محسن حسن خان نے پی سی بی کی کرکٹ کمیٹی کی سربراہی سے استعفیٰ دے دیا
باغی ٹی وی رپورٹ کے مطابق . محسن حسن خان نے پی سی بی کی کرکٹ کمیٹی کی سربراہی سے استعفیٰ دے دیا. انہوں نے استعفی دینے کو ذاتی وجوہات قرا ر دیا.ان کا استعفی چیئرمین پی سی بی نےقبول کر لیا . ان کی جگہ ایم ڈی وسیم خان کمیٹی کے سربراہ ہوں گے.
واضح رہے کہ قومی کرکٹ ٹیم کی ناقص کارکردگی کے بعد کرکٹ ٹیم سمیت تمام انتظامیہ شدید تنقید کا شکار ہے اور اس سے پہلے ہی پورے ڈھانچے میں بڑی تبدیلیوں کی توقع کی جارہی تھی.
وزیر اعظم کے مشیر برائے موسمیاتی تبدیلی ملک امین اسلم نے کہا ہے کہ کلائمیٹ سمارٹ ایگریکلچر پالیسی پر تیزی سے کام جاری ہے اور تکمیل کے مراحل میں ہے۔ بہت جلد اس پالیسی کو کابینہ کی منظوری کیلئے پیش کر دیا جائے گا۔ موسمیاتی تغیرات اور عالمی حدت میں اضافے کے باعث زرعی شعبہ میں بنیادی تبدیلیاں لانا ہوں گی۔ پاکستان کو ایسی زراعت کی ضرورت ہے جو موسمیاتی تبدیلیوں کے خلاف مزاحمت کر سکے۔
باغی ٹی وی کی رپورٹ کے مطابق ان خیالات کا اظہار انہوں نے عالمی ادارہ برائے خوراک و زرات کے وفد سے گفتگو کرتے ہوئے کیا۔ گذشتہ روز عالمی ادارہ خوراک و زراعت کے وفد نے وزارت موسمیاتی تبدیلی کا دورہ کیا اور وزیر اعظم کے مشیر برائے موسمیاتی تبدیلی ملک امین اسلم سے ملاقات کی۔ وفد کی قیادت ایف۔اے۔او کی پاکستان میں سفیرمحترمہ مینا دولت شاہی کر رہی تھیں۔ وفد نے بتایا کی عالمی ادارہ ِخوراک وزراعت 47.69 ڈالر کی لاگت سے پاکستان میں کلائمیٹ مزاحمتی زراعت پر مشتمل پروگرام چلائے گا۔ یہ پروگرام پنجاب اور سندھ کے آٹھ اضلاع میں چھے سال میں مکمل ہوگا۔ منتخب اضلاع خانیوال، لودھراں، ملتان، ڈیرہ غازی خان، عمرکوٹ، سانگھڑ اور بدین ہیں۔ وفاقی وزیر نے وفد کو بتایا کہ پاکستان میں زراعت ڈھائی کروڑ سے زائد لوگوں کا زریعہ معاش اور بائیس کروڑ لوگوں کیلئے زریعہ خوراک ہے۔ بدلتے موسمی رویوں اور اس کے نتیجے میں زرعی شعبے میں ہونے والی تبدیلی ایک ایسا عمل ہے جس سے نمٹنا حکومت کیلئے اکیلے مشکل ہے۔
