپنائے تو اوپر چلے گئے، پاکستان واحد ملک ہے جو اسلام کے نام پر بنا ،ہم نے دنیا کے لئیے مثال بننی تھی لیکن مسئلے بنے ہوئے. مدینے کی ریاست کے اصولوںپر ریاست اوپر جاسکتی ہے.
مدارس کو وزارت تعلیم سے منسلک کر نا بہتر لیکن مدارس کو وزارت کے ماتحت کر نا قبول نہیں ،مفتی محمد طاہر مسعود
ریاستی ادارہ کی جانب سے مدارس بارے بیان سے پیدا اضطراب کو ختم کر نے کے لیے وضاحت کی جائے،وفاق المدارس کے راہنماء
پاکستان بھر میں 25ہزار دینی مدارس کے امتحانی نیٹ ورک کے پلیٹ فارم وفاق المدارس العر بیہ پاکستان کی مجلس عاملہ کے رکن مفتی محمد طاہر مسعود نے کہا ہے کہ دینی مدارس کو وزارت تعلیم کے کنٹرول میں دینادینی مدارس کو دینی نصاب تعلیم سے محروم کر نے کے مترادف ہے،ہاں مدارس کی رجسٹریشن،اسنادو دیگر کچھ حل طلب معاملات کو وزارت تعلیم کے ساتھ منسلک کر نا تو بہتر ہے لیکن مدارس عر بیہ کو وزارت تعلیم کے ماتحت کر نا کسی صورت قبول نہیں کیا جائے گا بلکہ مدارس کی حریت پر اسے خوفناک حملہ تصور کیا جائے گا،ریاستی ادارے کے ترجمان کی جانب سے مدارس عر بیہ کو وزارت تعلیم کے ماتحت کر نے کے بیان سے اہالیان مدارس،اسلامیان پاکستان سخت اضطراب کا شکار ہیں،اس اضطرابی کیفیت کے خاتمہ کے لیے مدارس بارے کیے گئے اعلان کی وضاحت کی جائے،مدارس کی تنظیمات سے مشاورت کے بغیر اٹھایا گیا کو ئی قدم بھی قبول نہیں کیا جائے گا انہوں کہا کہ مدارس میں تفسیر،قرآن،حدیث،فقہ کی تعلیم دی
جاتی ہے،ریاستی نظام تعلیم میں اس دینی نصاب کی کو ئی تعلیم کا بندوبست ہی نہیں حتیٰ کہ ناظرہ اور قرآن کے تر جمہ کا بھی کو ئی منظم سسٹم ریاستی نظام تعلیم میں نہیں، انہوں نے کہا کہ ابھی حال ہی میں مذہبی امور کے وفاقی وزیر پیر نورالحق قادری نے 2001میں حکومت کی طرف سے قائم کیے گئے ”پاکستان مدرسہ ایجو کیشن بورڈ ”کے خاتمہ کا اعلان کر کے تسلیم کیا ہے کہ دینی مدارس کو چلانا حکومت کے بس کی بات نہیں انہوں نے کہا کہ حکومت کے اس بورڈ نے 18سال میں اسلام آباد،سکھر اور کراچی میں صرف تین ادارے قائم کیے،تمام سر کاری فنڈز کے باوجود متعین کر دہ مقاصد اور اہداف کے حصول میں یہ بورڈ ناکام رہا جبکہ دو سری طرف وفاق المدارس العر بیہ کے تحت 25ہزار ادارے سالہا سال سے قوم کے 25لاکھ بچوں کو دینی تعلیم سے آراستہ کر رہے ہیں،وہ بھی بالکل مفت،ان اداروں پر سرکاری خزانہ سے ایک پائی بھی خرچ نہیں ہو تی انہوں نے کہا کہ 1979میں بھی حکومتی سطح پر ڈاکٹر عبد الواحد ہالے پوتہ کی سربراہی میں ”خود مختار ادارہ برائے دینی مدارس پاکستان ”قائم ہوا تھا،جو اپنے مقاصد میں ناکام ہوا انہوں نے کہا کہ ہمارے مدارس ”اپنی مدد آپ کے ”اصول کی عملی تصویر ہیں،مدارس کے لیے اراضی کا حصول،عمارت کی تعمیر،کتب کی فراہمی،اساتذہ کا انتخاب،طلباء کا داخلہ،نصاب تعلیم کی تر تیب،تدریس و امتحان کا انتظام،سندات کی تقسیم اور اخراجات کی فراہمی جیسے تمام امورکا اہتمام مدارس کے ذمہ داران خود کر تے ہیں اس کے باوجود طرح طرح کی بے جا پابندیوں میں جکڑنا سمجھ سے بالا تر ہے۔
واربرٹن(نمائندہ باغی ٹی وی) وزیراعلی پنجاب عثمان بزدار نے صوبائی وزیر ڈیزاسٹرمینجمنٹ میاں خالد محمود اور صوبائی وزیر لیبر انصرمجید کے ہمراہ مزدوروں کے عالمی دن کے موقع پر واربرٹن میں منعقد کی جانے والی ایک تقریب میں مزدور طبقہ میں 208 مکانوں کی چابیاں اور 80000 صحت کارڈ کا اجرا کردیا اس موقع پر وزیراعلی پنجاب نے پنڈال میں موجود عوام سے خطاب کرتے ہوئے کہا کہ تحریک انصاف کے ویژن میں مزدوروں کی بحالی اور دیکھ بھال سب سے اولین ترجیح ہے جو کہ ہر موقع اور ہر دور میں رہے گی آج تحریک انصاف نے مزدوروں کے لیے ایک بڑا قدم اٹھا کر مثال قائم کردی ہے