سفیر نے بتایا کہ عالمی ادارہِ خوراک و زراعت اس ضمن میں مکمل تعاون کرے گا۔ انہوں نے پاکستان کے 1 ارب اور 10 ارب درخت لگانے کے منصوبوں کی بھی تعریف کی اور مسرت کا اظہار کیا کہ پاکستان موسمیاتی تبدیلی کے اثرات سے نمٹنے کیلئے پہلے ہی تیاری کر چکا ہے۔ وفدنے بتایا کہ ادرہ خوراک و زراعت کا مجوزہ پروگرام ہائی ٹیکنالوجی سے لیس ہو گا اور کسانوں و پالیسی سازوں کو بنیادی اور اہم معلومات پہنچائے گا۔ یہ پروگرام وادیِ سندھ کے موجودہ زرعی نظام کو مضبوط بنائے گا اور کسانوں کو موسمیات مزاحمتی زراعت اور کھیت کھلیان بہتر آبی نظام کی تربیت فراہم کرے گا۔ اس پروگرام کا دائرہ کار 2 لاکھ زرعی گھرانوں اور 13 لاکھ آبادی پر مشتمل ہوگا۔ جبکہ منتخب 8 اضلاع کے 1 کروڑ 60 لاکھ لوگ بالواسطہ طور پر مستفید ہونگے۔ وفد نے بتایا کہ مذکورہ پرجیکٹ ساز گار ماحول پیدا کرنے میں مدد کرے گا جس میں ریاستی اور غیر ریاستی عناصر مل کر اس پروگرام کو کامیاب بنائیں گے۔ اس پروگرام کے تحت متاثرہ کسانوں کی قرضوں تک رسائی بھی ممکن بنائی جائے گی۔ وفاقی وزیر نے حکومت پاکستان کی موسمیاتی تغیرات سے تمٹنے کی کوششوں میں ادارہ برائے خوراک و زراعت کا شکریہ ادا کیا اور پروگرام کو کامیاب بنانے کیلئے ہر ممکن تعاون کا یقین دلایا۔
محمد اویس
خوشاب،سرگودہا(نمائندہ باغی ٹی وی)ضلع چکوال سے لاپتہ ہونے والا بزرگ 80سالہ غلام محی الدین تھانہ خوشاب کے ایس ایس ایچ او راجہ ارشد عباس محرر عنایت اور سب انسپکٹر عنصر عباس جوڑا نے جدید ٹیکنالوجی استعمال کر تے ہوے اسکے لواحقین تلاش کیےاور بزرگ کو اسکے پوتے سعد مرتضی کے حوالے کیا سعد مرتضی کا کہنا ہے پولیس میں خوبیاں موجود ہے ہم دعاگو ہیں خوشاب پولیس کیلے جنہوں نے ہمارا تین ماہ سے لاپتہ بزرگ کو ہمارےحوالے کیا اس موقع پر ایس ایچ او راجہ عباس نے بزرگ کو ایک قمیتی سوٹ کپڑوں کا حوالے کیا لواحقین نے پولیس کیلئے لاکھ لاکھ دعائیں کیں
قومی اسمبلی میں بہاولپور سے تحریک انصاف کے ممبر محمد فاروق اعظم ملک نے پوائنٹ آف آڈر پر بات کرتے ہوئے کہا کہ دو دن قبل ملتان سے آتے ہوئے پی آئی اے کی بس جو مسافروں کو لاؤنج سے جہاز تک لے کر جارہی تھی اس کا اگلا پہیہ نکل گیا اور وہ رگڑتے ہوئے جہاز تک گئی اورحادثے سے بال بال بچ گئی .
باغی ٹی وی کی رپورٹ کے مطابق محمد فاروق اعظم نے کہا کہ 682 پی آئی اے کا طیارے کے لیے مسافروں کو لاتے ہوئے بس کا اگلا پہیہ نکل گیا جس سے بڑاحادثہ ہو سکتا تھا. اس پر انکوائری کی جائے کہ یہ حادثہ کیوں ہوا ہے. وزیر ہوابازی غلام سرور نے جواب دیتے ہوئے کہاکہ دو دن میں انکوائری کرکے ایوان کو آگاہ کردیں گے. اگر معزز ممبر اگر پہلے بتادیتے تو میں اس کی رپورٹ ایوان میں اور ان کو اس سے آگاہ کردوں گا.
محمد اویس
چنیوٹ
ڈسٹرکٹ ہیڈ کوارٹر ہسپتال چنیوٹ انتظامیہ مریضوں کو زندگی کی بجائے موت کی طرف دھکیلنے لگی چنیوٹ کے سب سے بڑے سرکاری ہسپتال میں مریض آج بھی علاج معالجے کیلئے دربدر کی ٹھوکریں کھانے پر مجبور محکمہ صحت چنیوٹ اور ضلعی انتظامیہ کی عدم توجہی کے باعث ڈسٹرکٹ ہیڈ کوارٹر ہسپتال میں تاحال وینٹی لیٹر مشینیں نصب نہ ہو سکیں
ضلع چنیوٹ کے اکلوتے بڑے سرکاری ہسپتال میں طبی سہولتوں کا فقدان مریضوں کیلئے موت کا سبب بننے لگا ہے ڈی ایچ کیو ہسپتال آنے والے سینکڑوں مریض وینٹی لیٹرز کی سہولت نہ ہونے سے فیصل آباد آلائیڈ ہسپتال اور دوسرے شہروں کا رخ کرنے پر مجبور ہیں جس کی وجہ سے انہیں شدید مشکلات کا سامنا کرنا پڑ رہا ہے ایم ایس ڈسٹرکٹ ہیڈ کوارٹر ہسپتال چنیوٹ اور اسپتال انتظامیہ اس اہم ترین مسئلہ پر مجرمانہ غفلت کا مظاہرہ کرنے کے ساتھ ساتھ غریب مجبور لاچار بے بس مریضوں اور ان کے لواحقین کے ساتھ ہتک آمیز سلوک اپنائے ہوئے ہیں۔ مشکلات سے دوچار مریضوں اور ان کے لواحقین نے مطالبہ کیا کہ ڈسٹرکٹ ہیڈ کوارٹر ہسپتال چنیوٹ وینٹی لیٹرز مشینری نصب کر کے وینٹی لیٹرز ٹیکنیشن بھرتی کیے جائیں تاکہ دور دراز علاقوں سے آنے والے مریضوں کو مشکلات کا سامنا نہ کرنا پڑے
سابق صدر آصف زرداری نے کہا ہے کہ کپتان کی حکومت چیرمین نیب کو بلیک میل کررہی ہے ،ہمارے ساتھ جو اچھا کرے اس کا بھی بھلا، جو اچھانہ کرے اس کا بھی بھلا،موجودہ حکومت کو نکالنے کیلیے سیاسی قوتوں کو آگے آنا ہوگا ،سیاسی قوتیں نہیں آئیں گی تو کوئی اور آئے گا،
ایک ہفتے کی جیل کے بعد زرداری کی بس ہو گئی، اسمبلی میں کیا کہہ دیا؟ بڑی خبر؟
شہباز شریف نے قومی اسمبلی میں کی نواز شریف کی مخالفت، اہم خبر
نیب کے بعد عدالت میں میڈیکل آفیسر نے جمع کروایا جواب، کہا نواز شریف کو……اہم خبر
باغی ٹی وی کی رپورٹ کے مطابق آصف زرداری نے پارلیمنٹ ہاوس میں پریس کانفرنس سے خطاب کرتے ہوئے کہا کہ مجھ پرجتنے مقدمات چلانے ہیں چلائیں لیکن 80 سال کے بزرگوں کا خیال رکھیں، آصف زرداری کا مزید کہنا تھا کہ ہم جیل جا جا کر نہیں تھکے، یہ باہر رہ کر تھک گئے،میں جیل میں ہوں میرے حوصلے بلند ہیں باہر والے پتا نہیں کیوں تھک گئے ہیں، آصف زرداری نے مشیر خزانہ کو تنقید کا نشانہ بناتے ہوئے کہا کہ باہر سے آئے ہوئے وزیرخزانہ کو ملکی معیشت کا علم ہی نہیں ،زرداری نے مزید کہا کہ ہم کسی کو دبانے والے نہیں، پیار کرنے والے لوگ ہیں،میں نےتووہ جیلیں دیکھی ہیں جوکسی اورنےنہیں دیکھیں ،بلاول زرداری کے حوالہ سے آصف زرداری نے کہا کہ بلاول کی پالیسی جذباتی ہے میری پالیسی ٹھنڈی ہے اگر تحریک ہم نہیں چلائیں گے تو کوئی اور چلائے گا
نواز شریف کی بیماری کا علاج جیل میں نہیں ہو سکتا، ڈاکٹر کا انکشاف
میں پیر یا ولی نہیں لیکن عمران خان کے ساتھ کیا ہونیوالا ہے ؟ نواز شریف نے کیا کہہ دیا
سرگودھا(نمائندہ باغی ٹی وی) پولیس کی جرائم پیشہ عناصرکے خلاف بڑی کارروائی۔ڈکیتی، راہزنی اور موٹرسائیکل چوری میں مطلوب 6 خطرناک گینگ کے 21ارکان گرفتار۔ 1کروڑ12لاکھ 79ہزار 700روپے کا مال مسروقہ برآمد