دُنیا مزدوروں کی محنت کے بغیر نامکمل ہے۔ ہم سب رَبّ کے عطا کیے ہوے رُتبے اور نصیب کے مطابق کام کرتے ہیں۔ انسانیت میں برابر رہتے ہوۓ ہمیں اس دُنیاوی عارضی عہدوں میں اپنے سے کم عہدے کے ساتھیوں کا خیال رکھنا چاہیے۔
وزیراعلی پنجاب,سردار عثمان بزدار کی واربرٹن,ننکانہ صاحب آمد کے موقع پر صوبائی وزیر برائے قدرتی آفات میاں خالد محمود صوبائی وزیر لیبر انصرمجید , صوبائی وزیر صحت ڈاکٹر یاسمین راشد ,کمشنر لاہور ڈویژن مجتبیٰ پراچہ ,آر پی او شیخوپورہ رینج عبدالقادر قیوم ,ڈپٹی کمشنر شیخوپورہ سید طارق محمود بخاری, سابق نائب صدر پریس کلب ڈاکٹرخالدمحمود شیخ بھی ہمراہ موجود ہیں
چیف سیکرٹری پنجاب یو سف نسیم کھو کھر سرگودہا پہنچے
کمشنر سرگودہا ڈویژن ظفر اقبال شیخ اور آرپی او سید خرم علی نے چاروں اضلاع کے ڈپٹی کمنشرز کے ہمراہ استقبال کیا۔
چیف سیکرٹری کی زیر صدارت کمشنر آفس میں اجلاس جاری ہے
اجلا س میں پرائس کنٹرول، رمضان بازاروں، گندم خریداری’ ترقیاتی کاموں پر کام کی رفتار اورکلین اینڈ گرین پاکستان مہم سے متعلق امور کا جائزہ لیا جارہاہے۔
چیف سیکرٹری پنجاب یوسف نسیم کھوکھر نے کمنشر دفتر کے لان میں پودا لگا کر شجر کاری مہم میں حصہ ڈالا.
کمنشر سرگودہا ظفر اقبال شیخ کی سرکاری محکموں کی کارکردگی کے بارے بریفنگ
پاکستانی فلم سٹار اداکار شان شاہد نے یکم مئی یوم مزدور کی مناسبت سے ٹویٹر پر اپنے پیغام میں کہا کہ
” میرا وطن کا وہ محنت کش جسکا پسینہ ہمارے پرچم کو سرسبز رکھتا ہے ،محنت کش فخر ہیں ، محنت جذبہ ہے اور سچ ایمان، ہم سب اپنے کام کے مزدور ہیں اور وعدہ کرتے ہیں کہ اپنے عشق اور محنت سے اس پرچم کو ہمیشہ آباد رکھیں گے،پاکستان زندہ باد.”
یاد رہے کہ آج یکم مئی کو یوم مزدور دنیا بھر میں بنایا جا رہا ہے، دنیا بھر سمیت پاکستان کی سیاسی و سماجی شخصیات نے اپنے پیغامات میں مزدوروں کو خراج تحسین پیش کیا ہے.
آئی جی پنجاب عارف نواز خان کا پولیس ملازمین کو خصوصی پیغام
پنجاب پولیس کی کمان ایک بہت بڑا چیلنج ہے۔
پنجاب پولیس نے عوام اور جان و مال کی حفاظت کے لیے 1400 جانوں کی قربانیاں دی ہیں۔ ان قربانیوں کے باوجود عوام کے دلوں میں پولیس اچھا مقام حاصل نہیں کر سکی
پولیس کے عوام سے غلط برتاو کی وجہ سے عوام میں پولیس فورس بارے منفی تاثر قائم ہے۔ پولیس کا امیج بہتر بنانے کے لیے پولیس افسران اور کانسٹیبلز کو اپنا رویہ بدلنا ہو گا۔ تھانے میں آنے والا ہر شخص جرائم پیشہ نہیں ہوتا،عوام کو عزت دینا ہو گی۔پولیس افسران اپنے ماتحتوں سے بھی اچھا رویہ رکھیں افسران کے غط رویے کی وجہ سے ماتحت اپنا غصہ عوام پر نکالتے ہیں جو عوام کی پولیس سے نفرت کی ایک وجہ ہےہر سال 56 ہزار پولیس افسران و ملازمین کو سزائیں دی جاتی ہیں لیکن عوام سے بہتر رویہ کے حوالے سے نتیجہ صفر ہے ہمارا دین لوگوں سے بہتر برتاو کی تعلیم دیتا ہے۔ ٹارچر_ قبضہ مافیا اور جرائم پیشہ افراد کی سرپرستی کرنے ملازمین کی محکمے میں کوئی جگہ نہیں ہے۔ محکمہ پولیس کو کالی بھیڑوں سے پاک کیا جائے گا۔پولیس ملازمین کے لاء اآینڈ آرڈر الاونس میں اس بجٹ میں اضافہ کی سفارش کی جائے گی۔