Aڈسٹرکٹ پولیس آفیسرحسن مشتاق سکھیرا نے سٹی اور صدر سرکل میں خصوصاً وارداتوں کا نوٹس لیتے ہوئے ایس ڈی پی اوسٹی خالد حسین تارڑ اور ایس ڈی پی او صدر اخترعلی کی نگرانی میں ایس ایچ او تھانہ کینٹ انسپکٹر فضل قادر حال انسپکٹر سیکورٹی،ایس ایچ او تھانہ صدرSI ظفر حسین، ASI سرفراز احمد CIA سٹاف اورASI محمد اعجاز انچارج اینٹی کارلفٹنگ سٹاف پر مشتمل خصوصی ٹیمیں تشکیل دیکر سنگین وارداتوں میں ملوث ملزمان کی گرفتار ی اور عوا م الناس سے چھیناگیا مال برآمد کرنے کا حکم دیا۔ جنہوں نے اپنی ٹیموں کے ہمراہ کامیاب ریڈ کرکے ڈکیتی، رہزانی، نقب زنی اورموٹرسائیکل چوری میں ملوث چھ خطرناک گینگ جن کے سرغنہ محمد علی عرف علی حسن، یاسر رضا، اظہر اقبال، مبشر حسن، محمد عرفان، شاہ رخ سمیت 21ملزما ن کو گرفتارکرلیا۔جنہوں نے سنگین نوعیت کی63وارداتوں کا انکشاف کیا ہے۔ ملزمان کے قبضہ سے مسروقہ نقدی79لاکھ 78ہزار 800روپے، 1کار، 29موٹرسائیکل، زیورات، موبائل فون ونقدی کل مالیت 1 کروڑ12 لاکھ79ہزار 700روپے برآمد کرلیے گئے ہیں۔ وارداتو ں میں استعما ل ہونے والا اسلحہ ناجائز بھی برآمد کرکے ملزمان کے خلاف الگ الگ مقدمات درج کرلیے گئے ہیں۔اس سلسلہ میں ایک پریس کانفرنس کا انعقاد کیا گیا جس سے خطاب کرتے ہوئے ڈی پی او سرگودہا حسن مشتاق سکھیرا نے کہا کہ عوام الناس کی جان ومال کی حفاظت کرنا پولیس کی اولین ذمہ داری ہے۔ملزمان کی گرفتاری ایک بڑا چیلنج تھا جسکو تمام تروسائل اور جدید ٹیکنالوجی کا استعمال کرتے ہوئے گرفتارکیا گیا۔ اس موقع پر ڈی پی او سرگودہا نے ایس ڈی پی اوسٹی، ایس ڈی پی او صدر،ایس ایچ او تھانہ کینٹ، ایس ایچ او تھانہ صدر، سی آئی اے سٹاف،انچارج اینٹی کارلفٹنگ سٹاف اورانکی ٹیموں کو اچھی کارروائی پر شاباش دیتے ہوئے تعریفی سرٹیفکیٹ ونقدانعام دینے کا اعلان کیا اور کہا کہ آئندہ بھی سرگودہا پولیس جرائم پیشہ عناصر کا قلع قمع کرکے اپنے اولین فرض لوگوں کے جان ومال کے تحفظ کو یقینی بنانے کیلئے ہر ممکن کوشش جاری رکھے گی۔
وفاقی وزیر تعلیم شفقت محمود نے کہا ہے کہ ایک پارٹی کا رہنما تو سزا کاٹ رہا ہے اور نا اہل ہوچکا ہے شہباز شریف جسٹس قیوم کو فون کر کے ہدایات دیتے ہیں
نواز شریف سے ملاقاتوں پر پابندی فسطائی سوچ ہے.شہباز شریف
باغی ٹی وی کی رپورٹ کے مطابق وفاقی وزیر تعلیم شفقت محمود نے ایوان میں اظہار خیال کرتے ہوئے کہا کہ اپوزیشن لیڈر نے فاشزم کی بات کی ،ان کے دور میں 2176 لوگ ماورائےعدالت مار دیئے گئے .ان کے ہاتھوں پر خون کے دھبے ہیں جو آسانی سے نہیں دھلیں گے، انہوں نے کہا کہ ان کی حکومت نے سپریم کورٹ پر حملہ کیا اور جمہوریت کی بات کرتے ہیں ،شفقت محمود کا مزید کہنا تھا کہ شہبازشریف جسٹس قیوم کو فون کر کے ہدایات دیتے ہیں، سیف الرحمان بےنظیر کو سزا دینے کے لیے جج کو فون کرتا ہے،انہوں نے کہا کہ کیا چھانگا مانگا بھول گئے،یہ خریدو فروخت کی سیاست انہوں نے شروع کی ،جاتی امرا کے گرد 76 کروڑ کی دیوار بنا دی گئی،
شہباز شریف نے قومی اسمبلی میں کی نواز شریف کی مخالفت، اہم خبر
نیب کے بعد عدالت میں میڈیکل آفیسر نے جمع کروایا جواب، کہا نواز شریف کو……اہم خبر
نواز شریف کی بیماری کا علاج جیل میں نہیں ہو سکتا، ڈاکٹر کا انکشاف
میں پیر یا ولی نہیں لیکن عمران خان کے ساتھ کیا ہونیوالا ہے ؟ نواز شریف نے کیا کہہ دیا
معروف برینڈز کی پاکستان میں چلتی پھرتی گاڑیاں ارزاں موت بانٹتی پھرتی مشینیں ہیں.ان سے ارباب اختیار کب عوام کو نجات دلائیں گے.
باغی ٹی وی رپورٹ کے مطابق سینئر صحافی و اینکر پرسن مبشر لقمان نے پاکستان کے اندر معروف برینڈز کی گاڑیوں پر پرگرام کرتےہوئے انتہائی اہم موضع کو اجاگر کیا کہ بڑے بڑے نام جیسے سوزوکی،ہونڈا، ٹیوٹا وغیرہ ہیں اور ان کے بڑے بڑے نام اور دعوے ہیں.لیکن حقیقت میں یہ چلتی پھرتی موت بانٹتی پھرتی مشینیں ہیں.
حالیہ رمضان میں پی پی پی کے سینئر رہنما قمر زمان کائرہ کے بیٹے کی روڑ حادثے پر دل خراش وفات پر ملک بھر میں سوگواری کا ماحول تھا.وہ اپنی گاڑی ٹیوٹا سیلون سے اس وقت حادثے کا شکار ہوئے جب اچانک کسی راہ گیر کو بچاتےہوئے گاڑی موڑنے کی کوشش کی .
کمپنیا ں اگرچہ اس پر اورایسے واقعات پر اوور سپیڈ کا عذر پیش کرتی ہیں اپنا دامن بچا لیتی ہیں لیکن ان گاڑیوں کے لیے اب تک روڑ سیفٹی فیچرز متعارف نہیں کروائے گئے.ان گاڑیوں کے سپیئرپارٹس اگرچہ باہر سے منگوائے جاتے ہیں لیکن ان کو اسیمبل مقامی طور پر کیا جاتا ہے. اسیمبلنگ کا معیار ناقص ہے.
اینکر پرسن مبشر لقمان نے مزید کہا کہ اگر ایسے واقعات ترقی یافتہ ممالک میں ہوتے تو تصور کیجیے ان کے ساتھ کیسا سلوک ہوتا .انہوں نے مزید کہا کہ ملک کے اندر جیسے لینڈ مافیا ، ڈرگ مافیا ، فارما مافیا، چینی مافیا، سیمنٹ مافیا ا ور بہت سے مافیا ہیں ایسے ہی آٹو مافیا بھی بہت مضبوط ہے ارباب اختیار کوآٹو مافیا کو بھی قابل مواخذہ بنا کرعوام کی سستی جانوں کا تحفظ کرنا چاہیئے.
امیر قطر کے دورہ پاکستان میں تبدیلی کر دی گئی، امیر قطر شیخ تمیم بن حمد الثانی ہفتہ کو پاکستان پہنچیں گے
باغی ٹی وی کی رپورٹ کے مطابق امیر قطر شیخ تمیم بن حمد الثانی پاکستان کے دورہ پر آ رہے ہیں ، ان کے دورہ کے حوالہ سے حکومت پاکستان نے تیاریاں و انتظامات کر رکھے ہیں. امیر قطر ہفتہ کی شام کو پاکستان پہنچیں گے وزیراعظم پاکستان عمران خان و دیگراعلیٰ حکام امیر قطر کا استقبال کریں گے. انہیں وزیراعظم ہاوس میں گارڈ آف آنر پیش کیا جائے گا، امیر قطر کی وزیراعظم ہاؤس میں وزیراعظم عمران خان سے ون آن ون ملاقات کے بعد وفود کی سطح پر مذاکرات اور مفاہمت کی یاد داشتوں پر دستخط ہوں گے ۔ وزیراعظم امیر قطر کے اعزاز میں عشائیہ بھی دیں گے. وہ ایوان صدر میں صدر مملکت سے بھی ملاقات کریں گے .امیر قطر کا نتھیا گلی جانے کا پروگرام منسوخ کر دیا گیا ہے.
واضح رہے کہ امیر قطر شیخ تمیم بن حمد الثانی کو وزیراعظم پاکستان نے دورہ پاکستان کی دعوت دی تھی. ان کے دورہ میں بائیس ارب ڈالر کی سرمایہ کاری کا امکان ہے.